|
|
|
 Re: بيونسي ... في الحته دي ... نخش ... ول نختشي (Re: HAYDER GASIM)
|
كان هذا ... ضمن عرض بيونسي في ليلة السيوبر بول,
في الثالث من هذا الفبراير, في مدينة نيوأوليانز
الأمريكية.
كان سحرها آلقا ... لحدما قطع الكهربه ... وصار موضوع,
داخل الإستاد, وخارجه ... وفي نطاق كل المجتمع الأمريكي
ومن يشايعه النظر بعين السرور والبهجه على نطاق العالم.
شوفتوا كيف
| |
  
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: أسامة البلال)
|
هذه " البيونيسيه " ومن هم على شاكلتها من ساحلكم العجيب يا زملاء الحوش هلكونا بالجري واستماع الجديد
تقنية الـ HD سوَت فينا العمايل :)
أدخل : beyonce hd 1080p داخل مربع بحث هذا العملاق youtube لتظهر الحفلات الضاجة بكل شي بتفاصيلها
زاوية الرؤية بتكون أوسع
وإن أردت تاخد ما تراه لشاشة 50 بوصه تدعم الـ HD ما عليكـ إلا بالهروب لقوقل وتحميل برنامج Youtube downloader HD
وعلى ذلكـ قس يا حيدر  لباقي رهط ساحلكم العجيب
____________
ليت مولانــا المرتضى هنــا
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: عمران حسن صالح)
|
Quote: مادام فيها بيبسي قلنا ندخل نسلم
تحياتي أستاذ حيدر |
أمير محمد إدريس ... تسلم,
طبعا بيونسي عامله ديل مع شركة
البيبسي, تعرف ليه ... عشان ترفع
معدلات مبيعاتها بما يجعلها تنافس
أو تتفوق على شركة الكوكا كولا, وهما
كما تعلم شركتان يتنافسان على أي
مليم في جيب الزبائن.
أظن بيبسي إختارت من يجعلها شركة
رابحة مدرارة الدخل عظيمة الحضور
بين الزبائن على نطاق العالم. فسحر
بيونسي سيجعل ذلك ممكنا.
شوفت ليك جنس عظمة
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: HAYDER GASIM)
|
Quote: أنا خايف أعلق تقوم تديني مشاوير زي بتاعت زمان ديك.
لذا سأكتفي بتعليق طارق:هذه البيونسي فلته زمانها
ملكة الغناء الإستعراض بلا منازع.
محبتي |
الوجيه ... الفاتح ميرغني ... تسلم,
البركة في بيونسي الجابتك لينا, عرفنا
لينا موية سكر جديدة وشديدة {وجه غامز} ثم
عندي إقتراح بإضافة بيونسي كملكة جمال
شرف في بوستك العامر, كدي شاورا في
الموضوع ده ههههه.
الفاتح ياخ ليك وحشة, ونو مور مشاوير.
ولما أراك تطول في الدنيا قامة وتزيد
في العين وسامة. والله مشتاقين يابا لي
ونستك الحلوة الدقاقة.
كن جميلا ... كما العهد بك.
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: HAYDER GASIM)
|
Quote: الحمد لله يا حيدر إنو عثمان موسي طلع صاحبك وإلا كنا رفعنا قضية إنتهاك ملكية فردية
غايتو بعد خشتك دي...
نقول كامل تضامنا مع الأخ Jay-Z |
اسامة البلال ... كيفنك,
عجزت عن إناخة فضولي الشرقي
على مسرح فعل غربي ... عام.
فتوكأت على عصاة إبن موسى,
وهو المريد الصوفي الصفي.
فألحقنا يا ود حسونه { على
قول ثروت }
جي زي ... حا إكون مبسوط جدا
.... تخيل ... وليس العكس,
جنس بيونسي ... غايتو
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: أمير محمد ادريس)
|
Quote: هذه " البيونيسيه " ومن هم على شاكلتها من ساحلكم العجيب يا زملاء الحوش هلكونا بالجري واستماع الجديد
تقنية الـ HD سوَت فينا العمايل :)
أدخل : beyonce hd 1080p داخل مربع بحث هذا العملاق youtube لتظهر الحفلات الضاجة بكل شي بتفاصيلها
زاوية الرؤية بتكون أوسع |
حبيبنا ... عمران صالح ... تسلم,
وتشكر على المرور وعلى تلك الإضاءآت
الفنية والمعرفية لنعلم أكثر.
على الأقل وجدت لي طريقة تحميل جديدة,
وحفظتها ضمن زكائبي الإسفيرية المتواضعة.
فهذا من أوجه معاناتي في منبر سودانيزأولاين,
وحيث لا ألوم أحدا بقدرما أفضح جهلي بما يعلمه
الأخرون.
وهي مناسبة برضو أشكر ... منووووووو؟
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: HAYDER GASIM)
|
| Quote: كرعين ما أنزل الله بهما من سيقان |
حبيب نوره ... تسلم,
وتعلم أيضا {خطورتك} على هذا البوست,
والذي هو متهوم من مطلعه ومنظره
الأول ... وشغالين فيهو مسارقه,
فما تبوظ علينا ياخ{ وجه غامز شمال }
ثم ... الخل ديل كرعين وديل سيقان شنو؟
حبيب ... هذا البوست للجادين, فإن لم
تعرض كرعينن أفضل مما عرضنا, وإن لم
تسوق سياقا أسمق مما سقنا, فإنقرع.
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: omar altom)
|
Quote: سلامات ياخوي حيدر
ياخي من اول البوست كدا والشهادة!!
المداخلة الاولى كنت تضع فيها كلونيا!!
ههههههههههههههههههههههههههههه
هسي الزول يطلع كيف من هنا!!!!!!
مودتي |
عبدالعزيز عيسى ... تسملم,
ياخ هو بلا كلونيا عملت لينا منخوليا,
فأخدا حافة على بلاط الشهادة والعمل
الطيب, كما قال أخونا عمر عثمان التوم.
تطلع كيييف من هنا, أول حاجة متذكر دخلت
كيف؟ بس باري الطريق معكوسا. أما إن تعذر
خروجك على شاكلة { الدخول للحمام ليس كالخروج
منه } فأصبر شوية حتى تضع الغارة البونسية
أوزاها. ثم مارق مالك وماش وين في الحر ده؟
أبقى طيب يابا
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: HAYDER GASIM)
|
Quote: الشهادة والعمل الصالح
انا برة غايتو
مع تمنياتنا لكم بالتوفيق.... |
عمر ... وليد عثمان التوم ... تسلم,
أصالة عن نفسي ونيابة عن ناس {جوه}
نرحب بناس {بره} ونعتبرهم زينا واحد,
فيما يحدونا أمل أن نلتقي في واسطة
الطريق, حتى نكمل إزكاء مشاعرنا الجمعية
تجاه الفن والإبداع والأداء ... وكل الجمال.
عمرنا ... مشتاقون ... بشدة الصحافة,
وبشحن التاريخ الآلق في كتاب العشرة
والجيرة والمحنة في مربع 23
نسيتني بيونسي
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: HAYDER GASIM)
|
Quote: عبدالعزيز عيسى ... تسلم,
ياخ هو بلا كلونيا عملت لينا منخوليا,
فأخدا حافة على بلاط الشهادة والعمل
الطيب, كما قال أخونا عمر عثمان التوم.
تطلع كيييف من هنا, أول حاجة متذكر دخلت
كيف؟ بس باري الطريق معكوسا. أما إن تعذر
خروجك على شاكلة { الدخول للحمام ليس كالخروج
منه } فأصبر شوية حتى تضع الغارة البونسية
أوزاها. ثم مارق مالك وماش وين في الحر ده؟
أبقى طيب يابا |
عزيزي حيدر قاسم
سلام
من عتبة البوست الواحد تلب وما عارف اليمنى من اليسرى المهم يكون جوة الجك..
لكن مع دارك الواسعة ومريحة هذه حسيت بضيق في قبة العراقي
الناس من حولي قالوا ده من قومة النفس..
أها منو نفسه قايم هسي!!!
بيونسي دي ما خلت لينا أكسجين..
وياها العايزانا نتنفسها هي ذاتها..
لكن هوانا سكة واحدة..
يعني بيدخل وما بيرجع
شهق التشاهيق الشاهقات
علوا علوا بلا مترادفات
وبعد تسميرة السمر والمسمار دي..
نفكر حولنا لكن ما بنتراجع
يعني لي قدام
والخروج من الباب الآخر ياخوي
اذا كانت هنالك فكرة..
او كان الامن مستتبا وبلا أشباح..
تحياتي
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: طارق جبريل)
|
Quote: حيدر : أمسح الزول بتاع اليابان ده من حسابك ناو
فهو لم يأتِ لحوار |
ياخ نحن إخوان الصفا وخلان بيونسي ذاتها تقول لي ما أهل حوار!
مسنجراتنا في بيونسي دي براها ممكن تبقى بروتوكولات زي البروتوكولات المشهورة ديك لووول
هسع شوف ود القاسم ده سايق البوست ده كيف! يا عين يا عنية من حبيب السمحة وسمرية!!!
محبتي
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: ثروت سوار الدهب)
|
عبدالعزيز عيسى ... تطيب,
قلت لي زي الحاسي إنو في زول مقبقبك,
أعتقد أن لحالتك هذه تفسير صوفي, يعكس
الألم الداخلي لدرويش يتمظهر بقوة شبه
خارقة, ويستحول ويدور ويفقد شعوره مؤقتا
بالعالم الحسي التقليدي من حوله. فقط
الفرق بينك وبين ذلكم الدرويش المفترض,
هو إختلاف المقصد ودرجة الواقعية. فهو يحلق
في سمواته العلية ويتفيأ ظلال رابعة العدوية,
فيما أنت تروم إرضاء النفس الوهاجة بمبتغياتها
الحسية في الفن والجمال والإبداع. فما عندك
مرقة ولا مراقة يا حبيب, اللهم إلا آس الآتو,
ولأني في مقعد المتفرج , وشايف ورقك على
اليمين وورق الفاتح ميرغنى على الشمال,
فشكلك مسيك مسيك... هههههه.
ثم: شوفو ودعيسى بقول في شنو:
Quote: شهق التشاهيق الشاهقات
علوا علوا بلا مترادفات |
بقى شاعر وبي خترات كمان. أسبلته
بيونسي لؤلؤ الكلم وعناب الكلام.
فهذا تجلي عال وغير مسبوق. وهذه
بركات وتفعيلات بت الخالة الحلوة
دي ... أتوقع قبل أن يرخي هذا
البوست أسداله, أن يكون بين يدينا
الديوان الأول للشاعر عبدالعزيز
عيسى.
شوفتو السحر البيونسي وفجاته الرهيبة
... كيف
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: HAYDER GASIM)
|
| Quote: يا حبيب انا كان علقت بمشي الخور الخرابة دة |
ود جبرين ... كيفنك,
ياخ ولا تعلق زاتو, يكفي مرورك
ويكفي أن نرى صورة أمك والتي هي
أمنا جمعيا { لها الرحمة في العالين }
ولك ودنا وتقديرنا ... الذي تعلم.
بس بحب أقول ليك, أكان غيرت رايك تعال
وعلق وإتجدع ... فما عندي بوست مشى الخور,
والخور البنعرفو {خور جانقي} ... والذي
هو مطيب وصلنا إمتدادا ... وصحافة.
مشكور ... بلا نصاب
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: HAYDER GASIM)
|
Quote: ياخ نحن إخوان الصفا وخلان بيونسي ذاتها تقول لي ما أهل حوار!
مسنجراتنا في بيونسي دي براها ممكن تبقى بروتوكولات زي البروتوكولات المشهورة ديك لووول
هسع شوف ود القاسم ده سايق البوست ده كيف! يا عين يا عنية من حبيب السمحة وسمرية!!!
|
الوجيه ... قميحه ... تسلم يابا,
فات على أعلق على تلك العبارة {المغرضة}
رغم أني حسبتها بين كمين الحاجات الدايره
رد, لكن الغفلة حصلت. فيا حبيب نوره, أبقى
حبيب قسا {وأعتذررررررر} لذلكم الفتى السوداني
المرابض في قلب اليابان... فهو مفردة عالية
في معجم التداول الإنساني المريد { قال لا يريد
حوارا ... قال }
تشرفني إخوة الصفا ويسكرني خمر التداعي, ولا
يهمني من هو {البابا} القادم.
شكرا ... الفاتح ميرغني
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: HAYDER GASIM)
|
Quote: ده شنو ده ؟؟ ..........
دي شنو حلة الكوارع دي .. |
جمال ودالقوز ... أبقى طيب,
ياخ والله أحرجتنا, ليه كده؟
ووين الكوارع هنا, ما نكتب
أم كرعين بينوسيه { في ضمتك }
وإن صح زعمك, حلة الكوارع مالا؟
وجبة شعبية صحية ومتصالحة لأبعد
الحدود من كيمياء الجسم الإنساني.
طيب ... أحكي ليك قصة صغيرة كده
على وصل بمسألة الكوارع دي, وهي
قصة حقيقية رواها أخ سوداني يقيم
معنا في كندا. وهذا الأخ الكريم فني
برامج كمبيوتر يعمل في شركة بريد
خاص بالمواد الطبية والعلاجية, ومن
أهم العقاقير التي تجد رواجا في شمالي
أمريكا, تلك المتعلقة بشد عضلات الوجه,
وقد حدث وأن كان هو المسئول عن إرسال
طرد منها لجهة ما, لكن حصل تأخير أقتضى
البحث السريع عن ذلكم الصديق, وبالفعل
بحث عنه كبار إداريي وأخصائيي الشركة,
فوجدوه في غرفة تناول الطعام { الدايننق
رووم } فارش كوارعو ويمص في العضام ويحتسي
المرقة ويبل في الرغيف ويلهط. فسألوه بفضول
خجول ... ماذا تأكل؟ فشرح وإستفاض. كانت
المفاجئة أن بادره أحدهم, بأن ما تأكله
الآن هو مصدر تلك الحقن الشادة لعضلات الوجه,
فقط أنت تتعامل معها بشكل طبيعي, فيما نضيف
إليها موادا كيميائية لزوم تصغير الجرعة
والحفاظ عليها لزمن مناسب.
فيا خالد القوز ... شناة بيونسيه كوم, وحلة
الكوارع كوم, ونلتقي ... بين محطة النيمة
ولفة القوز
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: HAYDER GASIM)
|
Quote: بوست بيت عذابه بس ....
خليتو الجكس يتضاير ....
تحياتى لصاحب الحرف الانيق حيدر ود القاسم ...
|
سامي عبدالمطلب ... تسلم,
والله ملاحظتك صحيحة, ما عتبت علينا مره,
مع أن بيونسيه منهن { ما من إندنا }
الظاهر ... دينا خالد مشغولة, فهي لا
تفتح الباب ... بس بتدفرو ... لووووب.
شكرا سامي على الإطراء ... شكلك طيب
| |
|
|
|
|
|
|
|
|
|
Re: بيونسي ... في الحته دي ... نخش ... ول نختشي (Re: HAYDER GASIM)
|
Quote: و د حسونه ساي
جاءت بيونسي في غيهب الغسق كأنها الكوكب الدريَ في الافق
سلامات يا حيدر |
ثروتنا القومية ... تطيب,
والله مشتاقين ... لامن خجلان ... عدييييييل كده,
فمن براحكم { الليبرالي } الرؤوم ... سامحني.
غيهب, غسق, كوكب, ذري ... إذن ... إتفقنا,
والمجد لمن { جعلت } ... هذا ممكنا.
... لي قدام
| |
|
|
|
|
|
|
| |
HAYDER GASIM
حبيب نورة
أمير محمد ادريس
الفاتح ميرغني
وضاح عبدالرحمن جابر
أسامة البلال
عمران حسن صالح
Abdlaziz Eisa
omar altom
طارق جبريل
جمال ود القوز
سامى عبد المطلب
ثروت سوار الدهب
فيس بوك
تويتر
انستقرام
يوتيوب
بنتيريست