|
|
 نداء لاعضاء وفد الترويج للاستثمار بالسودان القادمين للسعودية فى ابريل
|
الاخوة الافاضل
تحية وتقدير
عشان ما تضيعوا قروش البلد وتبقوا مسخرة وضحكة
الشركات السعودية الجادة منذ ديسمبر تجهز فى حالها واستفساراتها
عايزين منتداكم ينجح
تعالوا بى مخططاتكم جاهزة واى منطقة عايزين فيها استثمار خالية من الموانع وبها ماء من النيل او بئر ينتج اكثر من 1500 جالون للرى عن طريق الرشاشات .
اراضى مخططة وبدون موانع وموية كافية
|
|
 
|
|
|
|
|
|
|
|
Re: نداء لاعضاء وفد الترويج للاستثمار بالسودان القادمين للسعودية فى اب (Re: Mahir Mohammed Salih)
|
والاستثمارات المضمونة ذى التعدين عن الذهب تعالوا بفكرة لاولادكم المغتربين الغلابة ديل بانو يعملوا شركات مساهمة مثل الصمغ العربى وشركة الشاى
يعنى المضمون فكوهو لاولادكم واقنعوهم باستثمار شوية الدولارات الادخروها دى فى البلد علما بانو خازوق الاستثمار الاجنبى البدخلوهو فى البلد ما حيطلع بمجرد ذهاب الحكومة الحالية عن الحكم دى اتفاقيات وبين دول .
شاهدنا ماعايزين مأسى شركات الاتصالات تتكرر باى شكل وخازوق تحويلات شركات الاتصالات الان البلد بتتكوى بى نارو
| |
|
|
|
|
|
|
|
|
|
Re: نداء لاعضاء وفد الترويج للاستثمار بالسودان القادمين للسعودية فى اب (Re: Mohammed Ahmed Saeed)
|
Quote: والاستثمارات المضمونة ذى التعدين عن الذهب تعالوا بفكرة لاولادكم المغتربين الغلابة ديل بانو يعملوا شركات مساهمة مثل الصمغ العربى وشركة الشاى
يعنى المضمون فكوهو لاولادكم واقنعوهم باستثمار شوية الدولارات الادخروها دى فى البلد علما بانو خازوق الاستثمار الاجنبى البدخلوهو فى البلد ما حيطلع بمجرد ذهاب الحكومة الحالية عن الحكم دى اتفاقيات وبين دول .
شاهدنا ماعايزين مأسى شركات الاتصالات تتكرر باى شكل وخازوق تحويلات شركات الاتصالات الان البلد بتتكوى بى نارو |
كلام مظبوط أخ محمد أحمد,
والتجربة ماثلة من شركة دلائل وأخواتها جمعت الأموال ودخلت بقوة وشجاعة في الاستثمار وظلت تواجـه العقبة تلو العقبـة
أحمد الشايقي
| |
|
|
|
|
|
|
|
|
Re: نداء لاعضاء وفد الترويج للاستثمار بالسودان القادمين للسعودية فى اب (Re: أحمد الشايقي)
|
الاخ المستشار احمد الشايقى
تحية وتقدير
وشكرا على المرور
تعرف يا أستاذ احمد بى تمهيد بسيط ومبادرة ممكن تتعمل مؤسسة تعدين ضخمة براسمال ضخم من مدخرات المغتربين بس المبادرة ودى مفروض يبدأ بيها قسم الاستثمار فى اى جهة اعتبارية من حاجات الحكومة الكتيرة لانو المغتربين نادر جدا انو يجتمعوا على مثل هذا العمل لكن تخيل 5الف مغترب بمساهمة 2 الف دولار لكل واحد دى تبقى 10 مليون دولار فتحة خشم لمؤسسة تعدين يملكها مغتربين وامكن تبدا العمل فورا.الناس فى والقروش فى لكن الثقة مفقودة تماما بين الجانبين.مانشوف دلائل ونبدأ معاهم قسم التعدين وتاخذ زمام المبادرة ( جربوا)
| |
|
|
|
|
|
|
|
|
|
Re: نداء لاعضاء وفد الترويج للاستثمار بالسودان القادمين للسعودية فى اب (Re: أحمد الشايقي)
|
بلد ليسافر المواطن يحتاج للوقوف (اقل شئ) في ثلاثة صفوف..هل تستطيع جلب المستثمرين؟
البلاد الجاذبة للاستثمار تستطيع أن تكمل اجراءات المستثمر من خلال سياسة النافذة الواحدة .
فاذا جاء مواطن سوداني مرافق للمستثمر فعشان يرجع المواطن لا بد يذهب جهاز المغتربين و يقيف في :
1-شباك يقدم للاعفاء من الخدمة الوطنية
2- شباك يسدد رسوم الخدمة الوطمية
3- شباك اصوير لكرت الخدمة الوطنية
4- انتظار لاستلام كرت الخدمة الوطنية
5- شباك لطباعة الالتزامات (مساهمة/ضرائب/زكاة)
6-شباك لتسديد ما عليه و رسوم تاشيرة الخروج.
7- شباك الحصول على التاشيرة.
الكلام موش قانون استثمار على الورق الكلام ما يحدث على ارض الواقع.
| |
|
|
|
|
|
|
|
|
|
Re: نداء لاعضاء وفد الترويج للاستثمار بالسودان القادمين للسعودية فى اب (Re: الحاج حمد الحاج)
|
الحاج حمد
كيفك وعساك بالف خير
ما الاجراءات لحالها سلوك كبار موظفى الدولة مع المستثمرين محتاج مراجعة
كان فى مستثمر فى زيارة للسودان وكان فى استقبالة مدير استثماراتة فى السودان ( سودانى) وسفير السودان فى بلد المستثمر وبعض رجال الاعمال السودانيين وصلت الطائرة وتم استقبالة فى قاعة كبار الزوار واصر سفيرنا الهميم الملم بالاصول والبرتكولات وكنوع من الترحيب ان ياخد الضيف من الصالة وعلى الفندق بدون المرور على الجوازات على ان تتم اجراءات الجوازات الشكلية بواسطة احد الموظفين وترسل لهم بالفندق ( دا راى السفير) وحسمة مدير مكتب المستثمر بانك بتصرفك دا عايز توريهم انو( البلد فوضى) وسال السفير هل حصل لة مثل هذا الاجراء فى بلد المستثمر وزعل السفير جدا وانقذالموقف تدخل احد النافذين بانة لابد من اكمال اجراءات الدخول حسب المتبع.هناك بلاوى من كبار الموظفين وتصرفاتهم وعدم المامهم بالبرتكولات والشكليات وعندهم كلها للة .
| |
|
|
|
|
|
|
| |
Mohammed Ahmed Saeed
أحمد الشايقي
الحاج حمد الحاج
فيس بوك
تويتر
انستقرام
يوتيوب
بنتيريست