|
|
 فاصل اعلاني من دعايات التلفزيون السوداني في التمنينات
|
من ذاكرة اخونا الباشمهندس مصطفى عمر
عصير تروبى
عصير تروبى عصير فنان
فواكهه طازجة من السودان
معبأ ليك اشكال والوان
عشان تشيلو لكل مكان
كمان للعايلة فى الجركان
موز وجوافة
ومنقة لذيذة
حاجة جديدة وحاجة فريدة
***
ريرة
ريرة ....ريرة
ريرة ....جديد
ريرة ....مفيد
اشكال والوان
كل يوم بتزيد
ريرة ...ريرة
ريرة ياراقى
الذ زبادى....الذ زبادى
منو الابيض دا الماعادى...دا الماعادى
ريرة
كل ما ينافس يفوز بالجولة
نكهة جديدة وطعم فراولة
***
ســـــــلا
سلا يا سلا
حلاوة حلا
اول انتاج كان فى السودان
للحلويات اشكال والوان
سلا يا سلا
حلاوة حلا
لذيذة وطاعمة فى ام درمان
وصناعتها ناعمة مدنى كمان
فى كوستى وبحرى
وبورسودان
جوة الخرطوم
برة السودان
حلاوة حلا
***
حلويات مامون البرير
حلاوة جديدة من نوعها فريدة
لا شرقية ولا غربية صناعة
بلدى مية المية
لف العالم كلو وطوف
وزيها ابدا مش ح تشوف
جرب وشوف جربى وشوفى
حلاوة مشكل حلاوة طوفى
طوفى ...طوفى ...طوفى
كمان حلاوة مرات بفستق
مرة سادة ومرة ببندق
سوبر لبان حاجة تمام
لبان بازوكا كمان فنان
انتاج مامون اكيد مضمون
لاشرقية ولاغربية صناعة
بلدى مية المية
|
|
 
|
|
|
|
|
|
|
|
Re: فاصل اعلاني من دعايات التلفزيون السوداني في التمنينات (Re: احمد سيد احمد)
|
مربة روزا
روزا ..روزا ....روزا
دى مربة حلوة جديدة
وكمان مفيدة
روزا للصغار
روزا للكبار
انتاج مصانع
مصانع صبار
فيها الفواكه الطبعيبة
مية المية
مصانع صبار
مصانع صبار
روزا....ادينى حتة
***
فوفو
كريمة فوفو يافول سودانى
يابت المطبخ والحلوانى
فوفو....... فوفو
تاكل بشهية .......فوفو
كل اكلة هنية ......فوفو
لذيذة وطاعمة .....من فوفو هدية
سيما
سيما سيما سيما
المزاق الطيب ديمة
بسكويت مغذى مفيد
بيتى بير ....لوكس ......جلكوز ...ويفر
والحلويات ...الحلويات
كوجاك ...طوفى ...فورست ...بنبون
لذيذة لذيذة
وكلها ميزة
من مصانع سيما
المذاق الطيب ديمة
***
مناديل كارولين
وطبعا هى باللهجة المصرية
واحد اتنين تلاته
كارولين كاروليتا
سافولى سأفة وانا
انط نطة
هيه هيه هيه
كارولين شيك عشان العربية
ادى كده هو عائلية
كارولين شيك للجيب
احمر واخضر واصفر وازرق
هيه هيه هيه
***
| |
|
|
|
|
|
|
|
|
|
Re: فاصل اعلاني من دعايات التلفزيون السوداني في التمنينات (Re: احمد سيد احمد)
|
انا غايتو بتذكر كان في دعاية لكوافير ميري الكان في شارع الجمهورية وكانت الدعاية باللهجة المصرية بتقول:
كوفير ميري شارع القمهوريه
زياره وحده وتكون زبونه ميه الميه
والباقي مامتذكرو
***
برضو كان في دعاية زيت ابوسمكة جزء منها بقول:
زيت ابو سمكة للتقلية وللتحمير يدي الاكل طعم كتير
كانت بالمصري ولا اللبناني اظن
***
دعاية صابون رشا....جزء منها بقول:
رشت رشت عطر يرشك طول الوقت
برضو بالمصري كانت
***
مصنع المسرة لمنتجات الاسمنت
بلاط مزايكو بلاط سادة
***
المسرة للاقمشة
***
| |
|
|
|
|
|
|
|
|
|
Re: فاصل اعلاني من دعايات التلفزيون السوداني في التمنينات (Re: محمد الامين محمد)
|
السلام عليكم جميعا
هههههههههههه اضافاتكم مبالغة عديل كدا يا شباب والله....ديناصورات كبار طلعتو
واصلوا يلا واتذكروا الدنيا الماتت.... حقا انه موت دنيا
ياحليل أيام زمان وكـت الزمن زين
وياحليل أيام زمان والناس حنينين
أيـام نحـن دابـنا صغـار بـطـيـنـيـن
شايلين النبل فوق طـيـرنا جــارين
كنا لابنعـرف جـروره ولاسداد دين
ولابنعـرف عشانا يجيبوا من ويـن
| |
|
|
|
|
|
|
|
|
|
Re: فاصل اعلاني من دعايات التلفزيون السوداني في التمنينات (Re: احمد سيد احمد)
|
دكتور دكتور دكتور شول
دي موضه جديده تسوي الهول
تقاوي بايونير
لافيهو سلك لا فيهو حيمور
دعاية الكوكاكولا والحركة بتاعة الكورة الــ بالكعب ديك ويقوم يقبل دبل كيك جوه المرمى
لافاش كيري
جبنة ابو الولد
بسكويت كمبال بسكويت كمبال
طعمو لذيذ ماليهو مثال
احذية لاركو
ساتا وباتا
ملبس لوز للافراح والنعناع لليالي الملاح
| |
|
|
|
|
|
|
|
|
|
Re: فاصل اعلاني من دعايات التلفزيون السوداني في التمنينات (Re: احمد سيد احمد)
|
مرقة يورك طعمه هنيا تدي الاكله نكهة شهية
مرقة يورك
وكان في كرق الدجاج فاين فوودز....كان فيها مسابقة انك تلم الكراتين الفاضية بتاعتها وعليها قروش كتيرة الزمن داك....ياربي هو دا كان في التمنينات ولا التسعينات؟
كان في دعاية بتاعة باكنج باودر ولا غايتو حاجة من النوع دا...كان بتقول:
استوكوبتي...تايلاتيليمكس....وحاجات كتيرة بنفس النغمة دي
دي كانت شنو هي ؟
| |
|
|
|
|
|
|
|
|
|
Re: فاصل اعلاني من دعايات التلفزيون السوداني في التمنينات (Re: مصطفى توفيق)
|
وهناك جمب جامع امدرمان
وفي دكاااان ....
عبدالله شلقامي ...
______________________
الله ده لذيذ اسمو شنو .؟
سوبر كريستال !!!
صحي يا ماما ؟؟؟؟
_______________________
اندروس اندروس منعش فوار
يريح المعده ليل ونهار
يطري المعده مافي حموضة
دايما منعش ....
منعش فواااار
أندروس ...
(شرحبيل احمد )
_____________________
اجود ما يمكن شراؤه من تبغغغغغغغغغغغغغغغغغغغغغ
سيجارة كنت ... فخر الصناعة الامريكية
_________________________
| |
|
|
|
|
|
|
|
|
Re: فاصل اعلاني من دعايات التلفزيون السوداني في التمنينات (Re: مهدي صلاح)
|
سلامات اخونا مهدي....
الف شكر على المشاركات المميزة....وادينا زيادة لو عندك
بمناسبة فورموست وكاني....في التمنينات بتذكر الهلال كان فنايلو الشعار بتاعها فورموست والمريخ كاني
وكان في قصيدة مريخية بتقول .....
في العرضة شمال الحصة فنون
عيسى جمال وجمال مامون
قله بيرعب باك مركون
هجمة سريعه دفاع ممكون
اذاي ودواي في بازي القوون
هلال فورموست يذوب على طول
| |
|
|
|
|
|
|
|
|
|
Re: فاصل اعلاني من دعايات التلفزيون السوداني في التمنينات (Re: احمد سيد احمد)
|
سيهان بيرد سيهان بيرد
سيهان بيرد شاهدوها في الاضواء الهندسية شارع الجمهورية
دي دعاية عربية سهان بيرد
coco cola is it when you see me fresh coco is it.
ودي دعاية الكوكا كولا
كريم نيفيا يحمي ويعتني
بكيس دهب لا بكيسين نعم اتفقنا ميرندا البرتقال الفراولة البتشهي ميرندا قوود قووود قووود
ان الهواء والغبار والغسيل يجعل شعرك شنو كده ماعارف شامبو سلفكرين الجديد
برضو دعاية شاي لالايت وميسو بي اغنيتين هنديتين جميلتين
المرة الجاية نجيب ليك معجون ابو صفقة ولافاش كيري ندك المدرسة نعلب كوري
تحياتي يالذيذ يارايق
زاتوووو
| |
|
|
|
|
|
|
|
|
|
Re: فاصل اعلاني من دعايات التلفزيون السوداني في التمنينات (Re: يحي قباني)
|
لينا الشرف يا باشمهندس ...تعرف نحن من جيل عايشين ال 30 سنة الأخيرة دي في غيبوبة ...أجمل أيامنا السبعينات ,,وبعض التمانينات ...نحمد الله أتفرجنا في مجمع شئون الرياضة على وليم أندرية ..وأعيسر ..وحبيب اسطمبولية ..وفاروق رحمي ..ومايكل بنجامين .. ولعبنا تنس طاولة مع اولاد منصفون ..وعدلي و جمال دولتلي ..وشجّعنا ممدوح مصطفى ضد كيجاب في سباق جبل اولياء ..وكنّا من معجبي سارة جاد الله و هبة محمد علي ...وكنا بندخل سينما غرب الدور التاني و نرجع كدّاري...وشاركنا في افتتاح قصر الشباب و الأطفال ..كان أسمنا (mini basket)...آه نوستولوجيا شديدة ...ما وريتنا يا هندسة متذكّر دعاية صابون ساتي بتاع نادية و عبلة و لّ لأ ؟؟تحياتي
| |
|
|
|
|
|
|
| |
احمد سيد احمد
ناذر محمد الخليفة
بدر الدين مهدي
أحمد قلوب
عاطف عمر
عمر السلمة
محمد الامين محمد
سناء عبد السيد
مصطفى توفيق
يحي قباني
محمد حيدر المشرف
عبدالله شمس الدين مصطفى
مهدي صلاح
ALZOLZATOO
محمد محمود محمد
محمد يوسف طه
عادل خياري
فيس بوك
تويتر
انستقرام
يوتيوب
بنتيريست