|
|
 إنتو ياخواننا الكلاشنكوف بي كم؟
|
السلام عليكم
أستغرب من دفاع البعض عن الجاني في موضوع حد الحرابة ونسيان حق المجني عليهم، والغريب والمريب في التبريرات الفطيرة التي يقولها البعض، مثل قول من قال: الزول ده سرق عشان يأكل!! بالله عليك؟ يعني إنت علمت ليهو بحث حالة ولقيت إنو هو داير يموت من الجوع عشان كده سرق؟؟؟ طيب الزول ده قطع طريق الجماعة ديل بي كلاشنكوف، الكلاشنكوف ده سعره كم؟ ما أعتقد أقل من 7 ملايين جنيه؛ لأنو سعر الكلاشنكوف عالميا في حدود الألف دولار، طيب 7 ملايين دي مش ممكن تفتح ليهو طبلية في أي مكان يأكل بيها لقمة عيش شريفة؟ مش ممكن يشتري بيها كارو؟ مش ومش ومش ومش؟؟ في مئات المهن الشريفة ممكن يعملها ويأكل منها عيش حد الكفاف زي ما ملايين الشعب السوداني عايش.
في زول حيقول لي الظروف الاقتصادية والضرايب والأسعار، طيب في ملايين عايشين نفس العيشة وفي نفس الظروف ومافيهم واحد فكر يرفع ليهو عود عشان يقطع بيهو الطريق ويروع الآمنين وينهبهم وينتهك أعراضهم!! لكنه الجشع والرغبة في الثراء السريع والرفاهية.
طبعا نحن تكلمنا عن أداة الجريمة (الكلاشنكوف) وما تكلمنا التاتشرات وللا البكاسي التي تكون عند عصابات النهب المسلح!! طيب أها معقولة عصابات زي دي منظمة وعندها أموال وسيارات وأسلحة ومخابئ ومؤن نقول ديل سرقوا عشان ياكلوا وما تطبقوا عليهم حد الحرابة الشرعو ربنا؟ إنتو قايلين ربنا شرع حد الحرابة ده من فراغ؟ ما ذنب الأبرياء والآمنين والأطفال وانتهاك الأعراض الذي تمارسه عصابات النهب المسلح كما تواترت الأنباء بذلك؟ ما ذنب الأب أو الزوج يملصوهو عريان قدام نساء بيته ويرقصوهو عشرة بلدي كما كانت تفعل بعض العصابات؟ إنتو قايلين ربنا لمن شرع الحكم ده شرعو لي شنو؟ ما لحفظ كرامة الناس وحياتهم وأموالهم!!
تعطيل حدود الله جريمة يجب أن يحاسب عليها الحكام.
كونو حد الحرابة كان معطل 30 سنة والإنقاذ هسي طبقته نفاقا ورغبة في التكسب به؛ هذا لا يعني أن الحد خطأ أو باطل، وإنما الخطأ والبطلان في نفاق الإنقاذ وتعطيلها للحدود وتطبيقها حسبما تقتضي مصالحهم الشخصية.
كسرة: إن شاء الله أي وزل ينكر حد الحرابة يلموا فيهو همباتة ينهبوهو ويرقصوهو قدام الناس بالنكس ويكون معهو حريمو، عشان وقتها يعرف ليه الشريعة جابت الحكم ده.
|
|
  
|
|
|
|
|
|
|
 Re: إنتو ياخواننا الكلاشنكوف بي كم؟ (Re: محمد جلال عبدالله)
|
تعرف يا أخوي محمد انالما اتفتحت بوستات بسبب موضوع حد الحرابة كنت عايز أعلق في الموضوع بانه نحن ما معترضين ولا أظن ح يجي يوم ونعترض فيهو على تطبيق حد من حدود الله وكما تفضلت انت وقلت ترويع الآمنين وينهبهم وينتهك الاعراض دي ما في اي شخص بيقبل الكلام ده ، ولكن ليه حكومة الانقاذ جاية تطبق حد الحرابة بعد كم وعشرين من استلامها للحكم مع انه من استلام الانقاذ للسلطة في نهب وفي سرقات كثيرة جدا حصلت وما تمت فيها محاكمات خلي حد من حدود الله .
لك التحية اخي محمد جلال
| |
|
|
|
|
|
|
|
|
|
Re: إنتو ياخواننا الكلاشنكوف بي كم؟ (Re: عوض جاه الرسول)
|
سلام محمد جلال
انت ليه افترضت انو الزول ده مشى السوق اشترى الكلاش مش يمكن يكون الزول ده ما اشترى الكلاش يعني يمكن سرقو او لقاهو واقع (المناطق الوقعت فيها الحادثة دي منطاق نزاعات مسلحة)
واحتمال تاني انو تكون الحكومة ادتو ليهو اصلو الحكومة هناك بدل توزع سكر وزيت ودوا بعيد عنك بتوزع سلاح وده باعترافها
اها موقف (الشريعة) شنو في الحتة دي اذا اتضح انو الزول ده ما اشترى السلاح وانو الحكومة ادتو ليهو ؟
هل تعتبر الحكومة شريك في الجريمة ؟ وهل يمكن اعتبار هذه شبهة تدرأ عنه الحد ؟
بعدين ده حد شنو ده ؟
الجريمة ارتكبت في كردفان والتنفيذ تم بليل في نستشفى الشرطة
ده ما حد وليس لله فيه شئ
كدي وكت الله جابك هنا ورينا فقه تنفيذ الحدود شنو ؟
يعني اين يتم تنفيذ الحد ؟
وكيف يتم تنفيذه ؟
هل القصد ايذاء المجرم وتحويله الى معاق ان القصد شئ اخر ؟
وهل في هذه الحادثة تمت تنفيذ جميع مقاصد (الشريعة) ؟
| |
|
|
|
|
|
|
|
|
|
Re: إنتو ياخواننا الكلاشنكوف بي كم؟ (Re: محمد إبراهيم علي)
|
كلاشينكوف شنو البي الف دولار دا?
ياخ امشي سوق ليبيا يمكن يدوك ليهو هوادة ساكت لو اشتريت طماطم بعشرين جنيه!
بالجد كدة الكلاشينكوف هنا في امريكا بحوالي الثلثماية دولار (ما حا اقدر اقوقل ليك السعر الحقيقي لأني لو عملت, الشباب حا يزوروني باقي الليلة دي ههههههه)
في السودان لانه راقد هبطرش, و بجي من حتات كتيرة في العالم ممكن يكون في حدود المية دولار.
كلامي دا قياس على انه زمان, كان ممكن تشتري مسدس ايطالي من سوق ليبيا بسبعين جنيه (منتصف تسعينات القرن الماضي) و الدولار كان حوالي and#1633;and#1634; جنيه (يعني بستة دولارات) هسع بعد ليبيا فتحت اتوقع يكون ارخص!
لكن دا ما المهم
المهم ان حد الحرابة تم تنفيذه على هذا المغلوب على امره من منطلق سياسي, لتخويف الناس من محاربة الانقاذ ليس تنفيذ لشريعة و لا حاجة.
دا استغلال بشع جدا للدين!
| |
|
|
|
|
|
|
|
|
|
Re: إنتو ياخواننا الكلاشنكوف بي كم؟ (Re: محمد إبراهيم علي)
|
الزول دة نهب بص فى شمال كردفان. لو فتشنا جيب أى راكب فى البص المنهوب دة أكيد ما حنطلع بى 100 ج.
والاسلحة فى المناطق دى على قفا من يشيل وعادى تلقى صبى راعى يحمل كلاش للدفاع عن نفسه وماشيته.
دة ما تبرير للنهب وترويع الاخرين لكن الفقر المدقع والعوز والجوع وألمرض كلها تدفع لممارسات كتلك.
وبدلا من تطبيق الحدود على فقراء معدمين الافضل تنمية مناطقهم والقضاء على المشاكل التى بسببها أشهروا السلاح لإيجاد لقمة تطفئ نار الجوع.
بعدين..
لشنو ما يتم تطبيق الحدود دى على مسئولى الحكومة ممن سرقوا المليارات وبنوا العمارات الشواهق والفيلل والحدائق الغناء، سرقوها عيانا وفى وضح النار من اموال شعب أنهكه الجوع والمرض والعوز. الأدهى والأمر ان المفسدين كان جزاءهم ان يحفظوا أجزاء من القران والمستضعفين جزاءهم القطع من خلاف.
أبدا والله دى ما الشريعة التى أنزلها العادل العدل من فوق سبع سماوات على عبده الرحمة المهداة والنور المبين.
| |
|
|
|
|
|
|
|
|
|
Re: إنتو ياخواننا الكلاشنكوف بي كم؟ (Re: عوض جاه الرسول)
|
حياك الله أخي أمير إدريس
Quote: ولكن ليه حكومة الانقاذ جاية تطبق حد الحرابة بعد كم وعشرين من استلامها للحكم مع انه من استلام الانقاذ للسلطة في نهب وفي سرقات كثيرة جدا حصلت وما تمت فيها محاكمات خلي حد من حدود الله .
|
لا أشك مجرد الشك في نفاق الكيزان وتكسبهم من هذه القضية
وقد أشرت إلى هذا في كلامي أعلاه:
Quote: تعطيل حدود الله جريمة يجب أن يحاسب عليها الحكام.
كونو حد الحرابة كان معطل 30 سنة والإنقاذ هسي طبقته نفاقا ورغبة في التكسب به؛ هذا لا يعني أن الحد خطأ أو باطل، وإنما الخطأ والبطلان في نفاق الإنقاذ وتعطيلها للحدود وتطبيقها حسبما تقتضي مصالحهم الشخصية.
|
فيجب التفريق بين حدود الله تعالى والتي هي واجبة التطبيق ولا مجال للنقاش فيها
وبين ممارسات الحكام الخاطئة والتي على رأسها تعطيل الحد لمدة 30 عاما
تحياتي وشكرا على مرورك
| |
|
|
|
|
|
|
|
|
|
Re: إنتو ياخواننا الكلاشنكوف بي كم؟ (Re: محمد جلال عبدالله)
|
تحية طيبة
العزيز محمد جلال صباح الخير
| Quote: ممكن تفتح ليهو طبلية في أي مكان يأكل بيها لقمة عيش شريفة؟ |
بس اضمن لينا ناس المحلية ؟؟؟؟؟؟؟؟؟؟؟؟؟؟؟؟؟؟؟
اعتراضنا على الوضع العام تنفذ الحدود في الضعفاء ويترك (المولفة بطونهم)
تحياتي مرة اخرى
| |
|
|
|
|
|
|
|
|
|
Re: إنتو ياخواننا الكلاشنكوف بي كم؟ (Re: محمد جلال عبدالله)
|
Quote: سلام محمد جلال
انت ليه افترضت انو الزول ده مشى السوق اشترى الكلاش مش يمكن يكون الزول ده ما اشترى الكلاش يعني يمكن سرقو او لقاهو واقع (المناطق الوقعت فيها الحادثة دي منطاق نزاعات مسلحة)
واحتمال تاني انو تكون الحكومة ادتو ليهو اصلو الحكومة هناك بدل توزع سكر وزيت ودوا بعيد عنك بتوزع سلاح وده باعترافها
اها موقف (الشريعة) شنو في الحتة دي اذا اتضح انو الزول ده ما اشترى السلاح وانو الحكومة ادتو ليهو ؟
هل تعتبر الحكومة شريك في الجريمة ؟ وهل يمكن اعتبار هذه شبهة تدرأ عنه الحد ؟
بعدين ده حد شنو ده ؟
الجريمة ارتكبت في كردفان والتنفيذ تم بليل في نستشفى الشرطة
ده ما حد وليس لله فيه شئ
كدي وكت الله جابك هنا ورينا فقه تنفيذ الحدود شنو ؟
يعني اين يتم تنفيذ الحد ؟
وكيف يتم تنفيذه ؟
هل القصد ايذاء المجرم وتحويله الى معاق ان القصد شئ اخر ؟
وهل في هذه الحادثة تمت تنفيذ جميع مقاصد (الشريعة) ؟ |
وعليكم السلام يا هندسة
بنفس القدر ده أنا برد ليك التساؤل:
الزول ده قطع الطريق وكان في يده كلاشنكوف، أيا كانت الطريقة التي تحصل بها على هذه الآلة فهي شيء ذو قيمة يمكن أن يبيعه ويشتري به ما يأكله (ده بافتراض أنه سرق عشان ما لاقي حاجة ياكلها )، يا محمد توجد مئات المهن الشريفة التي يمكن أن يشتغلها ولا يقطع الطريق على الآمنين.
شوف يا محمد انت بقيت تفترض افتراضات وتتساءل تساؤلات، ودي كلها ظنون و ( إن الظن لا يغني من الحق شيئا ) الحق الأنا بعرفو وبعرفوهو كل الناس أن هذا المجرم أدين في جريمة بواسطة القضاء والقاضي حكم بموجب القانون الذي في يده، هذه الدفوعات التي قلتها يمكن أن يقدمها محاموه، أنا وأنت لسنا طرفا في القضية، أنا أناقش المبدأ وأدافع عن الحق، وأستنكر سعي البعض للتعاطف مع الجاني ونسيان الضحية، وسعيهم لإنكار حدود الشريعة.
لو قلنا الحكومة أدتو ليهو .. هل ده مبرر عشان يقطع بيهو الطريق؟
أما سؤالك عن حكومتنا وهل تكون شريك في الجريمة، أكيد أن الحكومة سبب مباشر وغير مباشر في كثير من الجرائم التي تحدث في هذا السودان، ولكن هذا ليس مبررا لارتكاب الجرائم أو الدفاع عن المجرمين، ولا تنس يا أخ محمد أن النهب المسلح كان موجودا منذ عهد النميري ولم يأت في عهد الإنقاذ.
كونه الجريمة ارتكبت في مكان ونفذت في مكان آخر، ونفذت بمنأى عن الأنظار، فهذا لا يبرئ الجاني ولا يقدح في صحة الحكم، وإنما يقدح في كيفية التطبيق، الحيثيات القلتها دي يا محمد لا تبطل حكم الشريعة ولا تبرئ المتهم، وإنما تؤكد حقيقة مفادها: أن الحكومة تنفذ الحدود بمزاجها وتعطلها بمزاجها، إذن العيب في الحكومة وليس في الحدود، وهذا لا يقدح في الشريعة وإنما يقدح فيمن يطبقونها وفي نفاقهم وكذبهم باسم الدين .. ده كله مفروغ منه وأوافقك عليه، لكن الشريعة دي حقت ربنا لا حقت النميري ولا حقت البشير.
القصد: أن يعصم المجتمع من إجرام المجرم الذي ينتهك الدماء والأموال والأعراض، وأن يكون عبرة لغيره، وكون الحكم بصورته الحالية لا ينفذ مقاصد الشريعة - لقصور التطبيق - فهذا لا يعني أن الحكم خاطئ وإنما التطبيق هو الخاطئ، ويجب على القضاء وعلى الحكومة أن تطبق الحكم تطبيقا صحيحا حتى تكتمل مقاصد الشريعة، ويجب على الحكومة الانتهاء عن الظلم وأن يبدأوا بتطبيق الحدود على أنفسهم وعلى المفسدين من المسؤولين ,, أوافقك في كل ذلك.
| |
|
|
|
|
|
|
| |
محمد جلال عبدالله
أمير محمد ادريس
محمد إبراهيم علي
بدر الدين احمد موسى
ombadda
الجنيد حمد
فيس بوك
تويتر
انستقرام
يوتيوب
بنتيريست