|
|
 رقيص الحلفاويين..
|
ما عايز أدخل في شبكة وتصنيف الرقيص المحترم والرقيص غير المحترم مع إني عايز أدخلا والله :) ..) لكن من بين كللل ثقافات وعادات وتعبيرات قبائل السودان المتعددة لفت نظري جداً ونال إعجابي للحد البعيييد رقيص الحلفاويين تحديييداً دون غيرهم حتتتى من بني جنسهم من باقي النوبيين (محس +دناقلة)..
الرقيص الحلفاوي أكتتتر رقيص ما فيهو خمج وعولاق ونطيط ..يعني حتتتى المعس مرات عندهم نطيط كده ولواصة بلاحظا في رقيصهم..
الحلفاويين صراااحة عندهم رقيص رزييين بي صورة ما عادية ..تشابك بي الايادي وحركة وقورة تبلغ فيها ذروة الإنتشاء والطرب الاكتفاء بهز الكتف عند الرجال ومسكة طرف العباية أو التوب مع تحريك الرقبة عند النسوان ..
تابعت معظم قبائل السودان ورقصاتهم وتابعت جميع موضات الرقيص بداية بي الرقبة والشبال مروراً بي البيبي فوك والقرد ختاماً بي الدوقوسي والكتمات فما وجدت أكثر رقي وروعة من رقيص الحلفاويين ..
كلمة حق أقولا وبصورة عااامة كده الحلفاويين تحديييداً من بين كل السودانيين عندهم طابع مميز في حاجات كتيييرة ..سلوكياتهم ..طباعهم ..تصرفاتهم مع الغير ..تصرفاتهم مع بعضهم ..
تخريمة :
ولدي الصغيير عمرو سنتين ونص فاجأني قبل تلاتة يوم بي تعبير لاحقاً وانا بشاغل فيهو قمت رميت الريموت فقال لي بهذا اللفظ :
إيبيييا لييكككا ...
اها افزعوني يا رطانة الولد ما يكون نبزني :) :)
|
|
  
|
|
|
|
|
|
|
|
Re: رقيص الحلفاويين.. (Re: عمر الفاروق)
|
Quote: تخريمة :
ولدي الصغيير عمرو سنتين ونص فاجأني قبل تلاتة يوم بي تعبير لاحقاً وانا بشاغل فيهو قمت رميت الريموت فقال لي بهذا اللفظ :
إيبيييا لييكككا ...
اها افزعوني يا رطانة الولد ما يكون نبزني :) :) |
مع التحية والتقدير
جعلتني أبتسم مع هذا الصباح واشكركم على حسن الظن بنا ، ولا أود أن أزيدك .
(إبيييا ليكيككا)
الترجمة الحرفية : ووب عليك .
ونقولها للصغار تخويفا ،،، ويمكن أن تعبر بها في حالات التحذير للكبار ،،، ويمكن أن تقولها حزناً واسى لمصيبة ما .
ويمكن أن تعبر بها في حالة شوق عارم لشخص وأنت تسلم عليه بالأحضان .
والصغير الله يحفظو ( خوفك وحذرك)
| |
|
|
|
|
|
|
|
|
|
Re: رقيص الحلفاويين.. (Re: عمر الفاروق)
|
يا ولياب :
Quote: الترجمة الحرفية : ووب عليك .
ونقولها للصغار تخويفا ،،، ويمكن أن تعبر بها في حالات التحذير للكبار ،،، ويمكن أن تقولها حزناً واسى لمصيبة ما .
ويمكن أن تعبر بها في حالة شوق عارم لشخص وأنت تسلم عليه بالأحضان .
|
غايتو ولدي الأنا بعرفو ده بيكون قصد بيها الأخيرة دي لأننا اصحااااب :) :) :)
| |
|
|
|
|
|
|
|
|
|
Re: رقيص الحلفاويين.. (Re: عمر الفاروق)
|
صباح الخير يا عمر ...
اول شي خليني اصحح ليك موضوع فزعة (الرطانة) وبالجد نحن تعبنا نقول انها مش رطانة بل (لغة) نوبية
(ابييييا ليكا) تماثل (وووب عليك) او (سجمك)عند دارجة اواسط السودان وفي الغالب الاعم وحيث انو (وووب عليك) دي ما عندها اي معنيى بالعربي فهي مأخوذة من النوبية
رقصة الحلفاويين ورزانتا والتي تشبة دبكات بلاد الشام والعرضات النجدية هي رائعة لا شك لكن يا عمر ياخي في التصفيق وما يسمى ب (الجابودي) لدى السكوت والمحس
ارهب بي كتيييير من الرقصة المرصوصة للحلفاويين والروتينية والجابودي والتصفيق مع تناغم الارجل وحركة الجسم والايقاع فيها مجال للابداع كتير وما فيهو اي خمج
بل بكونوا المصفقين في تناغم مع بعضهم البعض وبيتبعوا قائد السرب الذي يمكن ان يمتد على دائرة الحفل ...اكتب جابودي عند شيخ قوقل وقارن يا عمر ... وفي النهاية ازواق وهوى
واذا في وقت بجيك بي رواقة لي الاثر الاجتماعي لهجرة الحلفاويين من بلاد الذهب الى ارض (سماها مقدود وطينا لكة)
| |
|
|
|
|
|
|
|
|
|
Re: رقيص الحلفاويين.. (Re: حيدر حسن ميرغني)
|
Quote: ولدي الصغيير عمرو سنتين ونص فاجأني قبل تلاتة يوم بي تعبير لاحقاً وانا بشاغل فيهو قمت رميت الريموت فقال لي بهذا اللفظ :
إيبيييا لييكككا ...
اها افزعوني يا رطانة الولد ما يكون نبزني :) :) |
دا ولدنا
انا مش قلت ليك بدري لازم تتعلم اللغة النوبية
كيفك يا عمر الفاروق يا ابوالنسب
| |
|
|
|
|
|
|
|
|
|
Re: رقيص الحلفاويين.. (Re: حمزاوي)
|
عمر الفاروق
ازيك ياخ
صراحة عملتها ظاهرة وحركات كسير تلج للنسابة وكدا :)
اها يا صاحب اصلا ما عندنا رأي في رقيص اهلنا رقيصهم جميل اقرب للدبكة ( مع انه اجمل في النسوان)
لكن كمان زي ضغطت على ناسنا السكوت والمحس ( اختك هاف كاست وكدا )
( ما تسالني السكوت ناس منو ) ديل ناس الساس والراس برضو وعصعص من عصاعيص النوبيين
ديل عندهم برضو رقيص جميل وفيهو تناغم وفن ما عادي
بس مشكلته العجاج الشديد مع الصفقة او حسب كتالوج الرقيص النوبي ( اويقا)
وتحياتي لمحمد وام محمد
| |
|
|
|
|
|
|
|
|
|
Re: رقيص الحلفاويين.. (Re: Medhat Osman)
|
طاهر يا بدر..
صباح الليل :)
كلامك حلو ..لكن صدقني الرقيص اللي انت وصفتو ده بالضبط هو ما عنيت من إنو يدخل ضمن رقيصنا المعولق..:)
عارف قصة السينير دي برضو لاحظتها عند الشوايقة وبيكون زول مشهووور في المنطقة زييو زي سواق اللوري :)..
القرير كلللها بتلقاها حافظة ليك اسامي السناير ولاحظت انهم في الحفلة بيكون عندهم وضع خاص ..
عارف يا طاهر اهم ما في الرقيص بالنسبة لي انا عمر الفاروق (راقص سابق :)..) إنو مفروض يكون عفوي ..تعبير لحظي دون تكلف ..
اها الجابودي وما هو على شاكلتها وزي ما انت وصفت ما فيهو عفوية ..رقيص بتاع تمارين وملاحظة ومراقبة حركات دون الاستمتاع ..
مرة حضرت لي لقاء لي مايكل جاكسون سألوهو عن سر إنو احسن زول بيعرف يرقص في العالم ..قال كلام جمييل جداً ..قال ليهم انا ببساطة برقص لأني بستمتع بي الرقيص وكل ابتكاري للرقصات بيكون مبني على الاحساس بعكككس المجموعات اللي بدت ترقص حالياً ..كلها بتكون مركزة اثناء الرقيص على العد والحساب ون تو ثري حركة ..فور فايف سييكس حركة بالتالي بيكونو ما عايشين الموسيقى بقدر ما مركزين مع العد ومراقبة السينير..
| |
|
|
|
|
|
|
|
|
|
Re: رقيص الحلفاويين.. (Re: عمر الفاروق)
|
عمنا حمزاوي :
الولد موش من إيندييكم الولد ده من إند أيييو زوول :) بيتشكل ويتلون حسب الزول القاعد جمبو ..
يعني عااادي جداً تسمعو يقول ليك إيش لونك وحي الله البذورا ثم فجأة يقول ليك ااااي هسسسي دي مشوا ثم يفاجأك بي إنت في نفر صديق هذا اخو مال إنت ..
| |
|
|
|
|
|
|
|
|
|
Re: رقيص الحلفاويين.. (Re: عمر الفاروق)
|
مايا شردة ..هي اقصد مايا نصري :)
اها شوفتي عجاجكم وغباركم ده ياهو الخلاني ادرجكم تحت طائلة الرقيص المعولق :)
بعدين السكوت دي من المسكوت عنه يا قول مثقفاتية سودانيز ؟؟ :)
رقيص الحلفاويين فيهو وقار كده عجيييب وإلفة مرييحة بتديك إحساس الاسرة الواحدة ..حقيقة لفت نظري في اكتر من مناسبة ..وانا كالعادة وبشتارتي في واحدة من حفلاتهم حاولت اعبر وارقص على ايقاعهم فتحولت الساحة لي نجاة غرزة وكانها تقف امام فيروز :)
| |
|
|
|
|
|
|
|
|
|
Re: رقيص الحلفاويين.. (Re: عمر الفاروق)
|
وليد يا مبارك :
| Quote: عشان تعرف النوبة مالهم |
لالالا نوبتكم دييلك حقققهم براااهو :)..يضربو ليك يطلعوك سواق حافلة ويقولوا ليك تجي تسوق الولد الروضة ..
غايتو يا وليد انا عندي إحساس الزولة دي لو خشيت معاها في أييي نقاش جانبي ممكن تطعنك ..
| |
|
|
|
|
|
|
|
|
|
Re: رقيص الحلفاويين.. (Re: عمر الفاروق)
|
عمر بن الفاروق
وقار عجيب زي ما قلت في رقيص الحلفاويين واهلنا التانيين رقيص مشاتر!
على رأي الدعاية .. ما تحاولش ميرندا ما تتقلدش
كسير التلج ده شنو ياربي ( وش مبتسم ثم مبتسم)
عموما اهلنا ديل اصلا اي حاجة حقتهم جميلة ( ده كسير خشب )
انت بس حاول ركز في رقيص ( السكوت والمحس ) وما حينوبك الا كل خير من الوقار والجمال
| |
|
|
|
|
|
|
|
|
|
Re: رقيص الحلفاويين.. (Re: عمر الفاروق)
|
ضحّكني ولدك... طالع مستلب... أخير ليك ألحقه واتعلم ليك كلمتين تلاته، قبل ما يجي يوم تلقى نفسك بقطعو فيك...
غايته انا نسابتي محس تصنيع صيني... احسن زول فيهم في الرطانة، بفهم وما بتكلّم...
غايته الزول لو مشتاق يسلّم على عمّو حمزاوي بس يكتب ليه بوست ويجيب سيرة النوبة... 
| |
|
|
|
|
|
|
|
|
|
Re: رقيص الحلفاويين.. (Re: مريم بنت الحسين)
|
Quote: ضحّكني ولدك... طالع مستلب... أخير ليك ألحقه واتعلم ليك كلمتين تلاته، قبل ما يجي يوم تلقى نفسك بقطعو فيك...
غايته انا نسابتي محس تصنيع صيني... احسن زول فيهم في الرطانة، بفهم وما بتكلّم... |
سلام لبت الحسين مريم
مسكاقمي
نسابتنا من غير الناطقين بها ما بنقطع فيهم وأهلي الرطانة الدايرين يقولوه طوالي بيقولوه ، ونسابتك مادام من المحس هم Japanese manufacturing
ولك إحتراماتي
| |
|
|
|
|
|
|
|
|
|
Re: رقيص الحلفاويين.. (Re: عوض جاه الرسول)
|
مريومة يا بت الحسين ..
طبعاً الناطقين بغيرها ديل عندهم وهمة كده يشبكوك التراث والرطانة ونحن زمااان كنا بنقول ليكم يا سودانيين و و :) أها الواحد فيهم تسألو بتعرف ترطن يقول ليك والله انا ما بتكلم لكن بفهههم..
أها يوم يجيبو اغنية رطانة في التلفزيون تقول ليهو ترجما لي معناها شنو؟ يقول ليك هي ماا بتترجم يعني كده..يعني اقووولا ليك كيف..حاجة ما بتتوصف..بتتحس و و :) :) :)
غايتو انا عن نفسي قلت ليهم اكتبو لي قائمة بي كلمات النبز وسط الونسات العائلية من نوع سغيل ودمو تقييل وفاكيها في روحو وهو قاااايل روحو شنو ..
الغريبة مااا مقتنع بي إنو ادوني الورقة الصحيحة لأنو لحدددي اسة ما سمعتها مع إنو كلل الصفات الفوق دي مفروض فيني :) :)
| |
|
|
|
|
|
|
|
|
|
Re: رقيص الحلفاويين.. (Re: عمر الفاروق)
|
عوض ومن ثم بدر :
تحياتي..
وخلوني معليش اقول ليكم انا ح اواصل واقول رطانة ...
ما عشان انا ما مقتنع بي إنو اللغة النوبية ما لغة لأ..عشان بكل بساطة ما تتحسسو من كلمات عامية نستخدمها بدون ما نركز في إنو قاصدين بيها نقلل من لغاتكم او لأ..
اللغة الإنجليزية لغة مش؟ لكن لحدددي الليلة انا بتسخدم في ونساتي فلان داك بيرطن إنجلييييزي موبااالغة ..ويا فلان علييك الله ما ترطن ليك إنجليزي إتكلم عربي..
محاولاتكم الجاهدة ملاااحظها عبر وسائلالإعلام في إنكم تزحمو الناس بي قصة مااا تقولوا لينا رطانة نحن عندنا لغة نوبية بتذكرني بي محاولات إعلام المريخ قلبنة حقيقة هلال مريخ وتحويلها غصباً عن أم المجتمع لي مريخ هلال ..
صدقوني انا وغيري مقتنعين بي إنو اللغة النوبية لغة عريقة تكتب وتقرأ وما ادراك ما 7 الف سنة و و و لكن لما انا او غيري نستخدم كلمة رطانة ففقط وفقط لأنو انا بتكلم بي لسان عامي وطقم مستمتع بي إستخدامه زيو زي مستشفى الديش والبوليص والإستبالية والإزبتالية وهكذا كلمات طربت إضنينا لي سماعها ..
| |
|
|
|
|
|
|
|
|
|
Re: رقيص الحلفاويين.. (Re: عمر الفاروق)
|
مايا يا نصري :
| Quote: انت بس حاول ركز في رقيص ( السكوت والمحس ) وما حينوبك الا كل خير من الوقار والجمال |
انا في كلام من قبييل ماسكو وغالبني أقولو صراحة لأنو ح يجيب لي الكتاحة :)..
المحس قاعد الاحظ فيهم العدائية بي صورة غريبة خصوووصاً في الحفلات وما حصل حضرت لي حفلة طرفها محس إنتهت بسلام !!1 لازم مشاكل وكراسي تتطاير وطرد من ساحة الرقيص و و و ..
النصيييحة الكلام ده عند الحلفاويين تحدييداً من دون ابناء النوبة ما شوفتو ..الدناقلة قريبيين للمحس في قصة الحفلات والشكلات دي ..
| |
|
|
|
|
|
|
|
|
|
Re: رقيص الحلفاويين.. (Re: فيصل محمد خليل)
|
Quote: نسابتنا من غير الناطقين بها ما بنقطع فيهم وأهلي الرطانة الدايرين يقولوه طوالي بيقولوه ، ونسابتك مادام من المحس هم Japanese manufacturing
|
ولياب، غايته فضلت ليك الـ"هيع" ههههههههههه.... انا بحترم النوبيين كلهم بشكل عام ونسابتي المحس بشكل خاص لأنه احترامهم للمرأة طبيعي وما فيه تكلّف... المسألة ما مسألة جندرة او تقدمية عندهم، الموضوع شي اتربوا عليه واخدوه من زمان... والنصيحة ما حصل زول فيهم رطن قدّامي من غير ما يعتذر (ديل طبعا الكبار البرطنو)، اما الصغار... فهم لي روحهم عايزين ترجمة.... كلامي لعمر الفاروق ده تضامن في شكل مكاواة... انا حقيقة كنت "بنق" في زوجي انه ياخد ولدي يتعلم الرطانة عندهم في الجمعية بتاعت المحس... واكون مبسوطة لو اتعلمها، لانها حتضيف ليه... الناس بفتخروا باللغات البعرفوا يتكلموها...
اتمنى اكون قريت مداخلتك صاح، وطيّبته خاطرك
| |
|
|
|
|
|
|
|
|
 Re: رقيص الحلفاويين.. (Re: مريم بنت الحسين)
|
Quote: المحس قاعد الاحظ فيهم العدائية بي صورة غريبة خصوووصاً في الحفلات وما حصل حضرت لي حفلة طرفها محس إنتهت بسلام !!1 لازم مشاكل وكراسي تتطاير وطرد من ساحة الرقيص و و و ..
|
عمر الفاروق، بعد السطر ده خوّه فرتق يا اخوي... اخد كراسيك براااااك، ما شغلتي بيك....
| |
|
|
|
|
|
|
|
|
|
Re: رقيص الحلفاويين.. (Re: مريم بنت الحسين)
|
| Quote: اتمنى اكون قريت مداخلتك صاح، وطيّبته خاطرك |
لك السلام يا مريم
أولا الموضوع فيهو نوع من الدعابة وشوية توضيح ويشهد الله ما اخدت حاجة في خاطري ، بالعكس نحن نقدر المرأة من طبيعة الحال وأنت لك تقدرين لأنك (سمي) أم عيالي مريم ، وتقدير للمرأة هناك رجال ونساء يشتهرون بأسماء أماتهم فكثير ما نجد ( محمد عائشة) و( نوري جليلة ) (حمدي نباوة) وفي النساء نجد كأسم زوجتي ( مريم آشا) وآشا يعني عائشة ونجد فاطمة شريفة وفاطمة سكينة وفاطمة صفرة وسعاد آشا صفرة ( شوف كيف الاسم الثلاثي) .
طيب الله خاطرك ،،، ولم ولن أحمل في قلبي شيئاً نحوك أو اي أخت هنا في البورد أو في واقع الحياة نحو أي أنثى .
| |
|
|
|
|
|
|
|
|
|
Re: رقيص الحلفاويين.. (Re: ولياب)
|
مريومة يا بت الحسين ..
كدي أسألي تحت تحت شوفي يوم عرسك كم شكلة دوورت ..إنتي بتكوني ما جايبة خبر وأهلك مشغولين بي أها عشيتو الجماعة ؟ ..
بس عمي الراجل لو يوم في جلسة أنس كده فضفض ليك بي شمارات الجمعية حقتهم ح يوريك عرسكم كان فيهو كم كرسي طار
| |
|
|
|
|
|
|
|
|
|
Re: رقيص الحلفاويين.. (Re: فيصل نوبي)
|
عمر الفاروق سلام ومحبة
واشواق
ياخوي الرقص من اقدم الفنون وفي الجدرايات المرويةوالكوشية القديمة الرقصات التي يقصدها عزام
وهناك الرقصات الخام غير التعبدية الرقصات التي تعبر عن اشواق الناس واحلامها وافراحها ورقصة حلفا بصورتها الخام هي التعبير الامثل للافراح وهي رقصة فعلا متفردة وفيها تفاعل هادئ
وهي عبارة عن مواجهة فرحة بين النساء والرجال يرقصوا مصطفين وكل مرة ينفات واحد بهدوء من الرجال ليرقص مع تؤام روحه وهذه الرقصة بصورتهتا التقليدية طورها الفنان رامزين الروسي حينما عمل بفرقة الفنون الشعبية وكان بها بنات طلسم الفنانات ووضعوا اساس الرقصة الخالدة ( رقصة حلفا ) واضاف اليها رامزين الحركات السريعة والدورات التتتابعي ووالنطيط وحركات جلوس ليغير من رتابة الحركة الواحدة
وهذا اساس الرقص انت تعجب يرقصة وتضيف اليها لتجعل منها تحفة فنية خالدة
لك المحبة والمودة ومزيد من الفنون السودانوية
| |
|
|
|
|
|
|
|
|
|
Re: رقيص الحلفاويين.. (Re: محمد سنى دفع الله)
|
نوبي يا حبوب:
طبعاً اخوك في الشغل الفيس بوك مقفل عندو فما بشوف الامور البي تحت دي..اها واحد معاي خاشي من الموبايل لقيت ليك اسم عزام الما بيغباني :)..
قلت عزام ده المدرب مريحو لي مباراة الرد بتاعت ماشنستر خلي بالك :)
| |
|
|
|
|
|
|
|
|
|
Re: رقيص الحلفاويين.. (Re: عمر الفاروق)
|
السني يا ود دفع الله ..يا ود النييل النييل ..
جميل إنو الاقي زول من اصحاب الذائقة الفنية والمقدرات التمثيلية المهولة يؤيد كلامي من ناحية روقة رقيص الحلفاويين ..والأجمل السرد التاريخي والإهتمام اللي لاقاهو النوع ده من الرقيص ..
تسلم يا راقي..
| |
|
|
|
|
|
|
| |
عمر الفاروق
زول ساكت
ولياب
حيدر حسن ميرغني
طاهر بدر
Medhat Osman
وليد محمد المبارك
مريم بنت الحسين
فيصل محمد خليل
فيصل نوبي
محمد سنى دفع الله
فيس بوك
تويتر
انستقرام
يوتيوب
بنتيريست