|
|
 الـ Facebook موقع أمنجي ... !!! ...(يُوجد دليل)
|
إقترح لي صديق قصي السماني الشاعر والفنان قاسم أبوزيد كصديق في الفيس
فأرسلت له طلباً وأنا فخور بذلك ...إلى هنا والامر طبيعي ...
ثُم سألني الموقع ان أقترح أصدقاءاً للعضو الجديد قاسم أبوزيد
وفتح لي صفحة أصدقائي من تلقاء نفسه لأختار له منهم أصدقاء
وهنا كانت المُفاجأة ......!!! نواصل لأغراض التشويق والإثارة
|
|
  
|
|
|
|
|
|
|
|
Re: الـ Facebook موقع أمنجي ... !!! ...(يُوجد دليل) (Re: Ahmed musa)
|
اها أفتح ليك أصدقائي أتفاجأ ليك بإنو الفيس لمّ لي (كُل) الأصدقاء المسرحيين ..!!!
عرفهم من وين ..؟!!! ... ده الجنني ... ومنعاً لتبرّع أحدهم بالدفاع عن الموقع أقول :
جزء من الجابهم الفيس ما كاتبين إنو عندهم علاقة بالمسرح ... بعدهم جاب لي أصحاب المسرحيين ..!!!!
تصدقوا ...؟!!!! .. ولسة ... في مفاجأة ....
| |
|
|
|
|
|
|
|
|
|
Re: الـ Facebook موقع أمنجي ... !!! ...(يُوجد دليل) (Re: Ahmed musa)
|
دلال الطيّب ...فيسبوكابية ...طارحة نفسها كشهادة عربية
وبتكتب كلام كبار كبار لحدي ما شكيت انها سارة عيسى او منصور خالد او دينا خالد
دينا خالد ... منصور خالد ... الإسمين ديل بتشابهو مالهم ..؟!!
المهم برجع ليهم تاني ...
دلال الطيب دي لو عملت نقط في حالتها يجو الشمشرجية يعملوا ليك من النقطة قبة
مع إنها بجد كلامها كلام زول فاهم ...اهااااااا الفيس حشرها لي وسسسسط المسرحيين ..!!!!
موش شئ غريب ....معناها شنو .؟؟ معناها هو عارف الماعارفقنو نحن ...
| |
|
|
|
|
|
|
|
|
|
Re: الـ Facebook موقع أمنجي ... !!! ...(يُوجد دليل) (Re: مجاهد نايل)
|
| Quote: دا الفيس بوك يا عمك ...عملو نظريه جديده إسمها ( الطيور على أشكالها تقع ) ... |
والله يا مجاهد ياخوي شكلها كدة ...
انا زماااااان كان عندي حساب باسم احمد موسى فقط
اها مرة حسيت بالخوف من الجلابة قلت اضيف اصدقاء بجا
ضفت لي اتنين ولا تلاتة ما اقول ليك ...(عمك) الفيس ما كضب
ماخلى ليه بجاوي ما اقترحه ..في النهاية هربت وعملت حساب جديد
| |
|
|
|
|
|
|
|
|
|
Re: الـ Facebook موقع أمنجي ... !!! ...(يُوجد دليل) (Re: Ahmed musa)
|
Quote: انا زماااااان كان عندي حساب باسم احمد موسى فقط
اها مرة حسيت بالخوف من الجلابة قلت اضيف اصدقاء بجا
ضفت لي اتنين ولا تلاتة ما اقول ليك ...(عمك) الفيس ما كضب
ماخلى ليه بجاوي ما اقترحه ..في النهاية هربت وعملت حساب جديد |
هههههه
ادروب ما تلاوز
البتاع ده أصلاً شبكة
بجيب ليك ناس عندهم إتصال مع الزول الانت صاحبتو
أنا مثلاً قاعد يقترح لي ناس ما عندي بيهم علاقة بس لانهم أصحاب لي واحد صاحبي
مرة إقترح علي أضيف زول أنا بعرفو لكن ما بريدو كلو كلو
مش البتاع ده لو كان معلم كان يعرف إنو الزول داك أنا ما حا اضيفو ؟
طبعاً قلت ليهو زح كدا وإلا كدا
| |
|
|
|
|
|
|
|
|
|
Re: الـ Facebook موقع أمنجي ... !!! ...(يُوجد دليل) (Re: أيمن الفاضل)
|
بتفرج على برنامج علمي انجليزي قبل سنوات وقبل ظهور الشبكات الاجتماعية.
كان بيتكلم عن عالم تقنية معلومات اخترع برنامج اسمو "الروابط"
البرنامج بيهدف لجمع معلومات عن دائرة الأشخاص حول كل شخص في العالم. ثمّ توظيف المعلومة أمنياً. لتسهيل البحث والتقصي في الجرائم المتعلقة بالإرهاب.
في ذلك الوقت كان الماسنجر يتبربع على العرش وحيداً دون منافس.
واتذكر جيداً استخدام العالِم لصورة روابط شبكية قريبة من تلك الصورة التي يستخدمها الموقع الاجتماعي الشهير في واجهته. لكنها كانت في شاشة ذات لون واحد.
| |
|
|
|
|
|
|
| |
Ahmed musa
Muna Khugali
مجاهد نايل
أيمن الفاضل
Hani Arabi Mohamed
محمد عوض السيد
ALZOLZATOO
فيس بوك
تويتر
انستقرام
يوتيوب
بنتيريست