اليوم آخر ليلة لي في مدينة العين الجميلة، التى تعرفتُ فيها بخيرة البورداب وهم على حسب زمن تعرفي بهم: العمدة محمد سيد أحمد معتز عوض (عباس) د. أسامة عبد الحليم عباس محمود و الباشمهندس ود البشرى أو البشري لووول بالجد أحلى بورداب قابلتهم فهم كما وصفهم الشاعر: تهشُ عن لقائهم ويغيبون عنك فتشتهيهم بالجد بدون فرز الواحد بشعر كأنو بعرفهم من زمااان، والجدير بالذكر لم أكن أعلم بمعظمهم بأنهم من بورداب سودانيز أون لاين عدا محمد سيد أحمد وود البشرى، فلقد كنت متخيل بأن محمد سيد أحمد من الشارقة وود البشرى من أبو ظبي ولم أسمع بمدينة العين في حياتي إلا بعدما عشت فيها.
يلا يا حلوين نقول ليهم مع السلامة وإن شاء الله نجيكم تاني
وبرضو من بورداب الإمارت الذين تعرفت عليهم لاحقاً و أصبحوا بورداب ومن خيرة أصدقائي: ساري الليل فهو حايم ما بين الخرطوم والعين و مجدي امدرمان البرلوم الجديد في سودانيز أون لاين
02-14-2013, 03:36 PM
النذير حجازي النذير حجازي
تاريخ التسجيل: 05-10-2006
مجموع المشاركات: 6011
فايت مروح وين ما لسه الزمن بدري؟؟ كان بودنا تقيم معنا على طول يا النذير لكن بنقول ليك طالما قررت الذهاب، فربنا يوفقك محل ما تقبل ونتلاقى إن شاء الله في ظروف أفضل وزمن أجمل وتصحبك السلامة في حلك وترحالك..
02-14-2013, 11:12 PM
فتحي عباس نقد فتحي عباس نقد
تاريخ التسجيل: 08-21-2012
مجموع المشاركات: 632
شكراً شكراً ياحلوين طبعاً فصل الإنترنت ولسى ماركبت إنترنت في البيت الجديد وأول ما أركب إنترنت بجيكم رجع بي رواقة
ويا نصر الدين زي ماقال ليك معتز أنا طلعت من العين ومشيت أبو ظبي لمدة تتراوح ما بين 5 إلى 6 شهور ومن ثم العودة مجددا لمدينة العين، وبلدكم الحلوة دي أفوتها ويين؟ لووووول
تحياتي وتقديري للجميع، وسأعود حالما أوصل إنترنت
02-22-2013, 06:19 PM
النذير حجازي النذير حجازي
تاريخ التسجيل: 05-10-2006
مجموع المشاركات: 6011
موفق الحبيب النزير وربنا يوفقك يا رب وزي ما وعدتنا بي هل من عوده تاني
منتظرين مشروعك الجديد في العين
حبيبنا عزو تسلم كتير يا زول يا راقي وإن شاء الله تكون معاي في مشروع العين القادم بعد ستة شهور، لكن بيني وبينك يا معتز، شكلي ح استقر في مدينة بني ياس فهي وسط ما بين أبوظبي والعين وفيها مدرسة أمريكية كبيرة جداً أكبر من مدرسة العين الأمريكية وما عايز أجهجه بناتي في التعليم، لأنو نحن متغربين علشان أولادنا يتعلموا وكويس والقروش ملحوقة.
تحياتي ليك يا ملك
02-22-2013, 06:22 PM
Muhib Muhib
تاريخ التسجيل: 11-12-2003
مجموع المشاركات: 4085
حبينا محمد سيد أحمد، والله بالجد العين مدينة جميلة وإنت من أجمل من عرفتهم في الغربة على الإطلاق لكن تأتي الرياح بما لا تشتهي السفن
طبعاً كسير التلج الكتير دا علشان يا بو حميد علشان ما تنسى أخوك لو في عزومة ملوحة تاني والله كل ما إتذكر اليوم داك بمطق يوم لا يُنسى من ذاكرتي وشكراً ليك كتير و ح تخش فيني الجنة لأنك وريتني درب الملوحة تاني غير نوبيين ما بصاحب
02-22-2013, 06:33 PM
النذير حجازي النذير حجازي
تاريخ التسجيل: 05-10-2006
مجموع المشاركات: 6011
شكراً يا ود الفحل يا حربي والله يا جماعة ود الفحل إتصل علي طوالي بعد البوست دا وقال لي إنت وين؟ وقابلني بي عربية الشديدة حاجة كدا قريبة من الهمر وكيتاً لوضاحة وصديقي أبو الزهور
02-22-2013, 06:38 PM
النذير حجازي النذير حجازي
تاريخ التسجيل: 05-10-2006
مجموع المشاركات: 6011
Quote: متاسف يالنزير . مشغول للكتوف .ها اتصل عليك قريب قبل ما اسافر انا زاتي .. واضح جدا انك انسان محبوب ..اتمني لك التوفيق ولاسرتك الكريمه ..
حبينا محب تسلم كتير يا راجل يا ملك، وإن شاء الله نشوفك أو نسمع صوتك قريب وبالمناسبة أنا جايي أمريكا شهر أربعة في مدينة شارلوت بولاية نورث كارولاينا وإن شاء الله نشوفك
اولا انا اشكر الله بان تقابلنا في ذلك اليوم الجميل مع حبيبنا عباس ... وكنت اتمنى من كل قلبي ان تتكرر .. ولكن للأسف ... وان شاء الله ترجع تااااني للعين (الدار الزين) ... مع كل الامنيات بالتوفيق في بني ياس - ابوظبي وبالعكس ... وان شاءالله نكون على تواصل .. بعدين اعمل حسابك من ملوحة ابوالسيد .. فلها تاثير (منوم) اثناء القيادة ههههههههه
ربنا يحفظكـ في كل مكان ...
02-23-2013, 05:07 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 9374
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
النذير حجازي
abas
Nasruddin Al Basheer
فتحي عباس نقد
mohmmed said ahmed
عزالدين عباس الفحل
Muhib
فيس بوك
تويتر
انستقرام
يوتيوب
بنتيريست