|
|
 مواقف واحداث طريفة مررت بها
|
الزمان - 2002
المكان - معسكر الخدمة الوطنية
في المعسكر ده القائد ابتدع مشروع انو كل المجندين لازم يحفظوا سورة المؤمنون وحا يكون في تسميع في نهاية المعسكر - الما حيحفظ - ما حا يتخرج . وذلك حسب ما سمعنا من القائد نفسو !
اها الشباب اغلبهم اخدوا الموضوع بكل جدية ونزلو حفظ في السورة !
اخوكم ما اشتغل بالموضوع الشغلة !
فعلا في نهاية المعسكر - فجأة كده قالو في شيخ جاء يسمع للناس والناس تمشي تسمع ليهو
صاحبي الصادق - زول ما بهظر واخد الموضوع بجدية من الاول - حفظ السورة صم - وطوالي من اول الناس المشو سمعوا ليك السورة زي الترتيب
اخوكم طبعا ما حافظ ولا آية !
اها يا الصادق : التسميع كان كيف ؟
الصادق - والله الموضوع بسيط : في شيخ تمشي تقعد جمبو - بسجل اسمك في كراس وبقول ليك اقرأ من الاية كذا أو من البداية - اها تبدأ تسمع كم آية لحدي ما يقول ليك: حسبك ... بارك الله فيك
أيمن - تعرف يا الصادق ؛ انا ما حافظ ولا آية ،،، شكلك حا تمشي تسمع لي 
الصادق - آآآآ - يازول !! لكن لو عرفني ؟!
أيمن - يعرفك شنو ياخ مع الجوطة دي ؟! أمشي سمع لى - وانا حا ادعو ليك
المهم القصة سبكت زي الترتيب
بعد صلاة العصر: قالو النتيجة طلعت ؛ وهنا كانت المفاجاة المضحكة
الصادق جاب 95 %
أيمن محمود 97 % 
|
|
  
|
|
|
|
أيمن محمود
فيس بوك
تويتر
انستقرام
يوتيوب
بنتيريست