|
|
 *** نطالب إسرائل أن ترسل لنا فئران فورا !!! ***
|
سلام يا أهلنا من طرف ,, أريتكم طيبين
شوفتو محن ناس ابو جكة؟ والله ديل حيروا الأباليس في اوكارها ,, والله صحي
غايتو تصريحاتهم الأخيرة دي ، لو بركوا ليهم شيخ من شيوخ الضلال التبعهم ، ما يبرطم زي برطمتهم الفارغة دي !!!
نطالب إسرائيل بإرسال فئران فورا!!!!
ناس ما عندها منطق ولا عندها إسلوب للكلام، ولا عندها حتى المقدرة على غتغتة عيوبها المشرورة في صقيعة الله لكل العالم !
آفة الجراد وحدها الحلت بالبلد ؟ ويا دوب فكرتو للجراد الجاكم ده؟ ما إنتو زاتكم الجراد والقمل والكلاب المسعورة المحكرين لينا في رأس البلد من 23 سنة، تنهشوا في بطون الشعب المغلوب على امره, اكلتوا لحمو ونخرتوا عضمو!!
حتى الطفولة البريئة قدرتو مسحتو ملامحها وهجمتو عليها كالذئاب المسعورة!!!
يا تو دولة إسلامية في العالم تعدت على برآءة الأطفال من الجنسين في بلدها؟؟؟ غيركم إنتو ؟ وفي زمنكم وفي عهدكم المسح كل سمحنا ؟حتى الأخلاق مسحتوها بأستيكة! زرعتوا العار والقبح والشر!!
ما عرفنا حتى نصنفكم مع ياتو جنس في الدنيا دي؟ الحيوانات المفترسة تتبرأ منكم ومن عنفكم وخبثكم؟
حتى الحيوان( الله يكرم القاريء المحترم ) الحيوان لا يمكن يعتدي على جناه من جنسه حتى ولو كان جنا بهيمة تانية!!
ده الحيوان الما عنده فهم و ربنا ما حباه بنعمة العقل زي البني آدم ،لكنه رغم كده بحترم خصوصية الصغار وما بعتدي عليها!!
الأباليس المعروفين ومذكورين في القرآن ، إنتوا سبقتوهم بي مأئة سنة ضوئية في الخبث والشر والدهاء!!!
إسرائل الدارعين شركم في ضهرها ، تقاتل حتى الموت من اجل قيام دولتها ومن أجل ابناء جلدتها!!
وإنتو تقاتلوا وتطحنوا في شعبكم حتى الموت وتغتصبوا حتى الأطفال الأبرياء من أجل نفوسكم النتنة ومن أجل كروشكم الما بتشبع ولا بتقنع!!
بإختصار إسرائيل بالنسبة ليكم الحمل الوديع في غابة كلها وحوش , إنتو الوحوش طبعا مافي شك!
وبرا خجلة وأمام كل العالم تنشروا في حججكم الواهنة ! مرة إسرائيل رسلت صقر! ومرة ضب ومرة جراد؟
لكن عفيت منها إسرائيل كان الجراد ده فعلا رسلتوا! يعني ما محتاجة حتى تجهز طائرات وتتعب وتخسر جهد جوي وخسارة مادية يفترض تستفيد منها في جهات لها دفاعات جوية تحتاج عتادها القوي!!
إنتو فد صقر بجهجه باكاتكم ! وخرتاية جراد يجي طابيها نفرين من إسرائيل! وما محتاج حتى يتعبوا ويرسلوا ناس من عندهم !!
بكل بساطة خرتايتهم الدايرين يرسلوها دي !! يشتروا بيها زمة واحد منكم و فيكم ، باقي إنتو زممكم مشرورة في سوق الله وأكبر، البدفع زيادة جنيه بتبيعوا ليه طوالي!!
يشتروا زمة واحد منكم ويشيلوه الجراد يفكوا في الغبش المساكين عشان يغتس حجر زراعتهم!
اها وإنتو مهمتكم شنو ؟ رسلوا ليكم طائرات قلتو النور مطفي! قبضتوا ليكم صقر قلتو عنده جهاز حساس !!
رسلوا ليكم جراد على حد قولكم ، ورغم إنه لو جاي من تالا إسرائل يفترض يكون جاييكم مهدود الحيل والحيلة!!
يعني فد بخة بي جمكسين تكتلوا ميئات! لكن الشكية لي الله مبيد الحشرات ما عندكم !! حيرتوا إسرائيل زاتها ترسل ليكم شنو المرة الجاية ؟؟ والله إلا يفلعوكم بي نبل من بيوتهم؟
بلد يفترض إنه يكون زراعي ولديه من الإحتياطات الوقائية ما يسد الحاجة لي عدة سنوات لي قدام!
أين مبيداتكم الوقائية؟ هل هي غالية التمن ؟مكلفة مثلا؟ بعدين وينه هو محصولكم البهدد أمن إسرائيل عشان تهجم عليه هجوما جرادياَ؟
جيوش الجراد الجات زاحفة دي ليه ما رصدتوها من بدري؟ افقر دول العالم عندها إمكانيات رصد ابسط الأضرار على بلادهم .
وبحتاطوا ليها وبتسلحوا وبتفادوا أبسط الخسائرمن أجل شعبهم ! إنتو القروش كلها حولتوها لي ارصدتكم الخاصة, إمكانيات البلد من زمن الإنجليز قضيتوا عليها وخليتو البلد في الصقيعة زيو زي اي خرابة !!!!
بلد جيعانة وناس قالت الروب ، لكن الحق ما عليكم إنتو ، الحق على الشعب الصامت وكاضم ده!
الوقاية ما لاقنها الناس من أبسط الأمراض! كيف توفروها للزراعة؟ إنتو لو على كيفكم الشعب ده كلو تختوه في خور وتحرقوه.
عشان البلد تفضل ليكم براكم, على قول عادل إمام تصحو من النوم ما تلقوا شعب تحكموه!! تقعدوا إنتو سيدي بي سيدو وشيخي بي شيخو !!
يشهد الله نحن شفع نتجارى شفنا طائرات رش المبيدات تجوب مشاريع الجزيرة، وطائرات الرش تشوفها كيمان كيمان في مشروع الجزيرة وحواشات سكر الجنيد! هسه كلو بعتوه وقضيتو على الأخدر واليابس!!
وجيتوا تتبجحوا بي كذب وإفك بائن امام العالم وبرا خجلة!! وكل مصيبة تحل بالبلد بسبب إدارتكم الفاشلة تدرعوها في إسرائيل الحيطة القصيرة!
هل إسرائل رسلت وسواس لي صدوركم الخبيثة عشان تعتدوا على حرمة النساء والأطفال الأبرياء وتغتصبوهم؟ هل طلبت منكم تشردوا المرضى من المستشفيات وترموهم في الشارع بلا رحمة؟
هل طلبت منكم تجوعوا الشعب وتزرعوا الفتنة والجرائم الدخيلة على البلاد؟ هل أمرتكم ببيع ممتلكات الوطن محليا وداخليا؟ هل أمرتكم بالكذب والإفك والغش وأكل السحت والتجارة بالدين؟؟وهل ؟ وهل ؟ ألخ
بالله إختشوا ولموا نفسكم, الفساد الزرعتوه في البلد ما بخفى على رب العباد من فوق،غضب الله ما بعيد ، يمهل ولا يهمل ، حق الأطفال والأرواح الزهقت وأغتصبت ظلما وجورا .
كلو بإذن الله بخلصوا منكم الحي الدائم ، نسأله تعالى ان يسلط عليكم غضبه ويرينا فيكم يوم ويفرج فيكم كل العالم، ويكون مصيركم أسوأ من مصير بن على والقذافي ومبارك!!!
متاوقة
نطالب إسرائل ان ترسل في المرة القادمة فئران من حجم الجقور لأنه عندنا كدائس مطاعم كبيرة لهفت البلد ناوين أن نقضي عليها فد مرة!!
يمهل ولا يهمل
أسماء الجنيد
(عدل بواسطة اسماء الجنيد on 02-23-2013, 06:47 PM)
|
|
 
|
|
|
|
|
|
|
 Re: *** نطالب إسرائل أن ترسل لنا فئران فورا !!! *** (Re: اسماء الجنيد)
|
العزيزة أسماء الجنيد
تحياتي - عليك الله تسحبي دعوتك دي - يا زولة يقوم يجينا فأر زاحف كداري كدا جماعتنا ديل يقول ليك الفار دا كان زاحف في الرمل بدون صوت. قاتل الله إسرائيل يا أسماء بالله من زمان يجينا ساري الليل مع ضلام الدرت داك تاري إسرائيل بترسله لينا . بالمرة كدا يا اسماء مرة مسكت لي ساري الليل ولقيت لي في جناحها كتابة زي العبرية كدا. يا بسم الله عليك يا إسرائيل يا أخي .
بحيراوي
| |
|
|
|
|
|
|
|
|
 Re: *** نطالب إسرائل أن ترسل لنا فئران فورا !!! *** (Re: هشام عباس)
|
Quote: العزيزة أسماء الجنيد
تحياتي - عليك الله تسحبي دعوتك دي - يا زولة يقوم يجينا فأر زاحف كداري كدا جماعتنا ديل يقول ليك الفار دا كان زاحف في الرمل بدون صوت.
قاتل الله إسرائيل يا أسماء بالله من زمان يجينا ساري الليل مع ضلام الدرت داك تاري إسرائيل بترسله لينا .
بالمرة كدا يا اسماء مرة مسكت لي ساري الليل ولقيت لي في جناحها كتابة زي العبرية كدا. يا بسم الله عليك يا إسرائيل يا أخي .
بحيراوي |
حبابك يا البحيراوي ,, تسلم والله
هههههههههههههههههه هي يا ود امي دعاء ساي ما نتفش في الماكلينا أهلنا حيين؟؟
بعدين يا خوي الفئران لما تجي بتمشي تكوس بكان الكدائس أمات كروش والله صحي
بتعرفهم في الضلمة وبتاهجمهم واحد واحد ، ما بتجي للغبش المطحونين
تسلم البحيراوي وطولنا من طتك البركة في الشوفة يابا
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: اسماء الجنيد)
|
Quote: موووبالغة يا سوما ياخ
وبعدين لو اسرائيل رسلت الفئران
احتمال ايران ترسل الكدايس ...... والله صحي
تحياتي |
ود البشاري يا ود عمي حبابك والله
يا خوي الكدائس قااااااااعدة وأكبر من كدائس المطاعم كمان والله صحي
التجينا الجقور عشان نشوف الجكة المكعوجة , ومع سكة الجقور نلمهم كلهم في الخور
وننادي الناس يجي يتفرجوا في اللهطوا البلد وقسموها
يمهل ولا يهمل
تسلم ود البشاري
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: اسماء الجنيد)
|
Quote: بت الجنيد اختى الله يسامحك
هى نان اسرائيل رسلتلك حكومة كاملة
بفيرانا و نسانيسا و بوما و كمان مندوف
تانى مقلقاها فوق ام كم.
هذا مع تحياتى |
ود الجميعابي حبابك يابا
يا أمجد يا خوي إسرائيل بقت الحيطة القصيرة لناس الحيكومة بت الهرمة
اها جاهم صقر قالوا إسرائيل
جاهم ضب قالوا إسرائيل
جاتهم طيارة قالوا إسرائيل
اها جراد اول البارح ده قالوا إسرائيل عندها مزارع جراد ,, آي جراد عدييييل , شفت الفهم ده؟
اها وإتآمروا مع دول العدو التاني ورسلوا الجراد عشان يأكل نخيلنا وفولنا وخدارنا
وعشان لما نرشو بالمبيد الرش بعم الناس والجراد , وقالوا المبيد ببيد معاه باقي الخلق الجيعانة دي !!
اها شنو ليك مش فكرة نطالب إسرائيل ترسل لينا فئران عشان تأكل الأكلوا حق البلد ؟؟
يمهل ولا يهمل
شكرا أخي أمجد لمرورك والله يصبرنا بس يا خوي
| |
|
|
|
|
|
|
|
|
 Re: *** نطالب إسرائل أن ترسل لنا فئران فورا !!! *** (Re: اسماء الجنيد)
|
Quote:
بت الجنيـد
ســـلام
الحيكومة قالت جـراد من اسـرائيل صدقيها ( هو انتي نتعرفي اكتر من الحيكومة )
ددا جـراد مصفح و لابس كمامات عشـان المبيدات و كدا , بالله رســلي كم سـاطور كدا |
اوووه اهلنا المنهم طولنا,, كيفنك يا عبد الله ود عمي الأحيمر ,, أريتك طيب يابا وكل المعاك ..
والله صدقت يا خوي ده جراد مصفح وكمان مسلح , والله صحي
لكن هو وينو المبيد يا بد الله يا خوي البلبسوا ليه الكمامات ؟؟ ياخوي اكان شفت اهلنا المغلوب على امرهم يخبتوا فيه بالعص
يرصعوا فد جرادة ويهشوا ألف ,, والله صحي
غايتو شر البلية ما يفقع المرارة
تسلم يا عبد الله ويديك ألف عافية إن شاء الله
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: اسماء الجنيد)
|
Quote: كمان ما تطمعوا وتمسخوها
اسرائيل دى ما عندها شغلة غيركم
كفاية عليكم البعوض والجراد
الفيران دى يرسلوها للكبار ناس ايران وكدا |
يا هشام ياخ إنت حاسد ولا بغران ؟؟؟
نحن أول مرة نطلب يرسلوا لينا !
قبال كده البجي كان بجي منهم براهم بي إرادتهم
لكن وبما إنه إكتشفنا عندهم مزارع جراد، مالوا لو رفدونا بي سربين جقور تقضي على كدائس الهردت عضم الشعب!!
دي أول وآخر مرة تاني ما بنطالب ,,
خليك في صفنا يا هشام ياخ ما يقوموا يسمعوك ويغيروا وجهتهم لي إيران , ولا تطمع إيران وتسارع بختف الصفقة المهمة
هههههههههههههههه هم يبكي وهم يضحك
تسلم يا هشام وشكرا على مرورك
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: Nagat Sid Ahmed Elshiekh)
|
إزيك يا سوما
يا ختي معقولة نحن يا دوب لينا كم سنة إرتحنا من مكافحة الفئران في مشروعنا (بحلفا الجديدة) ويا ما أشتغلنا في رش سم الفئران في حواشات المشروع ،،، أنا موافق على طلبك في حال هناك دعم من جهات دولية للمكافحة ،،، ما في مشكلة يرسل فئران ،،، عقارب ،،،، ثعابين .
وكدا بنجد بعض الوظائف لجمهور العطالة .
ورب ضارة نافعة .
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: ولياب)
|
يآخي حمد لله سلامـة في شان هيك كتابة طاعمـة..
بعدين قبال ما تجري للفئران اركزي بس للقمل والضفادع ( الضفادع يعني القعوي يا ناس العنكوليب ) ..
اصلاً ايات الله لبني اسرئيل الارسلها على قوم فرعون جانا منها الدم بدري وبقي حده الركب... والطوفان ياما كسر وهدم بيوت وكسح اراضي ولا حياة لمن ننادي . وهسع جاء الجراد.. يبقي باقي القمل والقعوي..
{ فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُّفَصَّلاَتٍ فَاسْتَكْبَرُواْ وَكَانُواْ قَوْماً مُّجْرِمِينَ }
أها كلام تيتاوي ومن خلفه ود الباوقة صحيح بني اسرئيل يكونوا حافظين باقي الايات دي عندهم من بدري واي ظالم ومجرم يفتحوا العلبة ويفكوا فيهو حبة..
انتي قائلة شنو..!! شيخ الشعرواي قال في تفسير الاية دي :
فإذا جاءَ وعدُ أولاهما بَعثنا عليكم عباداً لنا أولي بأسٍ شديدٍ فجاسُوا خِلالَ الديارِ وكانَ وعداً مفعولاً
قال (عباد لنا ) ليس معناها الناس المؤمنين او المسلمين العباد ديل ممكن يكونوا كفار يعبدوا الحجر ربنا يديهم القدرة والقوة يعاقبوا الظلمة والمجرمين ..
فدحين الله قادر يجيب الجراد وبعده القمل والضفادع .. بس ان شاء الله ود الباوقة والحاج ساطور يركزوا ما يحرجونا مع الاجانب والفئران!!
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: HAIDER ALZAIN)
|
عوافي اسماء الجنيد ..
تزمر وسط الفئران الإسرائيلية إثر قرار أصدره الجنرال بالذهاب إلى السودان لمكافحة الكدايس بعد فشل حملة الجراد ...
واحتجوا بأن المهام الخاصة بهم داخلية وهي، الكشف عن الأسلحة والمخدرات والأموال المهربة عبر المطارات ..
تم تحفيزهم بنبش الماضي و تذكيرهم باسلافهم فئران مشروع الجزيرة الذين تم قتلهم شر تقتيل ( بالتمك ) وتجويع من بقى منهم بسبب تدمير المشروع
قررت الفئران الذهاب وهي الآن بكامل العتاد العسكري ...
اسماء عندكم جبنه مضفره
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: لؤى)
|
Quote: الله يستر من القمل يا اسماء هههههه
غايتو اسرائيل بالغت
ولا ساطور الحاج ادم ما نفع ؟!!! |
حباب ود العمدة,, أريتك طيب يا خوي
يا ابو حميد بالعكس ياخ,, إنت عارف القمل ده هين
كل التكلفة صابونة فنيك وموس حلاقة, ويا الصلعة جاك بلا ههههههههه
| |
|
|
|
|
|
|
|
|
 Re: *** نطالب إسرائل أن ترسل لنا فئران فورا !!! *** (Re: اسماء الجنيد)
|
Quote: هشام أخوي انت نسيت الصقر أبو GPS ولا شنو؟
بت الجنيد نضميك سمح بالحيل ذيك كدا ، بس ماتنسي الجراد قالو وصل تعبان وبطنو طامة عشان كدا ما أكل التكتح ... |
هلا هلا يا نجاة مشتاقين والله يا حبيبة .
لا وإنتي يا الصادقة يا نجاة قالوا إندق فيه خازوق لأنه ما لقى حاجة يأكلها, الناس زاتها تشكي وتبكي
تسلمي يا نجاة وفعلا شر البلية ما يشضحك ويبكي في آن واحد
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: اسماء الجنيد)
|
Quote: إزيك يا سوما
يا ختي معقولة نحن يا دوب لينا كم سنة إرتحنا من مكافحة الفئران في مشروعنا (بحلفا الجديدة)
ويا ما أشتغلنا في رش سم الفئران في حواشات المشروع ،،، أنا موافق على طلبك في حال هناك دعم من جهات دولية للمكافحة ،،، ما في مشكلة يرسل فئران ،،، عقارب ،،،، ثعابين .
وكدا بنجد بعض الوظائف لجمهور العطالة .
ورب ضارة نافعة . |
اووووه ناس الشرق والسكر الناس الطيبين وطاعمين ,, والله مشتاقين يا ولياب يا رفقة الأحباب
البركة في الطلة بعد غيبة طويلة
تصدق يا وليبا إن أنجلا الهم الفي القلب ده ؟ لو جات عقارب وثعابين الحواشات كلها بتكون متصالحة مع الزراعة واصحابها
بس اليختونا الناس الفاتو سوء الظن العريش
مشتاقون يا إبن عمي ,, طبعا ما تنسا أنا من عنديكم بالأغلبية الساحقة ههههههه
تسلم والله
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: اسماء الجنيد)
|
Quote: يآخي حمد لله سلامـة في شان هيك كتابة طاعمـة..
بعدين قبال ما تجري للفئران اركزي بس للقمل والضفادع ( الضفادع يعني القعوي يا ناس العنكوليب ) ..
اصلاً ايات الله لبني اسرئيل الارسلها على قوم فرعون جانا منها الدم بدري وبقي حده الركب...
والطوفان ياما كسر وهدم بيوت وكسح اراضي ولا حياة لمن ننادي . وهسع جاء الجراد.. يبقي باقي القمل والقعوي..
{ فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُّفَصَّلاَتٍ فَاسْتَكْبَرُواْ وَكَانُواْ قَوْماً مُّجْرِمِينَ }
أها كلام تيتاوي ومن خلفه ود الباوقة صحيح بني اسرئيل يكونوا حافظين باقي الايات دي عندهم من بدري واي ظالم ومجرم يفتحوا العلبة ويفكوا فيهو حبة..
انتي قائلة شنو..!! شيخ الشعرواي قال في تفسير الاية دي :
فإذا جاءَ وعدُ أولاهما بَعثنا عليكم عباداً لنا أولي بأسٍ شديدٍ فجاسُوا خِلالَ الديارِ وكانَ وعداً مفعولاً
قال (عباد لنا ) ليس معناها الناس المؤمنين او المسلمين العباد ديل ممكن يكونوا كفار يعبدوا الحجر ربنا يديهم القدرة والقوة يعاقبوا الظلمة والمجرمين ..
فدحين الله قادر يجيب الجراد وبعده القمل والضفادع .. بس ان شاء الله ود الباوقة والحاج ساطور يركزوا ما يحرجونا مع الاجانب والفئران! |
مرحب حبابك يا ود الزين ,, اريتك طيب
قلت لي شنو ؟ قعوي ؟؟ قعوي شنو البنطط وسط الوحوش ده, ديل يأكلوه سلطة أسود زي الما حصل شيء, والله صحي
ديل ينفع معاهم الفأر لأنه بسبب مرض الطاعون حمانا الله وإياكم , المرفعين وما شابه ذلك !!
ما تبقى حنين مع الوحوش ديل بالله,, قال قعوي قال ,, هههههههههه
اما عمك تيتاوي واخونا الأسد النتر باوقيشن الله يديه العافية ,, ديل محل ما يوجهوهم بمشوا واللبيب باإشارة يفهم
لكن خسارة فادحة فقد الشعب السوداني لي ناس طيبة زيهم , ويتبعوا لشواطين مكة ديل
تسلم يا حيد ياخ وشكرا على المرور
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: اسماء الجنيد)
|
Quote: عوافي اسماء الجنيد ..
تزمر وسط الفئران الإسرائيلية إثر قرار أصدره الجنرال بالذهاب إلى السودان لمكافحة الكدايس بعد فشل حملة الجراد ...
واحتجوا بأن المهام الخاصة بهم داخلية وهي، الكشف عن الأسلحة والمخدرات والأموال المهربة عبر المطارات ..
تم تحفيزهم بنبش الماضي و تذكيرهم باسلافهم فئران مشروع الجزيرة الذين تم قتلهم شر تقتيل ( بالتمك ) وتجويع من بقى منهم بسبب تدمير المشروع
قررت الفئران الذهاب وهي الآن بكامل العتاد العسكري ...
|
حبابك يا سامي تسلم يا خوي ويديك العافية إن شاء الله
ههههههههههههههههههههه طبعا بتفرج في صورتك وبضحك كل ما افتح الصفحة
مبااااااااااااالغة ياخ
بعدين الفئران البتتزمر الفي تصاويرك يا يابا دي ماها فئرانا الطالبنا بيها!!
دي محنكشة للطيش ,,, والله صحي
نحن دايرين جقووووووووور عشان تهجم على الكدائس القرضت البلد وعدمتها التكتح ,,
والله كان ادونا الجقور برا اسلحة حبابها تب
بعدين يا سامي بالغت معاي بالجد بالجد
القال ليك منو انا بريد الجبنة المضفرة ؟؟؟
ما عندنا طبعا تصدق !! إلا تجي من برة
اها بعد شبكتني كدي مافي طريقة ترسلا لي ؟؟
شفت العكلتة دي !!!
| |
|
|
|
|
|
|
|
|
|
Re: *** نطالب إسرائل أن ترسل لنا فئران فورا !!! *** (Re: اسماء الجنيد)
|
Quote: أسـماء
إزّيّك والعيال ؟
وأخبار أُستاذ الفاتـح ؟
إنتي ما سـمعتـي بكتاب ( الإنقاذ تأكل أولادها ) ؟
وحياتِك فئـرانِك دي يقرقشوها زي الـما حاصل شـيء
تـحاياي |
يا لؤي لا حولااااااااا زمن ! يا حليلك والله كيفن وحمودي وامه وكل الجماعة , إن شاء الله طيبين
البركة فيكم , إتذكرتكم إنت ومظفر يوم الإتنين قلت الذكرى الأولى دي حايكون وقعها صعب ,, ربنا يصبركم ويصبرنا جميعا إن شاء الله
والله يا لؤي ما بكذب عليك ما سمعت بي كتاب القرش ده لووووووولز
لكن مدام قبلوا يقرشوا جناهم ، الله يكفينا شرهم والله
الحمد لله كلنا كويسين يا لؤي تسلم يا خوي
شكرا على المرور
| |
|
|
|
|
|
|
| |
اسماء الجنيد
البحيراوي
الامين موسى البشاري
امجد الجميعابى
هشام عباس
Nagat Sid Ahmed Elshiekh
ولياب
HAIDER ALZAIN
سامى عبدالله
لؤى
الفاتح ميرغني
فيس بوك
تويتر
انستقرام
يوتيوب
بنتيريست