|
|
 بين حقيبتك وشخصيتك .."بوست نسائي جدا" ..
|
وبما أن الفضول سيقتلكم ..نفسكم تعرفوا "النساء" تقرأ "النسوان " و"البنات" ..بيشيلوا شنوا في
حقائبهن (شنطن)..صاح ؟
والإجابة الساذجة السريعة هي : أدوات مكياج طبعا ..ومعاها حبة سخرية ..
ما مشيتوا بعيد ده جزء من الحقيقة ..لكن الجزء السطحي منها ..شفتو كيف ..
|
|
  
|
|
|
|
|
|
|
 Re: بين حقيبتك وشخصيتك ..andquot;بوست نسائي جداandquot; .. (Re: داليا حافظ)
|
سلام داليا بوست نسائي جدا
لكن بس بمناسبة الشنطة النسائية دي بعض شوفي بعض قلت ليك عليهن فشخرة مابعدها فشخرة في الفاضي
والله القصة دي جد وجديدة لنج بحكي لي واحد قبل كم يوم في سيرة الشنطة ولقيتك كاتبة الموضوع
بس شوفي فشخرة مرتو
قالت ليه عايزة لي شنطة والكرت بتاع البنك في ايدها والفي ايدو القلم مابكتب نفسو شقي
قومي اختاري ليك شنطة بي 800 دولار
اي والله حقيبة نسائية بي 800 دولار
والشكلة قامت جاني زعلان يحكي ويشكي
شفتي كيف الحقيبة بتعمل شخصية ماحقيقة
لانو سيادتها صاحباتها عندهم شنطة زي دي
ح تشيل فيها شنو وبي كم
تحياتي
ده البكره الناس في العرس زاتو
| |
|
|
|
|
|
|
|
|
|
Re: بين حقيبتك وشخصيتك ..andquot;بوست نسائي جداandquot; .. (Re: عادل خياري)
|
ب800 دولار
دى شكلها جلد طبيعى وماركه عديل
ونوع الشنط دا بيعيش مدى الحياه الا الزول يزهج منها ويفنها غير كده بتتلحه
الشنطه مهم تكون الكواليتى حقتها كويسه عشان يدها ما تتقطع من الشيل المردوم فيها
لكن كمان ما قدر 800 دولاااااااااااار
غايتو انا بحب شنط الجينز شددددددددددددددددددددديد واكتر دوله فيها استايلات حلوه منها مصر
نجى بقى للموجود فيها
طبعا مفاتيييييييييييييييييييييحى
ومفاااااااااااااااااااااتيحى دى براها عايزه شنطه
اخويه بيقول لى دى مفاتيح الحرامى
لانى بحاول اكون حريصه اعمل نسخ من مفتاح العربيه خصوصا عشان بدقس وبقفل العربيه والمفتاح فيها
بخت المحفظه الفيها الرخصه والبطاقه وبتأكد من وجودها
وفكرة اغير شنطه تبع اللبسه نادرا عشان بتتسبب فى نسيان الحاجات المهمه دى
اكيد بتاعت المكياج اساسى الا حبه كده لانى اصلا بشيلها ساى ونادرا بعدل لى مكياج وانا بره
برجع بالسحنه ذاتها بعد اراقة المكياج مع اليوم الوظيفى
ريحه مره مره عشان لو فجعتا جانى مشوار كده وكده اكون زى البنات
شريط الكاسيت حق العربيه
مناديل
الام بى 3 بتاع الاغانى
دفتر صغير وورقه عشان اسجل القريشات البصرفها
حلاوه صغيره ولبان عشان لو جوعته اتقوى بيها :)
سندوتش يا طماطم يا شيكولاته لمن بكون صاحيه جعانه شددددددددددددددددددددديد
بث,,,,
| |
|
|
|
|
|
|
|
|
|
Re: بين حقيبتك وشخصيتك ..andquot;بوست نسائي جداandquot; .. (Re: عبد الله عبد العزيز)
|
صباح الخير دلوية
انا لازم اتأكد انه الموبايل موجود في الشنطة .. و الفازلين عشان امسح ايديني بعد كل غسلة .. و قزازة الريحة .. اما ادوات المكياج فتخلوا منها الحقيبة نهائياً إلا ال lip gloss
و الشنطة ما بكون قابضة عليها يعني ممكن بعد ما اصل المحلة الماشاها بتكون في حتة و انا في حتة .. يعني ما شخصية إستبدادية على حسب المعايير :)
| |
|
|
|
|
|
|
|
|
|
Re: بين حقيبتك وشخصيتك ..andquot;بوست نسائي جداandquot; .. (Re: سناء عبد السيد)
|
مساء الخير أستاذه داليا
بوست زي العسل :-)
غايتو انا يخربني شنطتي كحله مافيها , نهائي , وقبل فترة كده انتبهت اني دايما بكون في حالة معاناة من شنطتي , ليه ؟
لأنها دايما , دايــــــــما , تقيلة !!!! يعني لما بتعمل لي وجع كتف , بقيت أسأل روحي الشنطة دي اصلو فيها شنو ؟
لقيت ياستي الآتي :
الشنطة باستمرار مليانة اقلام
دفتر كبير
ديكشينري !! مما جيت البلد الاهلها برطنو ديل بقى اليكشنري -التقيل جدا- لازم يكون مالي الشنطة , محتاجاه او مامحتاجاه
محفظه كبيرة جدا فيها كل أنواع الأوراق واثباتات الهوية !! دي عندها علاقة بهويتي شخصيا واحساسي النفسي بفقدانها على الأرجح !
موية , دي براهاا ليتر !
ثم انها دايما لازم تكون شنطة كبيرة النوع البتتعلق بالجمبة ديك يعني بكون لابساها لبس لأني بسوق عجلة :-) وشنطة بي يد صغيرة
ماحتناسبني لأني مابقدر اكون لابساها وسايقه عجلتي في نفس الوقت :-)
ده طبعا غير علاقة المفاتيح والمفتاحين اللي حيلتي .....
اها بعد ده كلو , تفتكري شنطتي حتقول شنو عني ؟؟؟ مع اعتبار انها مرتبة جدا لدرجة الهوس :-)
هههههههههه غايتو ضحكتيني والله , يديكي العافيه
| |
|
|
|
|
|
|
|
|
|
Re: بين حقيبتك وشخصيتك ..andquot;بوست نسائي جداandquot; .. (Re: يحي قباني)
|
سلام ياداليا والضيوف
أنا شنطتي يومداك طلعت منها فردة shoe بتاعة أمي خخخخ
أولا مابشيل شنطة ماجلد أصلي (جعااااصة كدا) ولانها بتعمر
ويادكتور خياري أم 800 دي بنحرسها لما تبقى بي 100 وبنشتريها
اهم شي تكون حريف في حكاية الشرا دي
مابحب تطقيم الشنط خالص
عندي بيضا وبنية (برتقالي) واسود وفضي غير السهرة
وتمنمية شوية صديقتي القطرية جايبة هدية لامها البري بري من سويسرا ب 4000 وشوف عيني بدسوها في الخزنة
محتويات شنطتي
كمية من الوصولات (ريسيت) بتاعة شرا مامحتفظة بيهن عشان بتابع ميزانيتي بقدر ما بقدر ارميهن في الشارع ساكت
محفظة صغيرة فيها القروش ورخصة السواقة
محفظة أكبر منها شوية فيها السوشيال سيكيوريتي وبطاقات اثبات شخصية وكرت التأمين
محفظة أكبر منها فيها جواز سفري وجواز سفر امي ودفتر الشيكات ودفتر بتاع ايداع (لما ادخل العربية بختها في درج القفازات)
شنطة تانية فيها مكياج مابستعملو ودي فرصة الواحد يطلعها خالص
سامبل بتاع عطور زي خمسة كدا
جيب فيهو فكة
نضارة قراية
| |
|
|
|
|
|
|
|
|
 Re: بين حقيبتك وشخصيتك ..andquot;بوست نسائي جداandquot; .. (Re: Rawia)
|
هههه بمناسبة فيديو يحي دا عندي قصة
لما كنا طلبة أيام الانتخابات في القاهرة
جاتنا تعليمات من الجبهة الديمقراطية قالوا لينا كل زول يشيل ليهو سلاح
قلنا ليهم ياجماعة ماعندنا أسلحة وماعاوزين زاتو نواجه زول بسلاح
قالوا لالالالا إجباري لازم تشيلو سلاح
زي شنو؟
قالوا إن شاء الله سكين الفاكهة الصغيرة ديك (كذلك)
أها قمنا شلنا السكين في الشنطة
كان عندي شنطة صغيرة جلد أصلة شلتها فيها الكذلك ومعاهو شنطة أصغر فيها جوابات جات شايلاهم لي أمي من صاحاباتي في السودان في نفس الاسبوع داك
لكن مافيها قروش
القروش داساهم في جسمي عشان لحظة الجري الزول يكون عندو تصريفة
أها ايام التصويت إنتهت وجا يوم النتيجة والامة والعالمين والا من المصري وزحمة كدا ولا يوم الحشر
أعلنوا النتيجة وفاز التجمع
يلا كمية من المشاعر والحاجات العجيبة ناس تزغرد وناس تبكي وناس تكورك
صديقتنا وحبيبتنا حنان إنفعلت شديد خلاس
وحضتني شديد لغاية ما أغمن عليها في إيديني
اها البت ياجماعة ساعدوني
جوني ضباط الامن المصريين
عملوا بيساعدوا فيني وسحبوا الشنطة من إيدي
المهم بمساعدة ناس حنان فاقت وبقينا في الشنطة
ياجماعة الشنطة كانت في إيدي
المهم مشيت للضابط الشفتو كان قريب لي طوالي
قلت ليهو وين شنطتي ؟ قال لي منو انت وشنطتك الجابها لي شنو
المهم ماطل وانا بوراهو
لغاية ماطلع كوز قميء من جوة دار الاتحاد ومد ليهو الشنطة وادوني ليها
فتحتها لقيت الجوابات مفتوحة ومامطبقة كويس
المهم تاني يوم كمية من الشمشرجية من الجبهة الديمقراطية جوا سالوني
صحي كان عندك جوابات غرامية؟؟
لانه الكيزان طلعوا إشاعة كبيرة ومهمة جدا قالوا بنات الشيوعيين قليلات أدب شايلن جوابات غرامية وأسلحة في شنطهم
____
من يوميها عرفت يعني شنو زول مخو وســـخ
| |
|
|
|
|
|
|
|
|
|
Re: بين حقيبتك وشخصيتك ..andquot;بوست نسائي جداandquot; .. (Re: Rawia)
|
سلام يا داليا
غايتو شنطة الحسناوات الما متزوجات ما بعرفا
لكن كان بتقصدي شنطة الحسناوات المتزوجات ففي الغالب البوست
ما نسائي جدا .. بل احتمال يكون رجالي جدا وليس للنساء فيه إلا أجر الشيل ..
لأنو كل محتويات الشنطة تقريبا جايبا الراجل .. لوووووووووووولز .
.................
بالمناسبة ما مستغرب لى حاجة في البوست دا إلا الرجال أمثال ملاسي
يقولوا ليهم بوست نسائي وجدا برضو يجوا طايرين ..
ذكرتوني الرجال البتاوقوا بالشبابيك وبى فوق الحيط لى رقيص العروس .. ومعاهم
يبشروا كمان ..
| |
|
|
|
|
|
|
|
|
|
Re: بين حقيبتك وشخصيتك ..andquot;بوست نسائي جداandquot; .. (Re: عصام علي أحمد)
|
سلامي لست البوست وضويفها الكرام
انا من ما دخلت الجامعة ولحدي ما خلصت الماجستير (5) سنوات
ما شلت لي شنطة بنات في يدي
سنة اولى كلها كنت بشيل الكتب والكراسات في يدي
بعديها لحدي ماخلصت الماجستير كنت بشيل كتبي وكراساتي واقلامي وفطور(لانو برضو ما حصل دخلت لي كافتيريا وفطرت مع اصحابي او صحباتي)
في شنطة دبلوماسية رجالية (جلد)
بعديها لما فتحت مركز الكمبيوتر بتاعنا
شنطتي فيها مفكات لزوم عدة الصيانة
واقلام شيني
ومفاتيح المعهد ودواليبي (دولاب مقتنياتي ودولاب ملابسي وكتبي) عشان اختي لطاااااااااشة بتشيل حاجاتي وتلبسها / يا بتات اهلي جنهن يجي يفتشو حاجاتي
وانا ما بحب الحركة دي..
ومطبقة القروش
ودفتر بدون فيه اهم الحاجات الحصلت واللي المفروض اعملها
ودفتر الشيكات
وعلبة السي دي هات لزوم الوندوس والتعريفات، ما بطمئن ليها الا تكون معاي في اي ظرف وتحت اي طارئ
وجزلان البطاقات
وزمزمية الموية
الموبايل دايما بشيله في جيبي
اصلي اسكيرتاتي كلها عاملة ليها جيوب
وبعدين لما اتوظفت الشنطة
ياها الشنطة،،، دايما بشيل مفك واحد احتياطي وسي دي هاتي ما بفرط فيها دائما بتكون معاي
لانو مرات من الشغل بغشى المعهد لو عندنا جهاز متعطل او داير فورمات
مع اضافة مفكرة كبيرة كده بدون فيها كل حاجة عملتها اليوم باليوم(دا نظام واجب ممكن يطالبونا بيه/ وما تسالوني تفاضيل اكتر ههههههههه)
اما شنطتي الان في البلد الجيناها قراية كبر
شنطة ضهر فيها كتبي ودفاتر المعهد
والموية بالجنبة اليمين والشاي او الاعشاب البحب اشربها بالجنبة الشمال
مع كمية من الفواكة والخضار بحب اكلهم كل يوم في البريك
وما نسي كل يوم اتمم على الشمسية والجونتات لزوم المطرة بتاعة استنبول المامضمونة دي(لانها في اي لحظة وبدون مقدمات بتمطر)
وفي كل مراحلي من ايام الدراسة لحدي الان
جنبي وجن اشيل لي مناديل ورق او حاجة بنات في شنطتي
| |
|
|
|
|
|
|
|
|
|
Re: بين حقيبتك وشخصيتك ..andquot;بوست نسائي جداandquot; .. (Re: د.نبراس)
|
يا دكتور نبراس ..ياخ أنت العسل وأنت بتلقطي ازمتي ..
Quote: وقبل فترة كده انتبهت اني دايما بكون في حالة معاناة من شنطتي , ليه ؟
لأنها دايما , دايــــــــما , تقيلة !!!! يعني لما بتعمل لي وجع كتف , بقيت أسأل روحي الشنطة دي اصلو فيها شنو ؟ |
صدقيني عبرتي عني تماما الشنطة بقى ما ليها حل إلا ما اشيلها ..
| Quote: محفظه كبيرة جدا فيها كل أنواع الأوراق واثباتات الهوية !! دي عندها علاقة بهويتي شخصيا واحساسي النفسي بفقدانها على الأرجح ! |
شوف الكلام العميق اوي ده .. تعرفي القصة دي بنسبة كبيرة جدا فيه جزء من الحقيقة ..
| Quote: اها بعد ده كلو , تفتكري شنطتي حتقول شنو عني ؟؟؟ مع اعتبار انها مرتبة جدا لدرجة الهوس :-) |
أمممم طيب ياستي الامنتي ليك ..مرتبة دي استبعديها لانها مكدسة وأنت الصادقةهههه ..، شنطتك بتقول أنك شخص حريص لا يترك شيئا للصدفة ..ويخاف المفاجآت ..الدكشنري كدليل ..لكنه في الوقت ذاته لا يهتم بصحته بذات الدليل لأن الدكشنري مشروع فلايت جاهز :) ..يهتم بجماله والدليل لتر الموية ..
| |
|
|
|
|
|
|
|
|
|
Re: بين حقيبتك وشخصيتك ..andquot;بوست نسائي جداandquot; .. (Re: سناء عبد السيد)
|
سناء يا ما مستبدة ..
صباح الورد
Quote: انا لازم اتأكد انه الموبايل موجود في الشنطة .. و الفازلين عشان امسح ايديني بعد كل غسلة .. و قزازة الريحة .. اما ادوات المكياج فتخلوا منها الحقيبة نهائياً إلا ال lip gloss
و الشنطة ما بكون قابضة عليها يعني ممكن بعد ما اصل المحلة الماشاها بتكون في حتة و انا في حتة .. يعني ما شخصية إستبدادية على حسب المعايير :) |
شنطتك دي قطعة من شنطة أختي لكن هي بتستخدم الفازلين بدل اللب قلوز برضو ..لووول
بختكم ياخ شنطتكم خفيفة ..:)
| |
|
|
|
|
|
|
|
|
|
Re: بين حقيبتك وشخصيتك ..andquot;بوست نسائي جداandquot; .. (Re: داليا حافظ)
|
غايتو يا داليا دى شغله
اطقم الشاراب وشنطه مع الطرحه
انا كفايه عليه اطقم البلوزه والبنطلوووووووووون بكون ما قصرت
هو فى زمن
الزول بيصحى اصلاااااااااااا نايم ياخى
وبكره موضوع افتح باب الكراج وامرق العربيه
لو خلونى بهدوم النوم وسفنجه بيلقونى فى الشغل
وكفايه انى بجامله وبسرح شعرى وبخت المبادىء الاساسيه لمكياج
دا زاتوووووووووووووووووووووووووو على كبر اتعلمته
زمان اغسل وشى وما اعاين وامرق الباب توشك
فشنو
البنات البالها طويل فى الشياكه ديل ما تبعى
نحنا ناس هوب هوب واحد اتنين
:)))))))))))))))
تقولى لى الشنطايه بركه البقيت اشيلها اصلا
مرات بلفح شنطة الظهر حق الابتوب وبشتت وبكون حاشره الجزلان فى درج العربيه وخلاص
| |
|
|
|
|
|
|
|
|
|
Re: بين حقيبتك وشخصيتك ..andquot;بوست نسائي جداandquot; .. (Re: رانيه محمد الشيخ)
|
| Quote: بتشيلوا شنو في شنطكن ..غير الأجابة التقليدية أعلاها .. |
داليا ياخ انت من زمان عسل كده وانا ما ملاحظة، ولا شاربه ليك حاجه الايام دي... (دي محاولة تكسير تلج على الرغم من انها clumsy)
بالنسبة لسؤال الحلقة...
شنطتي اهم تلاته حاجات فيها هي الجزلان،و مقلمة السبورة وجزلان الكروت (الاقامات، الكروت الصحية، الرخص وكردت كارد).. وخليني افرد مساحة للرخص دي عشان ماغصاني... عندي رخصة قطرية وعندي رخصة international .. لكن محنّطاهم بعيد عنّك مما دخلنا دولة العصر الحجري زي...
مقلمة السبورة دي فيها الmarkers والمسّاحة بتاعت الwhile board.. ودي ممكن توريك موضوع المهنة ده... المقلمة دي بتمشي معاي محل ما ماشه...
بالاضافة طبعا لورق اللبان الفاضي وفردة حلق اكسسوار (حد الله بيني وبين الدهب)، وبامبرز لي ليلى خانم... بالاضافة لمفتاح العمارة ومفتاح البيت...
واحده من شنطي كان فيها إلى وقت قريب، قطعة بتاعت كعك ناعم، زرته ناس حلفو إلا أشيل منّه، وانا ما بطيقه!... شلته وحشرته في الشنطه... اسكتي ساي لما جيت انظفها كرهته روحي كيف!
بالنسبة للميزانية للشنط... ما بتذكر متين آخر مره اشتريت شنطة... الشنطتين البشيلهم الايام دي (واحده بنيّة كبيرة وواحده سودا صغيرة).. الاتنين جوني هدية....
الشنطة الممكن تعبّر عنّي ونفسي اشتريها هي زي الصورة دي...
بحب الألوان المختلفة... رغم انها اظن حتفضل علاقة إعجاب من بعيد لبعيد... ما اعتقد ما خمخمتي وبشتنتي دي حأشتريها... لكن لأني زولة عملية، ممكن اشتري زي دي
http://www.aliexpress.com/item-img/16-TRAVEL-...PURSE/389633727.html
ليه؟ لانها بتمشي ما اي شي....
| |
|
|
|
|
|
|
| |
داليا حافظ
Hussein Mallasi
جمال الباقر
عادل خياري
انصاف ابراهيم عبدالعزيز
عبد الله عبد العزيز
سناء عبد السيد
يحي قباني
Rawia
طلحة عبدالله
عصام علي أحمد
mayada kamal
مها عبدالمنعم
عمر الفاروق
مريم بنت الحسين
عثمان مكي
فيس بوك
تويتر
انستقرام
يوتيوب
بنتيريست