|
|
|
 Re: ضااااااااااااااااع صبري!! (Re: عبد اللطيف بكري أحمد)
|
الجهة اليمنى
اليوم على الساعة 23:00 بتوقيت مكة المكرمة . 21:00 بتوقيت إسبانيا
برشلونة VS ريال مدريد
العنوان العريض- - وجها لـوجه --
ساعة ونصف .. النجمان ميسي وكريستيانو كل واحد يريد قيادة فريقه للوصول للنهائي.
رورا:" لم ننسى تساهل الحكم في المستيا".
مورينهو:" أنا أفضل دروس برشلونة في الرياضة".
الجهة اليسرى
وصول كريستيانو بقوة
في آخر خمس مواجهات في الكامب نو دائما يسجل وله 10 أهداف من 18 مباراة .
ميسي محبوس
له 4 أهداف هذا الموسم ضد مدريد ويريد إنهاء الحوار بينه و بين أربيلوا وكارنكا
عودة تشابي ألونسو ..
فيا و سيسك يحيران رورا .
Marca
| |
 
|
|
|
|
|
|
|
|
Re: ضااااااااااااااااع صبري!! (Re: عبد اللطيف بكري أحمد)
|
يا رييس .. الأخبار والصحة والأمــور
عمكـ رورا كابي الجرسة من أمس قال الحكام
قاعدين يتساهلو من لاعبي الملكي!!
كلو تمام ياعمك ،،
الليلة عندي إحساس قوي بأننا سنعبر : والدون أكيد عايز يضع حد للخرافة الماشة دي!!
صدقني / وووووسع صدرك بس بعدين!!
| |
|
|
|
|
|
|
|
|
|
Re: ضااااااااااااااااع صبري!! (Re: عبد اللطيف بكري أحمد)
|
عبد اللطيف
تحياتى
ضاع صبرى حقت عبيد عبد الرحمن قول كوم
وضاع صبرى حقتك الفوق دى كومين
وضياع صبرنا وحقوقنا مع ناس المهاجر فى ابوابنا دى ستين كوم
واهديك مطلع ضياع الصبر الممتع
ضاع صبري اين يا وصـلي
قلبــي بي نار الغرام مصـلي
يا عـهود امالي أنفصــــــلي
مابقيـف من النـويح أصلي
عقلي بات كل ساعة ينقص لي
فيك ضاع ياطـيبة الأصلي
أي ده ليل والبدر واضـح لي
ام ده ديسـك محيو فاضــح لي
يالعيون عاد روقـي و أحـلي
كفى رمشك ده المجـرح لي
| |
|
|
|
|
|
|
|
|
|
Re: ضااااااااااااااااع صبري!! (Re: محمد عبد الماجد الصايم)
|
Quote: التشكيلة ظريفة عديل يا ريس
خاصة بعد تألق كونتيراو في معركة الشياطين الحُمر!
غايتو إلا في المهاجم الصريح أنا بفضل بنزيمة على هيغواين!! |
ومع هيغوايين يشيل واحد من الجوز العجيب دا : ألونسو وخضيرة ويجيب كاكا : يستحسن ألونسو يقعد برة!!
| |
|
|
|
|
|
|
|
|
|
Re: ضااااااااااااااااع صبري!! (Re: عصام دهب)
|
Quote: سلام يا عبد اللطيفنا و إزيك و العيال عساكم بخير ..
و عشمنا الليلة ( عيال مدريد ) يوفوا و يكفوا ..
لكن بالجمبة كدة و للضمان يا خوي حنشرب اللبن بدررري ..
الثعلب المكير الخطير حااايم .. و الله يستر .. |
سلامات مولانا وحبيبنا الغالي ،،
كلنا بخير ، والقصير المكير اليومين دي مهود شديد ومهود الفريق كلو معاه!!
الله يسترنا من القاضي بس ههههه، الباقي كلو معمول حسابو : صدقني!!
| |
|
|
|
|
|
|
|
|
|
Re: ضااااااااااااااااع صبري!! (Re: عمران حسن صالح)
|
Quote: ابو حسين مستخبي أسفل الصفحــــة
وعاد إن أخدنا الكوته من القصير المكير
بجي يسل لسانو فوق |
ههههههههههههه
والله البورد دا داير ليهو مرايات أو تلسكوب زي بتاع الغواصات ههههههههههه (غواصة الحقيقية أعني)
ياعمران خليك مراقبه ، وخلي ميسي دا لي فاران وبيبيبيجيبو ليك أجلو!!
| |
|
|
|
|
|
|
|
|
|
Re: ضااااااااااااااااع صبري!! (Re: ismeil abbas)
|
| Quote: البرشه البرشه ولو مدروشة...هههههههههههههكيفك أخى عبدالطيف بكرى..تحياتى لك وللأولاد.. |
سمعة يارائع / عشانك احنا نتقبل الهزيمة بفرح !!!!
أما ناس ابو حسين ومن لف لفهم : الله اكبر عليهم !!
تحياتي ليك وللمعاك والبهناك ،،
| |
|
|
|
|
|
|
|
|
|
Re: ضااااااااااااااااع صبري!! (Re: صلاح أبودية)
|
Quote: الحمد لله ..
الصبى قاااااعد !
فاران يلم الفيران ويدخلهم جحورم واحد واحد أو مع بعض !!
وتشيلوا الهاشمية الصبيانية ويمشى يبصّر كمان !
صبى والله عفيت منو . |
يسمع منك الله في التبصيرة !!
بس لو مورينهو يخلي الرجفة ويخلي الود اساسي !!
| |
|
|
|
|
|
|
|
|
|
Re: ضااااااااااااااااع صبري!! (Re: الامين موسى البشاري)
|
فى مدني فى الستينات والسبعينات..كان فى مكوجي نوباوي بشجع نادي الاتحاد نادي الرومان وكان بسموهو نادي البقر! كاروشة ده كان بقعد فى الحيطة عديل كده مع ناس كتيرة وكان دايما ما بثبت فى المباريات بتاعت الكورة خاصة عندما تكون مع الاهلي مدني! كان بيشوت مع المهاجمين بتاعين فريقه خاصة ناس الفاضل سانتو.. وكان عندما يشوت ما بشعر باي شئ حتى دائما لو واحد مشجع فى مسطبة الاتحاد ما عارفو بيضربو فى ظهرو او بطنو وما بيشعر بيه! مرة المريخ بتاع العرضة جاء عديل لعب مع الاتحاد مدني فى الدوري الممتاز والفاضل سانتو كان لاعب مع الاتحاد وكاروشة راح شايت ليك معاهو و"قلب" بى غادي وقع فى الواطة برة الاستاد ورقد مستشفى فترة طويلة ثم جاء تاني بقي يمسكوه السلك تحت الذي يفصل المشاهدين من الميدان الاخضر..من سنتين كده والله يا جماعة بقت تجيني نفس حالة كاروشة ده عندما اتفرج فى الكلاسيكو او اي مبارة يكون طرفها البرسا او الريا ل.. ربنا حببني فى البرسا موت.. وكرهني فى الميرينغي موت! ما بعرف الحال الوسط.. وما بشجع اللعبة الحلوة إطلاقا إلا من ناسي وناس فريقي.. واطرب جدا لو واحد قال لى: الليلة لاعبين فى ميدانكم! واتصور ان الكامب نو فعلا حقنا! وهم كده.. نرجع لحديثنا.. بقيت اشعر بتعب حقيقي عندما ينهزم البرسا! ومرات فعلا اشوت زي كاروشة خاصة فى مباراة كأس الابطال ديك الغلبنا فيها تشيلسي بدون اي وجه (حق).. بقيت برضو زي كاروشة عندما اكون مغلوب أو قل عندما ينهزم البرسا.. الدنيا تمسخ لى عديل كده وما بضوق اى طعم للاكل او الشراب او المزاح.. شعرت برضو انه حياتي فى خطر لأنه بقيت اعرق عرق شديد وضربات قلبي تتسارع واقرب ادخل فى كوما او قل غيبوبة! أو قل إغماء.. بقيت برضو اتذكر ليك قصة ود ملاح داك الكان ما بقدر يتفرج على فريق الهلال ويستمع للوصف من الراديو.. لقوه ميت داخل عربته بعدما حارس الهلال فشل فى صد كرة ساهلة.. ودخلت بين رجليه! السنة دي عديل كده ابيت اجدد اشتراكي فى الجزيرة الرياضية وبقيت اسمع الاخبار صباح اليوم التالي من نشرة لندن البتجي قبل الساعة 8.. لو لقيت البرسا غالب افتح يوتيوب اشوف الهايلايتس ولو كمان خسران اقول انا مالي ياخي انا اصلو باخذ قروش قدر ناس ميسي ديل عشان ازعل قدر ده.. لكن برضو والله فاقد الكلاسيكو وشاعر اني ناقص حاجة كده.. الله يرحم كاروشة.. ووالله ضاع صبري..
| |
|
|
|
|
|
|
|
|
|
Re: ضااااااااااااااااع صبري!! (Re: محمد عبد الماجد الصايم)
|
Quote: لا يا ريس .. خليهم خضيرة وألونسو
لو غيّر واحد فيهم ح يجيب مورديتش
ودا ماااا بقدر على (رش) الكلاسيكو!!
ألونسو بعصر كويس وهكذا خضيرة:)
ما شفت الجماعة من هسي قاعدين يكوركو: يااااا حكاااااااام |
ياعمك إتنين ارتكاز وماعندهم مهارات في صنع الهجمة المرتدة السريعة زي كاكا
مودريش دا غايتو كان ادونا قروشو دي حديد كان اخير لينا !! ههه
=
عمك أبو حسين والله حالتو تحنن : ياخ أنت بكري دا صاحبك قول ليهو الزول دا عذبتو عذاب ياخ!!
| |
|
|
|
|
|
|
|
|
 Re: ضااااااااااااااااع صبري!! (Re: عبد اللطيف بكري أحمد)
|
حبيبنا عبداللطيف .. تحياتي ..
وزي ما عارف .. ضاع صبري هذه الأيام ...
أمّا فيما يخص المُقتبس أعلاه .. أنصحكم بالاستمتاع بما تكتبه الصحافة عن المُباراة ...
أمّا أنا وبقية البرشلوناب ... استمتاعنا مكانه معروف .. وفارسه معروف ...
ـــــــ
لا يغرنّكم انتصار الميلان على البارسا .. فلكل جواد كبوة ...
ولا تنسوا أنّ البارسا يبحث عن مُصالحة جماهيره 
ثمّ أنني أرى ود الصايم في هذا البوست 
أمّا حبيبنا أبو حسين في هذا البوست فهو عضو فيسبوكاوي نشيط 
| |
|
|
|
|
|
|
|
|
Re: ضااااااااااااااااع صبري!! (Re: عبد اللطيف بكري أحمد)
|
حبيبنا عبداللطيف .. تحياتي ..
وزي ما عارف .. ضاع صبري هذه الأيام ...
أمّا فيما يخص المُقتبس أعلاه .. أنصحكم بالاستمتاع بما تكتبه الصحافة عن المُباراة ...
أمّا أنا وبقية البرشلوناب ... استمتاعنا مكانه معروف .. وفارسه معروف ...
ـــــــ
لا يغرنّكم انتصار الميلان على البارسا .. فلكل جواد كبوة ...
ولا تنسوا أنّ البارسا يبحث عن مُصالحة جماهيره
ثمّ أنني أرى ود الصايم في هذا البوست
أمّا حبيبنا أبو حسين في هذا البوست فهو عضو فيسبوكاوي نشيط
| |
|
|
|
|
|
|
|
|
|
Re: ضااااااااااااااااع صبري!! (Re: الامين موسى البشاري)
|
غايتو يالبشاري لقيتك حاقد
انحنا جينا نرفع البوست دا بكون عاصر ابوحسين المسكين دا
صبري لما ود جعفر يغني ليك رجعنا لك : ضيف ليها يالكامب نو الحزين !!!
الشكر للفريق العامل
وياريت تقولو النصيحة : اهناك مقارنة بين ميسي والدوون؟؟
| |
|
|
|
|
|
|
|
|
|
Re: ضااااااااااااااااع صبري!! (Re: حيدر بشير)
|
تسلم ياحبيبنا حيدر والله متعة مابعدها
والان مدريد يقدم تحذير شديد اللهجة للهوليجانز
وكريستيانو يقدم نفسه بصورة مرعبة للاقليم الانفصالي ويدك حصونهم محطماً لسسيرتهم الخالية من الهزائم
ونشوفكم السبت كمان : تاني راجنكم هناك
وان شالله كارلوسبيول يتمكن من رتق الفتق ليكون جاهزا السبت!!
| |
|
|
|
|
|
|
| |
محمد عبد الماجد الصايم
Mohammed Ahmed Saeed
أمير محمد ادريس
زول ساكت
خالد عبد الله محمود
عصام دهب
ناذر محمد الخليفة
عمران حسن صالح
ismeil abbas
الامين موسى البشاري
صلاح أبودية
الامين محمد علي
فيس بوك
تويتر
انستقرام
يوتيوب
بنتيريست