|
|
 ساعة لأجل الوطن
|
الأعزاء أعضاء وقراء سودانيز اونلاين
بعد السلام والتحية
أدعوكم لزيارة صفحة (ساعة لأجل الوطن) بالفيس بوك وقراءة الافكار المطروحة لتفعيل الثورة السودانية من قبل هذه المجموعة من الشباب السوداني، واعطاء انطباعكم عنها، وسأحاول من خلال هذا البوست نقل بعض مما ورد بها والتعليق عليه، عنوان الصفحة هو مع خالص الود.
ساعة لأجل الوطن
|
|
 
|
|
|
|
|
|
|
 Re: ساعة لأجل الوطن (Re: عاطف فارس)
|
صفحه ساعه لأجل الوطن
[Description]
لسنا جيشا ولا تنظيم يضم الاف ولا حزب فقط شباب من ابناء الوطن نحمل همومه وضعنا خطه تنظيم للثوره اسميناها (ساعه لأجل الوطن) تشارك فيها انت وجميع ابناء الوطن داخله وخارجه رجال ونساء شباب وشيوخ ترشد الجهد وتقلل المخاطر وتختصر الزمن ونقول لك دورك فيها فان قمت به فهو واجبك تجاه وطنك ومستقبلك ..وان لم تقم به لا تلومونا علي الفشل وارضي بحكم عصابه تتاجر في تعليمك وصحتك وعقلك ###########انشانها دعوه حتي يسهل نشرها إذا انضممت لها ودعوت الأسماء المسجلة عندك #####اخفينا قائمه الأسماء فيها من الجداد الإلكتروني المنتشر في الفيس######منعنا النشر فيها حتي لا تكثر المنشورات وتضيع في وسطها التي تحمل الفكره################اقرأ كل المنشورات داخل المناسبه ستجد الخطط التي تغير النظام في شهر مضمنه فيها#######تزكر ان قبول الدعوة وإرسالها من الهاتف صعب ولكنك من اي لاب توب أو كمبيوتر تفعل ذلك في دقائق معدوده فلا تستكثر ها علي هذه الفكره#####انا وانت وكلنا ستفرض واقع جديد علي الثورة غصبا عن كل عميل للنظام ينظمها ويضمن لنا استمرارها ونجاحها....
| |
|
|
|
|
|
|
|
|
|
Re: ساعة لأجل الوطن (Re: عاطف فارس)
|
رأيكم شنو في المنشور الثماني اعلاه يعني ممكن اتطبع واتنسخ واتقسم علي 8 قطع واتشتت في اي زحمه بدون شوشره .....
نشوف الليلة حتدعو كم من أصحابك ؟؟؟
من صفحة ساعة لاجل الوطن
| |
|
|
|
|
|
|
|
|
|
Re: ساعة لأجل الوطن (Re: عاطف فارس)
|
اطبعها وانسخ منها اكبر كميه وقطعها قصاصات وشتتها في اي مكان ومن هنا نبدا مشوار التغيير
اطبعها وانسخ منها اكبر كميه وقطعها قصاصات وشتتها في اي مكان ومن هنا نبدا مشوار التغيير
Like · · January 1 at 3:06pm
| |
|
|
|
|
|
|
|
|
|
Re: ساعة لأجل الوطن (Re: عاطف فارس)
|
ساعه لأجل الوطن
((شهر يكفي لإسقاط الإنقاذ ))
قبل أن نحدد متي يبدأ هذا العمل علينا أن نعرف ماذا يجب أن نفعل منذ الآن !؟.
500نقطه داخل الخرطوم تكون معلومه منذ الآن للجميع بوقع ثلاثه أو أربعه في كل حي +زمن يومي معلوم للحشد والتجمع اليومي حتي تكبر الإعداد وترهق مليشيات النظام قبل بدأ مرحله الزحف والاجتثاث !!!
المميزات:-
يسهل عمل الثورة كلما زادت الإعداد المشاركة ...
كثره النقاط تجبر قوات النظام علي المرابطة والتوزع علي كل الأحياء والمدن مما يقلل فاعليتها..
بث الاطمئنان عند الناس وتقريب المسافة لتشجيع حتي النساء علي المشاركة ..
ضمان وجود الإعداد الكافية لإسقاط النظام قبل بدا مرحله الزحف مما يجعل الخلاص مضمون...
طول المده يرهق النظام ويجبر قادته علي الفرار..
واجبك هو:-
اقترح متي يكون الوقت الزي يناسبك والنقطة التي تعجبك ...
أبدا النشر والإعلان حتي تعم الفكره وتتفرق لتحديد يوم البدايه ...
(صفحه نكات فيها أكثر من 400الف معجب فلماذا لا تصل فكرتنا ودعوتنا وصفحتنا الي مثل هذا العدد وخاصه أنها تخطط لمستقبل وطن)...
داير من الجميع شير لحد ما تصل لموقعي وثيقه الفجر الجديد!!!
| |
|
|
|
|
|
|
|
|
|
Re: ساعة لأجل الوطن (Re: عاطف فارس)
|
Write a comment...
ساعه لأجل الوطن
ساعه لأجل الوطن
بيان
نحن نحلم وننادي بقيام ثورة التغيير ونراها في ملامح كل مواطن واقع لابد منه ،ولكن للاسف كل من تتحدث معه عن حتمية التغيير يشعرك بان الشعب السودانى ينتظر ان يأتى هذا التغيير بدون ان يكون للمواطن دور فى ذلك..
لاجل هذه الشريحة كانت ساعة لاجل الوطن من اجل توعية المواطن السودانى ،،لا للمتاجرة بقضيته من اجل غرض ما مهما صغر..والقائمون على الفكرة من عامة الشعب،هدفهم من ذلك توعية الشعب وتبصيره وتهيئته للمطالبة بحقوقه بشكل سلمى متحضر،،حتى لو تمادت الطغمة الحاكمة فى وسائل الكبت.
ولكي يتم التغيير ايجابيا ،لا بد من وجود وعى كامل لدى المواطن ..ومهمتنا القيام بواجبنا،،بل والمشاركة ميدانيآ أيضا والذي يبدأ بالتوعية بضرورة التغيير لإكتساب جماهير جديدة تعمل للثورة وهذا يكون بالعمل على الأرض ومع الناس ليكون التغيير بأقل خسائر ممكنة .
وتمتد أيادينا لكل القوى المعارضة للنظام وذلك بحسابات:
-ان يفهم الناشطون ان القيام بالحراك الثورى لاجل التغيير ،ليس مربوطآ بمجد او تلميع شخصى أو منصب زائل،،فالمواطن يحتاج لمن يقدم حلولا لمشاكل الوطن،،لا لمن يريد اعتلاء منصبآ..
- ان تفهم المعارضة ان خيار المراهنة على الخارج قد سقط، منظمات ومحكمة جنائية ومجلس الأمن ..الخ ولذا التغيير يبدأ من الداخل واساسه المواطن.
_ان خيار الطرق على (قوى الهامش) وحده لا يكفى ،،فكل السودان مهمش وان تفاوتت درجات التهميش ولذا علينا التوحد جميعآ ،كل القوى والتنظيمات والحركات.
-ان الخيارات القديمة، الصادق والميرغني والترابي لا تجد رواجا كما في السابق .مالم تتغير نظرتهم للتغيير واعطاء الكوادر الوسطية والشبابية فى احزابها فرصتها للقيادة.وهنا دور المواطن المنتمى لها.
-ان خيار تحريك الشباب في الجامعات لتحريك الشارع لم يجد التجاوب المطلوب ،،مالم يكن مسنودا بدعم شعبى تمثله كل طوائف وشرائح الشعب.
نحن نطرح طرحنا هذا ورهاننا على وعى الشعب وتوعيته بأن له حقوقآ يجب ان ينتزعهأ للخروج من دائرة النظم المتعاقبة على حكم البلاد والعباد منذ الاستقلال والتى ما انتجت الا الدمار فى كافة المجالات. فالشعب له قوة سياسية خاملة تنتظر أن تبادر للفعل.
سيظل هذا المنبر دومآ وأبدآ نافذة لتنوير وتوعية وتهيئة المواطن .
والله من وراء القصد
ساعة لاجل الوطن
| |
|
|
|
|
|
|
|
|
|
Re: ساعة لأجل الوطن (Re: عاطف فارس)
|
ساعه لأجل الوطن
كيف حتكون المظاهرات في فهم ساعه لاجل الوطن؟؟
اولا حابي اسرح بخيالي شويه واتخيل الفكره في مراحل تنفيذها وكيف النظام حيتعامل معاها؟؟ لو افترضنا اننا حددنا يوم البدايه وقلنا الناس تتلم في اقرب محطه مواصلات لبيوتها.. حيحصل شنو؟ اول حاجه الامنجيه والكجر استعدادت حتكون مضاعفه وطوالي الحتات المشهوره بالشغب حيتمركزوا فيها يعني طلمبه الغالي عربيتين ودفار وباشدار كم عربيه وشارع السجانه بالنص برضو حيوزعو ليهو ولو شافو 10شباب ومعاهم 5نساء في محطه برضو حيوقفو فيها بكسي يعني حتات الديم والسجانه وماننسي جبره وشارع الستين ديل براهم دايرين كم عربيه واي عربيه فيها كم واحد؟؟ ما نحكها شديد طيب الفكره ما امان وكل الناس(واقفه مستنيه المواصلات ولا ظاهرو ولا هتفو) يعني شباب اركويت لو طلعو في الشرقي كميه وفي الخيمه كميه وفي البلابل ومستشفي الشيخ والمركز الاسلامي حيكون ديل دايرين كم ؟ ماننسي ناس بري اللساتكم من غير مظاهرات بحرقوها ! لازم اوزعو ليهم كم عربيه. نحن طبعا هدفنا ندخل مناطق جديده في المعركه يعني حتات الكثافه السكانيه جنوب الخرطوم والناس الغلابه في الانقاذ والازهري ومايو والسلمه وعد حسين الماعندهم اعلام ديل بعد نكتب ليهم في الحيط ونجدع ليهم المنشورات في بيوتهو اكيد حيعرفوا وديل بالمناسبه لحد يوم الليله فيهم كتيرين ماسمعو بيوم الكرامه ولا عارفين طلاب جامعه الجزيره بالضبط حصل ليهم شنو..المهم ديل لو مرقو لينا شويه شويه اكيد حيجهجهو الجماعه والعربات حتتوزع زياده .طيب وين ناس جنوب الخرطوم يعني وانت طالع من الرميله والاماب وداخل علي الشجره والعزوزاب برضو لو في اي محطه طلعو 15ولا20من شباب لنسوان حيكونو شويه لانهم الا مايعرفو والله النسوان بس املن المحطات المهم حتات ابو ادم والكلاكلات ديك الا اجيبو قوات بحري وام درمان ...طيب لو جابو قوات بحري وناس شمبات والدناقله والدروشاب الحلفايه طلعو حيتصرفو كيف وفي نفس الزمن كمان ناس الحاج يوسف من حله كوكو لحد جوه شارع واحد وجوه الردميه والوحده كل محطه طلعو لينا فيه 20ل25حيتصرفو معاهم كيف؟؟؟ نمشي ام درمان طبعا عارفنها دي قيامه من صالحه لحد وادي سيدنا ودار السلام غرب سوق ليبيا في اي محطه مرقو 20؟؟؟اها تتخيلو البحصل شنو؟؟ خلونا ما نستعجل نشوف مثلا شباب متكل في محطه في الكلاكله جا نازل فيهم عمك ابو فلان صاحبهم راجع علي البيت ،نادوه ياعمنا نحن واقفين دايرين نجهجه بكسي الرباطه داك دايرين نساهر بيه رسل لينا ولدك اتونس معانا .. كدا عمك سمع القصه وفهم الحكايه وعرف الشباب ديل دايرين اخلو الرباطه ديل ما يمشو من هنا يعني بكره امكن عمك دا زاتو تلقاهو واقف يعني الواقفين ساي ديل ولا عملو مظاهره خدمو الثوره ..طيب الحتات المابكون لقو عربات تقيف فيها ديل اكيد اليوم الاول والتاني حيحسو بالامان والهتاف حيدور وكل محطه حتتلم مع التانيه ...اقيفو خلونا ما نتسرع نحن اصلا ديرين لينا يومين تلاته نعمل ليهم سهر الجداد ولا نومو يعني ما اي محطه فيها 10ولا 15 اعملو هتاف ومظاهره مامكن محطه الصباح فيه 50ولا 100مستنين المواصلات بعد المغرب اطلعو 15؟!!! ديل نسوان الفريق بس ،مفروض اكونن اكتر من كدا يعني ديل مفروض بعد العشاء طوالي اشيلو بخاخاتهم واي حيطه اكتبو فيها واي بيت ما جاهم واحد طالع منو اجدعو منشور ليهم بفوق عشان ازيدو الاعلام و بكره لو ما جا البيت كله اجي واحد امثلهم ... طيب مامكن استنجدو بالجيش!!!!!! والله بيني وببنكم دي من سابع المستحيلات لانهم خايفين منه ... طيب ما مكن اجيبو قوات من الاقاليم ؟؟؟. ليه ومدن الاقاليم البخليها تتفرج شنو من كتره الراحه وعدم المرض ؟؟؟ طيب في حل تاني ممكن اعملوهو؟؟؟ حظر تجول!!!! لكن يا اهلنا ديل اصلا ما معترفين انه في ثوره ولا الشعب رافضهم وحتي جرائتهم الفيس بوك ما دايرين اقفلوه يعني لو عملو دي معناها اعترفو وانظار العالم كلها حتتوجهه علبهم ودي هن ما عندم ليها طريقه ولا بقدرو عليها ... وكمان الاغبياء ديل ابقو اشطر مننا ما حنبقيه بالنهار تاني لو دايرين ابقوهو طول اليوم ماعندنا مشكله بس اجيبو لاي بيت اكلو وشرابو.. خيالي واسع صاح؟؟؟ طيب خلوهو واسع ولا ضيق الصعب شنو عشان ما يتحقق؟؟ ماكلنا عارفين انه شعبنا داير الثوره وبكره كوز المويه خليك من الحرامي الدجال داك!! يعني الحينقص انو شعبنا اعرف صاح؟؟ لكن اعرف كيف ونحن غير الفيس بوك البشوفوه 20ولا25الف باستمرار والباقين مواضيع السياسه دي الا تجيهم في محلهم.. هو زاتو الفيس وينو البننشر فيهو صفحه ساعه لاجل الوطن واخبار الغبش العدد المعجبين فيهن الاتنين ما زايد علي 1500!!!!! طيب وين الباقيات؟؟ والله ناس يوميات البشير كتر خيرهم غيرو غلافهم بالفكره وبدو معانا تمام مع بدايتنا الاعلنا ليها يوم7ديسمبر بعد داك موضوع جامعه الجزيره الكان من الممكن نستفيد منو تمام بسبب الفوضي ضيع لينا لدايتنا كلها خلانا نبد تاني من الصفر... طيب وين الصفحات الكبيره وين ناس قرفنا وين رصد السودان وين ناس شراره وبطولاتهم؟؟؟ والله ناس قرفنا ديل راسلناهم لكن ما عبرونا وناس رصد ديل اصلا ما عرفنا واحد منهم وناس شراره طرحنا مامقنع ليهم !!! يعني بصراحه يا عمر عربي خليك في خيالاتك دي ومافي طريقه انك تبقيها حقيقه!!!! طيب كدي خلوني النحاول محاوله اخيره امكن واحد اسمعني وبسمعو هو الباقين اسمعوني !! وبكره القى ناس شراره وقرفنا ويوميات البشير ورصد السودان والتغيير الان واحرار و....و....وكمان طلاب الجامعات فطبشرحوها للطلاب في اركان النقاش و كلهم في الفيس خاتين شعار الفكره وبدعو ليها وحتي شباب التتظيمات السياسيه ضغطو علي قياداتهم اتبنو الفكره وكل ناشطينا وسياسينا واعلاميينا بقينا في صف واحد صف النضال بفهم وخطه وتكتيك والبخالف الوحده دي كشف نفسو انو ما صادق وقاعد في نصنا وهو منافق وداير حكومه السجم تدمر باقي الفضل... عليكم الله الكلام دا لو خيال ساي ما جميل؟؟؟؟
| |
|
|
|
|
|
|
|
|
|
Re: ساعة لأجل الوطن (Re: عاطف فارس)
|
رسالة الى شباب السودان الثائر ...
الثلاثاء, 22 مارس 2011
التحية لكم وانتم تقاتلون أشرس الانظمة الديكتاتورية على الاطلاق، التحية لكم وانتم تهتفون بحياة الوطن الغالي، وتستعدون لتقديم ارواحكم فداء لترابه. لقد بات واضحاً ان سياسة النظام المتهالك هي وأد تظاهراتكم ومواكبكم في مهدها، واعتقال قادتكم قبل ميعاد الخروج، حقاًً استفاد النظام من تجارب مصر وتونس وليبيا والبحرين وغيرها، فهو يدرك تماماً ان السودان لا يمكن باي حال ان يكون استثناء، بل السودان يفوق كل هذه الدول مجتمعة في الاسباب والدواعي لتغيير النظام، ويعرف معرفة يقينية انكم ان كنتم لا تفوقون شباب تلك الدول شجاعة واقداماً فانتم مثلهم بل وتاريخكم القريب به من الرصيد النضالي والثوري ما يكفي ويزيد.
احتاجت الثورة المصرية ان تقدم عشرات الشهداء حتى تجبر الديكتاتور حسني مبارك للنطق بعبارة -لن اترشح مرة اخرى- واحتاجت ايضا لبذل المزيد من الشهداء حتى ينطق بعبارة -سوف اتنحى- وكذلك الثورة اليمنية هي الاخرى احتاجت الى تقديم عشرات الشهداء لتستنطق علي عبدالله صالح تلك العبارات المرة والعصية على لسان الطغاة، لقد اجبرتم انتم يا شباب السودان الثائر المجرم عمر البشير على النطق بها من غير حتى شهيد واحد.
آن الاوان لتغيير التاكتيكات لاسقاط هذا النظام المتهالك واولها وضع سيناريوهات الثورات التونسية والمصرية جانبا ولو لفترة مؤقتة، سيناريو الثورة الليبية يستحق المزيد من النظر والاهتمام، لكن الاهم الآن هو البدء في صياغة سيناريو ابوجلابية وتوب وجبة وصديري وسروال ومركوب وسيف وسكين، الهدف النهائي هو اسقاط هذا النظام والطريق اليه ليس بالضرورة ان يمر بميدان ابوجنزير او شارع القصر.
ان خط طريق جديد للثورة السودانية ليس بالامر اليسير ولكنه ممكنا اذا اعملتم الفكر وحلقتم بخيالكم عاليا، وانتم تحلقون في فضاءت الخيال تذكروا مقولة المفكر ادوارد دوبينو -لا يعدو البرهان على صحة فكرة ما عن كونه عجزاً للخيال عن تصور فكرة بديلة لها- وتذكروا ان اصغر عمل متحقق هو اعظم مليون مرة من اجمل فكرة لم تتجاوز كونها مشروع، واعلموا ان الافكار التي قد تبدو جنونية الآن قد تثبت التجربة الواقعية لها انها عين الصواب، لا تفزعوا من الخطأ فهو يكاد يكون شرطا اساسيا للابداع، لذلك ميلوا الى التفكير المغاير او الجانبي في معركتكم مع هذا النظام، واعلموا انكم تختلفون عن جيل مارس وابريل واكتوبر، استمعوا لما تقوله هذه الاجيال واستفيدوا من خبراتها ولكن الرأي الاصوب دائما هو ما ترونه وتشعرون به انتم لا احد غيركم.
انتم الاعلون لان الحق معكم فانتم تريدون احياء امة حرة كريمة وهم يريدون موتها بتقييدها واذلالها، انتم افضل تعليما واخلاقا واقدر على الابداع وابتكار الجديد من قوات امنهم، العالم الحر والمتمدن كله يقف ظهيراَ لكم، ولا ظهير للنظام البائس غير الفاقد التربوي الذي يشكل جهاز امنه، معكم دعوات الامهات والخالات والعمات وكل رجال السودان ومعهم لعنات كل من ظُلم ، تيتم ،اغتُصٍب، سُجن، عُذب، جاع ،تشرد.
كما قلت من قبل، انتم الاقدر على صياغة التاكتيكات الصائبة لهذه المرحلة، ولكن هنا بعض اقتراحات ان رايتم فيها ما يفيد فخذوا بها وان لم توافق هواكم فلا ضير~ وضح جليا ان النظام لن يسمح باي مسيرة، وسيضرب باقسى ما يكون كل من تسول له نفسه الخروج، لذلك ارى ان سياسة الكر والفر والخروج من حيث لا يعلمون هي الانسب، وهذا يقتضي ان لا يعلم النظام اماكن ومواعيد انطلاقكم، وهذا ايضا يقتضي رصد كل عناصر امن النظام في الحي وفي المدرسة وفي الجامعة وفي اماكن العمل ويمكن نشر قائمة باسمائهم في الفيس بوك، التواصل عبر النت والايميل والرسائل النصية عامل اساسي لنجاحكم، لكن مع الحرص على السرية فالنت ليست دائما امنة. تحركوا في مجموعات صغيرة متفرقة، حددوا طريق هروبكم من قوات الامن قبل بدء المظاهرة القصيرة التي يمكن ان تستمر لدقائق فقط، وانتم تتظاهرون ضعوا اقنعة على وجوهكم حماية لهويتكم من اجهزة الامن، اذا استطاع خمسة اشخاص الدخول الى مدرسة ثانوية اثناء جميع الطلاب في فصولهم هؤلاء الخمسة يمكنهم اخراج فصل واحد، وتنظيم هذا الفصل الواحد لاخراج بقية المدرسة، وقيادة تلك المدرسة لاخراج مدارس اخرى، غالبا ما تفشل المحاولات الاولى لكن بالاستفادة من الاخطاء يكون النجاح المبين. اصرفوا اهتمامهم الى اماكن غير تلك التي تنون الخروج فيها، مثلا ان قررتم الخروج من جامعة امدرمان بثوا انباء عن نيتكم في الخروج من جامعة السودان، وهكذا دواليك،
اخيرا اتمنى من كل قلبي ان يحفظكم الله ويشد من اذركم وينصركم على القوم الظالمين باقل خسائر ممكنة.
عاطف فارس
| |
|
|
|
|
|
|
| |
عاطف فارس
فيس بوك
تويتر
انستقرام
يوتيوب
بنتيريست