|
|
|
 Re: هلال مريح ... قبل بداية الدوري .. نجاح التسجيلات.. شي من الجدية (Re: Mohamed alhabib)
|
ما مشكلة يا حبيبنا
المهم الهلال شطب من غير مرجعية فنية وده ظاهر
لكن وللصراحة تسجيلاته تبدو فيها المرجعية الفنية واضحة
عكس المريخ لا شطب بمرجعية فنية
ولا سجل بها
كل تسجيلات المريخ خبطات اادرية ما اكتر ولا اقل
ولولا قضية هيثم وعلاء الدين لكانت تسجيلات المريخ هذا العام افشل تسجيلاته على الاطلاق في العشرة سنوات الاخيرة
الحظ خدم المريخ في ان تسجيل اللاعبين الضجة كان لخبطة ادارية .. لكن وللصدفة المحضة كانت خانات اللاعبين متوافقة تماما مع احياجات المريخ
صانع العاب ولاعب ارتكاز
ولو ما كانو في الخانتين ديل
برضو ناس المريخ كانو سجلوهم
| |
  
|
|
|
|
|
|
|
|
Re: هلال مريح ... قبل بداية الدوري .. نجاح التسجيلات.. شي من الجدية (Re: وليد محمد المبارك)
|
| Quote: الليلة المعز مرقكم |
المعز دا لاعب في هلال كادقلي ؟
انتو شوفو البمرقكم منو الحضري قال ما داير معاكم
خخخخخخخخخخخخ
____________
Quote: 2- الهلال
- توجد مشكلة في متوسط الدفاع
- توجد مشكلة في الطرف الشمال |
متوسط الدفاع ما عندنا مشكلة ...
سامي ومساوي وسنكارا كويسين ومافي اجسن من كدا
بالنسبة للطرف الشمال دي ما مشكلة الهلال براهو
دي مشكلة السودان كلو وتقريبا 60% من الدول الافريقية
بتذكر غارزيتو كان اقترح مدثر العلمين لكن الادارة فرطت فيهو ومشى اهلي شندي
صناعة اللعب الموسم الفات ما كان عندنا صانع لعب او ما كان أساسي في التشكيلة
برضو فزنا بالدوري ووصلنا المربع الذهبي ... والموسم القبليهو كان عندنا صانع لعب لم نفز بالدوري والقصة ماشة ...
لكن عليك الله رايك شنو في الود تراوري ده، شرط الشررررط ذاتو مش كدة ؟
| |
|
|
|
|
|
|
|
|
|
Re: هلال مريح ... قبل بداية الدوري .. نجاح التسجيلات.. شي من الجدية (Re: عبدالوهاب علي الحاج)
|
الحبيب
وليد
مشكلة المريخ الحقيقة كانت في منطقة الوسط وخاصة لاعبي الارتكاز ..
في الموسم السابق ظهرت هذه المشكلة بصورة كبيرة خاصة بعد اصابة ( امير كمال) من بداية الموسم و اصابات نصر الدين الشغيل المتكررة بين فترة واخري
ووجود سعيد السعودي في خانة الارتكاز هي سبب ضعف منطقة الوسط لعدم اجادته لتهدئية اللعب والتمرير الصحيح
..
المريخ كان يحتاج : ـ
لاعبي محور ... واعتقد بعد عودة امير كمال من الاصابة ووجود رمضان عجب وتسجيل علاء الدين يوسف ومرتضي كبير انتهت مشكلة خانة الارتكاز
.. واصبحت الخيارات كثيرة للمدرب الكوكي في شغل هذه الخانة ..
ومن خلال المباريات الودية التي لعبها المريخ خلال فترة الاعداد ..اعتمد المدرب علي ( امير كمال و رمضان عجب ) في هذه الخانة ولعبو اكثر من مرة مع بعض ..و دائماً ما يلعب علاء الدين يوسف بديلاً ..
وايضاً .. لعب ( امير كمال و مرتضي كبير ) في خانة قلب الدفاع اكثر من مرة ..
اتفق معك تماماً في مشكلة الطرف الشمال خاصة بعد ذهاب اللاعب البرازيلي ليما .. ويبقي الخيار بين ( الزومة ومصعب ) ..والزومة دفاعياً جيد يعيب عليه فقط عكسياته الغير متقنة وتمريراته الخاطئة رغم انه اميز طرف شمال يتحرك ويتوغل الي الامام وبسرعة ..
الهجوم : ـ .. صراحة هجوم المريخ في الموسم السابق ورغم ان الثلاثي ( ساكواها واديكو وكلاتشي ) كانو متصدرين قائمة هدافي الدوري الممتاز الا انهم ليس بالمهاجمين السوبر اليعتمد عليهم .. والمريخ محتاج لمهاجمين افضل منهم بكثير واكثر خطورة ..
جاكسون موانزا ... وسليماني ... ان شاء الله سيكونان مكسب كبير للفريق .. خاصة موانزا لاعب متمكن وحريف ..
محمد موسي .... لم اشاهده كثيراً .. لكنه يمتلك مقومات المهاجم الخطير ببنيته الجسمانية القوية وتحركاته المزعجة داخل الملعب
صناعة اللعب : ـ حسب وجهة نظري صناعة اللعب ليست هي المشكلة في الفريق او اي فريق آخر لان اللعب الحديث لا يعتمد في صناعة اللعب علي لاعب واحد و اي لاعب في الميدان يمكنه ان يصنع اللعب .. و يعتمد ذلك علي اللعب الجماعي المنظم والممرحل والانسجام بين اللاعبين ..
اللاعب فيصل موسي .. لاعب فنان ويمتلك امكانيات كبيرة لاكن يعيب عليه الكسل والحركة المحدودة داخل الملعب .. وابان فترته مع الاهلي شندي كان لاعب الكوكي الاول في الفريق .. ووارد ان يظهر بمستوي جيد مع الكوكي
هيثم مصطفي : ـ لا نختلف بامكانياته لاكن لا اظن بانه سيفيد المريخ كثيراً الا في حالة ( يكون لاعبي الوسط في قمة جاهزيتهم فنياً وبدنياً )
نتائج المريخ من خلال المباريات التي خاضها في فترة الإعداد بتونس ومع اندية لها وزنها ومع منتخب ليبيا ورغم انها ( ودية ) لكن تبشر بنجاح المعكسر وجاهزية اللاعبين وانسجامهم و ايضاً ظهور الوافدين الجدد للفريق بمستوي جيد ( موانزا ومرتضي كبير وهيثم مصطفي ) ... ( سليماني ) لم يشارك بسبب الاصابة ,, وعودة العائدين من الاصابة ( امير كمال وراجي عبدالعاطي ) وظهورهم ايضاً بمستوي جيد .. حسب ما جاء في الاخبار .. ونسال الله لهم بالتوفيق جميعاً ...
ــــــــــــــــــــــــــــ
الهلال ... لا زال الهلال يعاني في منطقة الدفاع والدليل علي ذلك نتائج الفريق بمعسكر اديس ابابا خسارتين وتعادل وفوز واحد مع اندية ضعيفة وغمورة واخر تجربتهم خسارتهم من فريق الجريف بهدفين نظيفين ...
وبمثل ما يعاني الدفاع اعتقد ايضاً بان هنالك مشكلة في الهجوم خاصة وان الفريق يمتلك اكثر من مهاجم ( سانيه وكاريكا وعبده جابر وتراوري وبكري المدينة ) رغم هذه الكثرة خسر الفريق اكثر من مباراة .. مقارنة بالمريخ الذي يمتلك في خط الهجوم ( موانزا وكلاتشي ومحمد موسي ) فقط وعدم مشاركة سليماني بسبب الاصابة لم يخسر سوي مباريتين من اجمالي 7 مبارة..
رغم قناعتي بان المباريات التي يخوضها اي فريق في فترة الاعداد هي ليست مقياس ... لكن الاندية التي لعب معها الهلال هي ليست الاندية التي تفوز علي الهلال او حتي اشبال الهلال .. وهذا يؤكد ضعف دفاع الهلال .... او ان الطريقة التي يلعب بها الفريق ( 3 مدافعين ) لم تنجح او لم يستوعبها المدافعين للان و منذ ان تولي تولي غارزيتو مهام تدريب الفريق ..
تشكراتي يا وليد وجميع المتداخلون ..
ـــــــــــــــــــــــــ
وليد يا حبيب
يا ريت لو عدلت عنوان البوست ( بدون عنصرية طبعاً  )
ليكون
مريخ هلال... قبل بداية الدوري .. نجاح التسجيلات.. شي من الجدية
موش اصحاب الكاسات قوامون علي الصفيراب
ــــــــــــ
معليش الكتابة مستعجلة وقد تكون غير مرتبة ...
| |
|
|
|
|
|
|
|
|
|
Re: هلال مريح ... قبل بداية الدوري .. نجاح التسجيلات.. شي من الجدية (Re: عبدالوهاب علي الحاج)
|
انت يا وهبة نعسان ؟
هاهاهاهاهاهاهاها
1- موضوع المعز جابو زولكم فوق وقال انو مشكلة الهلال في الحراسة ... انا رديت عليه قلت ليه الليلة المعز مرقكم .ز يعني مشكلة الهلال ما في الحراسة
هاهاهاهاهاهاهاهاهاهاهاهاهاهاهاها
2- بالنسبة لمتوسط الدفاع
عليك الله ارجع اقرا كلامي تاني ...
انا قلت دي كانت مشكلة الهلال قبل التسجيلات .. وقلت تحديدا الهلال عالجها باتنين لاعب اجنبي ولاعب محلي الاجنبي سنكارا والمحلي سامي
ياخ قوم نوم عليك الله بقيت تهضرب
بالنسب لمهاجمكم
حا ازعلك
ما عجبني
لكن نديه فرصتو ونشوفوا لي قدام
| |
|
|
|
|
|
|
|
|
|
Re: هلال مريح ... قبل بداية الدوري .. نجاح التسجيلات.. شي من الجدية (Re: وليد محمد المبارك)
|
| Quote: لكن وللصراحة تسجيلاته تبدو فيها المرجعية الفنية واضحة |
الحبيب وليد قواسيب من الود ياخى ..
انت ياكا وليد اب صورة مقلوبة بتاع دخلت نملة واخذت حبه وخرجت
الزمان الكنت معانا فى حوش عمك ابو بشرى ولّه وليداً تانى ؟
معليش العيون طششن والمدة طالت ..
يا حبيبنا وليد وحات سيدى الحسن تسجيلاتنا ما فيها أى مرجعية
فنية . والدليل شطب هيثم وعلاء وتسجيل واحد معطوب من المريخ
والخواجة زاتو ما راضى بيهو .. رضينا بالهم والهم ما راضى بى الخواجة..
لكن كيتا فى البرير وغرزه بركت سيدى الحسن المريخ يلم فينا يمعطنا
معط الجن بى هيثم وعلاء .. شفت الغبن ده كيف ؟
| |
|
|
|
|
|
|
| |
وليد محمد المبارك
Mahmoud Mustafa Mahmoud
سيف الدين محجوب
الحاج حمد الحاج
عبدالوهاب علي الحاج
طارق حرسي
الصادق عثمان محمد
فيس بوك
تويتر
انستقرام
يوتيوب
بنتيريست