|
Re: يا عصام على احمد .. تاني تجو الحلة ؟.... ظووووووووووط (Re: وليد محمد المبارك)
|
سلام يا وِلِّي ... مع إني بشجع برشلونة ...
بس والله أمبارح كانوا زي الدراويش ... والريال كانوا بيقاتلوا بشراسة للفوز ...
تعرف أيِّ مدرِّب يركز على تعطيل ميسي ... يكسب المباراة ..
أمبارح ميسي ما عمل حاجة في المبارة غير الفاول الشاتو بإحترافية عالية وخانو الحظ ..
ما كان في برشلونة غير إنيستا ... الباقين دراويش تايهين في السوق ...
مبروووك ليكم الفوز المستحق ... والريال كان فريق ملكي بحق وحقيقة أمبارح ...
| |
|
|
|
|
|
|
Re: يا عصام على احمد .. تاني تجو الحلة ؟.... ظووووووووووط (Re: حيدر بشير)
|
امبارح فقدت اعصابي وعملت رايح السينمائي عبدالرحمن نجدي اتصلت عليهو مع ضربة الجزاء قال لي اليوم يومك نحن مغلوبين وانا بثق في حدسو وفعلا غلب خلاني ارقص الله ورقبتي الحاجة وولدها في السودان اها انابراي في الغرفة وهاك يا كوراك وشئ مفردات خارج السياق ربنا ماسمعه ليكم يعني كده من الاخر انا مرقت من الناس اولاد الناس والعندهم اخلاق كمين مرة اتغلبنا وكمين مرة اتبشتنا ياعصام على الليلة وووب وباقي الحاجات تمها براك اي ماعندي اخلاق عليك الله امشي اشتكيني عند القاضي كااااااااك
| |
|
|
|
|
|
|
Re: يا عصام على احمد .. تاني تجو الحلة ؟.... ظووووووووووط (Re: عمر الفاروق)
|
دي زي هجمتي انا يوم مباراة المريخ في احتفالو بي لعيبتوالجداد الساعة سيدا ضرب الباص فوق المدافعين مقشره وشاله المهاجم الطويل بتاعهم وشاله وجاب القون بس اخووك طرت فوق ودورت واكورك سيدا سيدا بعد شوية فكرت ليك لي روحي هي انا بشجع في اللون الاصفر ده واتلفت مالقيت زول جاب خبر سكت وقعدت بي ادبي ياقي المباراة لكن ضحكت لامن امين المكتبة جاني جاري قال لي احكي لي النكتة الضحكت قلت ليهو ده واحد حبيبنا عامل فيها ابوتريكة امام الساجدين في هدف ريال مدريد تضحك ايامك وتضحك ليك الدنيا
| |
|
|
|
|
|
|
Re: يا عصام على احمد .. تاني تجو الحلة ؟.... ظووووووووووط (Re: أبو ساندرا)
|
مالكم يا جماعة على قريبى ده ؟ شابكنو ظووووووووووووووووووووط تروووووووووووووووووووووووووط زووووووووووووووووووووووووووط ! فى شنو ؟ والله العظيم .. كلو ما يعيدوا زلقة بيول عندى واحد من أولادى مع الزلقة كده بعمل ليهو صوت غريب كده !! قلت لى بتعمل فى شنو ياولد ؟ قال لى ده ما أنا يا با .. ده بيول عندو حاجة إتشرطت ! و زووووووووووووووووووووظ والله يا السنى ! ،،،،،، خليها ساى !! تانى تجوا؟
| |
|
|
|
|
|
|
Re: يا عصام على احمد .. تاني تجو الحلة ؟.... ظووووووووووط (Re: عصام علي أحمد)
|
Quote: ياعصام على الليلة وووب وباقي الحاجات تمها براك اي ماعندي اخلاق عليك الله امشي اشتكيني عند القاضي كااااااااك |
ايامكم باسطه والله يالسنى
وانا عندى بوست شماته يوم الثلاثاء الفجر
وده بعد مانشستر يمسح بيكم الارض انشاء الله
الدورى حقنا بأمتياز والفارق 16 نقطة
ودورى الابطال حتشوف برشلونة الجد جد امام الميلان
بنعرف نرد اعتبارنا وبسرعة
خليك قريب وجهز دموعك للبكاء
| |
|
|
|
|
|
|
|