نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 عشة صابونة وعوضية شرغرغ وجدلية سجن البشير في لاهاي..كلاكيت تاني مرة.!
|
عشة صابونة تلك التي صاحت في قولتها الشهيرة (سجن عدس -عمايل عدس) وكانت واقفة ديك احمر في امر تسليم البشير ومطالبة بضربه بيدا من حديد و######شته ######شة السنين وارساله الي لاهاي ..نما الي علمنا
بانها في جلستها الكروباوية امس مع علوية شرقرق..زي الجرت واطي وعملت لموضوع اوكامبو ده دريبات..
وشبكت (علوية),,,,
حيييييي انا يا انتي حنني البشير ده والله...
وهنا ارغت وازبدت (الحربية شرقرق)...التي تنادي بقوي وكثافة وحماس بانزال اقص العقوبات بالبشير
الذي كتل اهلها وكل عقابها وعدمها نفاخ النار...وصاحت
هوووي يا عشة هوووي بطلي حركاتك دي..!!! ويحنونك يا يمة في المقابر
قولي امين
|
|
  
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
السودان ده ياعلوية من ما عملوا الروؤساء ديل جتتتت قتلوا ضبحوا وماسمعنا لينا خواجة جاء وقف
وقال عاوز واحد منهم ولو سلمنا البشير القصة بتبقي سابقة(كان صابونة حريصة علي ايجاد محل لكلمة سابقة التي لقطتها ليلة امس التلفزيون)..
لتزداد صديقتها زعلا وزهجا من هذا النوع المفاجي في خطاب (عشة) التي كانت حتي الامس القريب متخندقة معها في امر التسليم بل مطالبية وبشدة بان (لا يفوت الاكل السجني العدس)...
قلتي لي سابقة...؟؟
يسبقوك يا يمة علي الضبح ياعشة لو تلقطي لي كلامات التلفزيون وتجي الليلة عاملة لي فيها حنينة
قال سابقة قال..
هوووي يامرة هوووي فتحي عيونك
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
شد وجذب وشرقرق دخلت بزهجها من خطاب صديقتها في الحالة دلتا من هذه السحابة العجيبة التي مرت علي صديقتها التي واصلت في موال الحنية....
بررري يايمة ناسو قالو لو سلمو زولهم ده..البلد دي بفرتوقها صامولة صامولة والزلط العاملنو ده بفرتقو وسمعت تحت تحت قالوا سد مروي زاااااااتو مفرتقنو...!!!!
- يامرة هوووي سيبة الخلعة والكلام الملولو..شيتا واحد بفرتق من البلد دي مافي هكذا قالت (شرقرق)
وهي تحاول اخفاء غضبها ..والبشير وناسو بمشو لاهاي والبلد قاعدددددة
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
بعدين يا شرقرق الريس ده ما دمنا ولحمنا كيفن الزول يشيل جناهو كده ويسلمو للغريب (ابوحواجب ) كبيرة التكنها حواجب 0(فريدة )بت زهرة...وعشرة سنين يا اتي ويومي مصاقرنا في التلفزيون -تاني يااتي البرقص لينا منو في الفضائيات دي..و(البحلف( لينا منو يا اتي ضد الطاغية الامريكان الليهم تدربنا(بقول الله وقول الرسول)...
هوووووي يا صابونة انتي يا مرة سكرانة ولاشنو..!!!
الماتو ديل دم دمو ...مش دمنا
الشرودوهم من شغلهم وقطعو اكل عيشهم فيهم الاشتغل راعي في السعودية وهو كان هنا مدير يتلتل
وفيهم البيوتهم خربت خراب قبورة..
والناس الشردوهم من بيوتهم وحرقو حلالهم...ديل مش دمنا ولحمنا واهلنا وعقابنا..
فصاحت (صابونة) هييي لكن..!!
لتقهمها شرقرق سريعا
لكن شنو لكن في عيييييينك
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
هيييي لكن يا شرقرق انتي قلبك مالو قاسي كده ومادايرة الزول ده يقعد لاهلو وناس بيتو ويمشي ي######شوا
في بكانا طيرو عجمي المشي ليهو شيتا تاشيرة وشيتا فيزا وشيتا لولوة خواجات تقطع القلب....
-يازولة هووي كلو شاة معلقة من عرقوبها ده واهلو شيتا واحد بجيهم مافي ياها البلد دي بلدهم وهم سيادها لاناس بيتو كلو زول ولا اذو زول...
ولو في عشان سيد البيت الغايب في السجن ياهو دااك شوف عينك المجرم(الامين ود كدمبورة) مسجون 20 سنة ومخلي امو ونسوانو الاربعة وعياله وشيتا واحد جاهم مافي...مالكيييين وشاربين ومرتو الاخيرة دي بالدهب ده اخوانها داقنو ليها..
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
هنا حست (عشة) بصلابة موقف شرقرق وحست ايضا بانها منفعلة وزعلااااااانة من نضميها بتاع الحنية ده
ففكرت جليا في تجريب مدخل تاني يحقق لها سحابة الحنية الي غشتها بصورة مفاجئة..لتفتي
غايتو يا شرقرق الجبهجية والدقانة ديل لو فكو زولهم ده سااااكت كده يكونو ماعندهم عشرة وخو,,ياختي
ده من ما جاء
الما ركب ليلي علوي ركبها
والبيتو كان جالص سوي ليها عمارة تقول ياليل..
وزي ناس بابكر ود التومة الكانو مطالقين ساااكت بتحاومو في الحلة من عمود لعمود قالو مشي العلميات
وكوستي ما وصلها الليلة يا اتي بوكسيهو (الشبح) يقول ياليل..
الما مفكر يعرس في مرتو (خلف) لم روحو علي مرة شهيد
عثمان ود برورة الكان شفع الفريق في كل حفلة (دقنوا) ومورمين ليهو شلاليفو مشي الامن يا يمة
وجاء لملمن ليك جت ووداهم المكاتب عمل ليهم (الطيارة قامت) جونا يا انتي مشي ما بقدورا يمشوا..
غايتو لو عملوا نايمن وسلمو النقاطة دي تكون مباااااااالغة
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: ود الباوقة)
|
شرقرق وهي تستمع الي التفافات صديقتها (عشة) كانت في احري الشوق والاشواق لكي تلتقط قفاز الحديث
وتقفل حنية (عشة) التي تريد ان توطنها من خلال وقوف الكيزان (جن احمر) عند التسليم..لتفتي
هيي يا عشة انتي ما سامعة خبورات تاريخ الناس ديل ولاشنو..؟؟
ديل يا اختي من ما جابو كلاماتهم دي من مصر زمااان شغاليين ملص سااااااااكت في ناسهم...
دفروا كداا مع ناس مولانا بتاع الدين النضمهيو سمح داكا الحبر يوسف نور الدائم وشيخ صادق عبدالله عبدالماجد...وملوصوهم زي السلام عليكم ومشو لقدام بدونهم الترابي يزازي ويغاشش فيهم من حكومة لحكومة
لحدي ماهم زاتهم نطوا في الحكومة...وفي نطتهم دي ملصو الترابي زااااتو الشيخ البهز وبرز..
ديل يا اختي ملوصو الزول الرباهم وعلمهم (التاصيل والترشيد والسنن وتجديد اصول الفقه) وكمان علمهم الجهاد وسمعت تحت تحت لبسة الشال دي زااتها علمهم ليها هو...معقول ما يملوصو عمر البشير..
مالصنو مالصنو يا عشة يا اختي
وملصتو شايفاها بعيني ده..
واقول ليك قولة ما بعيداسم الموتمر الوطني ده زاااتو يملوصو..!!
وعشان يكسرو في الثلج للخواجات ما بعيد يسموهو الحزب الاسلامي اللاهاي فرع السودان
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
هلا باوقة وشكرا علي مرورك وشكرا علي ضنبك الراقي
عشة حتي تظل ماسكة علي سحابات الحنية والرغبة التي غشتها كانت قادرة للذهاب الي خشم البقرة
حتي الاقليمية..
وبرري ياانتي قالو الدول العربية والافريقية واقفة ديك احمر وقالو بصوت واااحد ولدنا العربي والافريقي ما نسلمو للخواجة العينو خضر
الخرطوم يا اتي الوفود تتطاقش قالوا في المطار (عقال عربي)خاشي بجاي و(قرنببو) نجيري مارق بهناك
وحالفين يحاوطوا البشير ده ويعملوا ليهو دفاع عربي افريقي بيلة في زمنو ما يقدر يجهججو..
وكدي يا العرب والافارقة جيتو لي -جيتو لي..
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
عندما سمعت شرقرق نضمي صديقتها حول التحالف العربي الافريقي حول البشير تفتحت اساريها وصبت لروحها فنجان جبنة اضافي علي غير عادتها عندما تكون الجبنة (تني)..
هوووي يا عشة شكلك خرفتي وبقيتي تقابضي ليك في (شطر ميت)..!!!
عرب ...!!!
عرب شنو يا انتي البعلمو خط دفاع للبشير...برااااك شفتي في التلفزيون اللقط اللقوطهو اليهود لناس غزة الجثث دي يلموها الا بالعربات (رزم- زرم) والفسطنين ديل شتو شتة عدوك...
عربك ديل وينم...
اتقمسو يا اتي حتت حتت فيهم ناس التمو في قطر ..وتانين بجابدو مع مصر
وفيهم ناس يقولو ندين وتانين يقولو لالا نشجب..
وفيهم ناس تحت تحت بقولو للاسرائليين اضربوهم ضرب غرائب الابل الغزية..
واحنا باقي ليك مع شلاليفنا الكيلة وملوة دي عرب اكثر من الفلسطينين...!!سجم
....
ولو لي الافارقة ديلك سيبوهن سسسسسسسااااكت بتاعين الرشاوي ديل...زول روندا شالوو من طرف غاباتهم دي
زول فيهم قال بغم مافي...وبتاع ليبريا وزول جيش الرب ساكنو من غابة لغابة
وجيتهم هنا دي بغشوا في ناسك ديل سسسسسسسساااكت
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
صابونة بعد الضربات وتقفيلات الشغل التي تالقت فيها شرقرق قررت الضرب بقوي ومحاولة جهجهة دفاعات (شرقرق) فهنا قررت العودة الي الجبهة الدخليةوفرفرة بعض الاوراق(كيييية في فصاحة شرقرق..ذات النضمي التقول عاضيها ###### او كما قال عبداللطيف ذات مساء خميسي)...
كديي يا شرقرق الريس واقفين معاهو كل ناس السياسية في البلد دي (وكل القوي بتقول البشير جووه)
الانصار يامة وود المهدي 0(سيدي) ابو ام سلمة سيد القبة والامام اتراضو هو البشير وياهو داااك
يومتا جابو واقف (جن احمر) وقالوا اوكامبو لو جاء الانصار ديل الا يطهروا طهيرة سلاطين باشا...
وانتي براااااك عارفة اهلي الانصار...
والشوعيين زاااتهم الفعل وترك فيهم البشير نضمو ديالكتيك وريسهم نقد زاااااتو يا يمة حالف بالله والرسول ولينين مافي جنائية ولا دولية..وديل يا يمة لو لبدو البشير ده في الكراكير دي تاني اوكمابو ده بمغنطيس ما يلم فيهو..(انتي نسيتي دستهم لنقد مرتين وابا يوري دستو كيف..وقال ممكن نحتاج)
واها في هاشمية موتمرهم القالو عملوفي قاعة الصداقة..يلمو في ود البشير ده يلبدو تاني الجبهية زااتهم يكوسو ليهو كواسة..
ومولانا الميرغني قااااااعد في الجنينة وقال لا..تسليم لا..
وسلفاكير ابو برنيطة عصا قايمة عصا نايمة ولكن ماسك لجنة كبيرة عريضة لحماية البشير وهو يقول تسليم لا
ولكن ناس ود اموم تحت تحت بقولو تسليم wayeeeeeeee
وانا كعشة صابونة جبهتي الداخلية مومنة يا انتي..
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
صابونة بعد حديثها عن جبهتها الداخلية المومنة في ظنها مية مية وجدت الان فرصة لتدبيل فنجانها الذي طيرته لها شرقرق من راسها بزهجتها ونفسها القايم صوف..
لتلقط شرقرق قفاز الحديث في شان (جبهة عشة الداخلية)...
كررر يا انتي غاشاكي البولتيكا(والله يرحمك يا فيليب غبوش) ..!!!
اظنك يا انتي عجبتك قرقرة وضحكة التلفزيون الشفيتها دي..
وانصاري نصيح كده يا انتي ما بمشي بحمي البشير هو السواها فيهم هينة - يا اختي نجضهم نجاض قبورة
والصادق المهدي ده زاااتو ما زازو كددددده لمن عمل (يهتدون) وبلاندكروز صبحها تاني يوم في اسمرا..
قال يا تي عرس بتو زغاريدو في البيت واتخارج منهم...
-الجزيرة ابا كبلو في العلمها في موضوع (الانصار صلو والزلط خلو) نسيتي ولا شنو..(البطن غريققققققة يا اتي ومليانة من الجبهجية ديل ملي السنين) وما باقي لي في انصار نصيح كده يحمي ليهو جبهجي..
الا دي يا اختي حاجة اسمهاشنو..دقيقة قالوا اسمها التوازنات السياسية...بري كان توازنات ولا وزونات ما بعرف..(دي شغل قمة يا اختي القاعدة ما شغالة بيها الشغلة)....
ونعود الي متبقي حديث شرقرق في تنفدها لحديث صابونة و
ولكن بعد الفاصل الطويل
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
واها انحدسك سمممممح يا عشة هكذا واصلت شرقرق افتحي لي راسك المدوقس ده كويسسسسسس...عشان تاني ماتجي تقولي لي _حنيتي ليك لدقن حايمة في البلد دي..الاحزاب الحايمة في راسنا دي البشير جتتتتتتت هبشها. وزازها كددددهه ناوي يلحقها غنم زهرة..قال ليك يا اتي شيخو الترابي الحسع الساجنو في وبورتسودان ده عمل ليهو مصيبة كده 0(سماها التوالي)...قال ليك يانتي يشوفو حزب الامة مكان
ملكلك وين..وبجيبوا منو ناس بعملو ليهم (لافتة كبيرة) وبكتبو فيها (حزب الامة القومي)..بقطعو ليك يااتي في الناس الجابوهم
كان عشرين مليون ولا كان مائة مليون ماعارفة لكن قال ليك بدوهم قروش كثيرة خلاص محل يودهوها ما يعرفو لي......
الشوعيين ديل ياتي طردهم وشردهم من البلد رزم رزم ورفدوهم جتتتتتتت من الشغل لو الواحد منهم ساااكت قال يمشي يسترزق من شغلة التاكسي حرشو فيهم ناس الطلمبات ما يدوهم البنزين ده...........................
ناس سيدي الميرغني يا اتي قسموهم (بقج بقج) شي تبع الشريف وشي المرجعيات وشيتا تاني تبع مولانا وجهجههم كده يا انتي قال ليك فتتم زااااتها يسخونها كده ولمن يجو ياكلوها يلقوها باااااااااااااااااااردة يانتي...
يا اختي ديل انصار السنة قسموهم وباقي لي لو لموفي ابو ضفيرة بتاع الرقم 13 داك كان شقوا وقسمو..
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
عشة الحنينة العنيدة العربيدة لسع ماسكة في جلباب الحنية وبدت كمن يفتش في خشم البقرة حتي يسعد البشير بحياة هنية ورضية
بعد ان قهمتها شرقرق بحديث السنين ... افتت
انتي لكن يا شرقرق موضوع دارفور ده ما قالو قطر ام قروشا مطر مسكت ملفو..وسمع اضاني في الرادي قالو عملو ليهم اتفاق اطااري
كبير وعريض ونافع وخليل موقعنو موقعنو...ويانتي ناس الازرع الطويلة الجونا بلاندكروزرات ديل لو وقعوا تاني المشكلة شنو..
لا عبدالواحد عندو لاندكروزرات ولا محجوب حسين المسرح شعرو بوب مارلي داك عندو..!! وخلاص يوقعو والكيزان يغيروا شعارتهم ديل
ويتهتفو بدلها (ماهمانا خليل لاندكروزر معانا).....
قطر يا يمة لو فلحت في الشغلانة دي قروش البترول والغاز دي يامايمة تديك الدرب ..وكل السودانين الفيهايرجعوالبلد ويدوهم الجوازات القطرية كمان حتي كمان قالوا ود ناس حجة خديجة (ابو شلاليف كريم داك معاهم)
البلد تعمر وخلاص المات مات ونبقي زي ناس مانديلا
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
شرقرق ورغم زهجها العالي التقطت ابتسامة بامر ابو شلاليف الذي ذكرته عشة ولترد بالله هو المسخوت ده قاعد في قطر انا زمني دي كلو قايلاهو قاعد في تشاد لانو يا اتي بجي الاجازة اغبشش التقول مغترب في القضارف ولا الشوك..
وكدي قلتي لي يا عشة خلاص كملت ليك حنيتك في راسك بقيتي تفتيشها في قطر....
قبيل يا اتي انا قلت ليك العرب ديل ما تتعمشي فيها..وقبل العرب ناسنا زاااتهم يا عشة ما بتلمو في تربيزة واحدة وضلعة صينية عشاء ما بياكلوها سوي...
الدوحة هي قايلة الناس ديل زي اللبنانين وتشبكهم (هيك وهوون وايش لوون) والقصة تتم
لالا يا اتي..
ديل رزم رزم...ومناوي زااااااتو الموقع مع الحكومة في ابوجا وناسوا جو الخراطيم يا اتي بشعرهم البوب مارلي داك وادوهو بيت قدر الضربة...وقف جن احمر واول زول قال الدوحة لالا..
وبهناك عبدالواحد جيشا واحد واقف ديك احمر وقال ديل جبهجية بصالحوا في بعض وقال لا غرضو بالاطاري ولا المداري ده..الحركات الثانية جتت
كلام الدوحة ده ما راكب ليها في راسها وماعندها بيها غرض,,,
واها السلام ده ده بعملو مع فصيل وبخلو فصيل وفصائل..سجمممممم....
وبعدين لو عملو اربعمائة اتفاق اطاري ومداري ونهاري..
اوكمابو قاااااعد وقال لا بعرف اتفاقيات الدوحة ولا اتفاقيات ام سعيد..
قطعو ناشف يا اتي
وقال لاهاي بس
حدو مع الناس ديل لاهاي
وقال قشة دي ما بتعتر ليهو...
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
عشة ايقنت بان محاولاتها المحمومة لتسريب جرعات من الحنية الي قلب شرقرق تبدو محاولات يائسة في ظل تقفيل اللعب العجيب الذي قاعدة تعمل فيهو شرقرق الفقيرة دي..ولكنها لسع دايسة علي الابنص الحنوني..
طيب يا شرقرق ناسووو الدقانة المعاهو في الحكم ديل ما يعملو حركة كده في شكل وردة..يسوطوها يسوطوها كده بالليل ويقفلو ليهم كبري كبريين وبكرة الرادي يلعلع ويقولو الحكومة (انقلبت)..والجزيرة تناضم تقول(وقد افاد مراسلنا بان الريس السوداني اختفي في مكان مجهول)
ويجيبو يا اتي ابوعلوة رئيس يهز ويرز...ويغطسوا البشير ده في كركور من كراكير (القربين) في الصعيد. زي فلان لادن داك.الخواجات يفتشو فيهو سماء وارض وما يلمو فيهو..!!!
واقول ليك قولة يدسو معاهو في (الجوطة) دي احمد هارون وفلان كوشيب..!!
ونخلي ليك اوكامبو ده خشمو ملح ملح يا اتي
وقرارتو دي يبلها ويشرب مويتها ...ويمشي بيها للاسرائيليين سياد القتل الصاح..
هو ريسنا كتل كم يعني قولي لي..؟؟
10 الف دي هينة اليمشي بكان القتل بالكوم والردوم..
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
قلتي انقلاب يا صابونة ولا انا اضاني تقلت...!!!
هكذا هتفت شرقرق وهي تتبسم ...
يا عشة اسمعي كلامي ده كويسسسسس...
جبهجي دقاني بعمل انقلاب في البلد دي مافي تاني..!!!
زنقة اوكمابو دي ورتهم الويل يا اتي..
وجبهجي تاني لو قلتي قدامو انقلاب سااااكت يقوم جاري منك صوف (جاري وهو بكبر الله اكبر- الله اكبر)
دي يايمة اليتها زنقة عدوك...واصلا ما تتشهيها لحبيب من الحبايب ..!!
..
وحتة يا عشة قولي لو ركبو راسهم وقالو دايرين يعملو انقلاب باقي ليك (سلفاكير ابو برنيطة بخليهم)...كررررر
مقررات نيفاشا قااااااعدة وفي كلام الرياسة ده قالت كيت وكيت...وكلو قاعد..
وتاني
حتي لو قال يمسكها ابوعلوة...نافع قاااعد يا اتي وصلاح غوششش قاعد(الكريه)
وكل زولا منهم عامل ليهو كوم ولابد للتاني وما بدور كلام التاني كلو كلو..
والدقون دي يا اتي تتساكك في شوارع الخراطيم دي من زقاق لزقاق
عشة هييي سيبي الهلوسة دي والمسخرة ورقاد الواطا ده
وكلمي ناسك ديل يبلوا راس زولهم ده ساااااااكت لاوكمابو ابو حواجب
وانتي زااتك بلي راسك ده لانو بكلامك الملولو بتاع (حيييي وحنني)
يوم الاوكامبو ده يعكش البشير
انا بجي بمعط ليك شعرك ده
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
ون تو عجيب وخد وهات ما بين شرقرق وصابونة وكلا يتالق في فتح اللعب وتقفيل مفايتح اللعب عند الاخري
والقعدة والجبنة طارت للثنائي ده في راسو مع البلد المسخنة في روحها دي...
لتاخذ صابونة نفس طويلة وتجدع قنبلة في سماء النقة معتقدة تماما بانها قادرة بها علي اسكات شرقرق التي قاعدة تشبك فيها
(وروروروررو) ومعدماها النفس......!!!
البشير يا اتي بقيفو ليهو الشيوخ رجال طابت وكدباس والصابونابي وقبة ابو شعر وودهاشم التور الضالع والمرين وقبب السودان دي جتتتتتتتت الفيها الاولياء والصلاح بقيف مع ولدنا ولحمنا واكمابو ده في الحلم ما يشوفو ...وقالو يا انتي كمان
عندهم الفكي ابراهيم المسلاتي ده كمان رمدوا ليهو القروش دي ردم (وسمعت تحت تحت قالوا مادنو ليلي علوي ياتي وحرس) كمان ومسكننو في الفللل الرئاسية لوج....ده كمان يا شرقرق قال ليهم امشوا نومو قفا...البشير ده لاهاي دي
رجلو شبر ما بمدها ليها...وكمان سمعت برضو قال ليها مش البشير بس لاهاي دي تاني سوداني كده ما بخط رجلو فيها
كل ما يقبل عليها سوداني او سودانية عينو دي تسود والبعمل السعبة وزمتها الخواجات ديل ما بدوهو فيزاء واي طيارة ماشة لاهاي دي وفي سوداني قال ليك ياتي تقع تتفرطق حتة حتة...
وكديييييييي يا يمة احنا معانا الصلاح رجال الله وابراهيم المسلاتي ولو فضل شيتا باقي تمينا جكة لمايرنو حتت (الفكي ادومة)
وقوبي وابكر..وديل انتي بتعرفيهم كويسسسسس زي جوع بطنك ده _(هارون اقاشي) الخطف زبيدة بكش من الولد الكان دايرها شفتي برااااك الحصل ليهو شنو.....
جيتو لي جيتو لي يا صلاح تلحقونا وتفزعونا
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
يمجدونا ويلحقونا هكذا رددت شرقرق عندما زكرت صابونة سيرة (رهط) من اولياء الصالحين وقبل ما تتم نظرتها في الفضاء الرحب بتامل كانها تراهم حولها..افتت بقوي
هووووووي يا صابونة هوووي
خلاص ناسك ديل غشوا في الدين كدده مقبلاهم لي علي الاولياء...
القبب الشافتها عيينك مالية البلد دي سيادها علمونا الصدق- وقالوا كلام الله البقول ما تقتلوا زولا ساكت ولاتسرقوا مال المومنين وسياد البلد..
زولك ده لو طلع من اوكمابو ما باقي لي بطلع من اولياء البلد ديل... شاحدة ربي يلم فيهو (شيخي موسي الزغرات) يزغرت ليهو في اضانو دي لمن يكورك براااهو يقول (سلموني يا ناس-سلموني)......
وكان جيتي لابراهيم المسلاتي سجمم يا يمة بعرفو من زمن كان في الجنينة..فكي يا انتي (محايتو بيبسي
وحيرانو جكسي) والفلل الرئاسية الداسنو فيها كن فتشتو كراكيرها شراب الخواجات يلقو فيهابالكراتين وعرقي
(حواء ليمون( قااعد يانتي..ابراهيم بعرفو بالنهار يسبح وبالليل يضبح..بغش في الجبهجية المساكين ديل ساااااكت ....
ناس مايرنو القلتي جننو (هارون اقاشي) ..بررري ياانتي اقاشي لا جننو فكي من مايرنو ولابقدرو بجننو ليهم زول..
اقاشي سمعت اضاني دي (عباس كلتش) قال قامت بيهو سيجارة بنقو شربها مع عباس المسخوت ده
ومشي بيتهم وديك يا الكواريك...
فدحين يا صابونة ولي واحد كده بنجدكم مافي
والمسلاتي وناس مايرنو انشاء يضو ليكم ولو فيهم عمار كان عملو مع الهلال والمريخ اليومي كابين
بنزين ومصبحنها في مايرنو ديل..
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
هييييييي ياعلوية
هكذا تنهدت صابونة بياس بداء يطل من وجوها عقب مرازات شرقرق العجيبة لها وقالت:
لكن ما لقيتك فقريةخلاس يا شرقرق وقفلتيها علي حارسنا وفارسنا وناسي ديل سماء وارض
ومالو يا شرقرق حسع لو الله هداكي وشوفتي ليهم جانص علي الاقل ممكن الله كمان يتوب عليهم....
ومالو ياانتي ممكن يعملوا سلام من الداخل...ما ياهم ديلك الناس يومتا اتلمو جت في كنانة وقالو (مبادرة اهل السودان)...والريس زاااتو نضم وقال الزول الغلطان يحاكمو وكوشيب وهارون اول زول بوقفوهم
في محاكم الخرطوم دي وقال جنجويدي كده ياتي ما بخليهو الا يجيبو الحراصة...وكمان نضم قال دارفور دي
يعمرها عمار حواشة (التومة بت نفرين)..وكمان يا اتي شوفتيهو مشي نيالا والفاشر والناس اتلمت فيهو لممولة (نحل) ورقص زيييييينة ..وكمان لو ماعجبك قال هو عافي لكل زولا كده رفع السلاح واتمرد وقال خليهم يجو البلد بلدهم وهم سيادها.....
وانا يا شرقرق بيني وبينك حكاية خواجة دي كلو كلو ما مبلوعة لي يااتي
| |
|
|
|
|
|
|
|
|
 Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: الصادق ضرار)
|
سلام عبدالكريم
قصة جميلة
سؤال بالجنبة :
Quote: التي تنادي بقوي وكثافة وحماس بانزال اقص العقوبات بالبشير
الذي كتل اهلها وكل عقابها وعدمها نفاخ النار... |
انا لدي الكثير جدا من افراد القبائل التى قيل انها تعرضت لابادة جماعية و كنت اسالهم دائما كأفراد (هل تعرض شخص من اهلك من غير المقاتلين للقتل ؟؟ لم اجد شخص جاوب لى بالايجاب !!) شخص واحد ذكر لى موت عمه في غارة قبلية لقبيلة اخرى ...
| |
|
|
|
|
|
|
|
|
|
Re: عشة صابونة وعوضية شرغرغ وجدلية سجن البشير في لاهاي..كلاكيت تاني م (Re: عبدالكريم الامين احمد)
|
عشة صابونة قولتها اليائسة الاخيرة تلك ويبدو انها تاهبت للخروج صوبها منزلها لتنهي هذه الجلسة الساخنة الي تمميع ولكن شرقرق كانت لها بالمرصاد..لدرجة جعلتها تبدو كمن يفكر في الامر..عن قناعة
وافتت شرقرق وهي تبدو كالملاكم الذي قرر ان يرسل الضربة القاضية لينهي الجولة..
هوووووووي يا صابونة ما تغشك وتخدعك المسكنة النزلت علي ناسك ديل بين الليلة وبكرة دي...
حكاية اهل السودان وسلام من الداخل والتنمية ده كان وييييييين من زمان....؟؟؟
الليلة بعد العصر الجاب الزيت جايين يلملمو في الناس الكانوا بضبحو فيهم مزازنهم من بلد لبلد...
بررررري يانتي سلام شنو المن الداخل حليل زمن كاربينو وسلام الخرطوم الكتلو ناسو الوقعو ديلك جتتتتتتت بالزبير زولهم لبدو ليهو بطيارة جابو خبرو...
كلو ما بنفع معاي ولا مع البلد..والشايفاهو انا دي وما بزحزح منو لو ازحزح جبل احد..اوكمابو ابو حواجب ده ربنا رسلو للمساكين والغلابة ديل من السماء .....
وخلي يعصرهم كددده يا انتي لمن يطلع زيتهم
وال51 مجرم ديل يسجونهم وياخدو منهم الجرائم العلموها دي كاش ويقللو النقاش...
| |
|
|
|
|
|
|
| |
عبدالكريم الامين احمد
الصادق ضرار
مدثر صديق
أحمد ابن عوف
طارق جبريل
فيس بوك
تويتر
انستقرام
يوتيوب
بنتيريست