|
|
 إلى عيال الفيسي بوك: الجرادة في السِروال(النسخة الما أوسرية)
|
خلاص كجنتكم بي الله واحد يا عيال الفيسي بوك ياعملات السودامصرية*
المرة الفاتت إتكلمت معاكم بي أدب؛ لانو كنت خايفة (الخالة والدتي)** تكون لسع بتقرا سودانيز أون لاين، بعد خلاص إتاكدت إنو الموقع لسع محجوب جيت عشان نشوف أخرة الإستعفان دا شنو!!
الله غضب عليكم
سرقتو قصيدة (أديك سر خليك بعيد) قلنا ماااامشكلة القصيدة ما بطالة و بتعمل شغل كويس في ملف الزول لو كان طارح نفسو كشاعر رقيق رومانسي، لكن تسرقو (الجرادة في السروال) و ما تكتبو إسمي الريحتو عفنة دا، دي كتيرة و الله، ليه ياخ
حسع انا شكلي بقى تّافه جداً قدام القراء و الموعجبين، كل يومين جاية عاملة موضوع و ... وااي واااي سرقوني،واااي واااي ما كتبو إسمي في القصيدة ، ليه ياخ إنتو قايليني ما عندي هموم أوسرة و وطن و خالتي الوالدة***؟! يا عملات مرتضى المقبول لمن صحبو السقيل ضرب ليو و هو سكران و سجل المكالمة، حركة واطّية جداً بالمناسبة.
المهم
تاني لو سرقتو القصيدة دي بالذااااات ما تكتبو إسمي البيجيب ليكم الكاروشة دا، بس أبقو رجال و نسوان و على الأقل أكتبو إسم القصيدة زاتها!!
عليكم الله يا جماعة شوفو جنس دا!!
http://ar-ar.facebook.com/hootamanhota/posts/483860148317025
* أرجعو لي قصة السودامصرية في الرابط أدناه، عشان حسع انا رابطه وش الشكلة و ما عندي أخلاق أحكي القصة تاني:
إلى عيال ال (فيِ سي بوك): أديك سر؟!...خليك بعيد
** حكاية الخالة والدتي دي حكيتا زي طورشمية مرة و كان حكيتا ليكم هنا تاني دي بتبقى عّباطة و سّقالة.
*** دي ياها العباطة زاتا.
شفتو الوصلوني ليها عيال الفيسبوك؟!!!
عيال الفيسبوك الله لا تاجرم ولا جاب عقابم، ديل بقو لينا زي الجرادة في السِروال!!
جاياكم بي نص القصيدة لاحقاً
يتبع ياخ>>>>
|
|
 
|
|
|
|
|
|
|
 Re: إلى عيال الفيسي بوك: الجرادة في السِروال(النسخة الما أوسرية) (Re: محمد إبراهيم علي)
|
Quote: تحياتي يا حاجة
Quote: قصة الحركة الواطية بتاعة ود المقبول و صاحبه السغيل
شرحو
الا بس عندي طلب صغيروني كدة
القصة ومعاها تسجيل المكالمة ههههههههه |
حسع انا أعمل شنو؟!
يعني أقوم أحول عنوان البوستي دا لي (ما بين أزمة ود المقبول و سقالة صحبو السجل ليو لمن كان سكران) ولا أقوم أرمي نفسي بالبلكونة يا عملات رانيا (حبيبة سودانية)
للمرة الطورشين : الموضوع اللساسي بليز.
موصراني يأخواني.
| |
|
|
|
|
|
|
|
|
 Re: إلى عيال الفيسي بوك: الجرادة في السِروال(النسخة الما أوسرية) (Re: محمد البشرى الخضر)
|
Quote: معليش يا حاجة عارفك رابطة وش الشكلة وما عندك أخلاق لحكي و قصص
لكن لمّا تروقي و كدا احكي لينا قصة الحركة الواطية بتاعة ود المقبول و صاحبه السغيلءشء |
ركز لي في الموضوع اللساسي يا محمد البشرى
الموضوع اللساااااااسي
Cc: محمد إبراهيم
ولا أقول ليكم cc شنو في الظروف الصعبة دي؛ برد ليك حسع دي يا محمد إبراهيم؛ وراي شنو انا، الجراحة يا يما ولا مجلس الشيوخ؟!
مايستفاد من الحديث: لقيتك يا ود البشرى حريف، صححت لي الغلطة الإملائية في كلمة (سقيل) برااااحة زي الما عملت شي، أأأ؟!
موبالغة لكين 
جيت بي منتهى برااااءة رديت و بي منتهى الجراءة ختيت المعلومة تراااااخ ، أها كمان عشان نوري لصوص الفيسبوك ديل درس، حااخليها غلط كدا!!
الموضوع اللسااااااسي يا ود البشرى بليز.
| |
|
|
|
|
|
|
|
|
|
Re: إلى عيال الفيسي بوك: الجرادة في السِروال(النسخة الما أوسرية) (Re: محمد حامد)
|
امونة ازيك
انا من قبيل بقرا في القصيدة وما قادرة اربط بين النص واسمه
وصلت لانو العيد في الغربة زي الجرادة في السروال
يعني ما مؤذي شديد لكن بيضايق.
انا عارفة الشعراء ما بيحبوا يشرحوا اعمالهم
لكن بس سامحيني انا زولة عنقالية ساي ما خبيرة في قصص الابداع دي.
رجاء تاني ما تحكي قصة المكالمة بتاعة الزول السكران كيتا علي ناس الشمار الاتلموا ديل وتركوا الموضوع الاساسي
نرجع لموضوع الاساسي:
عيال الفيس بوك ديل بس خليهم لي الله وممكن نداعيهم يعني مثلا تكتبي قصيدة علي وزن منديلي منديلي الشاله ما يتني ما يشيل خلافه
او تقولي الجراد الجا الشودان دا كله يخش ليه في سرواله مرة واحدة.
| |
|
|
|
|
|
|
|
|
|
Re: إلى عيال الفيسي بوك: الجرادة في السِروال(النسخة الما أوسرية) (Re: سناء الصباغ)
|
Quote:
ود البشري ومحمدعلي وقيقا
البوست جادي فحاولوا عايىنوا لي روحكم من جوة من المعدة وكدة وشوفوا بتلخبتوا البوست مالكم
|
يا جميلة انتي ما عندك بيت وتاريخ وذكريات ول شنو!؟
---------
يا سناء والله انتي برضو مفروض تكرهي نفسك
قريتي القصيدة لي اخرا يعني انتي!؟
،كيل الله من تالت بيت، لمن ما لقيت صلة بين الجرادايةو العيد باوثق من [علاقة يوم السبت وعين الحسود] القالا عبدو ديك
هاك يا سكرول داون .. داون .. داون يونس بيه .. لمن لقيت جوز اللوز المهندسين المندسين ديل
| |
|
|
|
|
|
|
|
|
 Re: إلى عيال الفيسي بوك: الجرادة في السِروال(النسخة الما أوسرية) (Re: سناء الصباغ)
|
Quote: امونة ازيك
انا من قبيل بقرا في القصيدة وما قادرة اربط بين النص واسمه
وصلت لانو العيد في الغربة زي الجرادة في السروال
يعني ما مؤذي شديد لكن بيضايق.
انا عارفة الشعراء ما بيحبوا يشرحوا اعمالهم
لكن بس سامحيني انا زولة عنقالية ساي ما خبيرة في قصص الابداع دي.
رجاء تاني ما تحكي قصة المكالمة بتاعة الزول السكران كيتا علي ناس الشمار الاتلموا ديل وتركوا الموضوع الاساسي
نرجع لموضوع الاساسي:
عيال الفيس بوك ديل بس خليهم لي الله وممكن نداعيهم يعني مثلا تكتبي قصيدة علي وزن منديلي منديلي الشاله ما يتني ما يشيل خلافه
او تقولي الجراد الجا الشودان دا كله يخش ليه في سرواله مرة واحدة. |
سن سن يا جميل
انا دايره أديك سر ختير جداً؛ انا زاااااااتي ما قاعده اربط النص بي إسمو
والله جد
قاعده تجي معاي كدا
كتابة الشعر دي زي السكر، توفيق من الله ساهي يا عملات المسطول
المهم
تفسيرك و ربطك للعنوان و النص موفق جداً و ياهو الحاصل بالضبط.
يا ست الناس لا يفوتني أنا أشكرك على المتابعة و التوجيهات المفيدة جداً
| |
|
|
|
|
|
|
|
|
|
Re: إلى عيال الفيسي بوك: الجرادة في السِروال(النسخة الما أوسرية) (Re: محمد البشرى الخضر)
|
ياا حجة أن شاء الله رقتي و..كلامك واضح
وبعد الدخول بإستئذان والتضامن معاك في القصيدة العلفوها منك شفوت الفيس
أها زي ما ود البشرى دا قال جابوا شمار ودالمقبول الطلع ملحوّق أنا جابتني دي
| Quote: و انشاالله الشباب ود ابراهيم و قيقرا ما يقصّروا معاك |
ياااا ود البشرى أو للذي يكتب بأسمه ...إن شاء الله دي بكتبوها كدا مابالغت يامعلّم؟؟*
بعدين لو زول كتب ليك البشر(ى) ال..البشر(ي) ما تضايق زي ضيق الحجة دا
لاتنفصم لينا زي طلحة....
-
حبيبنااااا ياقيقراوي طرفتك دي آي نعم ممطوطة بس كلكلتني بس التقول جرادة في سروالي
ـ
* يا أبو حتوت عدّل يا أبوي عدّل مافوكا حاجة ...ملاسي بقى يعدّل
ـ
أها الله يرضى عليكم وبليييز الما ح يركّز لينا في الموضوع اللساسي
يا يرجع لللإثنى عشر الجا منو..ياكمان يلحق لينا سعيد ويهرّ بعيد ..
ورفقا" بقولون الحجة يا أخوانا..اللّي فيها مكفيّها
أمير ..بوركينا فاسو.....2013
| |
|
|
|
|
|
|
|
|
|
Re: إلى عيال الفيسي بوك: الجرادة في السِروال(النسخة الما أوسرية) (Re: أمير محي الدين محمد)
|
يهودا نموذج (معياري) للقراية بللضنين
Quote:
حبيبنااااا ياقيقراوي طرفتك دي آي نعم ممطوطة بس كلكلتني بس التقول جرادة في سروالي
|
طرفتي!؟
ياخي دا (نص) ما طرفة ياخي!!
وقع ليك كلامنا عزيزي القارئ؟
ياخي جنس الكتابة الابداعية دي بسموها نص عندنا -المسغفين- الطرف والنكت دي عند العوام، واليتامى وابناء السبيل وشماشة الاسافير ... آند سو من البرونيتاريا الرثة وشغيلة الاسافير وكلات(عتالة) البوستات.
-------
يا ود البشرى ما قادر تعاين لنفسك من جووووة؟
ياخي زي بالليييييييييل كدا
ما بتعرف؟
سمبلي:
اطلع من نفسك لي نقطة حياد براك
وشوفك .. تماااااام
بس (بكسر الباء)
انت ما سمعت (زولة) شعيرية؟
زولة .. تفتح الروح ضلفتين ..
تخشك .. وتمرقك .. مااااااااا بتقفل الباب بي وراها ..
وهكذا
قيقاشاعر (اتمتع بشعور طيب جداً جدن حتى آدم همسلف .. سوو فار)
كاتب متفرغ لكتابة النصوص الابداعية في اوكات الفراغ
| |
|
|
|
|
|
|
|
|
|
Re: إلى عيال الفيسي بوك: الجرادة في السِروال(النسخة الما أوسرية) (Re: قيقراوي)
|
سلام يا حاجة آمنة
والله عيال الفيس ديل امرهم عجب
جنهم لهف وختف دون ان يرف لهم جفن
بس انا من قبيل بفكر فى حكاية "الجرادة فى السروال دي"
وبتخيل السروال ده يكون زي بتاع الادروبات داك كبيييييييييير وماهل مما يمنح الجرادة حرية الطيران الداخلي
يعنى ناس دارفور ديل ما لقوا مكان للجرادة دي غير السروال
اضحك الله سنك ياخى
أما عن القصيدة الملحوسة
فاقترح عليك ونكاية فيهم (او كما قالت الاعجمية) انك تديها واحد من فناني الهيب هوب ولا الراب ( انا ما بفرز بيناتهم وعندي كلو صابون) وتخليهم يغنيها
كيتا عليهم كده بس
هههههههههههههههههه
| |
|
|
|
|
|
|
|
|
Re: إلى عيال الفيسي بوك: الجرادة في السِروال(النسخة الما أوسرية) (Re: قيقراوي)
|
| Quote: ياخي دا (نص) ما طرفة ياخي!! |
هي بالله طلعت (نص)
النصيحة ليك يا الله أنا زاتو مااا قريتها علشان أقراها بأضنيني
شكيتك على الله ياا الأسكرول داون
الدخلّتني مع قيقرا الرايح ليهو معيار دا في أضافريني
ــ
ياااامعلّم
ماتكون إتحسّست من النيران الصديقة دي
عموما" أنا بنتقد ليك نفسي على النبيشة دي (نقد ذاتي)
بالظبط زي ما إنت شرحتوا بي هناك لأهلوا على أصولوا
و... كمان ماعرفت درب الماسنجر بي وين
وأها هسي الشوّرة شنو إعتذر لقيقرا دا ولا أعمل منو رايح؟؟
ــ
و...للمرة الطورشين : موضوع البوست اللساسي يرحمكم الله
| |
|
|
|
|
|
|
|
|
|
Re: إلى عيال الفيسي بوك: الجرادة في السِروال(النسخة الما أوسرية) (Re: أمير محي الدين محمد)
|
Quote:
ياااامعلّم
ماتكون إتحسّست من النيران الصديقة دي
|
انا ما عارفك انت الماسك ضنب الككو .. ول عاوز تمسكني انا ليهو
يا زول نيران .. ؤ صديقة كمان؟
دي نلايقا ليك بويكة وين في الاهل؟
اها (الاعداء) ديل يقدموا استقالتم من المشهد والحراك الاجتماعي ول كيف؟
فرز المويات ضروي يا اخوي
البفتح فيك نار .. دا طوالي ومباشرتن كدا عدو
الصديق هو البتلقاهو وكت الضيق
وبينهما (اعدقاء) .. ديل في منزلة بين المنزلتين
غايتو آية الله العظمى حسن الموسوي تعبان مع العوام ديل ساااي
شرح .. ودغمسة (بالذات في حكاية [راس المال متعولم] الما واقع ليو دا)
وكلو دا ما بطمر في العوام!
------------
نن تيكن يا عمك
هو كان القروا انا استفدت منهم شنو اول من خدمة (الفلاكة) AKA كتابة دي؟
يوم وااااحد مافي زول قال لي هاك .. يا كاتبي المفضل
بس (بكسر الباء)
نرجع للموضوع اللساسي ..
هو كان شنو!؟
| |
|
|
|
|
|
|
|
|
|
Re: إلى عيال الفيسي بوك: الجرادة في السِروال(النسخة الما أوسرية) (Re: حجة امنة)
|
Quote: البوستي دا انا خلاس سبلتو
واللهي جد
الفاتحة يااخوانا |
ولا الضااااالين آآآمين
ليه كدا يا حجة آمنة ؟ نحن جينا متضامنين
شكلوا كدا كجنتّينا بي الله واحد ولحقتّينا عيال الفيسي بوك
بس عندي بعد إذنك تأكيد لود البشرى
| Quote: مايستفاد من الحديث: لقيتك يا ود البشرى حريف |
ياود البشرى لقيتك عليّم الله أحرف من حريف ..تاني ح أفرز ليك مداخلتك براااك
البوست وبما إنو جينا ليهو طاشين و...بيبحث في مواضيع الأمانة الأدبية
للأمانة ماذكرني بعقد الجلاد....ذكرني قون وليد طاشين الإنتهى بــ وااااي وااااي مادايرين
ــ
ياحجة أمنة.. يرضيك كدا.. أها حسّي شمار ود المقبول دا نقبل بيهو على وين؟
ياا..بوست تيييييعي
ياكمان نديك آخر يدك في البوست ..زيّ ماتحبي
| |
|
|
|
|
|
|
| |
محمد البشرى الخضر
محمد إبراهيم علي
قيقراوي
جميلة ابراهيم السيد
محمد حامد
سناء الصباغ
محمد عبد الماجد الصايم
قرشـــو
تيسير عووضة
بله محمد الفاضل
فيس بوك
تويتر
انستقرام
يوتيوب
بنتيريست