|
|
 هجمة جديدة علي ستات الشاي!
|
Quote: هيئة علماء السودان" تطالب الولايات بحظر المقاهي العشوائية
الخميس, 21 شباط/فبراير 2013 20:28
حضت هيئة علماء السودان، ولاة الولايات، ووالي الخرطوم، بوجه خاص، على منع إنشاء المقاهي العشوائية على قارعة الطرق العامة وشارع النيل بالتحديد، بالإضافة لما سمته المواقع الحساسة في العاصمة والمدن المهمة في البلاد. وكان معتمد محلية الخرطوم؛ اللواء عمر نمر، أصدر قراراً حظر بموجبه أندية المشاهدة غير المرخص لها، بينما تجري سلطات الخرطوم ترتيبات لإغلاق المقاهي بأحياء في الخرطوم، تديرها فتيات أجنبيات من دول الجوار الأفريقي.
وقال الأمين العام للهيئة؛ البروفيسور محمد عثمان صالح، لوكالة السودان للأنباء، يوم الخميس، إن المقاهي المشار إليها تصيرت أوكاراً للرذيلة وتجارة المخدرات وإشاعة الفاحشة، وأضاف: "تلك المقاهي معدومة النظير في البلدان المجاورة".
ووصف صالح المقاهي العشوائية بـ"البقعة السوداء" في وجه المدن الحضارية، وشدد على ضرورة الانتباه للعمالة الوافدة من الفتيات اللائي يعملن فيها.
وحث أمين هيئة علماء السودان أئمة المساجد والعلماء بالتصدي لما سماه الظواهر السالبة، لا سيما تفشي وترويج المخدرات والموبقات الأخرى كالخمر والشذوذ الجنسي.
سونا |
اطلاق الاتهامات العشوائية
اتهام شخص بريء بأنه يروج للمخدرات ويبيع الخمر ما عاف ستات الشاي علاقتن شنو بالشذوذ الجنسي و الموبقات كمان
سؤال ما هي علاقة ستات الشاي بالشذوذ الجنسي فعلا يا هيئة علماء السودان الفي بطنو حرقص براه بيرقص الشذوذ الجنسي كان فاتكم انتو يمشي وين
الموبقات الاخري دي شنو
اذا لم ترد سلطات الولاية الترخيص لهؤلاء النسوة للعمل فلتفعل
دون اتهامهن بالجنايات
لأن الوصف اعلاه ينطبق علي بعض المحال حتي في سوق الخضار فهل ندعولاغلاق سوق الخضار
هذه هجمة ضد النساء العاملات بشرف لكسب عبشهن في دولة الفساد و الافقار الاسلامية المستبدة
كلاب هيئة علماء السلطان يمارسون التمييز ضد النساء ويبررون لقهرهن
و سؤال في اللغة "تصيرت دي يعني اسم دلع ل "صارت" و لا اسلمة و تأصيل للمفردة
غايتو محن
طه جعفر
|
|
  
|
|
|
|
|
|
|
|
Re: هجمة جديدة علي ستات الشاي! (Re: طه جعفر)
|
الصحفيون الاسلاميون
و المتشبهون بالاسلاميين
و المتشبهات بالاسلاميين
يرددون عبارات و كلمات محددة بصورة مملة و سخيفة
مثلا
السلام عليكم في محله و غير محلو
جزاكم الله خيرا
نحسب انها ........
و لعله...........
و احتفائية .............
و كمان هسي جاتنا قصة
"تصيرت "
دي
وهي تستجلب للاذهاب كلمات
الله يكرم السامعين
غايتو انحطاط ما بعدو
طه جعفر
| |
|
|
|
|
|
|
|
|
|
Re: هجمة جديدة علي ستات الشاي! (Re: طه جعفر)
|
طه سلام ... لنجلاء عثمان التوم ... قصيدة أود ان اهديها لها اولا ولك ولكل القراء
Quote: تحت السقوف الوفيرة
ازكر وجهها بلا داع مؤكد؛
بائعة الشاى
القاصر
تلك التى تغلى
مياه هذا النيل
القادم من الجنة
فى نعناعها الطرى ,
وتخلط لاجلك بكفها الناحل
بعض اللبن بالسكر القومىّ .
ايه ..
يا صغيرة
تحت شمسنا الواسعة
تتصببين صبرا قليل,
انت قرنفلة هذا الشارع الاسود العطن
الملىء برجال دائمين
يلاحقون بحكمة ثوبك الجرىء
ويتذمرون بالتالى
تحت السقوف الوفيرة
من حر هذا الوطن .
1997 |
| |
|
|
|
|
|
|
|
|
|
Re: هجمة جديدة علي ستات الشاي! (Re: طه جعفر)
|
أحسب انها
لعله
جزاكم الله خيرا ( أهم شيءالتشكيل الضمة علياسم الجلالة والفتحتين علي خيرا )
في هذه الفقهائية ( دي من فقه)
الإفتآئية ( من فتوي)
هيئة علماء السودان تصيرت مصرجة و التصريج معروف و السؤال عنه بدعة
تصيرت
تليست ( من ليس)
تكينت (من كان)
وتظليت (ظل)
حاجة غريبة!!!!!!!!!
| |
|
|
|
|
|
|
|
|
|
Re: هجمة جديدة علي ستات الشاي! (Re: طه جعفر)
|
في الاعوام 2009 و 2011 كنت اركض في شارع النيل من كبري كوبر الي كبري النيل الازرق جوار الجامعة
اوقف سيارتي عن أحد ستات الشاي هي جارتي كانت تسكن في احد البيوت غير المكتملة مع اسرتها الممتدة جدا قبالة العمارة التي نستأجر فيها شقة
ابنها برفقتها دائما ويقوم بغسل السيارات اوقف سيارتي جوارهم لتنظيفها.
احيانا اقوم باعمال الترجمة لست الشاي عندما يأتي إليها عناصر القوات الاجنبية في الخرطوم من امم متحدة و قوات اتحاد افريقي و لفيفي من الخواجات
برغم قصر مدتها لكنها كانت تجارب عظيمة
هؤلاء النسوة عظيمات و لهن هموم كأمي و أم اي واحد هنا و اجبرتهن ظروف قاسية علي العمل في هذه المهنة
مرة اخبرت موظفي الامم المتحدة ان هذه المرأة من دارفور و جارتي و دارحوار مهم حول اسباب النزوح و ظروف العيش هنا
تكلمت تلك المرأة عن انعدام الأمن حتي في معسكرات النازحين
فليجرب الكيزان الاعتداء علي هؤلاء النسوة ليعرفوا ابواب الجحيم التي ستنفتح
مرتادي المقاهي علي جانب شارع النيل ليسو جميعا من البسطاء هنالك اناس مهمون جدا يأتون الي تلك الاماكن
كبار الصحفيين
ساسة
مثقفين
موظفي و موظفات منظمات اجنبية
دبلوماسيين و غيرهم
التقيت بالعديدين هناك فلقد كنت اسكن
مثلا آتي لأاركض او لأرافق ابني في جولات ترفيهية علي شاطي النيل
و احيانا لعب كرة القدم و في مرات كثير نحضر الي هناك كعائلة تبحث عن زمن جميل خارج حدود البيت
فلقد كنت اسكن بالناحية
| |
|
|
|
|
|
|
|
|
|
Re: هجمة جديدة علي ستات الشاي! (Re: طه جعفر)
|
| Quote: هؤلاء النسوة عظيمات و لهن هموم كأمي و أم اي واحد هنا و اجبرتهن ظروف قاسية علي العمل في هذه المهنة |
في منتصف التسعينات سألت واحدة من السيدات العظيمات ديل (عاملين شنو مع ناس المحلية..؟)..ردت (يا ولدي نحن فِتِرْنا مع الحكومة دي ..بِعنا لَحْمنا ..جلدونا ..بِعنا الشاي ..اليوم والتاني يكشّونا و يشيلوا العِدّة..ويبيعوها لينا تاني يوم ...أريتم كان كتلونا و ريّحونا من الدنيا دي..أنت قايل يا ولدي غير الفَقْرْ في شي بيجبرنا نجدّعْ وليداتنا و اليوم كلو مقابلين نار الكانون ..نسمع في كلام فاضي من ال بيسوا و ال ما بيسوا؟)..أخوي طه جعفر ..السودان ال بتعرفوا ...أنعدمت فيهو الأنسانية ...ما فيهو اليوم غير ناس عثمان صالح ديل ...عايشين في رفاهية و عندهم تفويض من ربنا سبحانه و تعالى يعملوا فينا ما بدا ليهم ..ومستكترين على مساكين زي ديل يلقّطوا قريشات بسيطة لتربية أيتام ...أو سد ثغرة أب هرب بعد ما يئس من العطالة و المذلّة ...تحياتي
| |
|
|
|
|
|
|
|
|
|
Re: هجمة جديدة علي ستات الشاي! (Re: محمد محمود محمد)
|
طه جعفر ،، تحياتي
التعميم دوما مضر وان كانت هنالك استثناءات منهن فليس كلهن زي بعضهن البعض .. والله يسامح هذه الهيئة المسلمة في قطع ارزاق يتامى وارامل وفقراء يتكسبن من عرق الجبين وربما بهذه الهجمة يقودهن الي كسب بثديهن ...
مودتي
الرحـــال
| |
|
|
|
|
|
|
|
|
|
Re: هجمة جديدة علي ستات الشاي! (Re: أشرف الرحال)
|
| Quote: التعميم دوما مضر وان كانت هنالك استثناءات منهن فليس كلهن زي بعضهن البعض .. والله يسامح هذه الهيئة المسلمة في قطع ارزاق يتامى وارامل وفقراء يتكسبن من عرق الجبين وربما بهذه الهجمة يقودهن الي كسب بثديهن ... |
السؤال المهم...يا أشرف الرحال مافي (وليس كلهن ذي بعضهن البعض) فمؤكد ان كلهن سودانيات ومن حقهن ممارسة المهنة التي تقيهن شر الحوجة والسؤال.
المهم..
هل تندرج مهمة تنظيم الأعمال البلدية تحت مظلة هذه (الهيئة المسلمة ) ؟؟؟
ولا القصة إنو ( الهيئة المسلمة) دي عايزا الشوارع (السيادية والحساسة )تتحجب وتغض الطرف عن ستات الشاي ؟؟
يا طه قرفنا ياخ...
------------------------------
بخاري حمدلا علي سلامتك يا زول ..
| |
|
|
|
|
|
|
|
|
|
Re: هجمة جديدة علي ستات الشاي! (Re: مرتضي عبد الجليل)
|
| Quote: هل تندرج مهمة تنظيم الأعمال البلدية تحت مظلة هذه (الهيئة المسلمة ) ؟؟؟ |
يا مرتضي قرفنا من الناس ديل قرف شديد
و فكرنا مرارا في قتلهم
كوز كوز
و معك نسأل
لقد تم اعدام مؤسسة الدولة و حلت محلها مؤسسات الفتوي و الفساد الإداري و اللصوصية
معا من اجل ازالة هذا النظام المجرم
| |
|
|
|
|
|
|
|
|
|
Re: هجمة جديدة علي ستات الشاي! (Re: أشرف الرحال)
|
| Quote: التعميم دوما مضر وان كانت هنالك استثناءات منهن فليس كلهن زي بعضهن البعض |
حتي المختلفات إن وجدن
يا اشرف رحال يجب ألا يكن موضوعا لهيئة علماء الشيطان
اوهيئة علماء السلطان دي
ديل موش علماء
ديل ارزقية ومتبطلين
السودان فيهو
مجلس افتاء و برضو ما عندهم شغلة
وفيهو جامعة قرآن
و اقسام للدراسات الاسلامية في الجامعات
و فيهو معهد تأهيل الائمة
ديل ممكن يكون اجدر بالفتوي من هؤلاء الصعاليك
بلا هيئة علماء بلا ######
ديل مين بيصرف عليهم وليه
لا نحتاج لمثل هذه الهيئة السياسية الساقطة اخلاقيا
اي ست اشرف من أي واحد فيهم و أشرف من امهاتهم واحد واحد
علي الاقل ست الشاي تكسب قوت يومها من عمل يدها ديل شغلتم شنو؟
بلاش قلة ادب كيزان و انتهازيين
| |
|
|
|
|
|
|
|
|
|
Re: هجمة جديدة علي ستات الشاي! (Re: محمد محمود محمد)
|
| Quote: أخوي طه جعفر ..السودان ال بتعرفوا ...أنعدمت فيهو الأنسانية ...ما فيهو اليوم غير ناس عثمان صالح ديل ...عايشين في رفاهية و عندهم تفويض من ربنا سبحانه و تعالى يعملوا فينا ما بدا ليهم ..ومستكترين على مساكين زي ديل يلقّطوا قريشات بسيطة لتربية أيتام ...أو سد ثغرة أب هرب بعد ما يئس من العطالة و المذلّة ...تحياتي |
الاخ الغالي محمد حمود
صدقت
و كلامك
مليان
ديل ممجوعة ارزقية و متبطلين قال هيئة علماء
شنويعني واحد قاعد شغلتوالفتوي
دا نوع من الفساد
هو الناس ناقصة دين
طه جعفر
| |
|
|
|
|
|
|
|
|
|
Re: هجمة جديدة علي ستات الشاي! (Re: طه جعفر)
|
الغريبة يا طه يا أخوي ناس المحليات بيعتمدو إعتماد كلي في إيردات التحصيل
اليومية من هؤلاء النساء ....أعرف عدد منهن مطلقات يعملن في السوق من الصباح الي المساء
حتي تقوم بتوفير لقمة العيش الشريفة لعيالها .....
صراحة هيئة علماء السودان دي ما عندها موضوع و دي تفاهة منهم
ربنا ينتقم منهم قادر يا كريم
تحياتي
| |
|
|
|
|
|
|
|
|
|
Re: هجمة جديدة علي ستات الشاي! (Re: امير طمبل)
|
الاعزاء
امير طمبل
اشرف رحال
هيئةعلماء السلطان مكونة من متبطلين لا شغل و لا مشغلة يلحسوا في الميري
ويحمدوا ربهم و لمن الحكومة تتزنق يكفوا ليها حيرتا
و يا اشرف رحال
مع فائق المودة
لا خلاف
اتفق معك
فقط احببت التأكيد علي أنه ليس لهيئة علماءالشيطان
اي علاقة بستات الشاي
ديل نسوان اشرف منهم
علي الأقل بكسبن عيشن بي عرق جبنيم
موش هقص و قفاطين و لغف
طه جعفر
| |
|
|
|
|
|
|
|
|
|
Re: هجمة جديدة علي ستات الشاي! (Re: طه جعفر)
|
منذ مجئ الانقاذ وهيتسن القوانين المكرسه لارجاع النسناء الي البيوت
هل ننسي بما يسمي بقانون الوالي -تحديد وظائف للنساء
هل نسينا قانون النظام العام وبوجبه تم جلد النساء واشانه سمعتهن
اما بائعات الشاء فمعظمهن اتين من مناطق الصراعات الداميه لايجاد ملاذامن لهن واطفالهن لا يحملن مؤهلات ولا شهادات --فكان الاختيار الصعب --عمل الشاي والجلوس لساعات طويله تحت هجير الشمس ونظات المتطفلين -العاطلين عن العمل بسبب سياسات الانقاذ الخرقاء من خصحصه وغيرو --استغرب مساله وجه المدينه الحضاري --اين هو والقمامه تملا الشوارع والبعض من فقراء المدن يقتات منها
لماذا لا نهي اماكن تواجد ستات الشاي بشكل افضل مثلا شكل قطاطي او رواكيب جميله بدلا من مطاردتهن
لن نسمح بهذه الحمله ان تستمر
اما بائعات الشاي الاجنبيات --ماذا قدمت لهن الدوله من خدمات
| |
|
|
|
|
|
|
|
|
|
Re: هجمة جديدة علي ستات الشاي! (Re: ihsan fagiri)
|
السلام عليكم يا احباب
حقيقية كما قالوا قديما فى المثل : "الفائق الهم بزموا"
ويبدو ان هيئة علماء السودان الهم زماها وجعلهم يلتقطون القوالات من افواه المغبونين
ترى هل قاموا بكامل واجبهم وازالوا كل المخالفات الشرعية حتى لم يتبقى الا ستات الشاي العميلات وبائعات المخدرات والخمور البلدية والافرنجة وال########ات ؟؟؟؟
اتقوا الله يا هؤلاء ولا تنسوا رمي المحصنات
وتشويه سمعة البرئيات
ومن يفعل تلك الافاعيل المذكورة لن يضطر للجلوس فى العراء من صباح الرحمن حتى المساء
يمكنه ان يعيش فى قصر ويروج داخل افضل واحدث السيارات المكيفة
يا عالم اتقو الله
بالله عالجوا لينا اولا المسميات الاسلامية للمعاملات البنكية الربوية واقضوا عليها لانها عصب الاقتصاد فى البلد
خوفي انهم يكونوا ما عارفين
وطالما ان الاسم اسلامي فلا غبار عما يدور في دهاليزه
وهذه غفلة واسألوا ان كنتم لا تعلمون
وان كان لابد من ازالة هذه الظاهرة
فقوموا بدراسة حالاتهم وخصصوا لهن مرتبات شهرية ثابتة من ديوان الزكاة تجعلهن يقرن فى بيوتهم ولا يتعرضن لنبيح الكلاب السابلة والمربوطة فى الشوارع
وحسبنا الله ونعم الوكيل منكم
| |
|
|
|
|
|
|
|
|
|
Re: هجمة جديدة علي ستات الشاي! (Re: الزنجي)
|
ستات الشاى جزءا لا يتجزا من المجتمع السودانى واصبحت مهنة تؤمن حياة اسر كثيرة ولا اعرف لماذا يجدون وابا من التهم ومعروف فى وجود اىمهنة نجد الصالح والطالح وما اكثر المصائب فى مهن كثيرة واحرى بعلماء الانقاذ استصدار فتوة توقف الضرائب فى وجود الذكاة
تحياتى
| |
|
|
|
|
|
|
|
|
|
Re: هجمة جديدة علي ستات الشاي! (Re: بلدى يا حبوب)
|
الاخت الفاضلة احسان فقيري
و الاعزاء الافاضل الاخوة
محمد علي عثمان
قرشو
الزنجي
بلدي يا حبوب
نورتو البوست
اتفق معكم فيما اوردتم
و فعلا يا محمد علي عثمان هو الخوف من التجمعات و هو الخوف من هذا النوع من السودانيين الذين يلتقون عند ستات الشاي
فهم في الغالب من غير طينة المؤتمر الوطني الفاسد
و كلامك سليم يا اخت احسان
هي مجرد خطوة في برنامج مهزوم حاول منذ اول يوم ارجاع النساء للبيوت حيث يواجهن الفقر و الحرمان
و هو مخطط يستهدف اشانة سمعة النساء غير المنتميات لمنظمات و مؤسسات الفساد التي يديرها المؤتمر الوطني المجرم
لقد سقط المشروع الحضاري المزعزم و انهزم الاسلام السياسي اخلاقيا و ظهر للناس مدي الاسفاف في هذه الدعوة الفاسدة
لتحكيم الدين في الحياة
و كما قيل ادخلوا الناس الجوامع و احتلوا السوق باساليب الفساد و الاستبداد
طه جعفر
| |
|
|
|
|
|
|
|
|
|
Re: هجمة جديدة علي ستات الشاي! (Re: بلدى يا حبوب)
|
Quote: ستات الشاى جزءا لا يتجزا من المجتمع السودانى واصبحت مهنة تؤمن حياة اسر كثيرة ولا اعرف لماذا يجدون وابا من التهم ومعروف فى وجود اىمهنة نجد الصالح والطالح وما اكثر المصائب فى مهن كثيرة واحرى بعلماء الانقاذ استصدار فتوة توقف الضرائب فى وجود الذكاة
تحياتى |
شكر ايها العزيز
بلدي يا حبوب
و يا تبارك
مشكور
و تتبارك
| |
|
|
|
|
|
|
| |
طه جعفر
بخاري عثمان الامين
محمد محمود محمد
أشرف الرحال
محمد علي عثمان
امير طمبل
قرشـــو
الزنجي
بلدى يا حبوب
تبارك شيخ الدين جبريل
فيس بوك
تويتر
انستقرام
يوتيوب
بنتيريست