|
|
 معايرة الأزواج أو ( الوجه الآخر للكره) ..؟
|
أو لنقل لبدايته ..
عبارات مثل :
أنت من غيري لا تسوى ..!
انا من انتشلتك( من فقر ، من واقع ، من حفرة ، من ايا كان ) ..وبقيتك ..زول/ زولة ..
الشفت عندي ..عمرك ما كان تحلمي بيهو..
أنا السويتك ..!
العملتو ليك أنا ..لو قعدت / قعدتِ مليون سنة زول بيعملوا ليك مافي ..
أنت مفروض تعمل لي تمثال ..!
وقد تصل لي مفروض تصلي علي "أي والله "  ، وأنا ناقل كفر فقط ..
إنت مفروض تشكرني وتبوس يدك وش وضهر إنك عايش/ة معاي ..، أني فكرت فيك ..، أني اتزوجتك ، أني لسة
عايش معاك ..أنو أهلي رضوا بيك ..، موش كويس ابوي وافق عليك ..الخ
أنت ما بنفع فيك أي حاجة ..أنت آكال ونكار ..أنت وأنتِ وتجريح وتوبيخ ومن وأذى ..الخ
من عبارات صادمة قد تصبح بداية لزلزال ..مهماهطلت أمطار الاعتذارات بعد ذلك ..
ما رايكم في مثل هذه العبارات ..؟ ماهي دلالاتها؟ ، وأبعادها ..؟وهل يمكن اعتبرها كلام عابر ..؟
(النقاش مفتوح من أي زواية تريدون ..)
|
|
  
|
|
|
|
|
|
|
 Re: معايرة الأزواج أو ( الوجه الآخر للكره) ..؟ (Re: داليا حافظ)
|
| Quote: (النقاش مفتوح من أي زواية تريدون ..) |
طبعاً لو أنا ما بديت النقاش منو البجيك
لو ما أنا عليك الله بوستاتك دي فايدتها شنو
أنا برفعها ليك فوق وبزيد المشاهدات والتعليقات
وأنا .... وأنا ..... وأنا .....
---------------------------------------
رايك شنو في الزاوية دي
--------------------------------------------
أنا طبعاً لسة ما إتورطت ورطة زي دي
قصدي لسة عزابي
لكن شريك بالفهم ده لا يكمن أعش معاه
الأنفصال حل وحيد لي حالة زي دي
---------------------------------------
ازيك يا داليا
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: وضاحة)
|
قالت لنا امي والله لو ما ابوكم ده كنا كلنا نشرب ما نروي .. فرد عليها والدي لا والله لوما بركتك انتي ورضا ربنا عليكي ما كان
فضل فينا واحد .. .. وكنا قد خرجنا من حريق استبسل فيه والدي لانقاذنا وخرجت امي بعلبة بها مصوغاتها ومدخراتها الماليه التي
اعادت لنا ما اكلت النار ..
لم اسمع احدهما يعلو بصوته علي الاخر حتي فرق بينهما الموت ..
عمر علي حسن
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: داليا حافظ)
|
لمن يصل احد الزوجين للمرحله دى والنعت بهذه الجمل والعبارات
يبقى بيكون على الزواج السلام
وحصل الشق الابدى
ومهما حصل تراضى مستحيل تتنسى
غايتو بعتقد فى لحظه دى افضل كل زول يمشى فى دربه
لان الجرح دا ما بيداوى نهائيا
ولو استمرت الحياه حيبقى الجرح نازف
غايتو شخصيا اكرم لى ننفصل ولا كل ما اعاين له اتذكر اهانته دى
الزواج احترام قبال حب
وفعلا صدق الحكيم القال حين سئله احد الاباء ازوج ابنتى لمن
فاجابه لمن يتقى الله فإذا احبها اكرمها وإذا كرها لم يظلمها
الجرح النفسى اقسى من الجرح الجسدى
وصعب جدا يتداوى بسهوله
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: رانيه محمد الشيخ)
|
عليكم الله اعفونا او ارخونا من الاجوبة النموذجية دى
عشان البوست دا ما يبقى رتيب ذى بوستات العزاء والتهنة ..
دلوية قاصده نقاش سخن ومفيد ..
والبوست دا ممكن يكون ظريف لو عفيتونا
ــــــــــــــــــــــــــــــ
| Quote: ( الوجه الآخر للكره) ..؟ |
والزاويا دى اهم شى ...
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: رانيه محمد الشيخ)
|
موضوع كبير ويحتاج لنقاش مستفيض وكل حسب تجربته او حسب خبرته او حسب فهمه ومعالجته للامور ولكن يبقى شي واحد وهو اذا وجد الحب بين الطرفين فقد يحدث بينهما خلاف ولكن لن يدوم الخلاف بينهما لان ( ما اظن من عرف الهوى يعرف عداوة مع السلاااااااااااااااام ) ولا رايكم شنو يا جماعة
على كل موضوع مفيد بس احيانا البوح فيه قد يكلفك الكثير لان اتخاذ قرار الانفصال قد توجد اسباب ومعوقات تمنعه منها الاولاد والقرابة واشياء اخرى ...
تحياتي لك صاحبت البوست .
ياسر العيلفون ...
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: رانيه محمد الشيخ)
|
Quote: لا اتفق معاك يا حاتم
الانسان لو فعلا مثقف وواعى ابدا ما حيقيف فى النقطه دى
لان عموما فى متعلمين جاهلين وفى جاهليين متعلمين
فالمقياس التوافق العقلى الما بيقاس بشهادات ولا ماجسترات
ولكن السلوك والفكر والتعامل هو الدليل عليه |
رانية مساك ورد
ولذلك التكافوء بيزيد إحتمالات التوافق وانا بقصد هنا انا لا يكون الفرق شاسع بين الطرفين
ودي حسابات منطقية.
تحياتي
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: Hatim Alhwary)
|
طبعا يا دلوية انا بضاير ليك فى المتداخلين كدا
عشان دايرا اجى اتفسح وما تسمعى كلام سامى
بتاع ما مجرب دا فدا كلام برالمة ساى ...
اسمعى منى لانى ماخده لى دراسة فى الحاجات دى
مافى زول يجى يقول لى الحاجات دى شنو ؟
اسمعوا ساكتين ...
فى حاجة يا دلوية اتعودوا الناس انو يتعاملوا معاها
ككلام شكل ... بقولوا ليك دى ما شكلة !!
يعنى ما يصدقوا يجى الجو بتاع الشكلة
عشان يقولوا اى كلام ...
الخطورة فى القصة دى انو الكلام دا بدخل جووة
ويا قول حبوبة بتتقل البطون ...
الاخطر من دا كلو انو فى الشكلة الجاية لازم تبدا من بعده
قادريين تتخيلوا المعدل البتنحدر بيه العلاقات اذا عرفنا عدد الشكلات فى اليوم ؟؟؟
ــــــــــــــــــــــــ
جاياك يا دلوية عشان اوريك الناس الحرفا بتعمل فى الشكل شنو !
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: دينا خالد)
|
غايته يا دينا خالد الايام دي قايم عليك زار أبلة الناظره... هنضبت ليك الناس كلهم، وجات عادت كلامهم زاتو...
يا داليا... انا عندي نظرية كانت بتزهّج نادر شديد، وهي انه مافي حاجه اسمها كلام زعل... الزول ما بقول كلام ما بقصدوا... ممكن التعبير يخون الواحد، لكن الخيانة ما بتكون في مجال بعيد شديد عن الفي قلب الزول.. عشان كده لحظات الشكل بظهر فيها الجوّه الناس كله... برضه الحركة بتاعت زول يجي يهظّر معاي وبعداك يقول لي ده كلام هظار ساي برضه ما بتخارج معاي... مصعّباها شوية! احتمال... لكن في نفس الوقت اضمن ليكم، كان قلت لزول شي في لحظة زعل او ضحك، بكون قاصداه... حتى لو ندمته عليه بعد حين... او حسيت انو جرح القدّامي...
الكلام في لحظة الزعل بفلت من الزول .. يعني في اساس ليهو... ما كلام ساي.. بعداك ببقى حسب تأثير الكلام ده، وحسب قدرة الطرف التاني على احتماله... الحوار القالته داليا ده كله بعبّر عن انه في طبقتين في العلاقة... في زول حاسي انه كتير على الطرف الآخر... الزي ديل حقيقة ما عارفه يقولوا ليهم شنو... الجبرك شنو اساساً انت عشان تقبل بالاقل... الشي الجبرك ده هو الخلاك متساوي مع زول أقل منّك... يعني مثلاً بت خايفة انه قطر الزواج يفوتها، اتزوجت راجل كبير في السن... من قبيل كرم الاخلاق انها تحفظ ليه (الجميل ده) لأنها شايفاه في لحظتها ديك، جميل.... او اكرم ليها وليهو وللناس كلهم انها ما تدخل علاقة بناءاً على حسابات أخرى...
في موضوع الكلام اثناء الزعل... بحضرني كلام قاله مرّه انور كينج، قال ... ما تقول كلام تضطر انك تعتذر عنّه فيما بعد.... ومرات الاعتذار زاتو ما بجيب تمن!
عبارات بتهرد فشفاشي وبتقود لأوضاع زي القالتها داليا دي...
فلانه دي ما تشوفوا ليها عريس دكتور ولا مهندس من اصحابكم.. ! ... هي ماشه تعمل ليهو interview!
تعال نخطب ليك فلانه... حلاااااته، blah blah blah... اها بعد الحلا دي تروح، والحمل والولادة والزمن يحصلوا، نعمل شنو؟
حد عنده دوا للوز؟
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: Hatim Alhwary)
|
اكيد يا حاتم الحسابات المنطقيه مهمه شديد
الامور دى بتحصل لو اصلا الزواج ما راكب عدله من الاصل
وبقيت عادى جدا الايام دى
لان اسباب الزواج اختلفت جوهريا
العايز يتزوج وحده تريحه وتشيل منو الحمل
والعايزه تتزوج عشان ما تبقى عانس وتشترى راجل بقروشها
طبيعى يبقى فى معايره
وكل قفه بتخر فى راس الشايلها اكيد
يعنى لمن يبقى الزواج مجرد مصلحه المعايره شى ما بنستبعده فى اقل شكله بينهم
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: الصادق ضرار)
|
هو زواج ما فيه معايرة ومشاكل...وشليت حلل
يكون زواج كيف...؟؟؟
اي زول يجي يحكي تجربة مثالية
هنا...بتكون تجربة من الماضي
البعيد...وحالة لا يمكن القياس
عليها زي كلام الريس عمر عن والديه
فذاك زمان...أمان وهذا زمان...الكع كف
ففي زمان الكع كف دا زاتو أنا بتكلم عن
إتنين ضماهم غرام...مش رشحوها ليه أو رسلوها ليه
وهكذا مفاجآت...
فعادي جدا الزوجين يصلو (سوق الحمير) في نقاش
في إختلاف...وضروري كل واحد يعبر عن خلافو
بي طريقتو...ويعاير طالما أصلا هو من البداية
رضي...به كشريك...واكيد كل الصفات البتتقال
في المعايرة كانت موجودة أصلا...إلا نوع
(لبسناك القميص وعلمناك الحديث) فدي زاتا بيكون
للطرف الثاني كروت معايرة ممكن يقولها...
فكونها تكون الوجه الآخر للكره فدا مرده للاختيار
من البداية...ولا علاقة له بالمعايرة الطارئة...فهي ملح
الحياة يا داليا...(تراني مكجن البيت الزي الفصل)
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: الصادق ضرار)
|
هو زواج ما فيه معايرة ومشاكل...وشليت حلل
يكون زواج كيف...؟؟؟
اي زول يجي يحكي تجربة مثالية
هنا...بتكون تجربة من الماضي
البعيد...وحالة لا يمكن القياس
عليها زي كلام الريس عمر عن والديه
فذاك زمان...أمان وهذا زمان...الكع كف
ففي زمان الكع كف دا زاتو أنا بتكلم عن
إتنين ضماهم غرام...مش رشحوها ليه أو رسلوها ليه
وهكذا مفاجآت...
فعادي جدا الزوجين يصلو (سوق الحمير) في نقاش
في إختلاف...وضروري كل واحد يعبر عن خلافو
بي طريقتو...ويعاير طالما أصلا هو من البداية
رضي...به كشريك...واكيد كل الصفات البتتقال
في المعايرة كانت موجودة أصلا...إلا نوع
(لبسناك القميص وعلمناك الحديث) فدي زاتا بيكون
للطرف الثاني كروت معايرة ممكن يقولها...
فكونها تكون الوجه الآخر للكره فدا مرده للاختيار
من البداية...ولا علاقة له بالمعايرة الطارئة...فهي ملح
الحياة يا داليا...(تراني مكجن البيت الزي الفصل)
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: الصادق ضرار)
|
هو زواج ما فيه معايرة ومشاكل...وشليت حلل
يكون زواج كيف...؟؟؟
اي زول يجي يحكي تجربة مثالية
هنا...بتكون تجربة من الماضي
البعيد...وحالة لا يمكن القياس
عليها زي كلام الريس عمر عن والديه
فذاك زمان...أمان وهذا زمان...الكع كف
ففي زمان الكع كف دا زاتو أنا بتكلم عن
إتنين ضماهم غرام...مش رشحوها ليه أو رسلوها ليه
وهكذا مفاجآت...
فعادي جدا الزوجين يصلو (سوق الحمير) في نقاش
في إختلاف...وضروري كل واحد يعبر عن خلافو
بي طريقتو...ويعاير طالما أصلا هو من البداية
رضي...به كشريك...واكيد كل الصفات البتتقال
في المعايرة كانت موجودة أصلا...إلا نوع
(لبسناك القميص وعلمناك الحديث) فدي زاتا بيكون
للطرف الثاني كروت معايرة ممكن يقولها...
فكونها تكون الوجه الآخر للكره فدا مرده للاختيار
من البداية...ولا علاقة له بالمعايرة الطارئة...فهي ملح
الحياة يا داليا...(تراني مكجن البيت الزي الفصل)
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: nazar hussien)
|
سلام يا داليا
وتاني في الحنك بتاع أنا مستحملِك/مستحملاك عشان أولادي ديل بس
هسة دا ما طلاق عديل مع وقف التنفيذ
موش أكرم للأولاد يكونوا منفصلين بدل يعيشوا في جو زي دا
تعرفي لو ما عُرف المجتمع السوداني ونظرتوا السلبية جدا للمطلقين
الشعب السوداني كان حيكون الأعلى في حالات الإنفصال
جنس نقة واستفزازات مبالغة
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: nazar hussien)
|
نزار، متشاكل مع المدام ولا شنو ... تلاته نسخ... فهمناها من اول واحده ! :)....
لاحظ احنا ما بنقول انه مافي مشاكل، والله أحلى من المشاكل مافي... ده ما معناه بنفتشها، هي براها بتجي.... وضرورية واساسية , وملح الحياة وكل شي...
احنا بنقول انه المشاكل تطوّر لتعيير ومطاعنات وتقليل قيمة...
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: أيمن الفاضل)
|
سلام
اولا الاحترام
وتاني لو قالت لي بركه ابوي الوافق عليك
بقول ليها انا امي زاتها ولا كانت عاوزاك
واخواتي حلفوني ما اعرسك
وبنات الحله زعلانات مني لاني خليتهم ليك يا الما بتستاهليني
المافي شنو لكن
وبكره بنرجع زي المافي شيء
المره شنو غير غويشه دهب بتجيب راسها في محلو
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: أيمن الفاضل)
|
Quote: ووووووووووووووو الود البرلوم دا زعل !
ديل برالمة سنو الماحللووووين ديل !
عارف يا ايمن
اول ما دخلت البوست دا عجبتنى شديد مداخلتك
كانت الاحلى ومختلفة وضحكتاااا ساى بس عجبتنى ..
وعلى فكره هى الدفعتنى للتعليق فى البوست ..
وكنت عايزه استثناها اقول بخلاف مداخلة .....
لكن اتزكرت الكلام دا بعد ما مششت مذاخلتى
فكتمت الاعجاب فى سرى ... واتاريك انت بس شلت التعليق ليك؟
حولاااااااااااااااا
والله دا ما اعتذار ولا تبرير لكن دى الحقيقة حبيت انك تراها ... بس.
ولو شفتك فى بوستاتى بكسسر كرعينك سامع ! (هنا لازم وش ضاحك وكدا ؟)
ـــــــــــــــــــــــــ
يعنى تانى الزول يعمل ملحق لى مداخلتو ؟
يااااااااااااا بكرى ما عذبتنا ... |
بقيتي تصرجيها
الله يستر
كان كدي نحن نلخ ساي
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: داليا حافظ)
|
داليا يا حافظ
كيفنك يا جميلة ...
موضوعك جميل ... لكن عمرك ما حتصلي لنتيجة
ببساطة كل واحد أو واحده حيغلب علي اجوبته حلاوة او مرارة تجربته الشخصية
المعرس / معرسه و زهجانين حيجو يفكوها هنا ...
و المامعرسين و بيحلموا بالعرس انو حاجه كويسه او كعبه برضو حيفكوها هنا
و المهنضبه راجلها و المكchin مرتو ... برضو حيفكوها هنا ...
اها حليها عاد ...
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: يحي قباني)
|
صباح الخير يا جماعة ..وشكرا كتير لتفاعلكم مع الفكرة ..
خلونا نرد في البوست ده بطريقة غير تقليدية ونحاول نلخص اراء الناس ..ونناقشها ..
نبدأ بأيمن صحبي ..اللقط الفكرة رغم تواضع تجربته ..
قيقراوي ناس يا أبيض يا أسود ..وضاحة ورانية ..ود. نجأة تقريبا في قائمة قيقراوي يا الاحترام يا السلام ..
عمو عمر علي حسن أدانا نافذة جميلة لعلاقة مثالية ..ما بننفي وجودها الآن لكنها بقت نادرة..
ياسر السر تقريبا في قائمة قيقراوي لكن بتحفظ ..إعتبارات الأولاد الخ ..
دينا ومريم تقريبا بتكلموا من زاوية واحدة دينا شايفة انو الكلام الزي ده لما يتقال بتشال في النفوس وبتظهر كلو مرة في الشكلات المتعاقبة ..ومريم بتقول أنو البتقال ده أصلا قاااعد جوة يعني الزاوية معكوسة لكن النتيجة واحدة ..
النتيجة لحدي هنا حسب قرايتي ..
*في فريق الأمور عندهم لا تقبل الرمادي ..
* وفي ناس تانين بيميلوا في علاقاتهم للتحليل ..يعني فلان ده قال كدة لي ..أكيد في حاجة ..ده ماسي ..وبدوا فرص تانية وتالتة ..وإمكن إلى ما لانهاية ..
* وفي ناس ماقبلانين القصة لكنهم مضطرين يقدموا تنازلات ..
* وفي ناس بدونا أمل ..
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: داليا حافظ)
|
2
في ناس نظرياتهم جديرة بالوقوف عندها ..وميؤس تماما من حالتهم هم الصادق ضرار ونزار حسين الماشايفين أصلا مشكلة في الموضوع والباكد على رأيهم عباس بنظرية الكمدة بالرمدة .وبتفوق عليهم بالمصالحة بالدهب ..
حاتم هواري والصادق آدم شايفين الفكرة بتتلخص في إنعدام التكافوء ..أو التوقعات المافي محلها ..
وليد التلب كان عندو راي براهو ..وفهمت منو أنو لو في ريدة الكلام ده ما بحصل ..
وده بشبه فكرة الوجه الآخر للكره بتاعتي ..
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: داليا حافظ)
|
بناء على ما تقدم وعشان ما نكرر نفسنا خلونا نطرح محاور تانية للنقاش ..
الطرح كان من زاوية واحدة وليس المشاكل بشكل عام ..هي زاوية المعايرة ..ومع ذلك ..
*ليه الناس بتفتكر أنو المشاكل شيء طبيعي في الحياة الزوجية ؟
*وشنو الفرق بين الاختلاف والشكل ؟..
* والمردود النفسي للشكل والخلاف هل هو نفسه ؟
* ما بتفتكروا انو المشاكل الكتيرة بتقلل "المودة" بين الأزواج التقليديين ناهيك عن تقليل الريدة للأزواج الأتزوجوا عن حب ؟
* الخوف من الأعتراف بالخطأ في طريقة التعامل في الحياة الزوجية ..هل ده راجع لاننا فعلا ماشايفين ده خطأفعلا..ولا لأنو الأعتراف ده بكلفنا الكتير ؟
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: داليا حافظ)
|
Quote: في ناس نظرياتهم جديرة بالوقوف عندها ..وميؤس تماما من
حالتهم هم الصادق ضرار ونزار حسين الماشايفين أصلا مشكلة في
الموضوع والباكد على رأيهم عباس بنظرية الكمدة بالرمدة .
وبتفوق عليهم بالمصالحة بالدهب ..
|
لو عملنا من كل حبة معايرة مشكلة...وشوية كراهية
الكراهية بتتراكم...وبتصبح برنامج..
والبرنامج دا...بيصبح عادة...
وبينزع المودة تدريجيا
الي أن تستقر الكراهية
الموضوع هنا ليس متعلقا بخصمين أو خصومة
لابد لأحدهم أن ينتصر...في معايرته
أو كراهيته...
هم الاتنين مجتمعين حاجة واحدة...ولابد أن يكونوا كذلك
وينظروا في مناقراتهم الفردية الي تلك الحاجة الواحدة.
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: عبد الله فقير)
|
| Quote: جمال القوز متحامل شديد على المرأة وشايفها هي الطرف البقوم بالمعايرة فقط وبكدة بكون بمثل فريق بحالو .. |
يا داليا يا أختي ..
الراجل البعاير مرته ده وحاتكـ ماراجل ..
والسبب ببساطه .. مافي شئ بيجبره على ذلكـ ..
إمساكـ بمعروف أو تسريح باحسان ..
لكن المرأة وضعها مختلف ..
وبحسب الوضع تختلف الأدوات المستخدمه ..
الزوجة كان بدأت باستخدام المعايره ومررها الزوج ..
خلاص .. حيكون ملطشه ..
وحتبقى حياته مطينة بي جله .. ( بتعرفي الجله ياداليا ) ... 
أبداً والله ولا متحامل ولا حاجتين ..
لكن اللبيب بالاشاره يفهم ومن الاشاره مايغني عن السؤال ..
وأنا جيت ليكـ بالحتة الفيها الحديدة ..
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: Musab Osman Alhassan)
|
Quote: ليه الناس بتفتكر أنو المشاكل شيء طبيعي في الحياة الزوجية ؟
1. لأن الحياة نفسها بمشاكلها وضغوطها المختلفة داخلة طرف أصيل في هذه العلاقة
2. الإختلاف الطبيعي بين الزوجين...وإنعكاس ذلك علي المزاج والنفسيات
3. سوء الفهم...والشك...والغيرة...
إضافة لأسباب عديدة أخري وهي كلها أسباب طبيعية ومن المفروض أن تكون مفهومة
والبيت لو من الاساس مبني مسلح ومونة حرة...ما بتهدو المشاكل دي
*وشنو الفرق بين الاختلاف والشكل ؟
الاختلاف مرده الي طريقة تفكير كل طرف وتشدده وسوء الفهم وأحيانا الظن...والشكل يبدأ حينما
يخرج كل ما ذكرته من طور الحوار الي الصراخ وفقدان السيطرة علي النفس* والمردود النفسي للشكل والخلاف هل هو نفسه ؟
لا ليس هو نفسه بدليل فقدان السيطرة علي النفس وبوظان الاعصاب حقيقة
وإمكن الزول تجيه رجفة والزوجة تدخل في نوبة بكاء وحرقة وندم
علي اليوم الجرتقوها فيه.* ما بتفتكروا انو المشاكل الكتيرة بتقلل "المودة" بين الأزواج
التقليديين ناهيك عن تقليل الريدة للأزواج الأتزوجوا عن حب ؟
أبدا إذا عرفوا كيف يديرو خلافهم ومشاكلهم داخل بيتهم
فالحياة أصلا لا تخلو من المشاكل...
(تصوري لقيت ناس مشكلتهم بدت بي بريل كريم...وضاقو خراب الله
فالزوجة بتفتكر انه تجاهل طلبها وبالتالي هي لا تعني عنده
شيء...وهو مفتكر الموضوع بسيط...وممكن في اي وقت يجيب
البريل كريم...ولو ما جابو ما في مشكلة...وهي رفضت أن
تدلي بأسباب الخلاف أو هو لم يسألها ...الا عندما تدخل الاجاويد
(ودا هي بتفتكروا مزيدا من التجاهل ) المهم عرفنا الحاصل نحن كأصدقاء
وضحكنا عليهم وهم زاتهم ضحكوا علي بعض...وقبل ذلك...
الراجل كان بجي يسخن ملاحو ويأكل والزوجة راقدة ومتغطية
سلام الله ما بيناتهم...
* الخوف من الأعتراف بالخطأ في طريقة التعامل في الحياة الزوجية
..هل ده راجع لاننا فعلا ماشايفين ده خطأفعلا..ولا لأنو
الأعتراف ده بكلفنا الكتير ؟ |
الخوف من الإعتراف بالخطأ هذا هو قمة الجبن في الحياة
الزوجية واس كل المشاكل البتستفحل بين الأزواج وربما
تؤدي الي حياة بائسة لو استمرت او ابغض الحلال...
فمن يأخذ الحياة الزوجية كصراع مع الطرف الآخر
فقد ضل سواء السبيل...فهي خلقت للمودة والرحمة
والسكينة...وأي خطأ يعترض هذا السبيل يجب الاعتراف
به وتكفيره وعدم العودة له...بل والاستغفار منه
التوقيع: طفيل بن ضهار
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: nazar hussien)
|
سلام داليا :
قصة مشهورة توافق طرح البوست ( ولا يوم الطين)
رأت إعتماد الروميكيه الناس يمشون في الطين فاشتهت المشي في الطين , فأمر المعتمد , فسحقت أشياء من الطيب , وذرت في ساحة القصر حتى عمَّته , ثم نصبت الغرابيل وصُبّض فيها ماء الورد على أخلاط الطيب وعجنت بالأيادي حتى عادت كالطين وخاضتها الرميكية مع جواريها .
وغاضبها المعتمد بن عباد في بعض الأيام , فأقسمت أنها لم تر منه خيراً قط , فقال : ولا يوم الطين ؟ فاستحيت واعتذرت وهو مصداق قول نبينا عليه الصلاة والسلام في حق النساء (( لو أحسنت إلى إحداهن الدهر كله ثم رأت منك شيئاً قالت : ما رأيت منك خيراً قط )) .
وفي أول يوم عيد بسجنه بأغمات أفطر على تمرات وقد دخل عليه بنيه وبناته عليهن أطمار وأقدامهن حافية , فقال المعتمد بن عباد شعرا يوزن بالذهب:
فيما مضى كنت بالأعياد مسرورا ************ فساءك العيد في أغمات مأسورا
ترى بناتك في الأطمار جائعة ************يغزلن للناس ما يملكن قطميرا
برزن نحوك للتسليم خاشعة *************** أبصارهن حسيرات مكاسيرا
يطأن في الطين والأقدام حافية ************* كأنها لم تطأ مسكاً و كافـورا
لا خـد إلا تشكى الجدب ظاهره ******** وليس إلا مع الأنفاس ممطورا
أفطرت في العيد لا عـادت مساءته ******** فكان فطرك للأكباد تفطيرا
قد كان دهرك إن تأمره ممتثلاً *********** فردك الدهر منهيـاً ومأمورا
من بات بعـدك في ملك يُسَرُّ به ********** فإنما بات بالأحـلام مغرورا
-------------------
حال بنات حوا
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: داليا حافظ)
|
غضب رجل من زوجته لانها ترفع صوتها عليه
فذهب الي عمر بن الخطاب رضي الله عنه ليشكوها، و عندما هم بطرق الباب سمع صوت زوجه عمر يعلو صوته فرجع عائداً ففتح عمر الباب و قال له أما جئت لي
قال نعم جئت اشكي صوت زوجتي فوجدت عندك مثل ما عندي فرد عمر
غسلت ثيابي
وبسطت منامي
وربت اولادي
ونظفت بيتي
ولم يأمرها الله بذلك بل تفعله طواعياً فلا اتحملها ان رفعت صوتها.
الحياة الزوجية هي برتكول غير مكتوب اذا اجاد كل طرف اداء دوره تمر الامور بهدوء
| |
|
|
|
|
|
|
|
|
|
Re: معايرة الأزواج أو ( الوجه الآخر للكره) ..؟ (Re: عبد الناصر الخطيب)
|
Quote: ووووووووووووووو الود البرلوم دا زعل !
ديل برالمة سنو الماحللووووين ديل !
عارف يا ايمن
اول ما دخلت البوست دا عجبتنى شديد مداخلتك
كانت الاحلى ومختلفة وضحكتاااا ساى بس عجبتنى ..
وعلى فكره هى الدفعتنى للتعليق فى البوست ..
وكنت عايزه استثناها اقول بخلاف مداخلة .....
لكن اتزكرت الكلام دا بعد ما مششت مذاخلتى
فكتمت الاعجاب فى سرى ... واتاريك انت بس شلت التعليق ليك؟
حولاااااااااااااااا
والله دا ما اعتذار ولا تبرير لكن دى الحقيقة حبيت انك تراها ... بس.
ولو شفتك فى بوستاتى بكسسر كرعينك سامع ! (هنا لازم وش ضاحك وكدا ؟)
ـــــــــــــــــــــــــ
يعنى تانى الزول يعمل ملحق لى مداخلتو ؟
يااااااااااااا بكرى ما عذبتنا ... |
بالله دينا كتبت الكلام ده كلو لي أنا؟
ياخي ده شرف عظيم، داليا تعالي باركي لي
أظنها كانت شوية ما مركزة لانو كتبتهو في بوست مجاوز
اعتذارك مقبول يا دينا
| |
|
|
|
|
|
|
| |
داليا حافظ
قيقراوي
أيمن الفاضل
وليد التلب
وضاحة
Hatim Alhwary
دينا خالد
ياسر السر
مريم بنت الحسين
الصادق آدم
الصادق ضرار
حمد عبد الغفار عمر
Musab Osman Alhassan
abas
جمال ود القوز
يحي قباني
عبد الله فقير
ahmedona
الزبير صالح الزبير
falcon
فيس بوك
تويتر
انستقرام
يوتيوب
بنتيريست