|
|
 أتحسن كتير بعد ماتاب!!!
|
الكلام لزوجة علمانى ناشط فى حقوق المرأة..
فقد تحول بسبب عوامل "التعلية" الى كوز ومنافح عن رائدات النهضة واخوات نسيبة..
تحكى زوجته مع جارتها الجديدة فى الفيلا الجمبهم..
قالت ليها جارتا:
يادى انتى راجلك كعب زى ابونا دا؟
زوجة العلمانى التائب: أبوكن بسوى شنو؟
الجارة: والله مسويلنا سوط "غنج" وهاك يالبع فى التسوى والماتسوى..
زوجة العلمانى: هييييه نحنا كنا وين وبقينا وين!!
وواصلت: والله النصيحة ليك يا الله لما يكون عقلو الواعى شادى لجام عقلو الباطن كويس وتقولى كأنو واحدة من قياديات لا لقهر النساء. كلامو سمح ومرتب فى هذا المضمار..
لكنو أول من يشد نفس أو يكب الكاس اللجام يترخى وعقلو الباطن يطلع من المضمار, ويزهج بدون سبب ويفكك بالقدامو..
باقى هو زول مثقف شديد فى القانون, قال مابقوم يجيب حاجة يضرب بيها عشان يعتبر سبق اصرار وترصد!!
أها يا اختى طبعا الكان قدامو ياقزازة ياكباية شب يفكك بيها تقع فيك تجرحك يا تقع فى الحيطة تنكسر.
أها هسع بقى لجامو مفكوك, قال شنو؟ دا حق ادانا ليهو الله, لكن الحمد ليك يا الله بقى كل القدامو مسيويك خاتيهو فى جيب جلابيتو. أها يقوم جبطك جبطك يديك الفيها النصيب بالمسواك داك ويطلب منك الرضا بحكم الله.
لكن اكتر حاجة عاج ب انى هسع واكتر من الضرب الخف من قزازة لمسواك, بقيت مرات ارتاح من شخيرو وعفنة خشمو 40 يوم كل فينة والتانية, ودى أنا أكتر حكم من الله رضيانة بيهو ومكيفنى وبصراحة قافلة عليهو يدخلنى الجنة.
|
|
  
|
|
|
|
Balla Musa
فيس بوك
تويتر
انستقرام
يوتيوب
بنتيريست