|
|
 Re: جولة تعريفية بالقرى التى تحيط بولاية الخرطوم (Re: احمد سيد احمد)
|
اولا نبدا بقرى الريف الجنوبي امدرمان
وتسمى ايضا قرى الجموعية
الريف الجنوبي امدرمان يمتد من كبري الدباسين وجنوبا حتى ما بعد خزان جبل اولياء ويضم القرى الاتية
ايد ودياب -العقيدات وفشوده,الغماراب,قلعة المحينة,الاحامدة,الجامراب,كدي الكبرى وتشمل خمسة قرى من كدي1 الي كدي5
الكبابيش والحسانية,السمره حاج الطاهر,حلة سالم,الغرزة,العيساوية,بركة الشاطيء الغربية.
قرى تطل على النيل وهي
بركة الشاطي الشرقية ,التريس,الحقيبة,قوز نصير,الشقيلة,السليمانية
جبيل الطينة -دي قرية رجل الاعمال المعروف ود الجبل -,العمورات,الطلحة,الحفير,
ايد الحد,المقداب,الهواوير,الكموناب -ديل شرق موقع المطار الجديد مباشرة-بس ايد الحد والمقداب شرق زلط الريف الجنوبي والهواوير والكموناب غرب الزلط....وتاني في قرى قريبه من المطار الجديد برجعليها تاني.
نواصل ونحنا متجهين جنوبا
القليعة,النوبه الدواليب,السمبلاب,الحاجاب,الشيخ البشير,الشرفت والكمبو الابيض,الكواهلة,الصندوداب,ود دنس,المتابير,ودشريش.....بعد كدا حدود ولاية النيل الابيض وبالمناسبة الكلام دا شرق محل ضرب النار المشهور والمسمى جبل مندره.....يعني تقريبا جبل مندره دا اخر حد لولاية الخرطوم من الناحية الجنوبية.
في كمية من القرى تقع في المنطقة الغربية للريف الجنوبي وهي:
,وادي الحمرا,ام القرى,قوز ود دحلوب,العيساوية غرب,الشيخ احمد ود بدر,وادي الرواكيب ,أم ويكحه,الدليج الفريواب,العامرة,باروكة,ام كوع والرقيبة,فتاشة.واخيرا ابو هشيم - وهذه يقع جزء منها في ولاية الخرطوم والجزء الاخر يقع في ولاية شمال كردفان
وفتاشة مشهورة فيها المعسكر بتاع الجيش وهي كذلك قرية وتمثل اخر حد لولاية الخرطوم - بعدها بنخش في ولاية شمال كردفان
طبعا القرى دي بشقها زلط من جنوب خزان جبل اولياء لغاية امدرمان
ولو عايز تجيها من جهة خزان جبل اولياء ممكن تقطع بالخزان زاتو وبعداك بمتد زلط الخزان الى ان يلتقى بطريق الريف الجنوبي.
ايضا من المشاريع الكبيرة في المنطقة
مشروع الجموعية الزراعي
وهو مشروع زراعي ضخم جدا
وهنا خريطة توضيحة لمنطقة الريف الجنوبي امدرمان مسقطة على برنامج قوقل ايرث
المستطيل الكبير باللون البنفسجي في اقصى الجنوب الغربي للصورة هو موقع المطار الجديد
والمشروع الاخضر الذى يظهر في محاذاة النيل بالضفة الغربية هو مشروع الجموعية
(عدل بواسطة احمد سيد احمد on 02-25-2013, 11:48 PM)
(عدل بواسطة احمد سيد احمد on 02-25-2013, 11:51 PM)
| |
 
|
|
|
|
احمد سيد احمد
فيس بوك
تويتر
انستقرام
يوتيوب
بنتيريست