|
|
 هوووى يا حيكومة أفهمى نحن قمنا بإيقاف تدفق الدولار للسودان
|
نحنا منو؟؟
نحنا المغتربين والمهاجرين
وقفنا ندخل الدولار للسودان لسياساتكم اللى ما مستقرة
إذا ارسلناه عن طريق القنوات الرسمية بتوقعوهو لينا فى الواطة ولن نستلم قيمته الحقيقية
عشان كدا بقينا نرسل المصاريف الضرورية الشهرية فقط
وندكن الباقى عشان انتوا قعد تاكلوا حقنا عديييييل كدا
وحتى شوية الدولارات اللى قعد نرسلها ما قعد نرسلها للسودان مباشرة
بنرسلها لى ناس سودانيين سماسرة يا اما فى كوريا ول الصين ول دبى وهم بس بى جرة تلفون بيضربوا لى ناسهم فى السودان وبيدوهم بالسودانى
يعنى ما فى دولار خاشى السودان
لو إنتوا يا ناس الحيكومة عاملين فيها حريفين فالمغتربين احرف منكم وكمان السماسرة حول العالم احرف منكم
زمان القروش اللى كنا بنرسلها ليهم فى كوريا مثلا كانوا بيدخلوا بيها بضاعة للسودان او اشياء يستفيد منها السودان على الاقل مثل الاسبيرات
لكن لانكم بقيتوا تبالغوا يا ناس الحيكومة فى الجمارك الرهيبة وفى سياستكم المالية الخاطئة التى تعمل لهروب عملتنا الصعبة اصبح هؤلاء السماسرة الدوليون الذين يشترون دولارتنا بادخال بضائعهم وبيعها لدول اخرى مثل جيبوتى والصومال جنوب السودان ودول افريقية اخرى لضان استمرارية تجارتهم
والسودان اصبح لا يدخله لاعملة صعبة ولا حتى بضاعة
لو عايزين الامور ترجع لطبيعتها ياخى ما تضايقونا خلوا اهلنا يستلموا دولارات وعملة صعبة فى يدهم فى امبدة والصحافة والحاج يوسف والعمارات والموردة والفشاشوية وفى سقط لقط ذاتو
خلوهم يبيعوا العملة دى حسب ما يتيح ليهم السوق بدون تدخل منكم
إنتوا مش قلتوا الاسعار دى بتسعرها السماء ؟؟
انتوا مش قلتوا السوق هو الذى يحدد الاسعار وليس قرارات الحكومة
انتوا مش قلتوا الوفرة والطلب هم اللى بيحددو الاسعار
اليس هذا كلام الشرع يا ناس الشريعة
ياخى كونه السودان ما فيهو انتاج بيدخل دولارات هذا امر الله وهذا كلام شرع اليس انتم ناس شريعة؟؟
اصلوا التناقض دا هو المضيعكم
الكلام دا والنصيحة دى ما بنقولا حبكم فيكم نحنا والله دايرنكم تطيروا الليلة قبل باكر
لكن سياسة الامر الواقع ولانكم انتوا الحيكومة مضطرين نتعامل معاكم
كلامى دا نصيحة اقتصادية مجانية ليكم عشان مصلحتنا فى المقام الاول
سهلوها علينا عشان الدولار يكون موجود فى السودان الله يرضى عليكم
ديل شنو ديل ياخى
|
|
 
|
|
|
|
|
|
|
|
Re: هوووى يا حيكومة أفهمى نحن قمنا بإيقاف تدفق الدولار للسودان (Re: Mohamed Foto7li)
|
شكرا يا اخ Mohamed Foto7li
الحكومة مما العملة الصعبة طارت منهم بسبب طيران البترول
جنوا عديييييييل
سياستهم متخبطة كالعادة
يعالجون الاخطاء بالاخطاء اللى اكبر منها
حتى لو تم الاتفاق مع جنوب السودان فى امر تصدير البترول فلن يكون نصيب الحكومة مثل نصيبهم من البترول قبل انفصال الجنوب مهما كان !
زمان كان كل سعر البرميل حقهم اما الآن سيكون لهم فقط حق النقل بس
يجب على الحكومة أن تقوم باجراءات عديدة لاصلاح الحال الاقتصادى
انا لو كنت محل البشير كنت دعيت لانشاء حكومة قومية وحكومة تكون صغيرة جدا يعنى حكومة لتسيير الامور فقط
لوقف الصرف البذخى
كنت عملت للسعى لايقاف الحروب فى انحاء السودان لانها بتستنزف طاقات مالية ضخمة
الغى حاجة اسمها جهاز مغتربين
اترك العملة الصعبة القادمة من المغتربين تنساب بسهولة داخل البلد
البشير ينصب نفسه حاكم مؤقت مثل سوار الذهب الى فترة مؤقتة كافية لانشاء احزاب حقيقية تتمثل فيها كل قوى الشعب السودانى غربه وشرقة وجنوبه الحالى وشماله قوى الهامش وغير الهامش
والدعوة لانتخابات حرة بعد فترة معقولة يتفق عليها الجميع بعد دعوة مصالحة عامة
وانشاء ميثاق يحمى الحكم الديمقراطى من تغول العسكر مرة اخرى
إحتمال كبير المجتمع الدولى يغفر للبشير صنعته هذه وتسقط دعوة المحكمة الدولية
ويرفع الحظر الاقتصادى على السودان والدعومات والمنح تهطل على السودان بجانب تدفق اموال المغتربين والحالة تنفرج
يجب ان تحصل تنازلات من جميع الاطراف المتنازعة فى السودان عشان الامور تمشى والسودان يعيش
عايزين ناس عقلاء يتدخلوا فى الامر
| |
|
|
|
|
|
|
|
|
|
Re: هوووى يا حيكومة أفهمى نحن قمنا بإيقاف تدفق الدولار للسودان (Re: محمد يوسف طه)
|
Quote: فعلا ده الحاصل ...المغتربين أذكى من ان يحرقوا قروشم بالتحويل في ظل عدم الاستقرار الحاصل في البلد.
و كمان الحكومة أغبى من ان تفهم كلامك ده !!
الاقتصاد السوداني محتاج لمعجزة لكي يتعافى .
..............................................
تحياتي محمد النيل |
مرحب بيك محمد يوسف طه
شكرا على المشاركة
فعلا الحكومة دى شكلها ما بتفهم بالتفاوض
لكن اذا كان خيار التفاهم هو القوة والاقتتال والله دى بتكون مصيبة أكبر لانو ح تخلف كتير من الاضرار
لكن مهما طال الزمان لابد ان يرجعوا للتفاهم
الاقتصاد السودانى يا اخ محمد يوسف ما عايز معجزة اذا الحكومة عندها حسن النية
ياخى الحكومة دى كبيرة خلاس
ياخى ايجارات بيوت ساكت لمنتسبيها الذى تدفعه لهم تعمل ميزانية لدولة افريقية عادية
اموال طائلة الحكومة تدفعها لمنتسبيها
نسبة ضخامة حكومة السودان بالنسبة لتعداده وامكانيته الاقتصادية لا يوجد مثيل لها فى العالم
لو تم اعادة البترول للسودان مرة اخرى وهو يدخل حوالى عشرة مليار دولار كل ستة شهور فإن عيشة الحكومة واخذها من مال البترول يحتاج لى خمسة مليار دولار لوحده اما الخمسة مليار دولار الاخرى فيها نصييب الجنوب و عطاءات المشروعات غير الانتجاجية التى تقع لصالح منتسبى الحكومة نفسهم فإنها لا تصرف لا فى تعليم ولا فى صحة ولا أى نوع من انواع الخدمات او التنمية البشرية
مالك ملهوط ملهوط يا بلدى
شكرا محمد طه
| |
|
|
|
|
|
|
|
|
|
Re: هوووى يا حيكومة أفهمى نحن قمنا بإيقاف تدفق الدولار للسودان (Re: محمد النيل)
|
الحكومة بتقبض السماسرة عشان هم عايزين يسيطروا على سعر الدولار لكن مستحيل اصلا لانو فى سماسرة فى السعودية وفى الدول اللى ذكرتها آنفا
الحكومة هذه تعوم عكس التيار عكس الحقيقة عكس القواعد الاقتصادية
وفرة الدولار وانخفاضه يعتمد على وفرة الانتاج
والحكومة ليست لديها ما تنتجه
عندما جرى البترول فى يدها حطمت مصادر الدخول الاخرى دون ان تقوم بتطويرها اعتماد على ما كان لديها من بترول
والحكومة ما عندها اى انتاج للاسف الشديد
محاول القاء القبض على سماسرة وتجار الدولار ليس هو الحل لان هناك سماسرة خارج سلطة الحكومة فى دول اخرى
الحل فى تشجيع المغتربين فى ادخال العملة الصعبة وفتح حسابات بالعملة الحرة دون قيود او شرط مع حرية سحب المبالغ التى يوردونها فى تلك الحسابات
وحرية حركة العملة الصعبة داخل السودان
| |
|
|
|
|
|
|
| |
محمد النيل
Mohamed Foto7li
محمد يوسف طه
سيف اليزل برعي البدوي
فيس بوك
تويتر
انستقرام
يوتيوب
بنتيريست