الأستاذة دينا خالد،لك مني تحية ولضيوفك، بوستاتك بالجد بتعجب وبتتطرق لمواضيع مهمة تستحق تسليط الضوء عليها ومناقشتها وما عارف بوصلتك البتهديك ليها جبتيها من وين. اول مره أشاهد هذا الفيديو بس الواقعة معروفه ومنشوره. الشىء المحير أن هذا العرض قد تم كاملا غير منقوص ويبدو الجماعه ديل خموهم بعد ان تمت فعليات العرض حتى نهايتها. الشغل يبدو عليه عمل بروفشنال من كل النواحي ووراءه شركات وبيوتات فاشن وقد تم في مكان عام وأمه جمع كبير من الناس وأخشى أنه حصل على تصريح كمان.الشيء المحير فعلا لماذا الكشة يبدو لي ليس من داع لها، وإذا مبرر ذلك بالإختلاط فإنه تم فى مكان عام كما يتم في الجامعات والمستشفيات والمطارات وما شابه.الم يرى من أمر بالكشة الناس تتبول بل وتقضي حاجتها في شوارع بعض ألأسواق في عاصمتنا الحضارية وعلى عينك يا تاجر يتحررون من سراويلهم على قاعة الطريق وفي أماكن مزدحمة بالمارة ولا أحد يقول لهم ماذا تفعلون، ومن يغالط في هذا الأمر عليه بزيارة سوق ليبيا ليرى أكبر عرض علني لقضاء الحاجة وفي الهواء الطلق، لماذا لا يعتبر مثل هذا عملا فاضحا يستوجب ألاعتقال والمساءلة؟المحير أكتر أن تكون في حكومة شغالة بأمور زي دي في حين أنه في اشياء أكتر أهمية وإلحاحا وما حدي جايب ليها خبر. واذا المكياج هو السبب، ده من ضروريات التصوير بالفيديو وحتى في التلفزيون بعملو. خلاصة تعليقي أن هذا العمل كما في الفيديو ترويج تجاري لا غير، وهل إذا تم عرض منفصل للرجال والنساء سيصبح مقبولا لمن أمر بالكشة.
بعدين الشباب العارضين إذا لاقين ليهم شغله أحسن من دي أكيد ما ببقو عارضين أزياء ولا حتى البنات!!!
الفيديو الجيتيهو دا الجزء الأول وفي جزئين آخرين و رابع مكمل.
Quote: دا طبعا قبل ماتجى عربية النظام العام وتخمهم كلهم لى قسم شرطة الديوم الشرقية ....
بعد مشاهدة العرض كم مرة برضو لسا ما عارف الشباب ديل خموهم كلهم عشان شنو
هسي قبل سنة 89 مش ناس الشرطة وأمهاتنا واخواتنا وخالتنا وحبوبتنا كانو بلبسو كدة وبرضو كانو مسلمين و ما كان في أي مشكلة!
أنا البحيرني ناس الشرطة ديل يكون ما قعدين يعينو لصور حبوبتنا الجميلات ديل, فخر الشرطة الصورم معلقة علي حيط مكاتبم والقصر الجمهوري. ولا يكون قلعو الصور ديل من الحيط وشالوهم من كتب تاريخ الشرطة ، ذي ناس طالبان و قت هدمو أثار كابول التاريخية. تخريمة: الناس الواقفين يتفرجو باستمتاع لعرض الشرطيات ديل مش هم ناس الشرطة ذاتم؟
Thank you once again Khalidkeba
**** إضافة: إنتخب ديمقراطي ذي صاحبي حمد ****
03-01-2013, 07:58 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
غايتو انا كواحد من الناس الآوت أوف كاجوال بقول ده ألذ عرض (أشخاص) سوداني قابلني و(ألذ) دي جاية من أنو اساساً هو الاوحد ... عجبوني حاجتين ...الشاب الجه نص حفيان ولابس سفنجة .خلاني أفكر الزول ده ليه عمل كدة ثُم و ففففففجأتن طلع السفنجة من مكان ما وكسر لي الدش في يدي العجبني التاني الشاب الجه ورانا صُرّته ده .تاني قام قفلها :( ....تاني قام فتحها فماعرفت انو داير يورينا ليها ولا داير مايورينا ليها ..! اللفت نظري مشاركة الليديز ... زي مشاركة القوى الاخرى في حكومة المؤتمر الوطني وزراءهم جيتهم زي عدم جيتهم ...ممكن غياب سيد البوفيه يؤثر أكتر من غيابهم
03-01-2013, 09:21 AM
أحمد ابن عوف أحمد ابن عوف
تاريخ التسجيل: 04-26-2010
مجموع المشاركات: 7610
دينا اللقطة في الدقيقة 8.32 وما بعدها ...العارض جاء بكراع حفيانة وكراع لابسة، بعدين طلع من الشنطة فردة السفنجة...يعني لو فرضا انو انا اشتريت المنتج دا، قطعتين الملابس والشنطة وجوز السفنجة...اجي ماشي في الشارع رجل لابسة ورجل حفيانة ولما اشوف ناس اطلع السفنجة من الشنطة ..ولا كيف؟
بعدين مش دا عرض ازياء (سوداني) ..ما شفت اي زي لشيل فاتحة!!.. او زي لقعدة في الكرسي على الشارع.... وهلم جنا
03-01-2013, 11:24 AM
jini jini
تاريخ التسجيل: 02-05-2002
مجموع المشاركات: 30720
لو كنت بوليس سوداني كنت عملت ليهم كشّة برضو ما ممكن ألوان وتطقيم. التمانينات يعملوا بيها عرض في الألفينات أخضر فاتح اخضر غامق مسئول الدورية بكون أتضايق من هرجلة الألوان .. //
Any way الشرطة عندنا غي خدمة الشرّ
03-01-2013, 03:39 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
عيييييييييييييييك على قولة المرحوم بشاشا ... البوست دا ربا كدا متين ...
جابت ليها عماد عبدالله كمان ؟ لوووووووب
يا النعمة ياخ ابهجت البوست والله واطلب من الجميع الرجوع للصفحة الاولى لمشاهدة الحفل كلو شكرا يا النعمة ياخ ... وبعدين يااا النعمة كلامك كلو حلو وفى التنك فى داعى كان تتبظها بى دى
Quote: بعدين الشباب العارضين إذا لاقين ليهم شغله أحسن من دي أكيد ما ببقو عارضين أزياء ولا حتى البنات!!!
انت قديم خلاص .. قايل العارض دا شغل حيرا ؟ العارضين من اثرى اثرياء العالم وشغلة ما بطرقها اى زول مع العلم والدراسة والتاهيل لازم كمان تكون خلقة الله مساعداك ... قايل شنو !!!
Quote: انت قديم خلاص .. قايل العارض دا شغل حيرا ؟ العارضين من اثرى اثرياء العالم وشغلة ما بطرقها اى زول مع العلم والدراسة والتاهيل لازم كمان تكون خلقة الله مساعداك ... قايل شنو !!!
بقوليك با أستاذه أنا عارف ان العارضين من أثرى الأثرياء وكمان مشاهير - سلبرتيز- يحتفى بهم ايضا، بس أكيد الكلام ده مافي السودان ولا حيكون في هذا الجيل ولا الجايي وحسبك ما حدث لهؤلاء الشباب.يعني كلامي أخديه في إطار وسياق مفاهيم سودانية.وأيضا قلت ذلك لأنه الشباب المؤهل والغير مؤهل ما لاقي الوظيفة التملأ فراغه فقط وأكيد لا تملأ جيبه إذا وجدت.
ولك تحية
03-01-2013, 03:44 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
طارق يا جبرين ... والله انا ضحكتتتتتتا من ضحكتك دى وعارفه كمية الخبث الفيها .... وقايلاك سامعنى وشوفتها .. عشان كدا بكون نسيت ارد عليك وانت انت بتتنسى !
خالد كيمبا هسه يجوك ناس مباحث الصور يقولوا ليك الصورة دى من تشاد ولا الكنغو .... لكن انا مجهزا ليهم اجابتى .. ح اقول ليهم خلاص خلوها بتاعت كيمبا المضروبة دى كل زول يمشى يعاين لى صورة امه بتاعت العرس ... لك كاميرا ما عنهن ؟؟؟؟؟
03-01-2013, 03:48 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: اللفت نظري مشاركة الليديز ... زي مشاركة القوى الاخرى في حكومة المؤتمر الوطني وزراءهم جيتهم زي عدم جيتهم ...ممكن غياب سيد البوفيه يؤثر أكتر من غيابهم
هههههههها قصدك الاولاد كانوا احلى واقوى مما كان العدو يتصور وخطفوا الاجواء حتى صار وجود الصبايا كعدمه ؟؟
ياسر وابو عوف الرسول فيكم كان ما شفتو باقى العرض النزلو النعمة فى الصفحة الاولى ...
ــــــــــــــــــــــــــ عارفااااكم ما دايرين ليكم خسامة ....
03-01-2013, 04:59 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا دينا نادي ابولو اسي بقى اسمو النادي العائلي النادي الوطني حاليا العربي سابقا دا تابع للامن, يعني لو العرض كان فعلا في النادي الوطني ناس البوليس كان صرفوا نظر من مسألة الكشة دي نهائي بعدين صاحب الفيديو دا حقو كان يمنع التعليقات في صفحة اليوتيوب في تعليقات خادشة خلاص هناك :)
03-01-2013, 05:27 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
ترجمة غير رسمية لكلام هشام امين سلامات دينا (دى عشان الاس القدام سلام ) ... الاستعمار لم تعد وسائله الجيوش والبوارج، والهجوم على جغرافية الحدود، لا .. ال فكرة تحولت الاستعمار يعتمد الآن على مهاجمة البنية الاجتماعية من خلال الإمبريالية الثقافية ....
صدق هشام انيى وايى ... الشريف بركات
Quote: بعدين مش دا عرض ازياء (سوداني) ..ما شفت اي زي لشيل فاتحة!!.
يعنى كدا كدا الموت دا ما دايرين تبطلوا ؟؟؟ طيب لوم لى المكفكفة دى ! مش بتنفع لى حفر ود اللحد ؟؟؟ دايما يا شريف شوف الجزء السمح من الكوب ...
النجييييييييييييضة ... اداها ليكم جنى .....
03-01-2013, 06:23 PM
Mohammed Sedeq Mohammed Sedeq
تاريخ التسجيل: 01-08-2013
مجموع المشاركات: 735
Quote: ثم ثانيا انا في اوروبا دي جاني عرض اني اكون عارض ازياء ورفضت وقلت ليهم بلا عرض ازياء بلا مسخرة معاكم اها شنو ليك انتي قايلاني هين ولا هين والله صحي
يعني رفضت انك تكون شماعة هدوم متحركة؟ كلامك سمح بلحيل ..مالك ومال محطة الدايات؟ مع انو اخونا الجعلي لو انتبه للحتة دي كان نزل في محطة الحارة 651
طيب ليه ما نستفيد من التنكولوجيا ونخلى ناس النظام العام يرتاحوا بدل الجدل والغاغا عنوان البوست ونستخدم للشغلانة دي (روبوت) و (روبوته)
03-01-2013, 08:20 PM
Mohammed Sedeq Mohammed Sedeq
تاريخ التسجيل: 01-08-2013
مجموع المشاركات: 735
Quote: بركات اخوي دي شغلة فترانة ما شغلة رجال اولاد ناس.....
لي كدة يا محمد صديق اخوي ؟؟؟؟؟ يا محمد رايك ده ما ممكن أبدا يكون راي زول "إفريقي" عايش في اوروبا. يا خي كدة بتقوول لينا انك إنت زول ما عادل وما إستفدت من أبسط مبادئي الحياة في اوروبا واللهي إحترام الانسان أيا كان وحفظ حقوقة. ما ممكن عشان إنت ما بتحب تتمهن مهنة عارضي الأزياء تتطلع عارضي الأزياء كلهم ما أولاد ناس!!!، لا يا محمد صديق كدة عيب.
كل الاحترام والتقدير Khalidkeba *****محمد أخوي ....هل إنت محمد صديق حقنا بتاع برلين، ألمانيا؟
03-02-2013, 00:35 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
دينا خالد
طارق جبريل
حمد عبد الغفار عمر
وضاح عبدالرحمن جابر
تيسير عووضة
الجنيد حمد
سامى عبد المطلب
أحمد ابن عوف
Hani Arabi Mohamed
عبدالعزيز الفاضلابى
الامين موسى البشاري
Abureesh
خضر الطيب
خالد كيبا
Ahmed musa
Emad Abdulla
Mohammed Sedeq
jini
Hisham Amin
ALZOLZATOO
محمد البشرى الخضر
تبارك شيخ الدين جبريل
محمد عبد الماجد الصايم
فيس بوك
تويتر
انستقرام
يوتيوب
بنتيريست