|
|
|
 Re: بقيتوا على ( الجراد ) يا اولاد الهرمة ...... (Re: ود الباوقة)
|
الاخ ود الباوقة ،،، تحياتي
السودان مستهدف الحكاية شنو !!!
واخرتها بقت جراد من اسرائيل
اللهم احفظ هذه البلاد والعباد من بنى صهيون وحشرات بني صهيون وقاذفات بني صهيون
اهه يا ود الباوقة المرة دي جونا جراد صواطير ما تنفع ،،، سهلة الحكاية خلاص رش ساي 
مودتي
الرحــــال
| |
 
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: فيصل محمد خليل)
|
Quote: جراد شنو البترسلو اسرائيل
وبعدين وينا زراعتكم مع الناس عشان
يرسلوا ليها جراد !!!! |
يا زول الزراعة الرساليين ديل غتسو حجر ابوها
لصالح البزنس حقهم القايم علي الاستيراد فقط.
ياخي الطماطم بتجينا من الاردن تلك الارض القاحله
والبصل والتوم من الصين !!!
شوف ليك جنس محن
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: حمد عبد الغفار عمر)
|
ود الباوقة
كدي خلينا نكون عقلانيين شوية وننظر للموضوع بنظرة موضوعية
الجراد ده بني صهيون فكاهو من حدود اسرائيل ولا جابو في حاويات وفضاهو جوه السودان
لو فكاهو من حدود اسرائيل كيف يضمنوا ان الجراد ما ح يعمل خلف دور ويجيهم راجع لي زراعتهم او قرب زراعة
يعني بالعربي كده مصر
بعدين اسرائيل مامحتاجة جراد عشان تخاطر بيهو لو عايزة تبوظ المحصول ممكن عادي يجو راكبين طيارة رش وقت صلاة العشاء يرشو المحصول كلو ويعملوا شتات بعد داك ممكن يجرو نور طويل
مافي زول شجاع يقول الجراد ده غضب من ربنا للعمائل البعملوها في السودان
تحياتي
زاتوووو
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: اسامة محمد ابوبكر)
|
Quote: ارسلوا لنا الجراد يا بني صهيون
ودون شك القراد والقمل في طريقه اليكم
قريبا باذن الله
|
الشيخ ودا الباوقة سلام ،،
لازم يتم فحص الجراد دا وسريع جدا لانو في احتمال يكون حامل فيروس لامراض خطيرة وربنا يستر علي شعبنا الطيب من بلاوي عهد الانقاذ...
وفي احتمال يكون بفتش للصقر صاحب GPS عشان يرجع الصور المهمة داخل جهاز التصوير للعدو الصهيوني وربنا يستر برضو.
يشهد الله بقيت أفتش لبوستاتك تفتيش عشان اعرف أخبار العدوان علي بلدنا .
You Made My Day شكرا.
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: امين علي الشيخ)
|
دى اسمها بارانويا يا الباوقة. ذكرتنى بواحد قريب صحبى اتزوج له واحدة صغيرة فى سن و و خلفوا عيال و لكن قريب صاحبنا هذا كان جلكام اصلا و بعد سنوات مع البنية, صاحبنا اتقدم فى كل شئ و فقد الثقة بنفسه بينما الولية يا دوب بقت مرة جد جد و بقت جميلة جدا و الحكايات عملت نفسيات لزوجها و بقى يعاين و يحمر فى عيون الشباب اللا كانوا بزوروا بيتو برفقة اولاده.
"ديل عيال صغار يا بت ناس."
كان بيصرخ فى الولية لمن كنا بنجى بيتو زمان لمن كنااولاد.
"منتبن حتعجزى يا ولية?", كنا بنسمعه
البارانويا تخليك بتخيل اى خاجة ذى عمنا هذا.
(عدل بواسطة Zakaria Joseph on 02-23-2013, 08:59 PM)
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: Amani Al Ajab)
|
يا ود الباوقه والله احسن ليك تسمع نصيحة اخونا هشام عباس وتمشى تلحق السوق وبلاش غربه ووجع قلب خاصة وانك لا تقل موهبة عن أى متنفذ فى هذه السلسلة الفاسده من العصبه المتحكمه فى البلد
وصدق دينق ياود الباوقه اختشى لكن انتو تختشو من شنو ولا من شنو ؟ الله يفقع مرارتكم كان فقعتو مرارتنا نحن نلقاها منك ولا من تيتاوى ولا من نافع ولا من مامون حميده ولا من كبيركم وعويركم خادم القران الكريم ياخ الناس الحلوين ديل قاعدين تلقوهم وين ؟
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: عرفات حسين)
|
ده تغبيش وعي لا اكثر
الحكومة فقدت المصداقية في كل شيئ ولجأت لنظرية المؤامرة
من قامت شابكانا..
نحن مستهدفين في عقيدتنا .. وكوادرهم مامقصرين في قلة الادب مع الاطفال وبالتأكيد مع بعضهم البعض ان ضاقت بيهم الوسيعة
نحن مستهدفين في خيراتنا .. لا زراعة شوفنا ولا اكلنا مما نزرع .. الطماطم البسيطة دي كانوا بيستوردوها
نحن مستهدفين في ثقافتنا .. والبلد اتملت بخنازير غنائية من شاكلة الاوالاد ال########ين والمكسورين
الله يسلم البلد من نرجسيتهم وطمعهم وفسادهم الذي فاق فساد كل ماجاء في السير القديمة والحديثة
ويخلصنا منهم
--
بق بق ماتصدق كذبة الزمان ديل
| |
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: Nagat Sid Ahmed Elshiekh)
|
Quote: لازم يتم فحص الجراد دا وسريع جدا لانو في احتمال يكون حامل فيروس لامراض خطيرة وربنا يستر علي شعبنا الطيب من بلاوي عهد الانقاذ...
وفي احتمال يكون بفتش للصقر صاحب GPS عشان يرجع الصور المهمة داخل جهاز التصوير للعدو الصهيوني وربنا يستر برضو. |
الاخت نجاة
يعني انتي مستبعداها من الابالسة ديل ؟؟؟
ليهم يوم باذن الله
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: ALZOLZATOO)
|
Quote: بعدين اسرائيل مامحتاجة جراد عشان تخاطر بيهو لو عايزة تبوظ المحصول ممكن عادي يجو راكبين طيارة رش وقت صلاة العشاء يرشو المحصول كلو ويعملوا شتات بعد داك ممكن يجرو نور طويل
|
ههههههههههههههههههههههههههههههههه
والله احلى كلام ومنطقي جدا هم ما عرفو الكنتة كويس بس مع صلاة العشا واي هدف ببقى مكشوف
والله يا اللمبي عندك المحن الله يعلم
ود الباقة سلامات
ود الباوقة قول النصيحة
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: ود الباوقة)
|
مئزر هبةالله ابو المكارم · الأكثر تعليقا · يعمل لدى NHS Trust
اود الباوقه
سبحتو من حبال
المشنقة المرفوعة
جلابيتو من كفن
الشهيد مقطوعة
صحة عضلو
من مرض الأهالى وجوعا
الفاتورة من لبن
الرضيع مدفوعا
رد · أعجبني · متابعة المنشور
مئزر هبةالله ابو المكارم · الأكثر تعليقا · يعمل لدى NHS Trust
ما نخلي الضعيف في الحارة إلا نضافروا
وما نجامل دجـل طوّل عليـنا أضـافرو
وما نشرك نظام للشـعب إرهاب ضافروا
إلا نعافرو ... ندفنـو في الفريق الحـافرو
ما دايرين على الواجـب ثواب وعفارم
وما كايسـين على حُـب المبادئ مغانم
ما بنخاف وعيد في الحق ونخشى الظالم
الجسـم إنْ سِلِمْ من السـنين ما سـالم
رد · أعجبني · متابعة المنشور
مئزر هبةالله ابو المكارم · الأكثر تعليقا · يعمل لدى NHS Trust
اتخيل ياود الباوقه بعد عمر طويل , الناس تقوم تحكي عن المطبلاتي للكيزان , اهلك اكون موقفهم شنو ,
رد · أعجبني · متابعة المنشور · منذ 5 ساعات
Sam Osman · الأكثر تعليقا
عرة الباوقه
الدكتور ده سيدنا وكبيرنا
وانا قلت ليك فوت , عفيت عنك
قلبى..... على الشهيد التحت التراب دافننو
وقلبى..... مع السجين الخلف الحديد رامنو
وقلبى...... مع المواطن الحر بالاذى ملاحقنو
ديل سودانا.......والباقين ......يمين ما منــــــــو
رد · أعجبني · متابعة المنشور · منذ 7 دقائق
Adil Hussain · France
ياعرفات خلى الوهم ديل
رد · أعجبني · متابعة المنشور · منذ 8 ساعات
Adil Hussain · France
ابو حسين انت مره بى فوق ومره بى تحت ؟ كويس المره دى بى تحت :)
رد · أعجبني · متابعة المنشور · منذ 8 ساعات
Sulaiman Adam Sulaiman · الأكثر تعليقا
محنة من محن سودانيز اون لاين
رد · أعجبني · متابعة المنشور ·
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: عرفات حسين)
|
Quote: مئزر هبةالله ابو المكارم · الأكثر تعليقا · يعمل لدى NHS Trust
اود الباوقه
سبحتو من حبال
المشنقة المرفوعة
جلابيتو من كفن
الشهيد مقطوعة
صحة عضلو
من مرض الأهالى وجوعا
الفاتورة من لبن
الرضيع مدفوعا
رد · أعجبني · متابعة المنشور
مئزر هبةالله ابو المكارم · الأكثر تعليقا · يعمل لدى NHS Trust
ما نخلي الضعيف في الحارة إلا نضافروا
وما نجامل دجـل طوّل عليـنا أضـافرو
وما نشرك نظام للشـعب إرهاب ضافروا
إلا نعافرو ... ندفنـو في الفريق الحـافرو
ما دايرين على الواجـب ثواب وعفارم
وما كايسـين على حُـب المبادئ مغانم
ما بنخاف وعيد في الحق ونخشى الظالم
الجسـم إنْ سِلِمْ من السـنين ما سـالم
رد · أعجبني · متابعة المنشور
مئزر هبةالله ابو المكارم · الأكثر تعليقا · يعمل لدى NHS Trust
اتخيل ياود الباوقه بعد عمر طويل , الناس تقوم تحكي عن المطبلاتي للكيزان , اهلك اكون موقفهم شنو ,
رد · أعجبني · متابعة المنشور · منذ 5 ساعات
Sam Osman · الأكثر تعليقا
عرة الباوقه
الدكتور ده سيدنا وكبيرنا
وانا قلت ليك فوت , عفيت عنك
قلبى..... على الشهيد التحت التراب دافننو
وقلبى..... مع السجين الخلف الحديد رامنو
وقلبى...... مع المواطن الحر بالاذى ملاحقنو
ديل سودانا.......والباقين ......يمين ما منــــــــو
رد · أعجبني · متابعة المنشور · منذ 7 دقائق
Adil Hussain · France
ياعرفات خلى الوهم ديل
رد · أعجبني · متابعة المنشور · منذ 8 ساعات
Adil Hussain · France
ابو حسين انت مره بى فوق ومره بى تحت ؟ كويس المره دى بى تحت :)
رد · أعجبني · متابعة المنشور · منذ 8 ساعات
Sulaiman Adam Sulaiman · الأكثر تعليقا
محنة من محن سودانيز اون لاين
رد · أعجبني · متابعة المنشور |
شفتو قوة عين البرلوم دا
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: ود الباوقة)
|
يا ود الباوقة ياخ الموضوع ده بسيط ....
ما أن تروا أسراب بني صهيون .....
أرصدوه بالأشعة فوق البمبية ..
ثم وجّهوا نيران مدفعيتكم الفتاكة .....
 
بعد سقوط العدو مجندلاً ... أجروا عليه بعض الفحوص الميدانية ...
 
ثم فحوصاً معملية ....
 
لكم أن تختاروا ما تشاءون من طرق التقديم المختلفة ....
وإذا ما رزقكم الكريم بصيد وفير ... يمكن تحويل الهواية إلى منتج نقدي بديلاً عن القطن والماشية والصمغ العربي الغائبين عن الوعي:
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: محمد أبوالعزائم أبوالريش)
|
الأخ ود الباوقة
لك التحية
وجب عليكم الرد وفى أسرع فرصة ممكنة لأنكم إحتفظتم بحق الرد كثيرا عشان كده الجماعة ديل كتروها
مرة فى بورتسودان ومرة فى اليرموك ومرة صقر تجسس فى دارفور وأخيرا إرسال كتائب الجراد المدمرة
أنا بقترح تحاربوهم بنفس سلاحهم بان تجمعوا القرود والطيور التى حاربت معكم أيام حرب الجنوب والتى
كانت تُفجر الألغام وترسلوا منها كتيبة خاصة تمرمط الإسرائيليين لامن يقولوا الروب .
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: جمال خضر)
|
Quote: وجب عليكم الرد وفى أسرع فرصة ممكنة لأنكم إحتفظتم بحق الرد كثيرا عشان كده الجماعة ديل كتروها
مرة فى بورتسودان ومرة فى اليرموك ومرة صقر تجسس فى دارفور وأخيرا إرسال كتائب الجراد المدمرة
أنا بقترح تحاربوهم بنفس سلاحهم بان تجمعوا القرود والطيور التى حاربت معكم أيام حرب الجنوب والتى
كانت تُفجر الألغام وترسلوا منها كتيبة خاصة تمرمط الإسرائيليين لامن يقولوا الروب . |
جمال
ديل عقابهم جاي من فوق كما وعدنا ربنا الكريم في محكم تنزله
وشكرا
| |
|
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: ود الباوقة)
|
Quote:
وإذا ما رزقكم الكريم بصيد وفير ... يمكن تحويل الهواية إلى منتج نقدي بديلاً عن القطن والماشية والصمغ العربي الغائبين عن الوعي:
|
حضرت سنة الجراد في أوائل السبعينات
لما بدأت الأسراب سمعنا لها صوت مثل صوت أزيز الطائرات
لما وصلت حجبت ضوء الشمس وتحول النهار إلى ليل
بدأ سف النخيل يتساقط وماهي إلا لحظة وتصبح النخلة بلا سعف
كذلك أوراق الشجر
وقف الناس على أسطح المنازل لمنازلة الجراد كل منهم يحمل جريدة أو قطعة
كل ضربة بتزل كمية من الجراد وقد تم تعبئته في الجرادل
في ظرف ساعتين كان الغطاء النباتي قد تم تسويته بالأرض
قمنا بقلي الجراد ( أحجامه كبيرة بالمناسبة ) كما هو ظاهر في الصورة بالطوة والقلي يذهب الأجنحة والأطراف
ولأنه لذيذ في لحظة سوف تعتاد على أكل الجراد
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: Deng)
|
Quote: شايف الكوز الدجال تيتاوي قال "يجب أن نضع أيادينا على زناد البنادق"
أها البنادق دي ح يتم توجيهها الى أي جهة؟
لأنو حسب علمي مافي حدود سودانية إسرائيلية. |
deng
نحن جراد وانتهينا منو
مشكلتكم انتو ضاربكم المرج وعلاج ما عندو
مخير الله
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: ود الباوقة)
|
والله دا جراد ما عندو موضوع لما يهاجم يهاجم السودان
ياخ ما يمشي يشوفلو بلد فيها زراعة عشان تشبعو
هي بلد وزير زراعتا المتعافي دي الزراعة فيها بتقوم ليها قايمة؟؟؟
اكييييد ما حا تقوم ليها قايمة للابد
الله المستعان
تحياتي ود الباوقة
يا ود الباوقة قول النصيحة
| |
|
|
|
|
|
|
|
|
|
Re: بقيتوا على ( الجراد ) يا اولاد الهرمة ...... (Re: Haytham Ghaly)
|
Quote: الفائز عبدالله · دنقلا الثانوية
{ فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُّفَصَّلاَتٍ فَاسْتَكْبَرُواْ وَكَانُواْ قَوْماً مُّجْرِمِينَ } .. هل نحن معصومون وفي مناى من عذاب الله .. على الراعي والرعية مراجعة انفسهم وان يزنوا الامور بالميزان الشرعي وليس الشعارات ...ها قد اتاكم الطوفان والجراد واخشى من بقية عذاب الله وربنا يلطف
رد · أعجبني · متابعة المنشور · منذ 23 ساعة |
| |
|
|
|
|
|
|
|
| |
عبدالكريم الامين احمد
Deng
الصادق سلفاب
أشرف الرحال
هشام عباس
حمد عبد الغفار عمر
ناصر حسين محمد
Hani Arabi Mohamed
فيصل محمد خليل
معاوية عبيد الصائم
waleed nayel
Hafiz Bakhit
ALZOLZATOO
Zakaria Joseph
الصادق عثمان محمد
اسامة محمد ابوبكر
Nagat Sid Ahmed Elshiekh
امين علي الشيخ
Amani Al Ajab
عرفات حسين
حيدر حسن ميرغني
Hatim Alhwary
صالح تاجاب
نادر النور آدم
محمد أبوالعزائم أبوالريش
جمال خضر
Mohammed Abuzaid
سليمان القرشي
ismeil abbas
جعفر محي الدين
وضاحة
Elkalakla_sanga3at
المسافر
فيس بوك
تويتر
انستقرام
يوتيوب
بنتيريست