|
|
 تا تا تا تا تراورى .. تا تا تا تا تا تراورى
|
ما شاء الله ما شاء الله عينى بااااااااااااااااااارده ياخ هجوم الهلال بقى نخل ماشاء الله ,, هجوم كان قال بسم الله يفرطكو ليك اى وصيف حايم هههه ,, لعيبه طوال القامه وسريعين
ومهارات عااااااااااليه ..
تا تا تا تا تا تا تا تا شنووووووووو ,,, تراورى ههه
يمشى سا سا سا سادمبا ,, ويجى تا تا تا تا تراورى ..
مبروووووووووووووك للهلال النتيجة ومبرووووووووووووك الفرسان الجدد ( سنكار ) عينى بااااااااااااااااااارده ياخ يطمن والله
مبروووك لمريخ الفاشر الاداء الجميل ,, والفريق المنظم الواعد
قووووووووولو واحد ..... بى تلاته نقاط
مين اللى بعدووووووووو ....
برمة اخيره :
اضرب اللووووووووووووووووووووووون
|
|
 
|
|
|
|
|
|
|
 Re: تا تا تا تا تراورى .. تا تا تا تا تا تراورى (Re: ناذر محمد الخليفة)
|
الفنان الجميل ناذر محمد الخليفه كيفك ياخ مشتاقين وحات الله صحى
أنا موجود ياخ ومتابع قرييييييب شديييد لى كل الحاصل .. قاعدين (شعبى ) ناس المقصوره الرئيسيه ديل ما خارجو معانا ثقافة استادات وكده ههههههه
(تسلم ياناذر ياجميل بالله كلم البرالمه ديل قول ليهم فى فنان حيره بتاع قعدات البورداب زمان ويا حليييييييييل زمان )
خالص الود
| |
|
|
|
|
|
|
|
|
|
Re: تا تا تا تا تراورى .. تا تا تا تا تا تراورى (Re: أمير محمد ادريس)
|
يا طلحة كيفك ..
تعرف ىاحبيب فعلاً مريخ الفاشر مامقياس ,, والامل عطبره برضو مامقياس ,, لكن يا اخوى دا الدورى ,, يعنى نقاط وروليت طوييييييل ,, مريخ الفاشر وافد جديد
للممتاز وعندو طموحوا وعندو اهتمام رسمى ودعم شعبى كبير كممثل وحيد للغرب الحبيب
ياخ تلاته نقاط ختيناها فى عبنا دا والجاى احلا ان شاء الله
بعدين ياخ زولك دا قول ليه الجاب سيرة المقياس منو ,, نحنا قلنا تاتاتاتا تراورى هههه
قولو لينا رايكم فى تراورى دا .. وسمبكين ذى السم فى اول كوره ..
برمة :
الهلال متصدر الممتاز ب 3 نقاط ,, وتراورى على قمة قائمة الهدافين ههههه بى قونين شفت كيف
انها حمى البدايات ياخ ,, مطب الفاشر راهن عليه الكثيرون .
| |
|
|
|
|
|
|
|
|
|
Re: تا تا تا تا تراورى .. تا تا تا تا تا تراورى (Re: سيف الدين محجوب)
|
سلام يا امير
ياخ القال ليك منو نحنا فرحانين بالكوره ... نحنا فرحانين بى القادمين الجدد
محمد تراورى....فيه بعض من ملامح الوالى الغالى...المرحوم والى الدين محمد عبد الله...وفيه جسارة انس النور.
وقوة وسرعة ساسا
تراورى قال ليكم كورة الوصيف كلمو الحضرى دا لابس تقييييييل
شحط جد .. الله يدينا الفى مرادنا
برمة صغيره :
بالله كدى عاين للقون الاول دا الراجل دا شاحط الكوره دى من وين ... يعنى انتو تطلعوا من مهند الطاهر تقعوا فى تراورى
| |
|
|
|
|
|
|
|
|
|
Re: تا تا تا تا تراورى .. تا تا تا تا تا تراورى (Re: اسلام عبد الرحمن عمر)
|
يا سيف الدين حبابك ياخ
المعز ساهم اسهام كبير فى نتيجة المباره اليوم ,, وانقذ اكثر من هدف محقق رغم زيادة الوزن البتتكلم عنها والخبره عندها دور برضو .
وبرضو نحنا عندنا البديل الجاهز (جينارو ) فى مسنوى الاساسى ولا شنوووووو
الراجل الاسمو اكانقا دا ماعجبنى ياخ الزول دا ما اتعظ من الموسم الفات ولسسع مواصل بى نفس الطريقه
شلاليت وكواريك ونرفزه ..
وكل الخايفين منو قعدت كاريكا وراء المهاجمين دى خايفنها تؤثر على قدراتو التهديفيه ,, واهو كاريكا مهاجم فريقنا القومى وفاكى حيرتنا فى الهجوم
| |
|
|
|
|
|
|
|
|
|
Re: تا تا تا تا تراورى .. تا تا تا تا تا تراورى (Re: طلحة عبدالله)
|
والله يا طلحه صاحبك دا شكلو زعلان من الحضرى شدييييييد ههههه ,, ياخ قول لى صاحبك دا انت مامتابع ولا شنو
الايامات دى الحضرى مقوم نفس مجلس المريخ قاعد عندو متاخرات هههه ,, يعنى عليك النبى دى مامحن ؟؟؟
ماعارف ليه ذى فى الحته دى عاوز اذكر صاحبك بى كورة الموسم الفات الجابو الحضر من المطار للاستاد مع انو عندكم حارس تانى لمن الحضرى حرد
فلقتونا بيهو فلق (طبعاً ماقاصد اكرم الهادى انا )
.. النجيضة يا طلحة :
صاحبك دا قول ليه نحنا نخلى البوست دا فوووووق لحدى كورتكم بتاعت بكره ونجى ننقز معاكم فى حفلتكم الحتعملوها وخلعتكم بى البرنس ولعب
كم كوره بالكعب وكم باص قووون لحدى ماتجى الحفله الكبيره
تسلم يا خ انت وصاحبك ظاااااااااااتو على الروح الجميله الرياضيه فى النقاش الطاعم دا
| |
|
|
|
|
|
|
|
|
 Re: تا تا تا تا تراورى .. تا تا تا تا تا تراورى (Re: طارق حرسي)
|
عمود الصحفى الهلالى الثقيل محمد عبدالماجد
صحيفة قووون 20/02/2013
بس (تلاولي) بس :
· في قرارة نفسي ...(والكلام دا ما يطلع من العمود دا) ..تراوري دا لو جاب ليه (مرايا)...عشان يشوف نفسو ...بشوف ليه (غول) في المرايا.
· بي حلاقتو دي ما فايت (الغول).
· الله قادر.
· انا ما شايف غير كدا.
· الكلام دا ...ما درسونا ليه في (الجغرافيا)...عرفتو براي.
· في الجغرافيا ..ما في حاجات بالشكل دا ..ضيعنا وقتنا ساكت في جغرافية حوض النيل ..ومليون ميل مربع ...وجيتوا في النهاية قسمتوا لينا (الوطن) زي البطيخة.
· خربتو طبعنا ساكت بـ (المليون ميل مريع)..وقسمتوا لينا السودان.
· هسع السودان من الضيق شايفنو زي (البرندة وغرفتين).
· زي القاعدين في بيت اجار.
· لو ولعت (لمبة) الشارع ساكت ..سيد البيت بجيك جاري ..ويقول ليك : (اللمبة دي بتحرق).
· طيب ما تحرق ..ان حرقت..انت عندك (واط) فيها.
· ما علينا ...دي (جغرافيا) ما عندنا ليها نفقة.
· نرجع لي موضوع (تراوري)...الزول البقيف قدام المرايا ..يقوم يشوف نفسو (غول).
· الله قادر.
· عندنا واحد عندو لجنة ..بقلب (الراء)....لام ...شاف ليك ترواري جاب القون الاول ...(قون يقطع نفس خيل القصائد)...قال لي انت (تلاولي) دا بلعب وين؟.
· قلت ليه بلعب في برشلونة ...انت شايفو بيلعب وين؟...في مريخ الفاشر يعني.
· زولكم قال لي : لكن الزول دا ما لعاب.
· قلت ليه ما اصلو لعاب ...هو ما لعاب ..بحلق الحلاقة دي ...حلاقتو دي (نجم الدين) بتاع المريخ ...براهو عاوز ليه 6 شهور ..عشان يفهمها.
· الزعل في شنو يا مريخاب؟.
· الكلام الزي دا ...انا عارفو بزعلكم.
· مالكم مضايقين كدا..نفسكم مرقت من الدوري الممتاز ...(من الاسبوع الاول) تقفلوا النفس يا هلالاب.
· اكيد قلتوا اخير (سادومبا)...يا حليل سادومبا ...على الاقل سادومبا كان عندو رحمة شوية.
· كان عندو شوية (حنية).
· نحن عاوزين سادومبا.
· جيبوا لي سادومبا.
· دا انا بخاف من (سادومبا) يطلع لي (ترواري).
· قلت ليكم (تلاولي)...ما تقعدوا تلافحو في الكلام ساكت.
· لو كان (ترواري) دا ...في المرايا بشوف نفسو (غول)...باكات مريخ الفاشر ..بكونوا يا ربي شايفنو شنو؟.
· اكيد شايفنو ...(صارووووخ).
· قالوا ليك (مشرف زكريا)...اصيب بي انسداد حلقومي فظيع.
· يا مشرف ..الجابرك على الكلام دا شنو؟.
· الجابك شنو من (كادوقلي).
· مشرف زكريا ...ترى مرق من الاسبوع الاول ...الكلام الناس الواقفين في الصف ...(لسه ما حلقو).
· وما عندهم قروش كمان.
· الله يستر على (بلة جابر) من (الفرتكة) في الاسبوع الرابع.
· دا لو بلة جابر قعد للاسبوع الرابع.
· يا بابكر سلك ...(تراوري) دا حالف ...يفرتك ليكم (بلة جابر) سلك ..سلك.
· بلة جابر هسع ذنبو شنو؟.
· بلة في (التقشف) دا بكون هسع بظبط ليه في (بوش) هو واكرم الهادي سليم.
· وفي قرارة نفسي برضو (والكلام دا برضو ما يطلع من العمود دا) ....ابونا الشيخ (الحضري) 44 سنة...لو شاف اهداف (تراوري) في مريخ الفاشر ..لو دفعتو ليه (مقدم) 6 سنوات ..ما برجع.
· مقدم شنو؟.
· لو دفعتوا ليه (لواء) كامل...ابونا الشيخ الحضري بعد اهداف تراوري ديل ما بقعد.
· البقعدو شنو؟.
· ولا بضحي ليكم بي سمعتو.
· الحضري عرفها ..برضو (الخبرة) سمحة في الحتات الزي دي.
· ابونا الشيخ الحضري ..نفعتو (خبرتو).
· قال احسن اشوف لي سبب اتخارج بيه قبل الاسبوع الرابع ..قام ..قال شنو؟.
· قال عاوز قروشي.
· قروش يجبوها ليكم من وين في الازمة دي؟ ...انت ما عارف جمال الوالي رفع ايدو.
· انت ما عارفو (استقال).
· عصام الحاج دا ...لو اشتغل (ترزي)...ما بطلع ليه (5) الف دولار.
· ترزي شنو؟..لو بقى (حاوي) عديل كدا ..وحام مدارس الاساس في ولاية الخرطوم مدرسة ..مدرسة ...ما بطلع ليه الف دولار.
· عشان كدا ...كتروا الباسطة والبسبوسة لي اكرم ..واقنعوا من عصام الحضري.
· الحضري عارف مباراة القمة في الاسبوع الرابع للممتاز ..عشان كدا ..قعد يعمل ليكم في الحركات دي.
· وبعد (تلاولي) دا ..اقصد تراوري دا ....ان كتبتوا ليه استاد المريخ بي اسمو ..ما بقعد.
· الكلام دا ..ما درسونا ليه في (التاريخ)...الكلام دا ...انا عارفو براي.
· خبرة بس.
· في التاريخ ضيعنا وقتنا ساكت مع (بسمارك).
· اها من اتخرجنا الي الليلة ...(بسمارك) دا ...ما لاقنا في حتة.
· زاحمننا بيه ساكت.
· معانا اتصال من الفاشر.
· نعم في شنو؟.
· الو ...الو ...الو.
· في صوت ضرب صواريخ.
· نعم ..نعم ....في شنو؟.
· اتذكرت محمد فؤاد ..وقت عمل اتصال تلفوني بي عمرو اديب بعد خسارة المنتخب المصري من المنتخب الجزائري في ام درمان.
· عارفين محمد فؤاد قال شنو؟.
· محمد فؤاد ..قال : (احنا بنضرب يا عمرو ...احنا بنموت ....لا ..لا ..دي موش طريقة ...نادوا لي ماما...دي موش انسانية دي ...حرام عليكم ...حرام عليكم البتعمل فينا دا)....جيبوا لي عمرو موسي ....انا عاوز عمرو موسي.
· ابراهيم حجازي في نفس الوقت كان بستقبل مكالمة من ام درمان ايضا من احدي المصريات.
· وابراهيم حجازي بطريقته المستفزة بقول : (امال فين وزير الداخلية...ادوني أي مسؤول في البلد دي ...عشان اكلمو).
· ايه الفوضي دي.
· ايه البيحصل دا يا عالم.
· اها الكلام دا ..كلو حصل في الفاشر ...(عينك ما تشوفش إلا النور).
· يا ابني في ايه؟.
· يا ابني روق.
· ابوس ايدك ...تروق.
· زي ما بقول اخونا الامين طه ..تعرضت امس مدينة الفاشر لقصف حي بالصواريخ والهاونات من قبل قوات (غارزيتو). التى (غزت) مدينة الفاشر امس عند الساعة الخامسة عصرا وعشرة دقائق ..وادي القصف الي اصابة عدد كبير من المريخاب في الفاشر وفي ام درمان.
· اها ناس ام درمان ذنبهم شنو؟.
· وقد اوضح ناشطون لوكالة فرانس برس عبر سكايب ان الصواريخ كانت من ماركة (التروارية) الاسكنافية العنقودية ...والتى اشتهر بها الهلالاب ...في قصفهم للمناطق الجبلية...وهي صواريخ حارقة ومبيدة لحراس المرمي...وتسبب فقدان الشهية ..والذاكرة معا للباكات.
· وتقول مراجع طبية امريكية ، شديدة الدقة ...ان الصواريخ التى استعملها (تلاولي) في القصف ...هى صواريخ كيماوية ..وذات اشعاع مضر ...وهى غير مصرح بها.
· في ذات الاطار قالت وكالة الانباء الروسية...(شفتوا الروس ديل جبتهم ليكم وين؟)..قالت وكالة الانباء الروسية ...ان الدوري السوداني موعود بقصف (تلاولي) مستمر ..مما يستدعي تدخل الامم المتحدة ...ومجلس الامن ..وعصام الحاج!!.
· شكلك كدا ..يا عصام الحاج باقي ليك 4 اسابيع في المريخ.
· 4 اسابيع و3 ساعات.
· لو في موظف ...ما شغال ..شيلو.
· لو في كيس اسمنت ..مطرف ..دخلو المخزن.
· لو في (كرسي) ناقص ..سجلو...عشان انت يا عصام الحاج ..بي واضح العبارة كدا ..باقي ليك معانا 4 اسابيع يا شاطر.
· 4 اسابيع ..فوقو دقيقة ما بنزيدك.
· عشان كدا ..ألحق صفي حساباتك من بدري.
· تلاولي دا ما معاه قعاد ...(كمان عامل حلاقتو دي).
· دا افتراء عديل كدا.
· هسع دي حلاقة تحلقها في الفاشر ...انت ما عارف ناس الفاشر ديل ناس تقابة ...وما بحبو اللخبطة.
· انت ما عارف يا (تلاولي)....المريخ دا ...مريخ (السلاطين).
· اها يا جماعة تعال نتحاسب.
· جيبوا ورقة وقلم.
وخلونا نحسبها كدا بالمنطق.
· اذا كان (تلاولي) دا في السلاطين بعمل كدا ..في جماعتنا ديل بعمل شنو؟.
· في (الوصيف) بعمل شنو؟.
· مريخ الفاشر في الوقت الحالي عندو قروش اكتر من مريخ ام درمان.
· ناس مريخ ام درمان قالوا هسع شايلن صور (سيدا)..وبشحدوا بيها.
· والله لو كنا عارفنكم عاوزين تلقطوا قروش بـ (هيثم مصطفى)...كنا ما شطبنا ليكم.
· طبعا العجب ..ما بجيب حاجة.
· ما في زول بدفع ليه حاجة في صورة الباشا ..وإلا سعيد السعودي.
· وزعتوا صورة هيثم مصطفى ..وبقتوا تلقطوا في القروش.
· حتى الدخل ..قنعتوا منو في وجود العجب.
· هيثم مصطفى رفع ليكم الدخل.
· شفت يا هيثم الناس ديل نظرتهم (مادية) كيف؟.
· عليك الله انت يا هيثم لعبت (17) سنة في الهلال ..في زول باع (صورتك).
· بعدين ديل باعوا الصورة ..وقروش التسجيل ما ادوك ليها.
· شفتوا قوة العين دي كيف؟.
· والزول البيبع صورتك ..بيعو.
· والبيبع الصورة ..ببيع الاصل.
· تمشوا وتجوا لي كلامي دا.
· يا جماعة...العمود دا ..لسع.
· العندو ...(قهوة) ما شربها ..يمشي عليها.
· والعندو (غنم) عاوزات ليهن سقاية ...يقوم يسقيهن.
· والراجينو بالغداء ..يقوم ما يدي الناس الجوع.
· العمود دا ..بدري عليه.
· والله لو ما مباراة الارسنال وبايرن مونخ ...كان للنباه الاول.
· تلاولي دا عاوز ليه (من الغلاف للغلاف).
· والا نصبر شوية للاسبوع الرابع.
· باقي نحن عندنا حملة (تطعيم) في الاسبوع الرابع.
· ما بنخلي زول.
· بنمسك من طرف ..ما تقعدوا تتلفتوا لي كدا ...زي (شاحن الموبايل) في المناسبات.
· من موبايل لي موبايل.
· في منعرج اخباري اخر ...ندخل على الجد.
· رصد حلف شمال الاطلسي اكثر من مرة امس "اطلاق صواريخ من نوع سكود"....(السنكارية)...وكان احد الناجين من القصف قد صرح في قناة الجزيرة ...وقال عبارة واحدة ...(والله نحن زي دا قبل كدا ما شفنا).
· وقال كمان : الشيء دا ...ناس بلة جابر ما بقدروا عليه.
· قلت ليكم (السلاطين)...ما قدروا على الشيء دا.
· ناس بلة جابر شن قدرتهم.
· الي ذلك كان والي ولاية شمال دارفور عثمان محمد يوسف كبر ..قد شوهد في (المقصورة) بعد القصف (الترواري) الرهيب ...الي جانب السيد مساعد الجمهورية.
· معتصم جعفر كان قاعد وراهم ...لكن (غتاتة) كدا ما شفتو ..او عملت نفسي ما شايفو ...عشان بس ما اجيبوا ليكم فى النشرة دي.
· انت يا كبر ..قايل الدوري الممتاز دا لعب.
· شنو القروش الفي الولاية كلها كبيتها لينا في (الكورة) ...زي جمال الوالي.
· انتوا قالوا ليك طلع لينا (التمرد) من ولاية شمال دارفور ...قمت طلعت (مريخ) الفاشر للدوري الممتاز.
· هسع لو كان طلعت هلال الفاشر ...ما كان في زول سألكم.
· قروش الحكومة كلها ..بتكبوها في (المريخ).
· الوالي (جمال) يكب في مريخ (ام درمان) ..والوالي (كبر) ..يكب في مريخ (الفاشر).
· اشمعنا يعني هلال كادوقلي دا ما في (والي) شغال بيه.
· انتوا كادوقلي دا ما واقعة ليها في (ولاية)؟.
· الهلال هنا في ام درمان ما في زول بدعمو ...الهلال في كادوقلي ما في والي بدعمو ..وهلال بورتسودان نزل من عدم الدعم.
· والي البحر الاحمر..ما عندو قضية بالرياضة.
· والي البحر الاحمر عاملها كلها (غنا).
· وكل شهر عامل ليه (مهرجان سياحة).
· قالوا ليه (السياحة) دي بدون (رياضة) ما بتبقى.
· بعدين انت ما شفت السياحة في الهدف الثاني لتراوري.
· هدف يقطع المصارين ..تقول (باكات) مريخ الفاشر جيل ما قرأوا ..وما باروي طلبة.
· لا ماتوا لا شقوا المقابر.
· تلاولي دا صعب.
· انا خايف ينزلكم من الاسبوع الاول.
· انت يا مهند الطاهر ...(الحصان) الظهرت بيه في (المهرجان)...في المباراة ما شفتو.
· حالتي دي ...انا المباراة كلها اترقب فيه.
· الظاهر (حصانك) دا حصان (مهرجانات) ساكت.
· حصانك ما جراي يا مهند.
· ملحوظة : لكن تلاولي شبعنا (نبق فارسي).
هوامش
· التلتلة دي ..ناس موسي الزومة ما بقدروا عليها.
· التلتلة دي ...ناس بلة جابر ما بعرفوا ليها.
· قون بجي من الفاشر.
· القون الاول ...المخرج عادوا 12 مرة ..ما شفنا الكورة.
· الحاجة الشفناها بس ..الكورة في القون.
· خلاص يا مريخاب عندي فكرة.
· انتظروا تلاولي دا اربع سنوات زي سادومبا ..بنودي (الفجيرة).
· والا كمان لو كان بالكم طويل ...انتظروه (17) سنة.
· انتوا بترجوه ...(17) سنة ..ما كتيرة عليكم.
· هسع تلقى ناس مامون ابوشيبة ...قعدوا يعدوا.
· وتلقوا كمان اسماعيل حسن ..علق ليه اجندة.
· غايتو يا المريخاب عندكم جنس صبر.
· هيثم مصطفى دا من (الامير) ..راجنو.
· 17 سنة ...عشان بس تصوروا معاه.
· هدف تلاولي التاني ..زي الفيلم الهندي.
· البطل يتقدم للبطلة.
· ابو البطلة ..يقول للبطل...انا ما بعرس بنتي لي ولد من اسرة فقيرة.
· البطلة تزعل ..تقوم تهرب ...مع البطل.
· ابو البطلة ..يشيل بندقيتو ..ويطلع ...يقول عاوز يكتل البطل.
· يقوم ابو البطلة ..يضرب بنتو بالبندقية ...وهو قاصد (البطل).
· يحصل شنو تاني.
· ابو البطلة يندم ..ندم شديد ..ويقول لي بنتو الوحيدة ...خلاص انا مواقف على زواجك ...البنت تقوم زي الحصان.
· اها القصة دي ...كلها حصلت في هدف تلاولي التاني.
· الباك دخل في الاستوبر ...والاستوبر ..ما شايف حاجة ..وحارس المرمي دخل في حالة تانية...وتلاولي جاب القون.
· عليكم الله هسع الحكاية دي ..ما زي حكاية الفيلم الهندي الحكيتو ليكم.
· بس حكاية (تلاولي) دي ناقصة (البندقية).
· يا نجم الدين ...في الاسبوع الرابع ...إلا تجي بي بندقيتك.
· والله الزول دا (دبابة) ما بتثبتوا.
· الزول دا في الفاشر ما ثبت.
· ايكانغا ..اتذكر فجأة كدا ...انو ما اخد كرت اصفر ...قام اخد كرت.
· الزول دا انتوا الكروت الصفر ..بنزلها (رصيد) في موبايلو.
· كورتك يا ايكانغا بقت زي قصائد المطالعة.
· حفظناها ..حفظ.
· سنكارا ..كاد يسجل هدف للهلال ...وكاد ايضا ان يتسبب في هدف على الهلال.
· عبداللطيف بويا ..كان ثغرة واضحة في دفاع الهلال.
· غارزيتو كان مفروض يسحبو من الدقيقة العاشرة من عمر المباراة.
· عمر بخيت ايضا كان بعيد عن (المعلم) الذي نعرفه.
· يا ربي الاتحاد العام سوف يحول مباراة المريخ العاصمي من الفاشر الي وين؟.
· اكيد ناس عصام الحاج ما بيلعبوا في الفاشر.
· الفاشر اخطر من كادوقلي يا كلتشي.
· عاجل : تلاولي وتلاولي وتلاولي لمن يجي قون.
| |
|
|
|
|
|
|
|
|
|
Re: تا تا تا تا تراورى .. تا تا تا تا تا تراورى (Re: اسلام عبد الرحمن عمر)
|
السلام عليكم
يا اسلام جمبي واحد تاني غير الأولاني الكان جمبي أمس قال ليك الزول الفوق دا كاتب ليهو 1837 كلمة قريتن
تلات مرات وبرضو ما فهمت هو عايز يقول شنو ..
وقال ليك : حتي محاولة التظارف والمقارنات الشترة العاملة قدر ما حاولت أضحك فيها مجاملة ما قدرت ..
وبرضو يا اسلام عمل حركة زي الحركة العملا صاحبي الأول بتاعت قوم لف ديك .. قلت ليهو الحركة دي لي اسلام
واللا الزول الكاتب كلام كتير وما قال فيهو أي حاجة دا ؟
بصراحة كدا قال لي:
للاتنين .
أقول ليهو شنو ؟ 
| |
|
|
|
|
|
|
|
|
|
Re: تا تا تا تا تراورى .. تا تا تا تا تا تراورى (Re: طلحة عبدالله)
|
يا طلحه ياخى صحبانك الاتنين بتاعين الحركات ديل شغالين وين ,, فى الحركه ولا شنو ..
على العموم قول ليهم حركاتكم دى اعملوها بعد الاسبوع الرابع من الدورى الممتاز ..
برمه يا طلحة :
الزول الفوق الكاتب الكلام دا من هلالاب روسيا القاعدين فى الصين عشان كده مافهمتو عاوز يقول شنو
شوف ليك هلالابى روسى قاعد فى الصين يترجم ليك
| |
|
|
|
|
|
|
| |
ناذر محمد الخليفة
طلحة عبدالله
أمير محمد ادريس
Suleiman Todi
طارق حرسي
فيس بوك
تويتر
انستقرام
يوتيوب
بنتيريست