|
Re: الكوكي: المريخ جاهز لحصد كل الألقاب ... (Re: أمير محمد ادريس)
|
الاخ منتصر
لك التحية
وطموحنا يتجاوز كأس الأندية الأبطال ..
يعنى كل القالها الكوكى دى ما شاملها كاس العالم للاندية بس حدها الابطال
يا خوى هو الكلام بالقروش ما ترى كل سنة بنقرا فريق الاحلام و الفريق الذى لا يقهر و المدرب محتار فى اختيار الحداشر لاعب من كترة النجوم و فى الاخر تطلعوا صفر معانا الواحد
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: أمير محمد ادريس)
|
منتصر حبيبنا
ازيكم ياخ
والله بركه خلاص الدوري قرب يدور ونشوفكم تاني
ياهو حالكم كل سنة وعييييك
من الاسبوع الرابع تطير ليكم
اصبرو والتصريحات دي بتريحنا جدا جدا
بالمناسبه اللوحه الالكترونيه عملو فيها شنو شالوها ولا لسه
مع عصام الحاج
حتشوفو العجب حبيبي جد
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: abas)
|
أبوبكر
تلعبو في ابطال اوروبا مثلا ؟
مثلا ليه لا .. ناس أوروبا ديل بديناها معاهم من زمن الكورة مصنوعة من جلد الماعز .. مافي شئ جايبانا ورا غير نظرتنا للآخر بأنه دوما الأفضل ونحن دوما الأسوأ .. عايزين نطرد الوهم ونغير النظرة الإفتراضية دي ياخ .. ونؤكد بأن لامستحيل تحت الشمس بيان بالعمل كتيرة علينا دي ؟ ...
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: منتصرمحمد زكى)
|
سلامات المشرف
آخر مره المريخ كان فى كامل نجومو واستعدادته .. الجماعة اشتغلوا فينا فقرا بالله ما خلو زول كويس .. مات اداهور وأصيب العجب و كلتشى و راجى طارت كورة وارغو و .. ما فضلوا الا موسي الزومة ومصعب والشغيل وبله جابر والباشا ..
ياخ ديل شلعو مريخ بطولة الشيخ زايد له الرحمة أفضل تشكيلة ومنتهى الإنسجام والروعة .. تيم للمتعة الكروية كان حديث الصحف الأماراتية في ذلك الوقت .. لكن .. الله غالب ...
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: منتصرمحمد زكى)
|
حبيبنا عبس
والله بركه خلاص الدوري قرب يدور ونشوفكم تاني
ياهو حالكم كل سنة وعييييك
من الاسبوع الرابع تطير ليكم
اصبرو والتصريحات دي بتريحنا جدا جدا
إن شاء الله حاتشوفنا كتير ده طبعا لو ما إختفيت إنت والله يا عبس إنت وود البشرى مكانكم الطبيعي معانا بي جاي لكن نقول شنو ( المال عند بخيله والسيف عند ########ه ) ...
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: Ammar Makki)
|
سلامات عمار
منذ تاسيس دوري أبطال افريقيا سنه 64 لم يستطع المريخ إجتياز دوري الثمانية فعليكم الله كدي إتخطو دوري المجموعات لي مره في تاريخكم والباقي هين
ياعمار نحنا طموحنا أكبر من دوري المجموعات بكتير لو كان تخطي دوري المجموعات هو الهدف كان الهلال شال كاسين وتخلص من الصفر الدولي ...
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: طلحة عبدالله)
|
طبعا كلامي الفوق دا يا منتصر ما عن الألقاب المحلية الدوري الماممتاز وكأس السودان . لا .. البطولات المحلية دي المريخ ممكن يشيلا بالكوكي أو بى درمة .. ودي أصلا ما منافسات يمكن القياس عليها لأنو البتنافسوا عليها فريقين بس هما الهلال والمريخ .. واحد البطل والتاني الوصيف .. عمرك سمعت ليك بمنافسة تقام من فريقين بس ؟
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: طلحة عبدالله)
|
الصفوة طلحة
ما عايز أحبطك والمريخاب لكن لا جديد يجعل المريخ يحصد كل الألقاب . لا أتمني لكم أن تحلموا بعوالم سعيدة وتستيقظوا على عالم من الكوابيس. الكوكي دا منو ؟
ياخي فال الله ولا فالك .. صدقني المريخ مختلف هذا الموسم والسبب ليس هيثم وعلاء .
الكوكي مدرب شاطر توفر له تيم متكامل في كل الخطوط .. تيم لاتنقصه سوى العزيمة القوية وذلك تخصص الكوكي ودونك أهلي شندي ...
البطولات المحلية دي المريخ ممكن يشيلا بالكوكي أو بى درمة .. ودي أصلا ما منافسات يمكن القياس عليها لأنو البتنافسوا عليها فريقين بس هما الهلال والمريخ .. واحد البطل والتاني الوصيف .. عمرك سمعت ليك بمنافسة تقام من فريقين بس ؟
أتفق معك أن البطولات المحلية تحصيل حاصل ولاتعتبر مقياس لقوة الفريق رغم ذلك سنحول بينها وبين الوصيف وسنجرده من كليها بإذن واحد أحد ...
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: نافع الكوماوي)
|
Quote: عمار مكي : ـ منذ تاسيس دوري أبطال افريقيا سنه 64 لم يستطع المريخ إجتياز دوري الثمانية فعليكم الله كدي إتخطو دوري المجموعات لي مره في تاريخكم والباقي هين |
يا حبيب
ومنذ تأسيس نادي الهلال وحتي تاريخه .. ما هي انجازاته ؟؟
ـــــــــــــــــــــــــــ
بلاي ممكن يدك معانا ؟؟
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: محمد بابكر محمد)
|
Quote: يا حبيب
ومنذ تأسيس نادي الهلال وحتي تاريخه .. ما هي انجازاته ؟؟
ـــــــــــــــــــــــــــ
بلاي ممكن يدك معانا ؟؟ |
يا باشا بالصفردا برضو الهلال فريق القرن في السودان أقول ليك ما حصل إتخطى دوري التمانية تقول لى صفر دوي أقول ليك تور تقول لي أحلبو
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: منتصرمحمد زكى)
|
أبوبكر إبراهيم
الكوكي متفائل اكثر من اللازم واعتقد بانه يمكن ينافس لادوار متقدمه اما احراز كاس ابطال لا اعتقد المريخ الحالي اضاف اضافات كبري لكن ذهاب ليما خصم نصف الاضافات لا اعتقد بان الزومه ومصعب بمقدورهم تعويض ذهاب ليما
نعم ذهاب ليما خطأ كبير وخسارة لا تعوض خاصة أن اللاعب مهاري ولم يجد من يوظفه في الخانة المناسبة .. الزومة كادوك هو الثغرة الوحيدة في المريخ إعادة تسجيله لغز يحيرني حتى اللحظة فالجميع كان يعتقد أنه أول المغادرين فإذا به يكون أول الباقين ...
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: زول ساكت)
|
سلام عمر إبراهيم
الزول دا كلامو بقى كتير ونحن ما عايزين كلام عايزين فعل.
كلام سليم .. لكن الحرب النفسية صارت واحدة من الأساليب الفعالة في كرة القدم في أندية غلبتنا لامن قلنا الروب (مريخ هلال) الأندية المصرية نموذجا بسبب العامل النفسي لاغير ...
| |
|
|
|
|
|
|
Re: الكوكي: المريخ جاهز لحصد كل الألقاب ... (Re: زول ساكت)
|
زول ساكت
خلو لينا معاكم حاجة ياخ؟ دي نغمة كل سنة الجديد شنو يعني هيثم وعلاء الدين المريخ جاب وارقو قبل كدا!!
الجديد إنو في خط وسط المريخ ظل لثلاث مواسم سابقة يلعب بدون خط وسط كان الدفاع والهجوم يقومون بمهمة شبه مستحيلة لتغطية العجز في الوسط مما أثر على الفريق كثيرا ...
------- قالو الجريف أدت الهلال 2 صفر صحي ؟
| |
|
|
|
|
|
|
|