|
|
|
 Re: يا اخوانا ما تعرفونا ب بله ؟قرا وين و بقى رئيس كيف؟ (Re: بكرى ابوبكر)
|
تحياتي ياريس
أنت في بلة براه ؟
هناك (بلات) كثر بأسماء ومناصب وألقاب لا يعلم أهدافها ؟ تأسيسها ؟ أعضاؤها ؟ تبعيتها ؟ ألخ إلا الراسخين في ( خ ب ث) حكام الغفلة ...
رئيس إتحاد الشباب الوطني
رئيس إتحاد شباب الموتمر الوطني ؟
رؤساء كيانات وتنظيمات طلاب الوطني ؟
غايتو لو تكرم علينا أخونا علاء الدين بالمزيد من الأسماء والرؤساء والأهداف والتاسيس والتبعية والمصاريف والتكاليف ألخ يكون ما قصر - من باب العلم بالشيء وبس
الشفيع
| |
 
|
|
|
|
|
|
|
|
Re: يا اخوانا ما تعرفونا ب بله ؟قرا وين و بقى رئيس كيف؟ (Re: بكرى ابوبكر)
|
يا بكري بالجد كدا دا كلو كلام انصرافي وما مهم
الزول دا مهما يكون قرا شنو إن شاء الله خلوة أهو بقى "رئيس اتحاد الشباب السوداني"
ح نقعد عمرنا دا كلو نسأل من غير فايدة؟
أها قول هو شهادة ابتدائية ما عندو
وبعدين؟؟؟؟
زول كوز والحزب الحاكم كيزان من حقهم يعينوا أي زول فوق راسنا دا
وهسّع دي لو الشيوعيون ديل مسكو الحكم برضو ح يعينو الشيوعي بدون ما نقول بغم
أها كان قرا ولا ما قرا وك"ماتر اوف فاكت" هو بقى رئيس الاتحاد
وسجل اسمه في التاريخ كرئيس للاتحاد في عهد الانقاذ زي ما البشير سجل اسمه كرئيس للسودان لأكثر من 23 سنة
بعدين في زول سأل ياسر عرمان ولا الحلو ولا مناوي ولا عقار ولا البشير قرا شنو؟؟؟
دحين يا بكري نحن عايزين شنو بالضبط؟؟؟؟
الزول دا كان كعب وكان كويس يا ها شغلتو ودي كورتو
تبقى شغلتنا فرّاجة ومنظراتية بس وفلان دا لعاب ودا ما فاول يا حكم
ولا عايزين نكون لاعبين حقيقيين؟ وكيف نصل لكدا؟؟؟
| |
|
|
|
|
|
|
|
|
Re: يا اخوانا ما تعرفونا ب بله ؟قرا وين و بقى رئيس كيف؟ (Re: بكرى ابوبكر)
|
كتب الاخ محمد طاهرمن الفيس بوك
بلة عديييل كده عرووووووووووووووب سلااااااااااااااااااااااام ههههههههههههههه
___________________________
في حاجة في السودانيين ليوم الدين ما راح يخلوها ابدا حكاية ده عروب وده حلبي وده محسي وده جعلي و ما عارف شنو كده ، يا اخ انتو سودانيين سودانيين سودانييييييين وبس الله يرضى علينا وعليكم والواحد لما يمشي يستخرج الجنسية ما بيكتبوا فيها ( القبيلة) .
تحياتي للجميع وللريس بكري
| |
|
|
|
|
|
|
|
|
|
Re: يا اخوانا ما تعرفونا ب بله ؟قرا وين و بقى رئيس كيف؟ (Re: بكرى ابوبكر)
|
| Quote: لكن و الله خسارة انه حا يدخل سودانيزاونلاين ببروكسى |
والمشكلة وين
وما يخش
اهلنا بيقولو (طباخ السم بيضوقو).....
وبعدين يا ريس
بلة يوسف دا ما اول زول تقلد هذا المنصب.
ولا الباقين كانو معروفين لديك من لدن الاخ المهندس اليسع عثمان القاسم
صراحة يا ريس
عنوانك ما كريم،، وفيه اشارات انك عايز تستشف بالرجل
واسمح لي البتة لا يليق بشخص مثلك
ياخي كان تدي الفكرة لي زول من الصغار يقوم ليك بالواجب
ما تجي بي نفسك وتنزل للمستوى دا
مع احترامي ليك طبعا.
| |
|
|
|
|
|
|
|
|
|
Re: يا اخوانا ما تعرفونا ب بله ؟قرا وين و بقى رئيس كيف؟ (Re: mayada kamal)
|
Quote: والمشكلة وين
وما يخش
اهلنا بيقولو (طباخ السم بيضوقو).....
وبعدين يا ريس
بلة يوسف دا ما اول زول تقلد هذا المنصب.
ولا الباقين كانو معروفين لديك من لدن الاخ المهندس اليسع عثمان القاسم
صراحة يا ريس
عنوانك ما كريم،، وفيه اشارات انك عايز تستشف بالرجل
واسمح لي البتة لا يليق بشخص مثلك
ياخي كان تدي الفكرة لي زول من الصغار يقوم ليك بالواجب
ما تجي بي نفسك وتنزل للمستوى دا
مع احترامي ليك طبعا. |
ميادة ما تشيلى ليك سوط و تجى تدقى بكرى
دا ايه الهبل دا
| |
|
|
|
|
|
|
| |
بكرى ابوبكر
Frankly
mayada kamal
أمير محمد ادريس
امجد الجميعابى
nazar hussien
فيصل محمد خليل
فيس بوك
تويتر
انستقرام
يوتيوب
بنتيريست