بتبقى غلطت العمر للعريس لو شغلها لى ونحنا فى الزفه لحظتها واطاته اصبحت معاى لانى لمن سمعتها وانا سايقه قربت انكز بالعربيه زاطووووووووووووووووووووووووووووو اخخخخخخخخ انا غايتو مافى شى جيبنى ورا الا الاغانى دى بتخلى الزول طاااااااااااااااااااااااااااير فوووووووووووووق لمن راسه تدق فى السحاب حسى عليكم الله مافى زول فى حياتكم لمن تسمعوا الاغنيه بيجى فى بالكم وبتحس انها اتكتب عشانه ونفسك تهديها له طول ما انت فى حياتى مافى ىشى بيوجعنىىىىىىىىىىىىىىىىىىىىىى ولا قوة بتمنعنى خلى الكل يسمعنى العالم بيغتنى بالمال وانا فيكى بغتنى
ايمن منو ديل العقدوا سجمى برغم انا نصحتهم ان السبيل الوحيد لزواجى يعقدوا ويبلغونى بعد ما يتم غير كده الماذون ما حنشوف عمته بالغلط :)))))) اتصرف واسمع الاغنيه باى طريقه لان ياها دى المعمعه حقت البوست وبدونها بتبقى الحكايه ما مفهومه
عليك الله يا محمد ما رهيييييييييييييييييييييييبه انا خليت الشغل وماسكه فيها الكرسى مسكين قرب يبرك حسى من النكيز لو عندك كرسى بيطوطح فك التأمين وشغل الاغنيه على اعلى صووووووووووووووت وجرب الاحساس :)))
رانية ازيك انت زمن نحن كنا صغااااار مالك ما كنت بتجيبى لينا حاجات زى دى؟ مخليانا لى ناس ود شيقوق و ود الباوقة شابكننا المدفع الرزام واسد الخشش الضرية ودخلوها وصقيرا حام وفى احسن الاحوال الحسن صاقعة النجم البحمى الشهادة والنضم شوفو الاحساس البحمى النضم جد جد ... الله يديك العافية و العريس اليبقاليك مهند وتيقى ليه نور بركة من جعل محمد نبى،،،
ما قادره اتوقف عن الاستماع ليها وهل فعلا فى راجل ممكن يقول الحروف دى لمراه فى حياته ويكون حاسى كل حرف فيها وقاصد كل معنى فيها .... ولا قوة بتمنعنى خلى الكل يسمعنى .,.,. فين الراجل الحسى بقى بيتمسك بمشاعره وبيحارب باحترام كرمانها وبيتمسك بيها وبيصر عليها بأدب الحكايه ما حرب وماشى يعرس من ورا اهله وعند فى البشريه لكن البشر والناس الحوالينا بقوا اكتر ناس بتشتت لينا دواخلنا بارائهم الغلط والفيها مصلحتهم ما مصلحتنا ليه الراجل ما قادر يحارب من اجل ذاته وحبه وزوجته البيتمناها ما اقسى الرجل لمن يجى يقول لحبيبته امى ما موافقه ولا اهلى ما راضيين ولاسباب بيزنطيه ماليها معنى غير مصلحتهم فقط بتذكر حكوا لى قصة وحده حبيت ليها زول ومشيت اختارت عفش بيتها معاه حته حته انتظرته زمن واستهلكت مشاعرها عشان فى الاخر يفاجئها ان امه ما موافقه ويمشى يعرس غيرها فى العفش الاختارته معاه عادى انتو يا الرجال ( المن النوعيه دى ) بسهوله بتقولوها لكن الحيوانه الواقفه قدامكم تولع بجاز ممممممممممممممممممممش الاخلصت ليكم وتنازلت كرمان ترضيكم حريقه فيها ممممممممممممممممممممممممش غايتو عيشوا حياتكم سمح لكن صدقونى حقها ما حيضيع حتشربوااااااااااااااااااااااا مر لمن تستفرغوا عديل ما تفتكروا انا بتكلم عن نفسى انا اى ادقيت لكن فى الادق بطريقه ابشع منى وساكتين ولو كنت مكانهم كان حسى بكون فى السجن لانى ما حسكت زيهم كنت اقلها بكسر له ضلعه تذكار
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة