|
|
 رأيكم وتجاربكم يا بورداب الدوحة
|
السلام عليكم
الولد بقى عمرو ستة سنوات
والتسجيل للمدارس شهر اربعة
وبصراحة الواحد محتار
بين المستقلة والسودانية والهندية
قلنا نطرح الموضوع نعرف رأى أولياء الامور شنو
وبنصحوا بشنو
شاكر وممنون
|
|
 
|
|
|
|
|
|
|
|
Re: رأيكم وتجاربكم يا بورداب الدوحة (Re: معاذ الفحل)
|
سلامات يامعاذ
وصباح الخير
حقيقة لي تجربة طويلة جدا مع المدارس السودانية
ولي تجربة ايضا مع الهندية .....!!!
وبكل صراحة وهذا راي الشخصي
لو كنت قلت لي البنت كنت قلته ليك وديها الهندية
وماتلاوز ابدا ... او وديها اي مدرسة تانية ....!!!!
انصحك نصيحة اخوية الولد توديهو المدرسة السودانية
وانت مغمض ... رغم فرق الامكانيات في شكل المدارس
وايضا الترحيل ... اما من الناحية التعليمية
والكادر التدريسي والتربوي....والاداري فانك بعد سنوات
قليلة ستشكرني شكرا جزيلا....بخصوص اللغة الانجليزية
دليلي عليها ( ابني الاصغر ) ولو لما فيهو استاذ الصايم
ولا استاذ عبد العزيز من سنة رابعة حيطلع ليك مترجم
اهم شي ....
التعامل الابوي من جميع المدرسين مع الطلاب يمنحك الاطمئنان
علي مستقبل ابنك .
بالتوفيق اخي العزيز واذا احتجت اي مساعدة التلفون في البروفايل .
صباحك جميل
| |
|
|
|
|
|
|
|
|
Re: رأيكم وتجاربكم يا بورداب الدوحة (Re: khaleel)
|
Quote: بالتوفيق اخي العزيز واذا احتجت اي مساعدة التلفون في البروفايل .
صباحك جميل |
شكرا كتير اخونا دياب ويا ها المحرية فيك
بينى وبينك كونو يدرس فى الوسط بتاعو دى لوحدها كوم
بس مسألة المواصلات دى مشكلة كبيرة جدا
ومشكور كتيير وحاشاك ما بتقصر
| |
|
|
|
|
|
|
|
|
|
Re: رأيكم وتجاربكم يا بورداب الدوحة (Re: khaleel)
|
اخونا معاذ
هي معادلة صعبة مثلا
السودانية الولد حيكون في نفس بيئته وبدون عنصريات وبيطلع ليك سوداني قح بس حتة الانجليزي شوية كده بتكون عاوزة منكم مجهود
الهندية من ناحية مناهج مافي كلام (عدا اللغة العربية )بس هم بينتجوا ليك (رفيق ) عديل كدا بداية من هزة الراس وانت طالع
المستقلات ديل اهل البلد زاتهم ماعارفين يعملوا شنو مرة عربي مرة انجليزي ناهيك عن قصة العنصريات بداية من كلمة يازوووول التقيلة ديك وبعد فترة الولد حايرفض يمشي ليك المدرسة عديل كدا
عن نفسي اخترت اوديهم السودانية ضحيت بالانجليزي والامكانيات في سبيل انه الاولاد يكونوا في نفس بيئتهم وتقاليدهم تعويضا لهم عن غربتهم مع دعمهم بشوية كورسات
ملاحظتي الوحيدة علي المناهج السودانية هي كمية الحشو الما منو فايدة وكمية الحفظ المهولة المفروضة علي طلاب مدرسة الاساس رغم كل دا لكن قناعتي انه مراحل الاساس دي مرحلة لتكوين الشخصية والتربية اما التعليم فدا بجي في مرحلة الثانوي والجامعة
معليش طولت عليك
يلا بعد دا شوف خياراتك
سلام
| |
|
|
|
|
|
|
|
|
|
Re: رأيكم وتجاربكم يا بورداب الدوحة (Re: معاذ الفحل)
|
هنالك عوامل اخرى للاختيار بين الهندية و السودانية والمستقلة والخاصة ...فالمعروف ان المدارس المستقلة الحكومية لا تقبل الاابناء العاملين بالحكومة ...
اما عن ملاحظاتى عن الهندية فالتعامل مع ابناء الحاليات الاخرى غير الهندية مختلف عن التعامل مع اصحاب المدرسة سواء ان كان من الكادر التعليمى او الطلاب انفسهم والحساسيات موجودة بشدة بين الطلاب الهنود والوافدين الى مدارسهم ...واعرف زميل لىلديه ابنان فى المدرسةالمرحلة الاعدادية لايمر اسبوع الاويستاذن للذهاب للمدرسة بسبب المشاكل مع الطلاب الاخرين اما بالنسبة للمنهج فهو جيد جدا وخصوصا الانجليزى والمواد العلمية ..االرسوم معقولة
السودانية طبعا بيئة مدرسية طلابية تعليمية من منشات ومعدات ومبانى ومرافق ( سودانية مية المية) بنكهة قطرية ...الرسوم معقولة
المدارس المستقلة ...بيئة تعليمية ومنشات ومعدات ومواصلات راقية ممتازةجدا .وهنالك سهولة فى فهم واستيعاب المناهج وذلك بسبب العمل بنظام السميستر اوتقسييم مناهج العام الدراسى على فواصل....التاسيس ليهم ممتاز جدا وخصوصا اذا ارتبط بمتابعة يومية من الاسرة ..الرسوم رمزية
مدارس اللغات ....بيئة اجنبية مناهج غربية ..رسوم باهظة ..
المدارس الخاصة ...رسوم ثم رسوم ثم رسوم وبيئة تعليمية جيدة فى الغالب وممتازة احيانا ...
| |
|
|
|
|
|
|
|
|
|
Re: رأيكم وتجاربكم يا بورداب الدوحة (Re: Mohammed Alhasan Mohammed)
|
| Quote: اما عن ملاحظاتى عن الهندية فالتعامل مع ابناء الحاليات الاخرى غير الهندية مختلف عن التعامل مع اصحاب المدرسة سواء ان كان من الكادر التعليمى او الطلاب انفسهم والحساسيات موجودة بشدة بين الطلاب الهنود والوافدين الى مدارسهم |
| Quote: المدارس المستقلة ...بيئة تعليمية ومنشات ومعدات ومواصلات راقية ممتازةجدا .وهنالك سهولة فى فهم واستيعاب المناهج وذلك بسبب العمل بنظام السميستر اوتقسييم مناهج العام الدراسى على فواصل....التاسيس ليهم ممتاز جدا وخصوصا اذا ارتبط بمتابعة يومية من الاسرة ..الرسوم رمزية |
Quote:
| Quote: السودانية طبعا بيئة مدرسية طلابية تعليمية من منشات ومعدات ومبانى ومرافق ( سودانية مية المية) بنكهة قطرية ...الرسوم معقولة |
الحبيب ود الحسن شاكر ومنون للتفصيل الاكيد مفيد جدا وما عدمناك يا رب
وبينى وبينك انا بموت فى السودانية المية فى المية
تسلم يا الحبيب
| |
|
|
|
|
|
|
|
|
|
Re: رأيكم وتجاربكم يا بورداب الدوحة (Re: معاذ الفحل)
|
Quote: كيد المدرسة الهندية يا أخ معاذ .... وحط أهمية قرب المدرسة من البيت غشان الولد ما يمشي نايم ويجيك راجع برضو نايم .... لو داير مساعدة مستعدين ..
الله يوفقك |
اخونا حسين من الفيس بوك
كتر خيرك كتير واكيد اكيد ما بتقصر
لك شكرى ومودتى
| |
|
|
|
|
|
|
|
| |
صابر فضل المولي
haroon diyab
محمد سنى دفع الله
khaleel
بكري عباس علي
سيف الدين محجوب
Mohammed Alhasan Mohammed
فيس بوك
تويتر
انستقرام
يوتيوب
بنتيريست