|
رفضت تضيفني عندها .. شيل حال ذاتي
|
أقول يا أبو الشباب : البت سارة علي رسلت ليها طلب صداقة فشنو عملت أضان جلد .. كبرت مني اللفة .. عملت نايمة .. أو بصيغة أدق أبت عديل كدا .. وعاملة فيها صاحبتي و يا أستاذ ويا زول كويس ويا بطل ويا نجم ويا ويا ويا .. أتاريها قاعدة تكاوي بي جرجير الشهير بمحمد البشرى الخضر .. وأنا مصدق .. تماما كما يقول المثل القديم : البت تتقدم ليها فتقول ليك إتا كويس وأية حاجة لكن أنا عايزة أقرأ . المهم خلاصة القول وما يستفاد منو ... سارة علي رفضت تضيفني وأنا رفضت أضيف حافظ أنقابو .. انعل أبو البوك فيس وأية حاجة وهم . ......................
ملحوظة مهمة : غبت عن البورد تلات أربعة أيام لظرف طارىء ولا علاقة للأمر بالموضوع أعلاه .. كما إنني لن أواصل في البوست بتاع الزول القاعد جمبي رغم أنو والله كان كويس وفيهو نكت وطرائف عددا . لكن مزاج كدا ما ح اواصل فيهو .
|
|
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
شفت زمااان يا طلحة انا مرة رسلت ريكويست لي واحدة ... وهي ابت تضيفني اها بعد زي تلاتة سنة كده جاني تنبيه بانو فلانة وافقت على طلب الصداقة قمت طوالي مشيت بروفايلها والغيت الصداقة !!
اها انت اسي انتظر تلاتة سنة وبعدين .......... (موسيقى تصويرية) :)
| |
|
|
|
|
|
|
Re: رفضت تضيفني عندها .. شيل حال ذاتي (Re: حيدر حسن ميرغني)
|
ههههه يا خالد عبد الوهاب تلات سنين شنو البنتظرا أنا كمان .. طوالي وبعد ساعة واحدة بس قلتا ليها في سري .. الله يسامحك .. إتا قالوا ليك أنا بلعب في الحاجات دي كمان .
يا حيدر أنا معذور بالنسبة لحافظ انقابو لأنو جاني في ظرف حرج جدا .. وبعدين بصراحة أنا الرجال الضايفن عندي في حكم العدم أو يكادوا لا يروا بالعين المجردة .. حسناوات بس يا صاحب .
انعل أبو البوك فيس وأية حاجة وهم .
| |
|
|
|
|
|
|
Re: رفضت تضيفني عندها .. شيل حال ذاتي (Re: محمد حامد)
|
Quote: وعاملة فيها صاحبتي و يا أستاذ ويا زول كويس ويا بطل ويا نجم ويا ويا ويا .. |
وانت ان شاء الله صدقتـه ..؟ .. كويس انو نوعيتك دي .. بيلقى زي ناس سارة علي ديل .. شان تاني ما تتشالك .. مية مرة كلمتك .. لكن ما بتسمع كلامي .
شلاقة وتنظير .. تنظير وشلاقة .. وكمان جاي حاكي قصتك ..؟
والله فعلا مسكين
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
Quote: صاحبي حيدر الزين إتا ما بتجيب إلا الأخبار الما كويسة ياخ ؟ |
وين دا..!! هسع زي خبرك دا العارفو من .. ما براك جيت فتيت نفسكـ..
غايتو اتوقع ليك عهد حزين جداً مع لواكة القصة دي لأرباع وأرباع جيل بعد جيل..
دا حالتو قريب وزيـر الداخليـة الارتري المسمى بود القاضي ما جاء ماري بهنا لغاية هسع
ــــــــــــــــــــــــــ والله ما عارفنك انت زاتو تلقاهو من الفيس بوك والا من الزول القاعد جنبك والا من زين العابدين ..
| |
|
|
|
|
|
|
Re: رفضت تضيفني عندها .. شيل حال ذاتي (Re: قيقراوي)
|
يا زاتوووو ياخ يوم الليلة دور الكرشة .. أصبر أكتر من كدا لى متين؟؟
يا محمد عوض فتحي للبوست يسميه المثقفاتية اتساق ذات أو نحو ذلك .. وبعدين ياخ الأسافير دي ما مضمونة، يقوم المستغطي يبان ذات بوست فتكتر سكاكين الشمات .. وقديما قيل : السعي للموت ولا انتظاره.
يا قيقا الراوي خايف والله أصدقكم إتا وعمر الفاروق في حتة عايزين تبطلوه مع سارة دي أقوم أندم .. بالنسبة للاتهام في ( دينك ) فدا بيتوقف على دينك المقصود .. وفي كل الأحوال أنا شايف حقو تهب لنجدة دينك لأنو الدين أيا كان مو لعب ياخ .
| |
|
|
|
|
|
|
Re: رفضت تضيفني عندها .. شيل حال ذاتي (Re: وضاحة)
|
Quote: يا طلحة ياخى انا فى واحد كرهنى الفيس رسل لى ثلاثة مرات ورفضة اضيفوا شكلوا مصًر
زى دا اعمل معه ثنو؟ |
ياستّي حاضر .. قوت إت ..!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ سارة علي دي منو يا اخوانا عشان نكون في الصورة ..
| |
|
|
|
|
|
|
Re: رفضت تضيفني عندها .. شيل حال ذاتي (Re: Ahmed musa)
|
Quote: يا طلحة اهو جاك براه,
خبروا ياخى ماعاوزة معه نهاااااااااااائى ياخى مش على كيفى |
طلحة خليه ...الفيه مكفيه ... انا بقول ليك كلامك واضح وعلى كيفك وبزيادة ... نعمل شنو تاني ؟ نقول الروووووب ..؟! نسف التُراب ..؟! نعمل شنو ...؟!!
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
Quote: يا أحمد موسي أنا غايتو من قبل تلاتة أربعة أيام ما شايف ليها أية لطافة.. دي غتيتة أكتر من ياسر طيفور والزول القاعد جمبي دا . |
والله يا طلحة برغم إنو الموقف موقف حق وصراحة ..لكن الخواف ربي صداقته اها فيما يخص غتاتة ياسر طيفور فدي انا معاك 100% ومعاه حميدة كمان تبع البيعة اها فيما يخص أختي سارة دي فأعفيني أخوي من كلمة حق ... لانو صداقتي ليها رهييييفة ... ممكن كلمة حق توديها التوج ...وآخد ون بلوك يعيدني للمشى العريض
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
Quote: يا أحمد موسي أنا غايتو من قبل تلاتة أربعة أيام ما شايف ليها أية لطافة.. دي غتيتة أكتر من ياسر طيفور والزول القاعد جمبي دا . |
والله يا طلحة برغم إنو الموقف موقف حق وصراحة ..لكن الخواف ربي صداقته اها فيما يخص غتاتة ياسر طيفور فدي انا معاك 100% ومعاه حميدة كمان تبع البيعة اها فيما يخص أختي سارة دي فأعفيني أخوي من كلمة حق ... لانو صداقتي ليها رهييييفة ... ممكن كلمة حق توديها التوج ...وآخد ون بلوك يعيدني للمشى العريض
| |
|
|
|
|
|
|
Re: رفضت تضيفني عندها .. شيل حال ذاتي (Re: علي محمد الفكي)
|
ههههههه البوست بقى 2 في 1 طلحة شال حالو بي نفسو واحمد موسى دردق نفسو لي شيل الحال لكن بصراحة 3 مرات كثيرة يا وضاحة غايتو الدين قال بعد الجرس الثالث طوالي توقف المحاولات يا احمد
ــــــــــــــــــــ انتو الوش الاخضر دا وين ما لقيتو
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
Quote: واحمد موسى دردق نفسو لي شيل الحال |
والله الموضوع ما دردقة ياعلي ... الموضوع بس أنا إندهشت وماداير اتكلم عن الموضوع لان البوست ده لطيف بجد لمن أراد إدعاء مايريد من بطولات ...الحق في إدعاء مايُريد ... ولنا إحترام آراء بعضنا البعض وجه الدهشة شنو البطولة في إنو زميل يرسل ليك طلب صداقة وترفض انك تستجيب ليه .؟؟ هل هذا فعل يحتاج لكل هذه الإحتفالية ...؟!!! ....لا اظن ..... إلا إن كان ...!!!
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
كتب Rami Mohamed AbdelkareemQuote: والله ياشفشنكو مبالغه محل ماتمشي يدوك في راسك ياخي حننتي عديل كده
|
خخخخخ والله يا Rami إتا ذاتك حننتني على نفسي بى كلامك الفوق دا .. ما كنت قايل نفسي مظلوم قدر دا ياخ .. لكن ولا يهمك مني .. الشواكيش حقت الرجال على وزن السجن حق الرجال ..
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
Quote: عن نفسي والله لم أعرف أن وضاحة تقصدك لغاية قبل كلامك الأخير دا مع اتفاقي معاك أنو الإحتفاء برفض صداقة زول ما حبابو طبعا .. لكن برضو لو فتشت كويس ممكن تلقي عذر لكلام دا .. عذر على الأقل يخليك ما تزعل من البت دي ياخ .. |
والله يا طلحة بجد أنا كنت بقول جايز زعلانة من شئ من موقف من راي ومن حقها يمكن شكلي ماعاجبها لغتي بذيئة الخ ومن حقها ... لكن فرحتها بالقصة دي مازعلتني ...بس حيرتني انا قدمت ليك طلب صداقة رفضتي ...الموضوع منتهي ... فرحتك بالموضوع ده غريبة ومحيرة بجد
Quote: يا أبو حميد ياخ اتا ما بتعرف الظروف والملابسات في عدم اضافتك شنو لكن قطعا ما أظنها سوء طوية أو نوايا خبيثة عشان كدا حاول إختلق أي عذر خصوصا عندما يتعلق الأمر بالبنات والنساء لأن وضعهن أكثر حساسية في الحاجات دي.. |
CC لطلحة اخوي في ازمته الاخيرة .. :)
| |
|
|
|
|
|
|
Re: رفضت تضيفني عندها .. شيل حال ذاتي (Re: وضاحة)
|
وضاحة انت اسمك منو في الفيس
----------
عشان الزول يطقك عدد واحد بلوك لمن تامني كلامك الفوق دا ما حلو كلو كلو يا بتي
واحد معزوم عزومة كااااربة، وبسأل اين الفول ..اين الفول؟ سالوهو عاوز بيو شنو الفول يا عمك قال: كي اتجنبهووووووو!
اها قلتي لي اسمك منو بهناك؟
| |
|
|
|
|
|
|
Re: رفضت تضيفني عندها .. شيل حال ذاتي (Re: HAIDER ALZAIN)
|
اعندي نفسك شعورك دا يا حيدر الزين طولت من ونسة الضحكنجية عمر الفاروق وقيقا وتمبس وأبو حتحوت ومن لف لفهم.. وكنت جاية احكي ليكم ملابسات الموقف بالتفصيل مع الاستاذ المبجل طلحة:) سلام متأخر لكل ناس البوست ولكل من وقف مع طلحة في محنته االفيسبوكية
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
يا حافظ انقابو .. إتا بقيت تتكلم لغات برضو ؟
جرجير .. شفشنكو دا اسم الدلع .. يللا شتت .
يا سارة الغتيتة.. الأستاذ المبجل واللا المنجل دي تاني ما بتشيل فيني .. ما خلاص انكشفت .
يا عاطف الحبيب .. شكرا لتضامنك وما تشوف شاكوش في رأس لديك .
يا حيدر حسن .. الكورة دي قطع شك يا رابطنها يا كمان رابطنها .
يا محمد عبدالله .. الخال وهبة ساعتئذ حتماولا بد مشغول في تعرية سمكة .. حاول مرة تانية هههههه
نجىء لى ناس دوري المظاليم التحت ديل :
يا زهجان الذي خرج ولم يعد .. ياخ سارة دي كويسة لكن بس هسع متنكرة في شكل غتيتة..
يا أبو أحمد اللى هو أبو حمد.. راجع ردي لزهجان الذي راح في مكان غير معروف
عثمان صديق يا حبيب .. سارة مغرر بها من واحد رشاشة مسكين اللى هو ود عمها المدعو جرجير أدعو ليها بالهداية.
يا محجوب .. انقابو فعلا يحتاج التضامن ومعاهو بيبسى بارد .. هههههه وأتا عامل ايه ياخ ؟
Seeda Meme تحياتي وتشكراتي ع الطلة .. ما نعدمك .
| |
|
|
|
|
|
|
Re: رفضت تضيفني عندها .. شيل حال ذاتي (Re: وضاحة)
|
يا أخطبوط .. ليه تسال احمد يسحب مداخلتو.. وما تسال وضاحة تسحب تلميحاتا؟!
وتكون ما قصرتا لو خليت الزول القاعد جنبك يرد على سؤالي دا.. لأنو الظاهر انو الكورة فكت منك ويا زيت بالمرة تدي الباسويرد
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
وضاحة منشان الله ياخ... خليك كما عهدناك فاكهة في البورد .... بس اتلومتي في المتر و الأخ أحمد مافي داعي للخاص في العام ... مهما كانت الدوافع زي ما بتقولو يا ناس القانون... لو سحبتو تكون كده
مع كامل التعاطف مع( جرة) طلحة في محنته الاسفيرية
| |
|
|
|
|
|
|
Re: رفضت تضيفني عندها .. شيل حال ذاتي (Re: ALGARADABI)
|
والله يا جماعة (سارة وأحمد ذاتو) أنا لم أطالب بى سحب أية حاجة أنا فقط قلتا لأبى حميد رجاء وقصدت عدم الإسترسال في الأمر دا لا أكتر ولا أقل .. وفي السياق والله أنا شاكر جدا يا أحمد على إستجابتك الثرة بالمسح عديل بدل عدم الإسترسال .. ويا سارة ما تدفري ياخ .. هسع أنا وين طالبت أحمد يسحب ..؟؟ واللا بس ما لقيتي ليك زول ترشيهو ؟
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
Quote: يا ود البشري بركم بتجيبو الشبك لي رقبتكم .. حسع يجيب ليك زوله داك ويقول ليه نقبقبو تاني .. كدي اسال طلحة ده بالراحه .. قول ليه .. هي صفوه ؟
عمر علي حسن |
يا ريس بالغت لكن .. مداخلتك دي إستعرت ليها كاشفة ذهب من الجيران وبعدين ركبت ليها تاكسى عشان أمش أجيبا من مكان إتا دفنتها في نصصصص الصفحة التانية.. طالبك حق تاكسى على الأقل .. و شيك لا .. أوكاش بس .. واتا عامل ايه يا ريس يا فخيم ؟ ................ بالمناسبة بروف شداد علاقتو باجهزة الموبايل قديما وجديدا يسمع ويتكلم بس .. تاني الحبة ما بعرفا في التنكلوجيا دي ..
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
Quote: أنا قصدت أرد ليك التحية بس والله . |
تعريف الاعتذار الخجول لعناية ود البشرى وقيقراوى ..
بعدين يا طلحة ياخ شن جاب الغتاتة للوضوح والصراحة هدى سارة وباريحية نادرة ردت عنك وعنى واخرين لوضاحة اي نعم قالتليها اجى ولا ما اجى لكن بما يعدل بوست وكم صفحة .. ما قريبة ود البشرى ..إذن لا غرابة .
غايتو لتجاوز اثار الرفض انا بقترح تقدم طلب لدينا خالد انها تقدم ليك طلب اضافة وبعداك ترفضو غير كدا لا انقابو لا كتيبة من الترفض اضافتهم بتحلك , وكمان لو طلب طلب الاضافىة اترفض فتمسحها فى وش الزول الجمبك وتواصل شيل الحال ببوست تانى
المهم ياخ السلام عليكم ورحمة الله وبركاته يا طلحة والكهل بقوليك جهز مادة البوست من هسع دى مع عصام الحاج الناشف دا والتحية لسارة على وكل الناس الفى البوست اللطيف
| |
|
|
|
|
|
|
Re: رفضت تضيفني عندها .. شيل حال ذاتي (Re: محمد البشرى الخضر)
|
Quote: بالمناسبة بروف شداد علاقتو باجهزة الموبايل قديما وجديدا يسمع ويتكلم بس .. تاني الحبة ما بعرفا في التنكلوجيا دي .. |
والقال منو اني بفهم فيها .. انا زيو ومرات ما بعرف انه ده تلفوني البيضرب تعال يابوي شيل حق تكسيك قبال ما يبقي تذكرة طيارة
عمر علي حسن
| |
|
|
|
|
|
|
Re: رفضت تضيفني عندها .. شيل حال ذاتي (Re: عمر علي حسن)
|
Quote: يا ود البشري بركم بتجيبو الشبك لي رقبتكم .. حسع يجيب ليك زوله داك ويقول ليه نقبقبو تاني .. كدي اسال طلحة ده بالراحه .. قول ليه .. هي صفوه ؟ |
يا ريّس السلام عليكم كلام القبقبة داك لا يعدو ان يكون ورجغة وتنظير و كلام مكرر ساي أما بت عمّي فا حاشاها الصفوة بتبعاتها من وصافة و طياشة و كياشة
| |
|
|
|
|
|
|
Re: رفضت تضيفني عندها .. شيل حال ذاتي (Re: طلحة عبدالله)
|
Quote: يا وضاح مالك جادي معاي كدا ياخ .. يا استاذ ومعليش وما عارف شنو .. أنا قصدت أرد ليك التحية بس والله . |
ههههههههههه يديك العافية ياااخى ... مرات كلمات هظار ممكن تتاخد بسخونه شويه وبما انو البوست .. (عجاجاتو قايمه) .. فما دايرين نزيدها عشان كده كبينا ليييك كمية حسن نيه
| |
|
|
|
|
|
|
Re: رفضت تضيفني عندها .. شيل حال ذاتي (Re: وضاح عبدالرحمن جابر)
|
يا طلحة سلامات يا عزيز...
عزاك يا صاحب إنو بورد بأكمله ماسك ضنب ضب ولا أزيد,,,
* معلومة مجانية لحملة الشهادات العربية والأجنبية, الضب لدية خاصية التخلص من ضنبو أول ما الشغلة تكتم..
_____________________________ تحياتى للزول القاعد جمبك دا,,,,
| |
|
|
|
|
|
|
Re: رفضت تضيفني عندها .. شيل حال ذاتي (Re: أمير محمد ادريس)
|
أيمن الطيب يا عزيز القوم الزول القاعد جمبي يبلغك تحياتو ويقول ليك إتا كدا
محمد الشيخ يا حبيب السيد طلحة يشكرك على المرور والمعلومة أما أبو الطلوح فبيسأل : توتير دا منو ؟
أمير إدريس شكرا لتضامنكم ولا أراكم الله فلقة شاكوش أو ضربة كوريق في عزيز لديكم
| |
|
|
|
|
|
|
|
| |