لو تم تكليفكم كأعضاء في سودانيز أونلاين بتشكيل حكومة اجماع وطني فمن ستختارون لكل ينضم لهذه الحكومة المعيار الوحيد سيكون الكفاءة بغض النظر عن التوجه السياسي لصاحب المنصب .. ..
سيكون منصب رئيس الجمهورية بالمداورة بين أقاليم السودان المختلفة ولكن حالياً من هو أكفأ من يتولى هذا المنصب حالياً
ارشح السيد / ................................ رئيساً للجمهورية سيكون هناك 5 نواب (نائب من كل اتجاه جغرافي) النواب هم :
1. السيد / ...................................... الولاية الشمالية 2. السيد/ ...................................... شرق السودان 3. السيد / .................................... غرب السودان 4. السيد / .................................... جبال النوبة وكردفان 5. السيد / .................................... الوسط والنيل الأزرق
02-12-2013, 12:29 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
تحياتي - لعله قد تشابه عليك البقر أو لم يسعفك عمك جوجل بكل ما لدية في هذا المنحى . حيث أستاذي دكتور حسن عبد العاطي حاصل علي درجة الدكتوراة من جامعة بريطانية أيام الإبتعاث الحقيقي بمستحقاته المعلومة في جانب الطالب وتفاصيل دراسته للبكلاريوس في سنوات الثمانينيات حيث نال الدكتوارة في التنمية الريفية والحكم الإقليمي وعاد للسودان ليعمل في تدريس هذه المواد في الجامعات السودانية وهو من الشايقية وكان كثيراً ما يناكفني بالغرابي في جامعة الخرطوم - كلية الآداب في نهاية الثمانينيات وبداية التسعينات . حيث عمل بالتعاون مع جامعة بيرغن النروجية في مجال العمل الخيري الطوعي فقام بتأسيس منظمة الأمل الطوعية وعلي ما أظن قد تمت إحالته للصالح العام من جامعة الخرطوم يوم أن إحتج بشكل رسمي علي ممارسة القوة المفرطة من جانب الشرطة والأمن أيام إدارة مأمون حميدة للجامعة .
ولديه باع طويل في مجال الإدارة والحكم الإقليمي والمحلي على السواء
بحيراوي
02-12-2013, 04:01 PM
Mohammed Sedeq
Mohammed Sedeq
تاريخ التسجيل: 01-08-2013
مجموع المشاركات: 735
جيب لينا الهواء انت...لانه نحن مزاحنا برضو في ناس بتاخذه بحساسيه.
هذا المنبر يضم كفآت تحير مش يحكموا السودان وبس بل ويوزعوا الخير على الدول المجاوره ايضا.
اولا ورغم حرصي على تمكين النساء
لكن حارشح رجل لرئاسة الجمهوريه: وثانيا ال 30and#1642; الادونا ليها ناس (وثيقة الفجر الجديد) ليست كافيه بل انا اطالب ب 50and#1642; للنساء مثلهن مثل الرجال.
ارشح عادل عبد العاطي بلا منازع كاشجع سياسي ليبرالي يمثل قيم جيلي وتطلعاتي بهذا المنبر ومشترك د.احسان فقيري(على فكره ان رشحتها برضو لرئاسة الحزب الشيوعي)
عادل يجمع بين العلم الغزير في الالمام بتاريخ السياسيه السودانيه واضاف لها احدث ما توصلت له مواثيق حقوق الانسان المتطوره و المتجدده في الحقوق و الاتلزامات الحديثه.
د.احسان فقيري اعظيم شويعيه لها علاقات حقيقيه انسانيه مع شعب الجنوب ولها علم غزير بشرق السودان حيث تنقلت كطبيبه بنواحي كثيره منه.ومن اشجع نساء السودان قاطبه.
(محمدين سحاق) نائب للرئيس الجمهوريه ومشترك( د.عبد الله تيه) ؟وزير الصحه الاسبق على فكره هو عضو منبر حالي بعد ان نشط عضويته) ومشترك دينا خالد.
ارشح عضو المنبر محمد سليمان وزير للمواصلات السلكيه واللائيكيه وتطوير برامج طموح سوداني للفضاء فهو خبير بهذا الشأن.(محمد سليمان يمكن ان ينافس في رئاسة الجمهوريه ولكن سنحرم من علمه الغزير في مجال الفضاء)
ارشح د.سيف النصر (الشيوعي )وزير للصحه ومشترك مع د. ولي الدين الفكي(انصاري) و د.رشال سالم ود.(ناسيه اسمه طبيب من المؤتمر الشعبي في بريطانيا) ود.شهاب فتح الرحمن لانهم حريصين على طبهم ورغم انشغالهم بالسياسيه يحرصون ان يقدموا عونهم الطبي للقراء مجاننا.....وكذلك لم ينشغلوا بالادب و السياسيه الفاسده كما يفعل بعض اطباء المنبر مما اهملوا طبهم مقابل امورهم الشخصيه. هنالك اطباء الداخل وجهودهم مقدره الا اننا نحتاج اضافة التجربه الغربيه لانه المحال الصحي فيه كارثه حقيقيه ليس كلها لها علاقه بتدني الاوضاع وانما اطباء لداخل جزء من المشكله. لو مارسوا نقد حقيقي لتندي المستوى ربما ناول تعاطفنا. اقدر للدكتور ولي الدين الفكي عودته للداخل بعد تأهيله. ود.احسان فقيري تنفع هنا ايضا لاضافة تجربتها الغربيه للمحليه.
التخطيط.....وزير التخطيط ارشح الاستاذ احمد ابكر عضو جديد لنج لكنه متمكن جدا واعرف محاور ومفاوض باسم اهل دارفور وكاتب نشط بالصفحه الاولي قبل انضمامه للمنبر قدم عادل بد العاطي شهاده جيده عنه قبال كم يوم عن نوعية مشاراكاته. ارشح في التخطيط ايضا الاستاذ المبدع عادل عثمان المترجم المحترف حاليا ولكنه الاقتصادي و السياسي الضليع قبلها. الغريبه الاثنين (انجليز حاليا) نحتاج التجربه بتاعت شمال امريكا ايضا. وارشح عصام جبر الله ايضا سياسي واقتصادي ضليع,و د.محمد عثمان دريج(لم ينال الدكتوراه بعد ولكنه في طريقه اليها) رجل علامه وان كان عضو كسول هنا ولكنه في الفور ال نشط,اضيف لهذه الكوكبه السياسه الضليعه و المخططه الاستاذ سلوي السعيد هي مقله ايضا لكنها (جبل علوم) يسير على قدمين.
وزارة السدود و المساه ارشح الزعيم النوبي نور الدين منان لانه لانشغاله بموضوع السدود اطلع على كثير من العولم حولها. بالاضافه لعلي عسكوري (الناشط في حقوق الماثرين من المناصير) فهو ايضا صار خبير مياه. الي جانب الجيلوجي الضليع نصر الدين هجام كستاوي.
وزير القضاء WAW قدرات رهيبه قانونيه ولكني حزينه نه اغلبهم محافظين اي ليسواليبرالين بقدر طموحي ومن هنا احفز القانوني نالليبرالين ان يكتبوا لنا اكثر علنا نتتعرف علي ارائهم اكثر ,اكثر المهتمين بالقانوني وضليعني بحق هنا الاستاذ سيف مصطفى الاستاذ محمد النور كبر الاستاذ الفاتح ميرغني
قانوين آخرين الطيب شيقوق قضيتها لينا كلها عنكوليب يا شيخ العرب ولم تستعرض علمك القانوني لنا بما يكفي 0000ههههههههه. ومحمد المرتضي قضها لينا حب وادب وشعر وجمال وحرمنا من علمه القانوني عشان نعرف واقف وين ذاته. وهكذا قد تكون الغالبيه.....رجاء نحتاج قانونين اكثر ارتباطا بمهنتهم يثروا وعينا القانوني كما يفعل المذكورين اعلاهم.
وزير/ه البيئه ارشح آمنه أحمد مختار ايرا كاول امراه سودانيه تنشأ حزب الخضر المهتم بالبيئه و الذي ضمنت كثير من محتوياته في مسودة اعادة تاسيسي الدوله السودانيه بلا اشارة لجهدها حتى.
وزير الثقافه ارشح المنتحل لباس ورد عمر فضل المولي(السيده رباح الصادق) لانها ضليعه لفويا ومهتمه باللفه رغم تضيعها لجهدها بانكارها انها من تكتب باسم عمر فضل المولي وحرمتنا كشعب من مساهماتها باسمها الاصلي رغم انها عضوة هنا. الثاقه مشترك ارشح منصور المفتاح و(محمد النور كبر)ايضا له اسهامات ثقافيه مميزه. ويلاحظ غياب القوي التقدميه ايضا واهملها للثقافه.والغيبا يا جماعه مشكله حسه قربنا ننسى د.أبكر آدم اسماعيل مشترك فهو رغم انه طبيب اسنان لكنه مهتم بالثقافه كثير.
سيكون لنا وزراء للفنون باذن الله. ومن هنا ارشح الفنان عبد العزيز عيسي على فكره هذا الزول مبدع بس ما رسم السياسين عراة لذا ربما لا تعرفون ابداعه. وارشح مشترك السيد خالد كودي(رغم تطرفه) لكنه حيضبط لينا التوجهات الليبراليه ويحجم يمينة عبد العزيز عيسي قليلا(هههههههههه)!
وزيرو الصحف و المبطوعات ايمانا باهميتها نفرد لها وزاره ونرشح رداء العباسي تلجربتها في اليونيسكو ولانها حتحفظ لينا الموقف الليبرالي وتضبط الاسلامين كويس من السيطره الاعلاميه. لاحظوا لم نقل اقصاءهم بل قلنا ضبطهم لاننا مستحضرين للفكره انها حكومة اجماع وطني,نحن لن نقصيهم لكن هم لو تركوا لهم الحبل على القارب بيقصونا وبيعدمونا النفس.
وزير الماليه شوفوا لينا شايقي محنك يا زغاوي(ههههههههه) قالوا انجض ناس في الاموال.....نرشح جني(حيدر) ومشترك د.بله موسى رغم نه جعلي الا شايفاهو نجيض في الاموال ايضا. الامين بشاري نفسه ينفع لهذا المنصب صديقنا (هباني) والا اقول لكم زميلنا زين العابدين الحليله(ماشءا الله تبارك الله. رغم انه الطجتوراه بتاعه في العلوم لكنه (محساب ضليع) ورجل نزيهه(اتحادي ديقمراطي) .
وزيرو التنميه الريفيه: الاستاذه نور تاور مافي زول ينط لينا يقول كاني ماني قلتوا حكومة اجماع وطني ونور تاور اولي من غيرها فهي علمها غزير وتجمع تجربة جيلين وثقافيتن شمال امريكا والسودان.
وزيروالرياضه عيييييييييييك دي طبعا حتكون شكله بين الهلالاب و المريخاب لذا حننزعها منهم الاثنين ونشوف لينا مورداب مش كده وبس ماعيزين سيرطة لكرة القدم فقط عايزين رياضات آخرى ولتميز الاخت مواهب ادريس كاسيده متابعه للريضاه ارشح مواهب ادريس.
وزير الشباب عبد الحليم عثمان من دفعة 2013 لكنه ما شاء الله تابعهوا بهدؤ عرفتها خارج المنبر ولكنه شاب واعد جدا. شاب صلب تم كسر عظمو المخروقه له تحت التعذيب و لا زال صامدا.
وزيرو قضايا المرأه الاخت غاده محمد المكي ككادر هاديء يعلم بهدؤ بعيد عن الاضواء ومن مؤسسات مبادرة لا لقهر النساء هي التي كانت تعرى صغار جليله خميس وتصرف على اسر المعتقلين ونسحي ان نكتب عنها حتى لا نسلط عليها المسلطين. ولكن خوفنا على كوادر الداخل ادي لظلهم اعلاميا.
وزير الزراعه العمده آدم شحوتاي وما تسمعوا عمده دي تفتكروا الراجل ما جامعي ولا ما ضليع يجمع خبرة اهل القاش ويعرف تحديات المزراعين السودانين ورجلا صلب مشترك الشفيع ابراهيم ومحمد علي ابراهيم لتضمين تحديات مشروع الجزيره ود.انعام سعد و الشايقي (بالعربي) لتضمين تحيدات مرزاعين الشمال من تقاوي واسمده وعبد الوهاب المحسي لتضمين تحيدات المزراعين النوبين. وقضايا السدود. و المستشار عز الدين ود المناصير لتضمين قضايا المناصير. ومحي الدين ابكر لتضمين قضايا مزراعي دارفور و الاستعانه بالمستشار الطاهر كودي لتضمين تحيدات مرزاعي جبال النوبه و الاستاذ عبد الله بابكر لتضمين قضايا النيل الازرق.
وزارة الثوره الحيوانيه د.عالد سجيمان اشهر طبيب بيطري (هههههههه)لا عرف بياطره كثر ولكن السنوسي بدر د.صدلي ملم بالبيئه الصراويه وسيفيدنا فعلا في معرفة تحيات الرعاة ود.بشارة صقر ود.بشير احمد (بعد توبته من الكوزنه باب التوبه مفتوح يا دكتور) و الاستاذ كمال مبروك لمحت له مداخلات جيدا عن احوال شمال كرفان وتحدياتهم و الصادق الزين خبير اقتضادي ايضا ولكننا نحتاجه لعلمه حول احوال دار حمر و الكبابيش وتحدياتهم الي جانب صهيب حامد ابن دار حامد سيفيدنا كثيرا هنا رغم انه صحفي ولكنه مهتم بقضايا المنطقه وتحديات الرعاة(الله يرحمك يا د.محمود الزين)
وزيرة قضايا الجندر! الاستاذ تمضار شيخ الدين جبريل و الاستاذ هاماني العجب مشرتك د.هاله الاحمدي ود.ندي مصطقى .الاستاذه تيسير عوضه الاستاذه اسعاد محمداني الاستاذه عواطف اسحاق. و الاستاذ آمنه ناجي(اغلبهن ناشطات خارج المنبر لهن عضويه ولكنهن غائبات هنا. ونحن نؤكد لهن اننا لا زلن نذكرهن.
يا ود باشري غلبتني......فقد اجتهدت لكتب لوكني ساعود لمزيد من التفاصيل.
02-12-2013, 05:03 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
طبعا عندي تحفظ على حكاية خمسة نواب وحكاية تدوير منصب الرئاسة بين الاقاليم
محمد صديق مرحب بيك ياخ وشكراً على المشاركه تحفظ محل احترامنا ودي حاجة مؤقته لغاية ما الناس تتفق وبرضو ممكن تتعدل عادي ... المافي شنو
هذا تحديث قبل مداخلة الأخت تراجي مصطفى
رئاسة الجمهورية:
1. الصادق المهدي ........... رشح بواسطه محمد بشرى الخضر 2. عبد العزيز الحلو ......... رشح بواسطة محمد كابيلا 3. حسن عبد الله الترابي .... رشح بواسطة محمد صديق 4. بكري ابو بكر ............. رشح بواسطة احد الفسيبوكاب
نواب الرئيس
غازي صلاح الدين .......... رشح بواسطة محمد صديق
وزير الحكم المحلي
د. حسن عبد العاطي ............ ورشح بواسطة البحيراوي
دا تلخيص سريع وسأحاول تحديث الترشيحات أول بأول
02-12-2013, 07:19 PM
Musab Osman Alhassan
Musab Osman Alhassan
تاريخ التسجيل: 01-16-2013
مجموع المشاركات: 557
أعتقد في فترة إنتقالية أسلم حاجة يكونو الوزراء من الرانكر اللي في الوزارة نفسها يعني حكومة تقنوقراط والرئاسة تكون مجلس دولة رئاسي... في إعتقادي سياسي الخط الأول ما بقدرو يقدمو جديد وإحنا كسودانيين أدمنا تقديس الشخصيات فدي بتكون فرصة كويسة أنو القيادات الشابة (في الأحزاب الجديدة والقديمة) تتقدم الصفوف ...
أم حازم عملتا جمهورية سودانيزاونلاين عدييييل....لكن ده ما بمنع أنه في المذكورين في ناس فعلا يستاهلو عادل عبدالعاطي كمثال
بجيك راجع
02-12-2013, 10:11 PM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
Quote: أعتقد في فترة إنتقالية أسلم حاجة يكونو الوزراء من الرانكر اللي في الوزارة نفسها يعني حكومة تقنوقراط والرئاسة تكون مجلس دولة رئاسي... في إعتقادي سياسي الخط الأول ما بقدرو يقدمو جديد وإحنا كسودانيين أدمنا تقديس الشخصيات فدي بتكون فرصة كويسة أنو القيادات الشابة (في الأحزاب الجديدة والقديمة) تتقدم الصفوف ...
مصعب
سلامي وتحياتي،، يمكن الفكرة ما تكون وضحت تماما يا مصعب اخوي أنا قصدي وبتجرد كدا أي زول يقول والله فلان داك أحسن من يشغل هذا المنصب متجرداً من القبلية والحزبية عشان نشوف ممكن نصل لشنو وممكن نجمع على منو مش في الكورة بعد كل بطولة بختاروا الفريق المثالي .. أها انا عايز اصل للتشكيل المثالي
تحياتي
02-12-2013, 10:29 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
أم حازم وسند ازيك يا حبيبه وأجلنا الرد عليك عشان دوماً التحلية في النهاية يا أدروتا ياخ
Quote: وبعتذر لو ود البشاري قاصد السودان الكبير. فانا حاكمل جمهورية سودانيز اون لاين.
تعتذري عن شنو يا أم حازم .. بالعكس رأيك في الزملاء محل تقديرنا .. ومن تشهدين لهم أكيد هم على قدر التحـــدي .. لكن يا ام حازم حكومتك دي يا كافي البلاء كلها شيوعين وناس شايتين شمال وخجلة منك ساي جبت ليك واحد من الشعبي تكفي بيهو العين يا أم حازم لو اسقطنا الكلام دا على الواقع السوداني من هم أفضل من يشغلون هذه المناصب في السودان
تراجي..حبابك يا صديقة هبي فالنتيان داي..و كل سنة انت طيبة يااااااخ..! وزير قضاء شنو يا تراجي..؟ يفتح الله يا باشا..! في 2010... استاذنا و صديقنا الشاعر الكبير محمد المكي ابراهيم.. قال (محمد النور كبر رئيس وزراء السودان المرتقب)...و الله صحي.. شفتي المسكنة دي كيف يا تراجي..ود المكي يقول كبر رئيس وزراء مرتقب..و زول عبرنا مافي.. لكن يوم قال ياسر عرمان دخل التأريخ.. عينك ما تشوف الإ النور..البوستات تتطاقش. لمن الواحد فكر يشتري ليهو ناس عشان تقعد تلمع فيهو بمناسبة و بدون مناسبة..!!!!
كتر خيرك على الثقة يا تراجي...و السودان يستاهل كل خير..و المستقبل يحتاج التنسيق.. يعني لازم الناس البتشتغل في الحكومة تكون بيناتهم ارضية مشتركة.. على الأقل العمر.. و اعتقد جزما السودان محتاج ناس دون الخمسين.. لأنو.. على قول قريبي الكوميدان كريس رووك في فليم هيد اوف استيت (عليك الله فتشيهو و احضريهو في الفالنتيان..This is my gift to you as my date)..قال.. لو ما اندعكت في الدنيا دي و عشت مفلس ..كيف تحس بالام المحرومين و تسوي ليك قوانين عمل تحترم حق الناس في الحياة الكريمة و توفر ليهم فرص عمل..و لو ما انسطلت بالبنقو.. كيف تقدر تحرم المخدرات و توضح للناس شنو خطرها بالضبط..و لو و لو ما عشت كمهمش في الحياة.. كيف تقدر تحس بحقوق المهمشين..و ديل كلهم عشناهم يا تراجي..لكن في ناس غيرنا كتير .. نساء و رجال قلبهم على البلد و بيقدروا يعملوا حاجة..!
طبعا ضربتي عصفورين بي حجر في حكاية عادل عبد العاطي دي.. يعني لو عادل بقى رئيس وزراء.. اكيد في التيم بتاعو ح تلقي كبر..و العكس صحيح..! و لو مسكت سلطة في البلد.. صدقيني ح تكوني من ضمن التيم.. لأنو الواحد عارف ممكن انو يشتغل معاك زي الترتيب..و انو عندك حاجات كتيرة ممكن تقدميها..! لكن.. السودان صعب يا تراجي..ما في طريقة تديروا بأخوي و اخوك..عشان كده بنعتذر من هسع..!
كتر خيرك..و كتر خير صديقنا ول ابا البشاري..
كبر
02-13-2013, 11:17 PM
Abdel Aati
Abdel Aati
تاريخ التسجيل: 06-13-2002
مجموع المشاركات: 33072
سلام يا اخونا الامين بتاع المشاكل اسا عايزنا نفك اخرنا كدا طوالي ؟؟
لو كان لنا غدا خيار تكوين حكومة اجماع وطني لرشحت التاليين ( ما نقوم نجيب ليهم الهواء ) :
رئيس الجمهورية : السيد / د. حسين آدم الحاج المدير التنفيذي للوكالة الافريقية للطاقة او الدكتور محمد ابراهيم (رئيس منظمة مو ابراهيم )
رئيس الوزراء : السيد / د. حسين آدم الحاج المدير التنفيذي للوكالة الافريقية للطاقة او الدكتور محمد ابراهيم (رئيس منظمة مو ابراهيم )
البجي فيهم رئيس التاني يكون رئيس وزراء
النواب لرئيس الجمهورية أو حكام الاقاليم هم :
1. السيد / علي خليفة عسكوري الناشط في قضايا المتأثرين بالحدود والاقتصادي الكبير ورئيس تحالف ابناء نهر النيل او الدكتور محمد جلال هاشم للاقليم الشمالي 2. السيد/ د. ابو آمنة محمد أبو أمنة القيادي بمؤتمر البجة والمثقف المعروف أو الدكتورة آمال ابراهيم محمد ادريس من المنبر الديمقراطي لشرق السودان لإقليم شرق السودان 3. السيد / د. عبد المولي كنجوم - رئيس جمعية الاطباء الافارقة باسكندنافيا او العم احمد ابراهيم دريج الحاكم السابق لدارفور لاقليم دارفور 4. السيد / د. عبد الله تية جمعة (وزير الصحة الاتحادية السابق) أو الاستاذة أمنة ناجي رئيسة منظمة المرأة الافريقية من قيادات تجمع كردفان للتنمية لاقليم كردفان 5. السيد / فضل السيد عيسى شعيب (رئيس حزب الحقيقة الفيدرالي) للاقليم الوسط
نواب رئيس الوزراء : د. ميادة سوار الدهب : نائبة رئيبس الوزراء للاشراف على القطاعات الاجتماعية والخدمية أ. رباح الصادق المهدي نائبة لرئيس الوزراء للاشراف على القطاعات الثقافية محمد يوسف أبو حريرة نائبا لرئيس الوزراء للإشراف على القطاعات الاقتصادية
الوزارات : السيد/ العميد معاش عصام ميرغني طه أو العميد معاش عمرو توفيق ابو كدوك وزيرا للدفاع السيد / نبيل أديب أو السيد الاستاذ محمد عبدالله الدومة وزيرا للعدل ونائبا عاما السيد/ حسن ساتي وزيرا للمالية السيد / اسامة داؤد عبد اللطيف (من مؤسسي مجموعة دال الاقتصادية ) او البروفسور عطا البطحاني وزير الاقتصاد والتجارة السيد/ الاستاذ ابراهيم محمد ابراهيم (القيادي بحركة تحرير السودان والجبهة العريضة) او د. أبكر ابو البشر (القيادي بالجبهة السودانية للتغيير) او د. وليد آدم موسى مادبو او وزيرا للخارجية السيد/ فريق شرطة عادل العاجب او العقيد شرطة معاش عباس فوراوي وزيرا للداخلية السيدة/ د. بلقيس بدري وزيرة للتربية والتعليم والتعليم العالي السيد/ بروفسور فرح حسن آدم وزيرا للزراعة السيد/ د. سلمان محمد أحمد سلمان ( الخبير السابق بالبنك الدولي) وزيرا للري والموارد المائية السيد / محمد مجذوب (مدير منظمة براكتيكال اكشن) أو فخر الدين عوض حسن وزيرا للصناعة وتنمية الريف السيدة/ د. ناهد فريد طوبيا او الدكتور أحمد الابوابي وزيرا للصحة السيد/ مختار بابو نمر او الاستاذ محمد النور كبر وزيرا للحكم الاتحادي والاصلاح الاداري السيد/ عالم عباس محمد نور او السيد ابراهيم اسحق ابراهيم وزيرا للثقافة السيد / فيصل محمد صالح وزيرالاعلام والمعلوماتية السيد/ حمد النيل عبد القادر ( نائب الأمين العام لوزارة الطاقة والتعدين سابقا) وزيرا للطاقة والبترول والتعدين السيد/ د. يوسف الكودة ( رئيس حزب الوسط الاسلامي) وزيرا للشؤون الدينية والاوقاف السيدة / د. ناهد محمد الحسن او الاستاذة جليلة خميس كوكو وزيرة المراة والشؤون الاجتماعية السيد/ محمد علي خوجلي أو د. امنة ضرار وزيرا للعمل السيد/ قصي همرور شيح الدين او السيد الاستاذ انور خاطر وزيرا للشباب والرياضة والسياحة
(عدل بواسطة Abdel Aati on 02-13-2013, 11:19 PM) (عدل بواسطة Abdel Aati on 02-13-2013, 11:42 PM) (عدل بواسطة Abdel Aati on 02-14-2013, 09:55 AM) (عدل بواسطة Abdel Aati on 02-14-2013, 10:20 AM)
02-13-2013, 11:29 PM
Abdel Aati
Abdel Aati
تاريخ التسجيل: 06-13-2002
مجموع المشاركات: 33072
أما عن ترشيح الصادق المهدي او حسن الترابي او عادل عبد العاطي لمنصب الرئيس فهذه شخصيات خلافية وليست شخصيات اجماع؛ وربما يكون الحلو رغم انه يحارب الان اكثر قبولا من هذه الشخصيات - ممن تم ترشيحهم في هذا البوست - وعلى الرغم من اني اشكر الاستاذة تراجي وغيرها من الداعمين على حسن الثقة الا اني لا انوي ترشيح نفسي لمنصب تنفيذي ؛ وقطعا سيكون من الصعب القبول بي في موقع توافقي - ليس في خلال العشرة سنوات القادمة - ؛ كما اني انفر من اي منصب لا يتم فيه انتخاب .
عموما اعتقد اننا يجب ان نركز على اهل العلم والخبرة مع شرط ان يكونوا ذوي مصداقية عالية ؛ واذا كانت هناك حوجة لتقديم لقيادات من الحزب الليبرالي ( والقوى الديمقراطية) لمواقع عامة فهناك قيادات اخرى اكثر قبولا واخرى اكثر تأهيلا مني سأدعم ترشيحهم اكثر مما ادعم ترشيح نفسي .
02-14-2013, 04:38 AM
صلاح شعيب
صلاح شعيب
تاريخ التسجيل: 04-24-2005
مجموع المشاركات: 2954
Quote: السيد/ الفريق / توفيق صالح ابو كدوك وزيرا للدفاع
الزميل عادل عبد العاطي
سلام وآمل أن تكون بخير..شكرا لهذه التمنيات التي نأمل أن نقوم يوما في صباحنا القريب لنجد فرصة لتكوين حكومة تكنوقراط تضم هؤلاء الشرفاء الذين رشحتهم، ولكن لن يكون بينهم عمنا توفيق ابو كدوك فقد غادرنا إلى الدار الفانية قبل بضع سنوات..وكان قد أعتقلته هذه الحكومة وتعرض للإساءة والمهازل.. رحم الله الفريق توفيق وابنه النقيب هشام الذي توفى بنيران صديقة في أحراش الجنوب كما قيل وقتها، وأما ابنه عمرو فقد أحيل للتقاعد بعد أن وصل إلى رتبة العميد في الجيش، وقيل وقتها أن ملابسات عرقية كانت وراء إعفاءه مع عدد من الضباط الذين يتحدرون من غرب السودان. عموما فليكن غد التحرر قريبا.
02-14-2013, 06:28 AM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
يا ود البشاري جبت لينا كتاحة عادل عبد العاطي.....يوا عادل كان دي قائمتك انا بسحب ترشيحي لك...عارف ليه؟! لقيتك دجال شابكنا ناس فوق الخميسين ما يترشحوا...ولقيتك مالي لينا قائمتك (كهن) هههههههههههه!
ويا محمد النور كبر يا حكومه و الله محلك كبير.....الا انت مطنش قدراتك كلها......ومكتفي بطق الحنك هنا....اها يا حبيب شباب ا المسيريه يا ترى بلغتهم ب الدوره التدريبيه بتاعت....معهد السلام للقيادات الشبابيه ولا قاعد يا حبيب تتفرج بينما ناس (قرفنا) شغالين ......يحشدوا في ناسهم محتكرين....لكل الفرص.
ود البشاري ما تخليني اكمل يا اخي.
ويا البحيراوي والله د.حسن عبد العاطي ما ساهل كثر خيرك على ذكره. وياريت يا غالي.....ترسل لي تلفونه او ايميله في الماسنجر.
ويا صلاح شعيب سامحنا وحياتك انت ذاتك وزير ثقافه مع (ناس عمر فضل المولي) رباح الصادق شخصيا(ههههههههه)! فاعذرني يا صديقي عن السهو.
02-14-2013, 10:11 AM
Abdel Aati
Abdel Aati
تاريخ التسجيل: 06-13-2002
مجموع المشاركات: 33072
Quote: يا ود البشاري جبت لينا كتاحة عادل عبد العاطي.....يوا عادل كان دي قائمتك انا بسحب ترشيحي لك...عارف ليه؟! لقيتك دجال شابكنا ناس فوق الخميسين ما يترشحوا...ولقيتك مالي لينا قائمتك (كهن) هههههههههههه!
معقولة تسحبي الترشيح بالسرعة دي ؟؟ هههههه ؛ ما عندك أمان ...
المجموعة المرشحة اغلبهم متخصصون وتكنوقراط كما اشار استاذنا صلاح شعيب ؛ بعدين كحكومة انتقالية فترتهم قصيرة وليست طويلة ؛ وباعتبار ان غالبيتهم ليسوا قادة احزاب ما حيكنكشوا ؛ ولو لاحظتي هناك تمثيل اقليمي وسياسي واضع لأغلب مكونات الطيف السوداني؛ فلا تخلو منطقة من السودان من تمثيلها الجيد ؛ فوق ذلك هناك تمثيل شبابي ونسوي كبير بينهم ؛ بحيث لو عملتي حساب بسيط لمتوسط اعمارهم تجديها حوالي 50 عاما وهو العمر السحري ...
المهم عندي الاستفادة من تحربة وقبول العديد منهم - من كبار السن والمخضرمين - وتطعيم التيم بعناصر شبابية ديناميكية لالاتجعلهم ينوموا - ميادة سوار ؛ رباح الصادق؛ قصي همرور؛ عبد الله تية ؛ الخ والاعتماد في عمل التوازن على الجيل المتوسط والتكنوقراطيين .
02-14-2013, 09:58 AM
Abdel Aati
Abdel Aati
تاريخ التسجيل: 06-13-2002
مجموع المشاركات: 33072
Quote: سلام وآمل أن تكون بخير..شكرا لهذه التمنيات التي نأمل أن نقوم يوما في صباحنا القريب لنجد فرصة لتكوين حكومة تكنوقراط تضم هؤلاء الشرفاء الذين رشحتهم، ولكن لن يكون بينهم عمنا توفيق ابو كدوك فقد غادرنا إلى الدار الفانية قبل بضع سنوات..وكان قد أعتقلته هذه الحكومة وتعرض للإساءة والمهازل.. رحم الله الفريق توفيق وابنه النقيب هشام الذي توفى بنيران صديقة في أحراش الجنوب كما قيل وقتها، وأما ابنه عمرو فقد أحيل للتقاعد بعد أن وصل إلى رتبة العميد في الجيش، وقيل وقتها أن ملابسات عرقية كانت وراء إعفاءه مع عدد من الضباط الذين يتحدرون من غرب السودان. عموما فليكن غد التحرر قريبا.
شكرا لتقريظك وهذه قائمة ع السريع (ad hoc) دون تمحيص كبير ؛ والبركة فينا وفيكم في عمنا ابو كدودك؛ هذا فقد كبير لا اعرف كيف لم اسمع بوفاته - استبدلت ترشيحه بالعميد م/ عصام الدين ميرغني طه وهو رجل جيش مخترف كما هو ايضا انسان توافقي وسيرته الذاتية ممتازة ؛ وفي حالة عدم قبوله ارشح العميد عمرو ابو كدوك
لكي تكون حكومة اجماع وطني، حكومة يقبلها أهل السودان الممثلين بهذا المنبر ففي اعتقادي أن الشخصيات التي تقلدت مهاما تنفيذية من قبل (قبل الانقاذ) قد بلغت من العمر عتيا ولم تعد قادرة على الابحار في موج خضم من تباينات أهل السودان في هذه المرحلة الحرجة من عمر الوطن.. فقد يكون هذا رأي يسبق مسألة الاجماع أو الرضا على حكومة تمهد وتضع ساس العهد الديمقراطي القادم في تلك الرمال المتحركة.. مع احترامي للترشيحات أعلاه.. وقد تكون مسألة تحديد العمر هذه محرجة وتخرج كفاءات من هذه الترشيحات لكنها ضرورية أن تكون بنسبة وفي وزارات معينة كالحكم الاتحادي وشؤون مجلس الوزراء، ونضيف لذلك المعرفة والالمام بمراحل التغيرات في حياة الشعب السوداني خلال سنين الانقاذ وهذه تأتي بمن بقوا في الداخل يكابدون ظروف العمل الشريف ويتابعون معاناة الشعب بكل تفاصيلها الزمنية والمكانية.. ويمكن الوصول للكثيرين في فترة المخاض والتغيير التي تشابه ثورات التغيير السابقة التي افرزت قيادات شابة قوية. الاخت العزيزة/ تراجي مصطفى لك الشكر والتجلة للترشيحات ولكن وفق ما سقته هنا فاننا سنكون خارج هذه الحسابات لأكثر من عامل، ونثمن في كل سوداني المهجر أن يكونوا سندا بما اكتسبوه في احتكاكهم بالشعوب الأخرى لحكومة شباب الداخل في المرحلة الانتقالية، ويجب أن تتشكل لجان استشارية مختصة منهم في كل وزارة من أجل نقل الخبرات المكتسبة. لكم التحية والتقدير
02-14-2013, 02:43 PM
عزان سعيد
عزان سعيد
تاريخ التسجيل: 11-28-2006
مجموع المشاركات: 1679
Quote: ويا صلاح شعيب سامحنا وحياتك انت ذاتك وزير ثقافه مع (ناس عمر فضل المولي) رباح الصادق شخصيا(ههههههههه)! فاعذرني يا صديقي عن السهو.
أختنا العزيزة تراجي
شكرا جزيلا للثقة الغالية ولكن الوزارة يستحقها المئات إن لم يكن الآلاف من أبناء السودان أكثر مني، نحنا ناس كتابة ساكت، نحسنها هنا ربما..ونخفق فيها هناك كثيرا..وإذا قصرنا فنطلب العفو من شعبنا والله خالق السماوات والأرض..تتخيلي يا تراجي أمنيتي في الدنيا دي ألقى لي بيت متواضع في السودان وأجد فيه مساحة لعمل مشتل بحصير يلونو لي واحد فنان تشكيلي ومن خلال هذا المشتل أقرأ وأكتب ,أطلع اشارك في مسيرات المجتمع المدني الحقوقية وأستقبل اصحابي في المشتل وأصلي صلواتي الخمسة حاضرا، وأسقي زهوري. الزمن ولى يا تراجي وحاجتنا فقط للدعوة أن يصلح الله العباد ويواسي الفقراء وينتصر لهم وأن يمنحنا الجسارة لطلب الاستشهاد في سبيل قضايا بلادنا
02-15-2013, 05:03 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: رايي انو تكون حكومة تكنوقراط و يفضل ان يكون جميع الوزراء غير منتمنين لكيانات حزبية و يكونو على المام تام بالمهام المنوطة له و لهم خبرة طويلة في ذلك
على الصعيد الشخصي بشوف الأسماء التالية ممكن تقدم كثيرا للسودان في حال تم تعيينهم في مناصب وزارية
د. هاشم خليفة وزيرا للآثار
د. كمال حمزة او بروفيسر عمر الياس وزيرا للتخطيط العمراني
د. راشد دياب وزيرا للثقافة و الفنون
د. أمين مكي مدني وزيرا للعدل
د. سير كن روبنسون (sir ken robinson) وزيرا للتربية و التعليم و ذلك بعد منحه الجنسية السودانية مقابل تنفيذ اطروحاته في مجال التربية و التعليم
02-24-2013, 07:25 PM
Abdel Aati
Abdel Aati
تاريخ التسجيل: 06-13-2002
مجموع المشاركات: 33072
كمال الجزولي للعدل صدقي كبلو للمالية احمد تقد لسان لشئون رئاسة الجمهورية بدرالدين احمد موسي للزراعة والموارد الطبيعية د. عبدالعزيز علي جامع, الصحة والرعاية الاجتماعية عبد العزيز بركة ساكن للثقافة فيصل محمد صالح للاعلام شريف حرير, التعليم العالي والبحث العلمي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة