|
حاجات تتور ضرس القلب ...
|
مرات بتجيك صراجة
لما تسمع
ديني
و
دينك
قبيلتي
و
قبيلتك
......................................
وفي الدين الواحد كل جماعة مكومة بي جمبة ....
اضرستونا ياخ
|
|
|
|
|
|
|
|
Re: حاجات تتور ضرس القلب ... (Re: الجنيد حمد)
|
مرات يجيك زول شايت ضفاري
وبراحة كده يختها ليك من غير حتى ليمونة
ويقول ليك
بكري بجيب الناس ديل من وين ..؟؟؟؟
. ..............................
ياخ انت مالك ومال مكان الاصدار
| |
|
|
|
|
|
|
Re: حاجات تتور ضرس القلب ... (Re: الجنيد حمد)
|
ودي حاجة خاصة بي ناس الامارات خسوساً رواد القهاوي
تخش القهوة وتقعد للقريفة
تجيك الحبشية ست القهوة بجلالة قدرها وتختها ليك بحنية
وتقول ليك ياحبيبي
اعزمني قهوة ..؟؟؟؟؟؟؟؟؟؟؟؟؟؟؟
.....................
في حد فاهم حاجة
ولا انا
| |
|
|
|
|
|
|
Re: حاجات تتور ضرس القلب ... (Re: الجنيد حمد)
|
الحكومة كعبة وبنت ستين كعب ..(كلنا متفقين)
الناس الفيها حرامية (كلنا واثقين)
بعملوا اى حاجة عشان يقعدوا في السلطة ( مجربين وشايفين )
وبعد ده كلو يجوك ناس (المعارضة) ويقول ليك
دايرين مظاهرة
اها
وتمشي تطلع يقول ليك
دايرنها سلمية
سلمية كيف ..................؟؟؟؟
. . .
.......................
يعني تهتفوا وترجعوا بس !!!!!!!
احبطتونا والله
| |
|
|
|
|
|
|
Re: حاجات تتور ضرس القلب ... (Re: الجنيد حمد)
|
مرات مرات
تتاوق للبرنامج بتاع الاعراس داك
وتنبسط لما تشوف الناس (المستحمين ديلك )
وتفكر في (فكرة) العرس
تجي المذيعة وتسأل العريس
احساسك شنو وانت عريس ..؟؟؟؟؟
......................
طيب لو العريس ده اتحامق وعبر عن احساسو!!!!
الا تجيبوا وردة تلفزيون ود مدني ؟؟؟؟؟
امرضتينا صحي صحي
| |
|
|
|
|
|
|
Re: حاجات تتور ضرس القلب ... (Re: الجنيد حمد)
|
اها
اي زول داير يغنى بالصح بالكضب
ودي حاجة طبيعية
الدهب فتح والناس هجت ..........والسوق ظبط
واقلاها الناس تتلهي من قصة اسقاط نظام ومظاهرات وبمبان ........... وكده
والمحلات بقت تستورد اجهزة لكشف الكذب ............. اقصد الدهب
لكن النصيحة لي الله دعاية الاجهزة دي ورتنا حاجات كتيرة
عاشراً
ماف مقاطعة ولا حظر للحاجات الامريكية يعني في التلفزيون بقولولك ده منتج في امريكا مش دي ياها امريكا ذاتا ولا (امريكتن ) تانية
اولاً
ياخ انحنا ناس دين صحي صحي
شوف في الدعاية لازم يختوا ليك بين قوسين الحديث الشريف ( من غش ليس منا )
يعني تجارة في الدين وتجارة بالدين ولا نامت اعين بني علمان كما قال ود الباوقة قدس الله سره
........... ياناس الدهب احرجتونا مع نسابتنا ياخ طبعاً واكيد بعد الصلاة ....؟؟؟؟
| |
|
|
|
|
|
|
|