والي الخرطوم يخرج بنفسه لإنقاذ سكان مدينته( او لايته) من آثار الفيضانات. اتخيلوا معاي عنوان ذي ده في الصحف اليومية. و انه الوالي بعد يوم طويل في الشارع يوزع ( بنفسه) في الأكل و الملابس النظيفة للأطفال المتأثرين بالفيضانات، في نهاية اليوم استضاف( في منزله الخاص) 3 أفراد مقطوعة عنهم الكهرباء في مساكنهم و عشاهم و خلاهم يبيتوا و يشحنوا تلفوناتهم. :)
02-21-2013, 10:23 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
او عنوان بيقول انه والي الخرطوم أثناء رجوعه مع عمله في المساء و جد منزل جاره الرجل المسن يحترق. نزل الوالي من عربته و دخل البيت بنفسه ( رغم تحزيرات الناس في الشارع انه الحريق ده كبير جدا) و اخرج الرجل من وسط الحريق.
او ان والي الخرطوم قرا في سودانيزاولاين انه في طفل ضائع من أهله في الخرطوم فخرج بنفسه للبحث عنه.
02-21-2013, 10:24 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
او عنوان آخر ( في جريدة) بيقول ان والي الخرطوم قرا في سودانيزاولاين ان اسمارت بتهرج من أنها تعبت من الحفر و فتح السبلوقات استعدادا للخريف. و ان ده شغل ناس ولاية الخرطوم. قام الوالي جاء بنفسه و تم حفر السبلوقات لاسمارت.
شعوركم شنو و انتم بتقروا عناوين ذي دي؟؟؟ ما مصدقين أنها ممكن تحصل؟
02-21-2013, 10:27 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
تخيلوا أنها حصلت، بس ما من والي الخرطوم. الحجات دي ( بتصرف) كلها عملها Cory Booker كوري بوكر، حاكم مدينة نورك في نيوجرسي.*
كوري بوكر عمره 43 سنة. حكام نورك من سنة 2006 . درس في جامعات محترمة جدا ... استانفرد و أكسفورد و ييل. بوكر( بالجد) في مرة كان راجع البيت و شاف بيت بيتحرق، نزل من العربية و اخرج سيدة كبيرة في السن من البيت لان ناس المطافئ اتاخروا. في مرة لقي مواطن من مدينته بيشكي في تويتر من ان الحكومة ما شايفه شغلها و انه بينظف في التلج أمام بيته. كوري بوكر ساق عربيته و مشي للرجل في بيته و نظف الثلج بروحه. أيام الإعصار ساندي، كوري بوكر خلي جيرانه اللي من غير كهربا يجوا بيته و يأكلوا و يبيتوا كمان.
أيام الإعصار ساندي أنقذ ###### ضائع في الشارع و أعاده لأصحابه. و كان حايم بروحه بيوزع في اكل و حافظات للاسر اللي عندها أطفال رضع. لانه كان مهتم جدا بمعدلات الجريمة في مدينته كان بيحوم باليل بروحه في شوارع المدينة لحدي الصباح
------------------------------------- * قبل ما يجوني ناس نيوجرسي يشاكلوني، ما قاصدة كرس كرستي ( حاكم نيوجرسي).
02-21-2013, 10:32 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
بوكر كان عايش لاكتر من 4 سنوات في أفقر أحياء المدينة عشان يساعد الناس الفقرا أنهم يطالبوا بحقوقهم من صيانة و نظافة من أصحاب العمارة.
لازم ما أنسي أقول ان بوكر كان من الداعمين ل ( مين غيره؟) أوباما. ليه البوست ده ؟ انا شخصيا شايفه انه المعرفة بانه في حاكم بالصورة دي بتخلينا ما نتنازل عن حقنا بان يحكمونا ناس محترمين و محترمين للوظيفة دي. السبب التاني هو انه قبل شهرين اعلن كوري بوكر انه ح يترشح للكونغرس عن ولايته نيوجرسي. عشان كده ده طلب خاص يا جماعة. أي زول من نيوجرسي يصوت لولدنا ده.
02-22-2013, 07:01 AM
الصادق عثمان محمد الصادق عثمان محمد
تاريخ التسجيل: 02-16-2013
مجموع المشاركات: 69
Quote: كوري بوكر عمره 43 سنة. حكام نورك من سنة 2006 . درس في جامعات محترمة جدا ... استانفرد و أكسفورد و ييل. بوكر( بالجد) في مرة كان راجع البيت و شاف بيت بيتحرق، نزل من العربية و اخرج سيدة كبيرة في السن من البيت لان ناس المطافئ اتاخروا. في مرة لقي مواطن من مدينته بيشكي في تويتر من ان الحكومة ما شايفه شغلها و انه بينظف في التلج أمام بيته. كوري بوكر ساق عربيته و مشي للرجل في بيته و نظف الثلج بروحه. أيام الإعصار ساندي، كوري بوكر خلي جيرانه اللي من غير كهربا يجوا بيته و يأكلوا و يبيتوا كمان.
أيام الإعصار ساندي أنقذ ###### ضائع في الشارع و أعاده لأصحابه. و كان حايم بروحه بيوزع في اكل و حافظات للاسر اللي عندها أطفال رضع. لانه كان مهتم جدا بمعدلات الجريمة في مدينته كان بيحوم باليل بروحه في شوارع المدينة لحدي الصباح
الحاجات دى عندنا عادية فى السودان يا اسمارت .. مره عمر البشير الرئيس ده كان سايق عربيتو فى شارع النيل .. شاف ليهو مركب جايه من توتى مليانا ناس .. جا هوى تقيل قلب المركب فى النيل قام عمر نط جوه الموية وهو مابعرف بعوم وطلّع الناس دى واحد ورا التانى ...ونشّف هدومو من الموية ومشى بالتعب نام تحت شجراية فى شارع النيل ... لو ما مصدقه اسألى كبر .. كان معاهو ... هسه فى خواجى ولّه خواجية تفدر تنوم تحت شجره عندكم ؟؟
02-21-2013, 10:27 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
سلامات أخونا قرشو. كيف يا أخي؟ و الله الناس ال كويسة في كل مكان في. لكن بس مرات احنا بننسي. مع ان خدمة الشعب مفروض تكون هي وظيفة الحكام لكن فجاءة كده بنلقاهم بقوا أسيادنا.
02-21-2013, 10:41 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
- شغالة من التلفون، اول ما القي كومبيوتر ح انزل صورته. - ما في زول يجي يشاكني في التشبيه بسيدنا عمر بن الخطاب رضي الله عنه. وجه الشبه ان الاتنين اهتمامهم غير محدود برعيتهم - كوري بوكر لا يأكل اللحم و لا يشرب الخمر.
02-21-2013, 10:42 AM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: السبب التاني هو انه قبل شهرين اعلن كوري بوكر انه ح يترشح للكونغرس عن ولايته نيوجرسي. عشان كده ده طلب خاص يا جماعة. أي زول من نيوجرسي يصوت لولدنا ده.
أى نعم أن بكرينا - قدس الله سره - قد فتح باب الإعلانات المجانية في موقع سودانيزأون لاين لكن كمان ماااااا لدرجة أنو نتجاوز الشأن السوداني المتلتل - تقرأ الهم السوداني - ونروج لمرشحي ( دول الإستكبار العالمي )
ثم
بركة اللقيتك أحسن تجي مني أنا أصلي قطعت فيك في بوست البروف أمين
من باب نصف الكوب الفاضي يا سمارت و عين السخط :) زولك دا بدل يجي بي روحه يشيل التلج من باب الإشتكى دا لو وفّر ميزانية للبلدية تأجّر شركات تقوم بالخدمة دي بصورة دائمة لكل الناس بدل الواحد فيهن يشتكي مش كان أحسن
Quote: قال "أنا مبعوث إليكم" ضبط عربي يدعي النبوة بالسعودية حجم الخط |
تاريخ النشر: الخميس 21 فبراير 2013 الاتحاد نت
اعتقلت الدوريات الأمنية بشرطة النعيرية بالمملكة العربية السعودية عربيا، بعد ادعائه النبوة في أحد الجوامع بالمحافظة، وفقا لتقرير صحفي اليوم الخميس.
وقالت صحيفة "اليوم" السعودية إن عربيا اتجه إلى جامع عمر بن الخطاب بمحافظة النعرية بعد نحو ساعة من انتهاء صلاة العشاء، واستخدم مكبر الصوت في دعوة الناس للحضور بعبارة (هلموا إلينا).
وقال مطلق العتيبي "صاحب منزل مجاور للمسجد للصحيفة "إنه ظن في بادئ الأمر أن الجهة المسؤولة عن صيانة المساجد تقوم بتجربة سماعات الصوت، إلا أن الأمر تحول إلى خطبة عن يوم القيامة لشخص بدا صوته متعاليا".
وأضاف "اتجهت لاستطلع الأمر فوجدت العديد من الأشخاص قد اجتمعوا حول الجامع بعد سماعهم ما يردده هذا الشخص بعبارة (هلموا إلينا) وبعد الدخول للمسجد وجدت عربيا يلقي كلمة دينية تخللها ادعاؤه للنبوة بقوله "أنا مبعوث .. أنا رسول الله إليكم"، فقمنا بإغلاق مكبر الصوت وأخرجناه من المسجد في حين تم الاتصال بالشرطة التي وصلت لاستلام العربي".
أوبرا جابته مرّه... واتذكر انها اتبرعت لمدينته اكتر من مرّه لدعم التعليم هناك... مارك زاكربيرج بتاع facebook اتبرّع بي 100 ألف دولار برضه للمدينة، بي جاه الزول ده.. الزول ده فعلا بستاهل يا سمارت انه الناس تدعمه وتقيف وراه...
02-21-2013, 06:52 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
يا بشمهندس عاطف انت تقطع ذى ما عاوز يا اخى. عافية ليك لله و الرسول. لكن ده ما بيمنع انى مشيت شفتا القطيعة. هسي عليك الله بروف امين ده تكلموا ليه!!! خليه يتشال حسه فى الاسافير بانه (ذيي كده) كسلان و ما قادر يفرق بين ال (ى) و ال (ي). غايتو ود البشرى قدر ما بكيت ليه يعفيني منهم .....ابى. نجى لموضوع دولة الاستكبار العالمي. تعرف اكتر من نص البورد فى دولة الاستكبار العالمى. و بالمناسبة امريكا دى ( ما فى زول هنا يسمعنى) بالجد العيشة فيها خرافية. انا ناوية افتح بوست اسميه :امريكا الجميلة. و شدوا حيلكم للبرى
ود البشرى...كيفك? زولنا ده (طبعا) فى مدينته نظام معروف لازالة الثلوج. و غالبا (كل المدن اللى فيها تلج فى الشتاء) بتكون المدينة عندها معدات ازالة التلج و عمال للقيام بالعمل. و فى مدن بتكون عندها عقود مع شركات للقيام بالمهمة. لكن فى حالة يكون فى عاصفة كاربة (النوع الى بيجى مرة كل 20 سنة) غالبا المعدات ما بتكون كفاية انها تشتغل فى كل المدينة فى نفس الوقت. اها عمك ده الجماعة اتاخروا عليه و شكله كان مارق و قام شكى لبنته بالتلفون. بنته طوالى رسلت تويت لكورى بوكر تخبره بشكوة والدها. قام حاكم المدينة طوالى رد عليها بانه و عدد من المتطوعين ح يمشوا ينظفوا التلج لابوها. و فعلا مشي و معه (اظن) موظفين من مكتبه.
Saifelyazal Elmaki ...سلامات. ما قدر ده يا اخى. شبهنا شبه ساااى بعمر بن الخطاب.
مريوم....و الله يا مريوم انا متلومة. متلومة مع روحى دى انى ما قاعدة اتريض. ح اجى اليوم فى البوست اياه اعترف. تعرفى قصة التبرع بتاع الفيسبوك دى يقال بانه كورى بوكر ده كان فى عشاء بتاع جمع تبرعات فى حتة كده و كان معزوم معه زكربيرق. و كانوا فى نفس الطربيزة. الزول ده قعد نق فى اضان الولد لحدى ما اتبرع ليه. بعدين يا مريوم يا خى ما تاكلى حق ... مارك زاكربيرج . الولد اتبرع ب 100 مليون دولار و ليس 100 الف ....
تحياتى اسمارت قبل رحيلى من نيوأرك العام السابق كان كورى يمارس رياضة الصباح وكنت ألتقيه يوميآ دون إنقطاع رجل بمعنى الكلمه لم تغيره المناصب وسوف أدعم ترشيحه بقوه سواء رجعت لجيرسي أو بقيت بعيد عنها
02-22-2013, 06:17 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
سلامات يا سامي.انا لسه عاوزه اعرف انت زمان كنتا منو؟:) و اشاوروا انا ليه؟ الزول ده قاعد في تويتر. و قاعد يرد علي الناس. مرة واحد من دولة أوربية طلبت منه حاجه ( و الله نسيت القصة و قدر ما فتشتها في النت ما لقيتها)، المهم انه رد علي الزولة بكل زوق. عليك الله رسل ليه و شوفه ح يقول شنو. ح تلاقيه في @corybooker
سلامات يسري. الزول ده فعلا كل مرة بيخلعني بحاجه جديدة عملها. دي حاجه برضو عملها قبل فترة. ماري في الشارع لقي حادث و زول مضروب و الناس حوله راجين الإسعاف. نزل طوالي و بدا يساعد في الناس في إنقاذ الرجل لحدي ما وصل الإسعاف
Quote: A Pedestrian Hit by a Car
When you need backup, Booker’s there. A Newark citizen was performing emergency triage on a pedestrian who was hit by a car last June when Booker pulled up to the accident scene and immediately jumped in to help the man stabilize the victim. Newark’s own legion of superheroes?
02-22-2013, 07:16 AM
Rawia Rawia
تاريخ التسجيل: 11-23-2002
مجموع المشاركات: 8396
نيووك دي الحتة الوحيدة الشفتها في نيوجيرسي عشان فيها المطار طبعا ومرة مشيت عملت فيها إنترفيوو لشغل المهم حتة تشبه شبرا الخيمة في عدم النضافة والقطر بتاعم قدييييييييم لو ركبتيهو بتوســـخـي هدومك االزول دا قدامه الكتير عشان يعملوا شفت الكوب الفاضي كلو دا ياود البشرى؟:)
نجي لي نص كباية ود البشرى ياود البشرى الحكومة بترش ملح وتنضف الشارع الكبير(الزلط) وبتنضف الترتوارات للناس عشان يمشوا ومداخل البيوت وبتفضل حتتتتتة كدا القدام بيتك عليك انت تنضفها لانو ماممكن يعني ينضفوا لغاية سريرك يعني؟:)
نجي لعمر بن الخطاب النيوجيرسي كااااااامل الدعم لانه مننا وتاني اتنين دعم لانه مننا وربنا يوفقوا ياخ ونشوفوا رئيس لامريكا قبل مانموت
بخصوص أمريكا الجميلة بحبك زيادة عشان بتحبي أمريكا يابت في ونسة مع دكين لما جا هنا قلت ليهو كل يوم بصحى الصباح اول حاجة بعملها بقول قود بليس أميريكا ونحمد الله على نعمة العيش في أمريكا ونحمد الله على نعمة الانتماء لهذه الارض
في شمار سمعتوا قبل شوية قلت نقولوا ليك .........هيعجبك بجيب في حاجات من رايت إيد واحدة بتتكلم في التلفون عن زول هيبيع بيتو وخلاص عرضوهو وقالت المبلغ المطلوب الفي الناحية التانية من الخط أظنوا إعترض على كبر المبلغ المطلوب في البيت أها دي الحتة المهمة قالت ليهم لالالالا البيت بيستحق وحقو كدا وأكتر صاحب البيت كان متعشي معاهو اوباما أمس أيوة أيوة أوباما صاحبهم وبيزورهم وكان متعشي معاهم أمس دي .....إنتهى......
... ما إهتميت للباقي لاني إنطربت حبيبي أنا بيعمل أسوشيشن مع الناس وبيزورهم في بيوتهم عسل عسل
02-22-2013, 03:42 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
ما نصيحة انت يا راوية. ؛) مشيل لو سمعت بيك، ح توحشينا. @_@ حبيب ألبك ده يا أختي ما تشفيه ظريف كده، زول صعب شديد. و اهو في الفترة التانية طلع أنيابه للجميع. ننورك دي ( ذي ما شايفه في التلفزيون) حالتها صعبة. ده غير معدلات الجريمة العالية. عشان كده ولدنا ده يستاهل الدعم.
بالمناسبة يا راوية في صحفي قبل فترة كتب مقال اسمه Obama's Way فيه تفاصيل حول أوباما بيقضي يومه كيف. اقريه. ح يعجبك.
و بالمناسبة، مشتاقين يا أخي.
02-22-2013, 06:09 PM
Muhib Muhib
تاريخ التسجيل: 11-12-2003
مجموع المشاركات: 4084
هسي عليك الله تكتب المداخلة يوم 22 لكن تحشرها مع مداخلات يوم 21، و تزعل اني فطيتها. طبعا ما شفتها. مداخلتك دي مفروض تكون بعد مداخلة أخونا سامي. علي العموم، معليش. أعفي لي. :) كيف يعني عمر البشير ما بيعرف يعوم؟ ضابط في الجيش و ما بيعرف يعوم ؟ كوري و لدنا ده لما أنقذ جارته المسنة من الحريق أصيب بحروق من الدرجة التانية. ما حريق ساي كده حريق جد. كتير ما بنسمع ( خاصة في البورد) عن الويلفير. قبل فترة دخل ( كوري بوكر) في نقاش مع زول في توتر حول الويلفير و و الزول قال ان قروش الويلفير كتيرة. كوري اتحدي الرجل علي انه يعيش أسبوع علي قروش بس قدر قروش الويلفير. و فعلا عمل كده
02-23-2013, 10:01 AM
الصادق عثمان محمد الصادق عثمان محمد
تاريخ التسجيل: 02-16-2013
مجموع المشاركات: 69
Quote: عليك الله تكتب المداخلة يوم 22 لكن تحشرها مع مداخلات يوم 21
عادى وحات سيدى الحسن مرات باكل الناس فى سنه كاملة .. عليكى الرسول اليوم الواحد ده بفرق فى شنو ؟؟ ... ما بيناتنا يا أختى .. فعادى جداً نفس الشئ عمر البشير لما أنقذ ناس المركب اصابتو التخمة من الدرجة الاولى من البلع ,, انا قاصد بلع الموية ... لكن يا سمارات ولدكن ده شكلوا كده ح يخلف ود الخال ..
03-27-2013, 11:09 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
smart_ana2001
الصادق عثمان محمد
قرشـــو
عاطف عمر
محمد البشرى الخضر
مريم بنت الحسين
سامى عبد المطلب
يسرى معتصم
Rawia
Muhib
فيس بوك
تويتر
انستقرام
يوتيوب
بنتيريست