|
Re: اوتار الحنين - تجربة سودانية متزوجة من ألماني / قناة الشروق (Re: Ridhaa)
|
Radhaa تشكر مجددا
مشاء الله الخبر جميل ومسر خاصة نسبة لصعوبة الزيجات بين الألمان والاجانب في ألمانيا.
كما ذكر عمر في اللقاء إنو برهاني أكيد هذة هي أخلاق الطريقة البرهانية في ألمانيا أدب واحترام للجميع. تعتبر الطريقة البرهانية في ألمانيا نعم الممثل للسودان والمسلمين لقد إنداثرو بين الألمان ناشرين للدين الاسلامي والمحبة وكل جميل عن السودان و إنسان السودان.
من هنا سلامي وتحياتي للاخ الصديق الشيخ الشاب "الشيخ محمد الشيخ إبراهيم الشيخ محمد عثمان عبده البرهانى" شيخ الطريقة البرهانية في برلين وربنا يعونكم في مثيرة الحب و السلام.
قصة: في سنة 2009 كنت في مشروع إدخال نظام الساب إلي شركة Bayern في ألمانيا وفي نهاية المشروع كنت في مجموعة تدريس عمال الشركة لاستخدام نظام الساب الجديد و كنت دايما في بداية كل مجموعة من الطلاب الجدد بقوم بعرف عن نفسي وبحكي ليهم عن السودان وناس السودان، وبعدا وبخلي الطلاب يعرفو عن انفسهم و من أي قسم و كدة. اها في يوم كانت في مجموعة جديدة من الطلاب ومن ضمنهم كانت في سيدة ألمانية في الستينات من العمر يلا الزولة دي وقت جاء دورا للتعارف حكت عن روحا بكل إحترام ووقار ذي السودانية وفي نهاية حديثا سالتني أنا من الخرطوم ولا امدرمان قمت جابوتا ليها، وكنت مستغرب علي السوال عشان أنا عارف إنو الألمان في عمرها ما عندهم معلومات كتيرة عن دول أفريقيا وخاصة الدول ألما البقضدو فيها اجازاتم. يلا في الفسحة جاتني وحكت بكل فخر إنو هي وزوجها الألماني مسلمين من عشرين سنة اسلمو تحت سوداني وهم من الطريقة البرهانية وكل سنة بيمشو السودان للحولية في الخرطوم السجانة ويوميا هم في دار الطريقة في برلين للصلاة والدرس بين أيادي الشيخ الشاب الشيخ محمد. طبعا الموقف كان ذي الخيال وحصل إنو الأخ الشيخ محمد زميل دراسة وصديق فحكيات ليها إنو أنا بعرف الشيخ محمد شخصيا فما صدقت في المساء حكت للشيخ محمد عني وهو أكد ليها المعلومة، تاني يوم جاتني بكمية من البلح و كتب البرهانية وهدايا وتورتات وعمت الفرحة. الشي المفرح العايز أقول إنو مشاء الله الطريقة البرهانية قدرت تدخل المجمتمع الألماني وخاصة الأسر وعملت ليها إسم مرادف للسلام والمحبة بين الألمان ودي مفخرة لكل السودانيين و المسلمين.
مرفق عدة روابط للطريقة البرهانية في ألمانيا نتمني الاخوة السودانيين وأصحابهم الألمان في ألمانيا يدوهم طلة للتعارف.
http://www.burhaniya.org/welcome.htm
http://www.burhaniya.org/b-world/a_germ.htm
إنشاء حياة عامرة لاسرة التومة وعمر في ألمانيا.
كل الاحترام والتقدير Khalidkeba
| |
|
|
|
|