|
Re: مشكله السكر كلها من المعلقه التالته دى ...! (Re: سامى عبد المطلب)
|
Quote: e: قال لا فض فوه : لو خفض كل مواطن معلقه سكر من التلاته معالق لوفر لميزانيه الدوله 600 مليون دولار يحتاج استيراد الادويه منها الى 300 مليون فقط...!
المصدر : حلقه حتى تكتمل الصوره للطاهر حسن التوم |
لو خفض كل مواطن ملعقة لنقص أفراد الكيزان شخص واحد صحيح .. ( قام بالملعقه و فتح فتح تقيل )
.... يا سامي .... أسي علي الحاج بكون سبه ليك دين ...في داعي
| |
|
|
|
|
|
|
Re: مشكله السكر كلها من المعلقه التالته دى ...! (Re: محمد حامد)
|
نحن سكتنا ليهم من البلد كلها ... غالبهم يسكتو لينا عن معلقة !!!!
يا ربي كتيرة علينا ؟
المعلقة التانية : حتخفض فاتورة البنزين
والمعلقة الأولى: حتحل مشكلة استيراد البلاستيك
كباية الشاي زاتها: حتحل مشكلة استيراد الكهرباء من أثيوبيا ....
ولو كل مواطن خفف كباية موية من البيشربهم يومياً حيخفف من هدر موارد الدولة ....
| |
|
|
|
|
|
|
Re: مشكله السكر كلها من المعلقه التالته دى ...! (Re: سامى عبد المطلب)
|
ما عارف ليه اتذكرت نكتة المسطول المشي اشتري تلفزيون !! امو شافت التلفزيون زغردت !! لكن ياولدي ما عندنا دجتل فايدة التلفزيون شنو ؟ ما تشيلي هم ياحاجة محلولة ولدك معلم !!! ايووووي جيد لي ولدي الليلة جبت الدجتل !! لكن اتصرفت وحليته كيف !! بسيطة ياحاجة ولدك معلم ما بعت التلفزيون هههههههههههههههههه
| |
|
|
|
|
|
|
Re: مشكله السكر كلها من المعلقه التالته دى ...! (Re: omer osman)
|
Quote: لو خفض كل مواطن معلقه سكر من التلاته معالق لوفر لميزانيه الدوله 600 مليون دولار يحتاج استيراد الادويه منها الى 300 مليون فقط...! |
اخي سامي
تابعت الحلقة وظللت اتقلب في سريري حتى الفجر من القهر
قمة المسخرة
من المدعو كمبال
فبدلا من ان يبحث عن اسباب المشكلة وطريقة معالجتها بطريقة مهنية
لجأ لهذه الطريقة البائسة لاعلاج الامر
التحية للوطني الغيور الطاهر ساتي
ليتهم قد اعطوه فرصة التحدث
بالذات الكمبال دا
| |
|
|
|
|
|
|
Re: مشكله السكر كلها من المعلقه التالته دى ...! (Re: ود الباوقة)
|
سلامات يا سامي فعلا سذاجة عجيبة خلاص والله في حاجة غايبة عنهم المعلقة البنقصوها دي مفروض تكون من سكر مدعوم بتدينا ليهو الحكومة زي بتاع التعاونيات زمان او البطاقة التموينية في عهد الانقاذ...واظن سكر اهلنا في الغرب الاتنازلو عن كوتهم لطريق الانقاذ الغربي كان من النوع المدعوم دا
اها هسي الناس بتشتري السكر بدم قلبها برضو كمان تتنازل ليهم عن معلقة منو؟
يا حكومة والله حرام عليكم البتعملوهو في الناس دا
ربنا بسالكم عن رعاياكم الضيعتوهم ديل
| |
|
|
|
|
|
|
Re: مشكله السكر كلها من المعلقه التالته دى ...! (Re: احمد سيد احمد)
|
Quote:
نحن سكتنا ليهم من البلد كلها ... غالبهم يسكتو لينا عن معلقة !!!!
يا ربي كتيرة علينا ؟
المعلقة التانية : حتخفض فاتورة البنزين
والمعلقة الأولى: حتحل مشكلة استيراد البلاستيك
كباية الشاي زاتها: حتحل مشكلة استيراد الكهرباء من أثيوبيا ....
ولو كل مواطن خفف كباية موية من البيشربهم يومياً حيخفف من هدر موارد الدولة .... |
هانى يا عربى لو بدينا مسلسل التنازلات دى حيقلعونا ملط ....!
| |
|
|
|
|
|
|
Re: مشكله السكر كلها من المعلقه التالته دى ...! (Re: احمد سيد احمد)
|
Quote:
ما عارف ليه اتذكرت نكتة المسطول المشي اشتري تلفزيون !! امو شافت التلفزيون زغردت !! لكن ياولدي ما عندنا دجتل فايدة التلفزيون شنو ؟ ما تشيلي هم ياحاجة محلولة ولدك معلم !!! ايووووي جيد لي ولدي الليلة جبت الدجتل !! لكن اتصرفت وحليته كيف !! بسيطة ياحاجة ولدك معلم ما بعت التلفزيون هههههههههههههههههه |
ههههه هههههه يضحك نهارك يا جنابو وجيد لينا الحكومه حتوزع لينا الدواء بالمجان ....!
| |
|
|
|
|
|
|
Re: مشكله السكر كلها من المعلقه التالته دى ...! (Re: احمد سيد احمد)
|
Quote: اخي سامي
تابعت الحلقة وظللت اتقلب في سريري حتى الفجر من القهر
قمة المسخرة
من المدعو كمبال
فبدلا من ان يبحث عن اسباب المشكلة وطريقة معالجتها بطريقة مهنية
لجأ لهذه الطريقة البائسة لاعلاج الامر
التحية للوطني الغيور الطاهر ساتي
ليتهم قد اعطوه فرصة التحدث
بالذات الكمبال دا |
ا لحبيب ود الباوقه الوجع راقد والناس فقدت الامل فى الاصلاح لانو عمرها ما سمعت بمسئول قدم لمحاسبه رغم التجاوزات والاختلاسات التى يحفل بها تقرير المراجع العام ....! المشكله ما فى صلاح كمبال ولا العكد المشكله شامله وعلى كافه المستويات التشريعيه والسياسيه وحتى القضائيه ....!
| |
|
|
|
|
|
|
Re: مشكله غلاء الادويه كلها من المعلقه التالته دى ...! (Re: سامى عبد المطلب)
|
الأخ سامي تحية واحترام
أنا شخصياً مُش قللت السُكَر وبس ،، أنا سبتو عديل وبرضو ما قادر أشتري حبوب الضغط البقت بالشئ الفلاني
يعني تخيل إني محتاج لمبلغ 140 جنيه لدواء نوع ومبلغ 75 جنيه لدواء نوع تاني كل شهر
أحسب عندك دي براها 215 جنيه شهريييييييياً
ده غير أدوية أمي ربنا يديم عليها الصحة والعافية يا رب ،،، أدوية ضغط الدم والسُكري
يعني شهرياً حأحتاج أوفر مبلغ أكتر من 500 جنيه لي ولوالدتي
ده مجرد مثل بس ،،، وغيري كتاااااااار أجارك الله شوف بيدفعوا كم للدواء فقط ،،، ده طبعاً غير حق مقابلة الطبيب وعذاباتها الما بتنتهي
قووووول إنو الشعب السوداني ده خَفَض من إستخدام السُكر ،،، قول بس ،،، هل يا تري أسعار الدواء حتنزل ؟؟؟
يا الحبيب في هذا الوطن البقي لينا مجرد دولة شقيقة بتأووينا وكده مافي أي شئ بيطلع وينزل غير ضغط دمنا البقي زي الموية ده ياخ
حسبنا الله ونعم الوكيل
| |
|
|
|
|
|
|
|