|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: صديق_ضرار)
|
Quote: يحى قبانى شنو بوستيك سكر والبوست الفوق من بوستيك بوست سكر ما توعونا عشان نفوق
أقصد بوست محمد عوض السيد الفوق بوستيك طوالى ؛ كدى عاين ليه ؛ سكرتونا / أقصد حيرتونا معاكم |
صديق ضرار ... سلامات ياخي
مولانا محمد عوض السيد بيوثق في كلام بديع ...
انا هنا موضوعي براهو ...
وأقول ليك كلام ... والله أخير زمن الانادي الكتب عنها الطيب محمد الطيب ( زمان ) ...
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: يحي قباني)
|
Quote: ح تضحك علي يا مستر قباني، لكن كده خلينا من اللي بيسكروا و يجوا يكتبوا هنا و كل الكلام ده. انت اللي بقعدك مع ناس بتشرب شنو؟ ما قصدي هنا، زمان، الناس اللي كنت بتوصلهم بيوتهم ديل.
|
اها انا كنت بسكر معاهم ...
انتي الجابك بوستات السكر شنو ؟ _________________________
أخبار الايفونات و الايبادات و الايبودات شنو ؟
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: ABUHUSSEIN)
|
Quote: اها انا كنت بسكر معاهم ...
انتي الجابك بوستات السكر شنو ؟ |
Wow يا مستر قباني، انا في البورد ده لي عشرة سنوات. سنة تنطح سنة. دخلتا أي بوست عاوزه ادخلوا. كم dude حاولوا يتماسخوا علي و ناس فاتوا مراحل المساخة. ما تكون نسيت أني خريجة كفتريا هندسة، زمن كان البنات في الدفعة بيكونوا في عدد بنات الكتشينة. المختصر المفيد ، تعليق ذي ده ( او من أي نوع ) ما بيطلعني من بوست.
طيب و كنت كنت بتشرب انت ذاتك سالي لسانك في الناس ليه يا مستر قباني؟
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: smart_ana2001)
|
Quote: Wow يا مستر قباني، انا في البورد ده لي عشرة سنوات. سنة تنطح سنة. دخلتا أي بوست عاوزه ادخلوا. كم dude حاولوا يتماسخوا علي و ناس فاتوا مراحل المساخة. ما تكون نسيت أني خريجة كفتريا هندسة، زمن كان البنات في الدفعة بيكونوا في عدد بنات الكتشينة. المختصر المفيد ، تعليق ذي ده ( او من أي نوع ) ما بيطلعني من بوست.
طيب و كنت كنت بتشرب انت ذاتك سالي لسانك في الناس ليه يا مستر قباني؟ |
ما قاعد اشاكل البنات معليش ... اعفي لي ...
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: محمد علي عثمان)
|
Quote: ما قاعد اشاكل البنات معليش ... اعفي لي ... |
مشاكل شنو يا مستر قباني؟. الله لا جاب مشاكل. شكلك بالجد عاوز تطردني من البوست، انا قايلاك بتهظر. علي العموم عشان ما اطلع ساي كده من البوست نعمل عمل خير: ندية فتوة تنفعك في اخرتك يحرم مجالسة شرّاب الخمر وهم يشربونها، أو الأكل على مائدة يشرب عليها شيءٌ من المسكرات خمراً كان أو غيره، لقول النّبيّ صلى الله عليه وسلم: «من كان يؤمن باللّه واليوم الآخر فلا يقعد على مائدةٍ يشرب عليها الخمر».
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: smart_ana2001)
|
Quote: مشاكل شنو يا مستر قباني؟. الله لا جاب مشاكل. شكلك بالجد عاوز تطردني من البوست، انا قايلاك بتهظر |
سمارت يا سمارت ... دى جلّت منك معليش ...
وحياة الفيس بوك ما داير اطردك ...
ياخ عندنا كم سمارت انحنا ...
Quote: علي العموم عشان ما اطلع ساي كده من البوست نعمل عمل خير: ندية فتوة تنفعك في اخرتك يحرم مجالسة شرّاب الخمر وهم يشربونها، أو الأكل على مائدة يشرب عليها شيءٌ من المسكرات خمراً كان أو غيره، لقول النّبيّ صلى الله عليه وسلم: «من كان يؤمن باللّه واليوم الآخر فلا يقعد على مائدةٍ يشرب عليها الخمر». |
سؤال خارج النص ...
خصوصا حتة مجالسة شراب الخمر ...
حاجتين الاولي سؤال ... هل ما حصل كان عندك اجتماع او كوكتيل مع شغلك و كانو بيشربو ؟؟؟
ما انجزتو شي وعملتو Drink Toast ...
انا شغال هنا لي 20 سنة ... وكان قلتي لي لأ ...الا تكوني عايشه في كاليفورنيا فرع المدينة المنورة ...
الحاجة التانية ... انتي عارفه تراثنا الغنائي البديييييع ده كله انصاغ حول المدامة دي ؟؟؟
بعدين ... انا قعدت مع ناس بتشرب قبل 30 سنة ... يعني انتي حكمتي علي طوالي اني بقعد لي حسي ؟؟ و كمان بديتي ( توعظيني ) ..!!
مش امكن ربنا هداني ؟؟؟ ___________________________
بالمناسبة كنتي في كافتيريا الهندسة سنة كم ؟؟؟
انحنا زمنا كانت الكافتيريا مكان نقاش سياسي و ثقافي ...
الكلام ده من سنة 1978 ... لغاية 1983
قلبوها ديسكو بعد ما مرقنا ولا شنو ؟
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: يحي قباني)
|
قبانى ازيك مادام جبت سيرة السكر والسكرانين اسمع دى واحد بلدياتنا من النوع البنتظرة متين تمغرب عشان يمشى يكشح ليهو كاسين ويجى والشهادة لله مافى زول يوم شافى لابطوطح ولا بغلط ولا بعمل اى حاجة بس الناس كانو بعرفو سكران بى اغنية ماعارف جايبة من وين اللورى دردق بى سواقو عبد الحى ويقعد يكرر فى المقطع دة لامن ينوم لا وايه تحس بيهو مندمج اخر اندماج اها القصة يوم من الايام واحدة من البنات الجايات ضيفات على الحلة لى مناسبة او ماشابه صرخت ولمت الناس سالوها مالك يابت الناس قالت فى واحد جانى طالع من شارع ورانى وحاول يمسكنى اها ولامن سالوها هو منو وصفت زولنا بتاع السكرة الجماعة قالو اصلو ماحيخلو مشو دقو الباب نادو تعال عايزنك جاهم طالع قامو الجماعة قبقبو يازول تعمل كدة لى شنو سالم عملت شنو حكو ليهو الحكاية قال ليهم يخوانا انتو بتعرفونى ليكم كم سنة ... حصل يوم شفتونى غلطت على زول ... عملت مشكلة مع زول ... يخوانا والله اى قلة ادب فى حياتى مافى الا اذا اعتبرتو سكر الله والرسول دة قلة ادب
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: وضاحة)
|
Quote: وضاحة غايتوا يا عبد الله ضحكتنى لما شرقتى
مرة جابوا لينا سودانى فى المستشفى تعبان تعب شديد عندوا مشاكل فى الكبد من الشراب
قمت انا زعلت منو هو شاب كده فى بداية الاربعين
كنت مغيوظة منو قمت قلت ليه
ياخى ليه ياخى تعمل فى نفسك كده
ليه انت بتشرب لحدى ما توصل المرحلة دى
قال لى والله مشكلتى الوحدية شخصيتى ضعيفة قدام زوجتى
لما اشرب ببقى الاسد النتر صحى المرافعين هوب
قمت قلت ليه طيب بدون سكر
قال لى بكون زى المعزة الرايح ليها الطريق |
لايك كبير ياوضاحة
بالجمبة قعدنا فى مستشفى حمد دى 4 شهور ماشفناك والله صحى
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: يحي قباني)
|
Quote: ياباشمهندس ياخى دا بوست حار خلاس تلقى من يهمه الخمر يتاوق وعامل زى الفرنش فرايز فى الزيت الحار وماقادر يطلع لبره عشان عارف الناس حايرشوا بى ملح ويقرقشوه
قال احسن يتحمل الزيت الحار لحدى ما البوست دا يتقرطس.
|
البوست باتو الحار ده ؟
ناس واضحة لبسونا العمة ... يا قولة حبيب نوره ....
بعدين عبد الله بن عمر طلع شفت كيف
قاليها مرافق أربعه شهور ( و عشره يوم )
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: يحي قباني)
|
سلام يا باشمهندس ...أخونا أبو نورة ..زول بخيل لما يكيّفك ...كان ساكن براهو في شقة ...صاحبنا بابكر زاروا في نهارية الجو مولّع نار ...قال فتحت التلاجة لقيت نص قزازة ميرندا ...اوّل ما رفعتها على خشمي سمعت ليك ابو نورة بيكورك ...لأ لأ لأ ...أتخلعت ..الجغمة ال وصلت الحلق دشرتها ب نِخري ...مالك يا ابو نورة ؟؟ قال لي ( دي خاتيها يا بابكر لي بالليل ب اكسر بيها العرقي )...تحياتي يا جميل
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: خالد كيبا)
|
مجاهد نايل قال :
Quote: غايتو بتاع الإنجليزي دا ما حضرناو ....لقينا التعريب دا غتس حجرنا .... يعني ما كنتو بتقولو : أذكررررررررري ...... أيام صفانا اي بس عيب الكيبورد دا الواحد ما بقدر ينكرو تاني يوم ...
|
و عبدالله فقير قال :
Quote: قبانى ازيك مادام جبت سيرة السكر والسكرانين اسمع دى
|
و محمد محمود محمد قال :
Quote: ( دي خاتيها يا بابكر لي بالليل ب اكسر بيها العرقي )...تحياتي يا جميل |
عليكم الله الحسي جاب سيرة السكر منو .؟؟؟
براكم محيلين ...
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: يحي قباني)
|
Quote: وأصل يا أستاذ قباني السرد جميل والمقارنة اجمل |
خالد كيبا ...
ازيك ياخي ...
الشراب زمان كان ثقافة و اسلوب حياه في السودان ...
ناس محترمة و ظلت محترمة ... كانت بتشرب بهدوء و كانت بتصنع قرارات تاريخية ...
زمن كان الشراب متاح و اختياري ...
زمن كنت ما بتشرب و تجمعك الجلسات مع اصدقاءك فيهم البيشرب و الما بيقرب عليها ...
ياما شفنا ناس ( محترمين جدا ) ... وايه رايك كمان مصليين ما بيفوتو فرض ...
و بعد العشا بيشرب كاسينو ديل و انتهينا ....
المشكله ناس شربو جديد ديل ...
الواحد يكون مخلوع انو مشي الليكر ستور و اشتري قزازة ...
يجيبها و يقعد براهو زي الشيطان ... وبعد تطلع ليهو في راسو ...
ينزل عليهو الوحي ... و يجي علي الكيبورد المسيكين ...
شى نضال ... و شي غنا ... و شي مغالطة ...
تطور ( مُذهل ) ...
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: د.نجاة محمود)
|
Quote: سلامات زمان اول ما المنابر بدأت ايام كلام الليل "بنمحوه "بالنهار كان شعاري لا تقربوا الكيبورد وانتم سكارى لانه بكرة تلقى البوست كلو معدل بواسطة فاتحه ومرات بواسطة بكري ذات نفسو البوست دا جا في وقتو عشان بوري انه ود البلد هو ود البلد سكرانا او واعيا موش ذي بعض الناس هنا |
دكتورة نجاة ...
كل إحترامي ...
اولاد البلد كان عندهم بارات ... و جابوا وليدات و بنيّات يسدوا عين الشمس...
عِلم ... وفهم ...
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: يحي قباني)
|
سلامات ياقباني... مرة كان عندي عيان راقد معانا في الباطنية, اثناء ماكنت ماري مع الممرض جات داخلة علينا سيدة تبدو في اواسط الخمسين من العمر, سالت الممرض من اسم مريض معين , ما اذا كان يرقد بالقسم, فاجابها الممرض بالايجاب, ثم سالت من حالته وتشخيصه, الممرض قال ليها : الزول ده عنده تايفويد, قالت ليه مستنكرة : ياخوي تايفويد شنو!!, ده بكون ضرب البتاع بالجوع........
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: د.نجاة محمود)
|
مساء الخير,
قباني كتب:Quote: الشراب زمان كان ثقافة و اسلوب حياه في السودان ...ناس محترمة و ظلت محترمة ... كانت بتشرب بهدوء و كانت بتصنع قرارات تاريخية ... |
كتب و صدقت يا قباني، أي نعم السكر كان وما زال ثقافة سودانية وجزء من التراث السوداني إن رضينا أو ابينا
بما إن الجميع في سودان اليوم ينكر المريسة و الانداية، إلا أن الانداية جزء أصيل من تركيبة المدينة السودانية والانسان السوداني إجتماعيا، ثقافينا. معماريا كما تعلم يا باشمهندس الانداية هي قلب المدينة السودانية النابض ومركز القصة في الحلة لعدة قرون. وغذائيا في تركيبة الحياة اليومية للانسان في السودان الخمرة البلدية من شربوت ورووب وباخو وكانجي مورو كلها مواد غذائية. وفي القصة والرواية السودانية الأنداية ركن أساسي درامي مهم.
قباني كتب:Quote: ناس محترمة و ظلت محترمة ... كانت بتشرب بهدوء و كانت بتصنع قرارات تاريخية ... |
يا قباني في سودان النفاق اليوم في ناس كتار وروساء :-) لهم قصص وحكاوي والاندية بس منافقين وناكرين !
واصل يا استاذنا السرد الجميل أكيد حتساعدنا في كسر حاجز الخوف حتي الناس ترجع لسرد الماضي العريق. Khalidkeba
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: يحي قباني)
|
Quote: استاذنا قباني .. نرجوك السماح كان خشينا غلط ..كل ما في الامر حصل ألتباس في فهم العنوان <كنا نسكر...دلوقتي نسكر> ولك العتبي حتي ترضي و .. برضو متابعين و لك ودي |
الغلط مرفوع يا جميل ...
خُد راحتك ... و اقرا معاي بين كل السطور ...
الخيوط مشربكة معليش ....
بس يصحي ابو حسين ... يستلم الوردية ...
حبيب نوره شكلو ام عفت كرشتو ...
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: ABUHUSSEIN)
|
السكر خشم بيوت ياقبانى. فى ناس بتسكر عشان تنبسط (النوع ده تلاقه اول ما يسكر يقعد يغنى ويرقص براهو). وناس بتسكر عشان تقل أدبة( النوع ده اول ما يشرب ليهو كاسين يبدأ يشتم ليك فى خلق الله من طرف). وفى ناس بتسكر عشان تقوى من شخصيته ويبقى اسد زى صاحبنا القالت عليهو وضاحه داك. والمسالة ذى ما ذكرتة يا قبانى لاتخلو بعض الاحيان من خلل نفسى وعدم مقدرة على مواجهة الاخرين بصورتنا وشخصيتنا الحقيقة .
| |
|
|
|
|
|
|
Re: كنا نسكر.. نتكلم إنجليزي .. دلوقتي نسكر ونجي نكتب في المنابر (Re: يحي قباني)
|
Quote: أبو حسين موجود لكن كنت ساكي سكران بي هناك...
و حبيب نوره دا مشبوه .... منو خوف في بوستات زي دي |
عليك الله يابو حسين ...
حبيب نورة ده في منو اتنين .؟
انا الزول الواضح بريدو وبحترمه تماما ... ____________________________________
لكن معاكم معاكم عليكم عليكم ...
ومادة القانون زاتها البتمسك القصص دى نمرة كم ؟
( الكتابة الاسفيرية تحت تأثير المشروبات الكحولية و ما شاكلها والتي ينتج عنها الكذب و الافتراء و التجني علي الغير ... والنضال الأقرع ... )
| |
|
|
|
|
|
|
|