|
|
|
 Re: بورداب روما ... طلب مساعدة عاجلة ! (Re: ismeil abbas)
|
Quote: : ود الصايم انت رحلت من امبدة متين ؟
ولّه دى نقلية ساى وراجع ؟
ألأخت حليمة..كيفنك...مارجعتى لى ثانى؟؟
ألأخ/خالد سيكا ودالصايم يتشرف بام بده ونتشرف به.
أم بدة لنا أحسن من باريس لا داعى لتقليل المقامات....إحترامى للجميع. |
يا اسماعيل عباس يا حبيبى ... يا سمعه حليك معاى دقيقة ياخ .. لو سمحت انا عايز
اعرف خالد سيكا ده وين قلل من المقامات ؟؟ فى اى حته هنا بتشير لذلك ؟
لو لقيتا يبقى خالد سيكا ده قليل اصل وما عندو وطنية .. ده فيما يتعلق بخالد سيكا
اما بالنسبة لى انا الصادق سيكا قلت لى حبيبى ود الصايم واللى مقيم بالسعودية
الرياض ( ود الصايم انت رحلت من امبدة متين ؟
ولّه دى نقلية ساى وراجع ؟ )
فهل اذا استبدلت الرياض بامبده فى تقليل مقامات او موشحات ؟؟ يا حبيبى يا سمعه
ممكن تقرانى باى طريقة تريحك بس مش من العدل ان تحكم على بالقانون الفى جواك ..
وعندنا هنا فى نيويورك فى شارع فيهو كميه من السودانيين عارف سامنو ايه ؟
اسمو ( امبده حمدالنيل ) . فدا حسب فهمك فيهو تقليل مقامات ؟ وياتو المقللنو وياتو المكبرنو ؟؟
عموما انا اسف للعربى الكتير ده والله ما طالبنى حليفه ما بحب المجادلة فى الفاضى ولا عندى مزاج ليها
بس كنت عايز اقول ليك العبارة القلتها انا بكل فهم الناس والعالمين ما فيها تقليل بى شئ ولا كان فى خيالى
امبده بتاعتنا وانا عندى فيها اهل كتار جدا سواء كانت شمال او جنوب .وانا بيتى فى الحارة العاشرة محطة
اربعة . وانا جاى السودان قريب ولو ساكن جارنا وانت موجود فى السودان لازم تعزمنى .ولو ما عزمتنى
وحات سيدى الحسن ما اخليك يا سمعة .
عموما سمعة ياريت تكون فهمتنى .
اما ست البوست انا اسف والله ما قصدى اخرب البوست ولا حاجة بس حبيت اوضح حاجة وهى اصلن ما كانت محتاجة لتوضيح
..
اه يا ود الصايم شفت كيف .. انا خايف من ود جبرين تقوم انت تسيكنى بس الحمدلله ما كان فى قبولى
سناير غدارين منكم خوف
| |
  
|
|
|
|
|
| |
حليمة محمد عبد الرحمن
اسماء الجنيد
محمد عبد الماجد الصايم
الصادق سيكا
فايزودالقاضي
احمد حمودى
ismeil abbas
فيس بوك
تويتر
انستقرام
يوتيوب
بنتيريست