كل يوم أجي أعاين في Nexercise*، ألقاك ما عامله أي شي، ومن كنبه لي كنبه... ويومك الاتلحلحتي وقمتي كده واتريضتي، لقيتك قال إيه walked for 15 minutes!
قومي اتحركي، وين منافستنا بتاعت زمان!! لما يجيني تنبيه نص الليل بتوقيتي انك اتريضتي لمدة ساعة وتزهجيني وتحرديني النومة!
حسب Nexercise، أنا اتريضته بانتظام في الفترة الفاتت، اتريضته 16 يوم في الشهر الفات، غالبا أما جري لمدة نص ساعة، أو عندي الفيديو بتاع جيليان مايكلز، مدته برضه نص ساعة، أو بلاتيز... لكن اكتر شئ بستمتع بيه الجري... بستخدم app اسمه ease into c25k، مفروض خلال تسعة أسابيع اجري خمسة كيلو في نص ساعة... حاليا وصلته الأسبوع الخامس... وقدرتها اجري 2.8 كيلو. في نص ساعة... نقاطي في Nexercise وصلت 3365.. وزي ماعارفة، لو ما اتريضتي يوم نقاطك بتقل...
أنا عندي العرض التالي: أنا لي تلاته أيام عيانة .. وشكلي ما حاتريض تاني خمسة أيام... دي فرصتك تلحقيني، بعدها برجع للجري...
قلتي شنو؟
* iPhone app مجاني، بشجع على الرياضة عن طريق انه يتابع معاك رياضة أصحابك...
02-08-2013, 03:13 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
سلامات يا مريم. ده شكلو تحدي!!!!! طيب قبل أي شيء لازم أقول أني في حالة صعبة. وزني record high ما حصل وصلتا الوزن ده قبل كده. و امس قلتا اطلع بالسلم لقيت روحي في الطابق التاني و حاسة انه ح يجيني heart attack. بالجد heart attack, بكل الأعراض، الم في الصدر، عدم القدرة علي التنفس، دوخة، شعور ذي الحيرقان كده، طمام. و السبب؟؟؟؟ انا ما مارستا أي رياضة بصورة جادة من اكتر من سنتين. ذي ما قلتي، من كنبة لكنبة باليل. و بالنهار قاعدة في مكتبي اكتر من 9 ساعات متواصلة. انا ما في حفرة، انا في بئر عميق. بير ارتوازي. و انا بقرا في البوست اول حاجه جات علي بالي أني أبدا الم في قروش الغرامة. Yup, that bad
لكن ذي ما انتي عارفه أختك تحب التحديات و المنافسة. اتفقنا يا مريم نهاية شهر مارس ح اجري 5 كيلو في نص ساعة. الكلام ده معناه أني اجري نصف ساعة متواصلة بسرعة 10 كيلو في الساعة. لناس أمريكا، مفروض اجري نصف ساعة متواصلة بسرعة 6.2 ميل في الساعة. و دي بالمناسبة سرعة كويسة جدا. متوسط سرعات النساء في ماراثون لندن هو 8.44 كيلو في الساعة.
02-08-2013, 08:01 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
طيب...عشان اعرف البى و العلى اليوم ح امشي الجم بس عشان اعرف الوضع كيف. اشوف بقدر اجرى قدر شنو. يوميا ما ح اجى اكتب بس عملتا شنو ...ح اصور شاشة للتريد ميل و اخت صورتها فى البوست.
الدعوة فى البوست ده عامة. اللوزرس بتاعين زمان. ناس العوض و غباشي و ابتهال الكديسة و نجاة النشيطة. حسُن الذكر اخونا زمان النصري. امير. و الناس الى كانت بتجى تاوق. و اخونا الهارب الكبير ود الصايم. و اى زول عاوز يعيش حياته بصورة كويسة.
02-08-2013, 08:13 PM
سارة علي سارة علي
تاريخ التسجيل: 07-08-2008
مجموع المشاركات: 4413
أنا مشيت الشهر الفات لمحل شهير واسع الانتشار للرياضة دفعت مبلغ وقدره لـ Personal trainer زايد الاشتراك شهري ومامشيت ولا يوم وهسة دخل الشهر الجديد ياهو فينا وماعملت ولا حاجة غير بديت أظبط الاكل بتاعي وهسة حا امشي زي البت الفالحة كدا ادفع إشتراك الشهر دا وبالمناسبة السبعين باوند المفروض انزلها النبشركم ...زادن تلاتة تاني
02-08-2013, 10:21 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
سلامات يا سارة. وينك يا فردة? الصيف و الشتاء لى وااحد. زمان كنتا بجرى فى الشارع لحدى ما يوم سكانى ######. منها و احترمتا روحى طلعتا الاشترلك بتاع الجم و بقيت امشي بعربيتى. مع انه على بعد 5 دقايق بالارجل.
القلب النابض و ينك يا بتنا??? الف الف مبروك الدكتوراة. بالتوفيق دايما كدى النسالك....ناوية تواصلي فى الاكاديميا و ام ح تدخلى السوق.?? انا ما ح استناك ...الموضوع فيه 100 دولار. حصلى انتى
راوية...كيف الكلام ده??? خلاص يا زولة. عليك الله امشي اليوم. بس شوفي الحاصل شنو. اليوم يا راوية. ما بكرة.
غايتو يا قلب و يا راوية انا ما بستناكم...مريم دى فايتانى بكتير. لازم احصل ان شاء الله
نادر عارفني روحي محرقاني عشان ما قادره اتريّض بسبب المرض... قال لي: انت فتحتي البوت عشان مغيوظة انك موقفة الرياضة... ...
امس بالليل انتكسته، بعد ما حسيت اني بقيت كويسه، تاني امس حلقي قفل ورجعنا للغة الإشارة... غايته الليله ماشه الدكتور اشوف آخرة القصة شنو....
سمارت إنتي... اتحرّكي... الموضوع د ما في منه فكاك... والواحد حقو يقتنع انه الرياضة والاكل الصحي هم الحالة العادية، والاستثناء هو الجغمسة!
ساره علي... من حسي بتشجعي سمارت...؟؟ بناءا عليه، هاك الفيديو ده from my idol
د.القلب (وتُقرأ، دكتورة القلب)... ياخ انا قبل يومين في ظل الغتسان العايشه فيه قريت ليك كلام في بوست ما عن معزّتي عندك، وبعداك راح منّي... والله القلوب شواهد يا حبيبة... وانا برضه بكن ليك تقدير واحترام ومحبة شديدة... وفخورة بالصداقة دي شديد...
يلا خليك معانا في برنامج الرياضة ده... بعد ده فضيتي إلى حد كبير... انا زي ما قلت لسمارت، بستخدم الجري كطريقة تقلل الضغط النفسي بتاع كتابة الthesis..
رايوة!!! انت يختي قروشك محرّقاك ولا شنو... رسليهم لي طوالي لو ما عايزاهم... تعرفي، فترة كده كنت بستخدم الصرف المادي كمخدّر يأجل لي موضوع الرياضة ده.. يعني كنت بشتري الآلات بتاعت الرياضة واختها في البيت.. وقبل ما اشتري الآلة اكون متحمسة واني دي خلاص هي الحتكون سبب النجاح، بعد ما اجيبها اعلّق فيها الهدوم... لكن في النهاية نهرته روحي واستعدلته...
أووووه، خالد من منازلهم... ألف مرحب بيك في البورد بداية.. واهلا بيك full time loser... ايوه عليك الله واصل... انت شاب صغير ما زينا انا وخالتك سمارت دي (سمارت حتقول لي جايبه سيرتي مالك!)... شد حيلك وارجع للبرنامج عليك الله....
حسب الapp، شايفاك شاده حيلك... فارق النقاط ماشي ينقص.. أها، دايره القروش ولا ما دايراها!
النصري... ما تتاوق..
02-11-2013, 10:41 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
خالد عبد الوهاب...اذيك? متذكرنك يا اخى. مش انت لللى قاعد فى المكيف اليوم كلو و ما بتشرب موية??? (احتمال ترجع تانى)??? ليه احتمال??? ارجع طوالى يا اخى
مريوم.....مشيت الجم.. ما قدرتا اجرى اكتر من نص ميل. ودى ذاتها كان ما اغنية Eminem كانت رابة شديد ما كنتا قدرتا تميته. غايتو تميت الباقى مشي. و مشيت حوللى 2.5 ميل. ما بطال. كده انا عرفتا ان حالتى صعبة (رسميا). اليوم ح ابدا البرنامج بالجد. و نشوف بيحصل شنو. نسيت اقول ليك انى عندى شهرين رمضان ما صمتهم لظروف صحية. اليوم بديت اقضي. ح اجرهم طوالى. احتمال افطر الويك اند. البرنامج انى ارجع من الشغل اعمل العشاء (او الغدا) ياكلو الاولاد و ابوهم.احلل صيامى. نعمل الواجب و كده. ينوموا. الم المطبخ. الساعة 9 او 9 و نص بالكتير اتوكل امشى الجم. بكرة بوريك حصل شنو فى اول يوم. بالصور
والله ماشاء الله بالاضافة الى العزيمة في الرياضة كمان ذاكرتكم قوية هههههههه
المرة الفاتت كان حصل معاي التالي كان التارقت بتاعي حوالي سبعة كيلو التزمت بي البرنامج الوصفتوهو لي وبقيت اشرب موية حوالي تلاتة لترات في اليوم بقيت آكل تلاتة وجبات في اليوم ( كنت باكل وجبة واحدة بس ومرات ولا وجبة ذاتو ) التزمت بي برنامج رياضة يعتمد على حرق اكبر كمية من السعرات الحرارية
النتيجة اني نقصت عشرة كيلو خلال 45 يوم !! ومشيت الاجازة في السودان نحيف وظريف والناس كلها علّقت لي وانا مبسوط جدا كنت متوقع اني ازيد في الاجازة لكن مازدت اي حاجة لكن بعد رجعت من الاجازة .. رجعت لي برنامجي الغير صحي الزمااان داك وحاليا باكل مرة مرة كده وبشرب تقريبا نصف لتر من الموية .. ومابتريض نهائي
اظنني رجّعت كيلوهاتي العشرة ذااااتهم ده اذا ما كنت استلفت عليهم حبة كمان ههههههههه
المطمئن في الموضوع اني اكتشفت انو من السهولة انقص وزني متى ما رغبت وبرضو البرنامج الغذائي والرياضي ماكان متعب بالنسبة لي ابدا بالعكس كمان من المدهش جدا انو لو اكلت تلاتة وجبات انقص وزن ولو اكلت وجبة واحدة ازيد !!
رسلت ايميل للنصري قبل كم يوم وردّ لي قال انو كويس بس مشغول حبتين نتمنى انو نشوفو هنا قريبا
تحياتي وامنياتي لكما بالصحة والعافية
02-12-2013, 08:01 AM
الزبير بشير الزبير بشير
تاريخ التسجيل: 08-11-2009
مجموع المشاركات: 1770
Amani Hamza... من الحاجات الكانت حلوه في الbiggest loser انه الناس كلها مركزه في هدف واحد... وبناءاً عليه الكلام كله مرتّب باتجاهه... اتمنى انك تكوني معانا يا اماني... الحاجات دي ما بتنفع من غير ناس يسألوك ويتابعوا معاك...
02-12-2013, 12:50 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
Quote: المطمئن في الموضوع اني اكتشفت انو من السهولة انقص وزني متى ما رغبت وبرضو البرنامج الغذائي والرياضي ماكان متعب بالنسبة لي ابدا بالعكس كمان من المدهش جدا انو لو اكلت تلاتة وجبات انقص وزن ولو اكلت وجبة واحدة ازيد !!
بس الكلام ده خطير يا خالد، ما تركلس لانك ممكن في اي وقت تنقص... انقص وحافظ على النقصان عشان صحّتك ... الاسلوب الماشي بيه ده ابدا ما صحي.. مويه كتيره ووجبات كتيرة... دي مشكلتك الاساسية....
02-12-2013, 12:48 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
المهم اقول ليكم بمجرد ما انتهيت مشيت الجم قرررررريب مني لكن مشيت برنامح
سباحة لذيدة ساعة ونص كل اسبوع ,,
ساعة واحدة ومرات ساعتين في الاسبوع زمبا ... ودي رياضة ممتعة جداً
وساعة واحدا أكوا ..وهي رياضة في الماء ...أكتر حاجة بحبها رياضة الموية .. وغالب الناس البتريض معاهم بيكون عندهم مشاكل خاصة والدكاترة بيطلبوا منهم يتريضو هذا النوع من الرياضة
طيلة الشهر الفات ما دخلت على ماكينات الحري والمسي لاني ما جيت الاندكشن ...
واحلى حاااجة الاسبوع القبل الفات لاول مرة أسبح على الضهر وكانت بالنسبة لي انجاز كبيييير وفرحت جداً جداً لاني كل ما احاول بخاف ...
ودا كلووووو..التعب الشديد دا بسبب الجلوس الطويل اثناء الرايتنق أب بيخلي اللياقة تعبانة جداً والمشي لمسافت قصيرة يقوم النفس وطلوع السلم زي ما قالت اسمارت انا حمة نفس ...
لكن انصح اي زول من ناس الدراسات العليا دي ما يوقف الرياضة مهما كان مشغووووول لانها بترفع المعنويات ...وتزيد من الناتج اليومي للادء ... شكرا يا مريم على التشجيع تحياتي لكم حميعاً
اها يا اسمارت .بالنسبة لي سؤالك.. ناوية اواصل في البحث والتدريس في الجامعة ....
02-21-2013, 06:36 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
ما شاء الله يا القلب النابض، روعة برنامجك... يا ريت لو عندي طريقة امشي Zumba class، رغم انهم فتحوا كم واحد هنا في السعودية!! اتصوري!... بس برنامج الكتابة والاولاد والشغل ما حأقدر نهائي ادخل في قصة زي دي.. حاليا بكتفي بالجري...
أمس جريت نص ساعة، والليلة كمان نص ساعة.... الليلة عملنا برنامج لزيز، صحينا بدري مشينا بي كرعينا مشواااار انا والاولاد وابوهم... وبعداك دخلنا ماكدولندز (لووووول) وفطرنا... اخدنا بيض وEnglish muffin وقهوة، لحدي الان كويسين، المشكلة بقت في الhash drown هههههههههه... لكن مشوار الرجعة اتكفل بي المهمة، وجينا مبسوطين خالص.. لكن برضه حسيت اني محتاجه أجري... قمت جريت في ال treadmill...
سمارت صاحبتك شايفاها بقت بتنظّر في السياسة.... اها، عملتي لينا شنو في الرياضة يا فرده!
03-27-2013, 11:11 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مريم بنت الحسين
smart_ana2001
سارة علي
القلب النابض
Rawia
الزبير بشير
فيس بوك
تويتر
انستقرام
يوتيوب
بنتيريست