|
|
|
 Re: حكاية الشجرة الالمانية ... وحكاية السودان الباعوهوا ... (Re: يحي قباني)
|
حكاية ما زالت عالقة في الذهن ...
صديق عزيز ابتعثته شركة قنجاري عام 1984 لفرانكفورت للتدريب علي صيانة مكائن لفرم اللحوم و خلافه ...
وكعادة الاجانب لابد من ان يحكوا عن تاريخهم و اصل الاشياء ... ( البيهم و العليهم )
اها اخدوا صديقي في رحلة الي مكان المصنع القديم و اللي بنت عليهو الشركة عمارة ضخمة جدا ...
لفت نظره نصب تذكاري امام المدخل ... والكلام بالالماني ...سألهم صاحبنا الحاصل شنو ؟؟
قالوا ليهو ...لما قررنا ننقل المصنع من هنا لانو المنطقة اصبحت تجارية و غالية وقلنا احسن نستثمر الارض في اقامة عمارة كبيرة تضم كل اقسام الشركة
و نستفيد من ايجارات الطوابق المتعددة ...
لما قدموا الطلب لبلدية فرانكفورت البلدية عاينت المكان و قالت ليهم الشجرة الفلانية دى تعتبر تاريخيىه... و موروث قديم ...يعني ( HERITAGE )
عشان نديكم التصريح للبناء لازم الشجرة دي تتنقل الي مكان اخر ... والنقل ما عشوائي ...
اتكونت لجنة فنية وحددوا عمق الحفر و درسوا نوعية الجذور و كيفية الحفاظ عليها ... و تم نقل الشجرة الي مكان آخر ...
وفوق ذلك كله امرتهم البلدية بزراعة 50 شجرة اخري في اماكن متعدده كلفتهم العملية حوالي المليون مارك وقتها ...
مش كده وبس ... امرتهم بانشاء نصب تذكاري ... في مقر المبني الجديد ...يحكي قصة الشجره و تاريخها و كيفية نقلها و وين مكانها الجديد !!!!!!!!! ...
_________________________________________________________________________________________________
حكومتنا باعت جنينة الحيوانات زمااااان للقذافي ....
كان غالبهم يعوضوها ضمن الصفقة بجنينة في اي مكان تاني ...
يعني اطفال لسودان ...لا شافو ( ككو ) ...لا اكّلو ( الزرافة ) القش ... لا رجوا ( القرنتية ) لما تمد راسها بره الموية ....
حتي حصة الرسم في المدرسة ...لو دايرين يرسمو أسد ...ما يقدروا يتخيلوهو كيفن ؟؟؟
__________________________________________________________________________________________________
بس ارجع اقول .... انحنا زاتتنا باعونا ... و لا عملوا لينا نصب تذكاري ...
ولا حتي شاهد قبر ...
| |
  
|
|
|
|
|
|
|
|
Re: حكاية الشجرة الالمانية ... وحكاية السودان الباعوهوا ... (Re: يحي قباني)
|
العزيز قباني... تحية وإحترام...
ياخي إحنا باعونا من أسي؟؟؟ من زمن عبود وبيع حلفا القديمة لي آخر التسريبات عن زيادة الأراضي المخصصة لدولة الكويت وإحنا ماشين في السكة نمد...
ياخي ديك شجرة وعملو ليها نصب تاريخي...إحنا يعملو لينا شنو؟؟؟
والله أنا خايف لمن ربنا ياخد أمانته الواحد ما يلقى فرقة يدفنوهو فيها مع المستثمرين ديل...
فبالله الأحوة المغتربين الزي حلاتي ديل يخلو الشلاقة بتاعت(أدفنوني في يلدي) دي...
وربنا يكضب الشينة...
تحياتي يا راقي...
| |
|
|
|
|
|
|
|
|
|
Re: حكاية الشجرة الالمانية ... وحكاية السودان الباعوهوا ... (Re: يحي قباني)
|
(بما إنك ما كاتب تاريخ ميلاد فحشوتا ليك طوالي)
تعرف يا يحى ...:)
مرات كتيرة من شدة الزعل والغبينة بحاول أفكر في حاجة إيجابية ...بخش ليك حالة كده من أحلام اليقظة(Day dreaming) ...
وبتخيل بعض الريسين الكبار ديل في محكمة المال العام والقاضي بيسألم....
ياخي إنت كيف تبيع بلدك بالشكل ده وتخت الضحاكات في جيبك؟؟؟ ما بتخاف الله؟؟؟...
وأنتظر الرد بتاع أبو كبير ...
تصدق بالله ...حتى في الخيال ما لاقي ليهم رد... فتأمل بالله عليك :)
| |
|
|
|
|
|
|
| |
يحي قباني
Musab Osman Alhassan
فيس بوك
تويتر
انستقرام
يوتيوب
بنتيريست