|
|
|
 Re: سحر كارلوس و فدوى فريد (Re: يحي قباني)
|
| Quote: انت جادى يابكرى ؟! |
يا حبيب خليك من جديتى كفاية علينا جدية تلفزيونا القومى و الولائى ...و ما عندى راى فنى فيهم و دا بخليه لناس الموصلى و ناذر علشان ما يجى واحد يقول ليك بكرى بقى ناقد فنى و يختنى فى مرتبة هيثم كابو خلينى فى كمبيوترى ده .... لكن هل اسمائهم دى اسماء فنية و لا اسمائهم الحقيقية و لو اسمائهم الحقيقية ما عندى فيها راى لكن لو اسمائهم الفنية بقول ليهم مالها الاسماء الطالعة و البتعبر عن قبائلنا و عاداتنا السودانية مثل عائشة الفلاتية و هكذا....
غايتو الله يستر عليهم و ما يشوف البوست ده ناذر او عمر الفاروق باقى لى حا يظعمطوا ريشهم
| |
  
|
|
|
|
|
|
|
|
Re: سحر كارلوس و فدوى فريد (Re: بكرى ابوبكر)
|
سلامات عوافي
والله دخلت البوست عاوز اشوف الجريمة الحاصلة شنو
اسم كارلوس ده مش الارهابي القبضوه في مطار الخرطوم 
..
غايتو الغناء بقي بكوجنوه كوجين شديد خلاص ..
مع ودي
واحترامي
| |
|
|
|
|
|
|
|
|
|
Re: سحر كارلوس و فدوى فريد (Re: سامى عبد المطلب)
|
يا جماعة كدي إستهدو بالله ..!!
إنتو معترضين على شنو في الفيديوهين ديل ؟ على الصوت ولا على أختيار الأغاني ولا على طريقة الأداء ؟!
الفيديو الأول ممعن في التقليدية وما خرج من إطار غناء التمتم العادي الممكن تغنيو أي بت وصوت المغنية أكثر من عادي !!
اللفت إنتباهي حقيقة الفيديو التاني ..
الأسمها فدوى فريد تمتلك صوت رهيب بي صراحة وأدت الأغنية غير السودانية دي بي طريقة جميلة جدا ..
الساحة السودانية حاليا تفتقد للصوت النسائي الجادي بعد إعتزال كلا من أسرار بابكر وعافية حسن وتوقف الفنانات المخضرمات مثل آمال النور وسمية حسن عن الأتيان بأي جديد ... هذا طبعا اذا ما استثنينا الفنانتان ندى القلعة وانصاف مدني وهذين يقدمان الجديد بين الحين والأخر ...
صدقوني لو وجد موسيقار جاد وشاعر مخضرم ومدا يد التعاون مع الفنانة فدوى فريد بالأشعار الجادة والألحان التي تتناسب مع خامة صوتها لبعثا من جديد صوتا نسائيا جدير بأن يتسيد ساحة الغناء النسائي شبه الخالية الأن ..
| Quote: لكن هل اسمائهم دى اسماء فنية و لا اسمائهم الحقيقية |
يا بكري أسماء الفنانين والفنانات الأيامات دي فيهو لخبطة غريبة .. الساحة فيها ود صامولة بيغني إسمو سامي هيفاء !! تصدق الكلام دا يا حبيب ؟! وطبعا التحية موصولة للفنانة الراقية مريم عضلات وسعاد تيكو ونادية جضوم !!
| |
|
|
|
|
|
|
|
|
|
Re: سحر كارلوس و فدوى فريد (Re: وضاحة)
|
| Quote: صدقوني لو وجد موسيقار جاد وشاعر مخضرم ومدا يد التعاون مع الفنانة فدوى فريد بالأشعار الجادة والألحان التي تتناسب مع خامة صوتها لبعثا من جديد صوتا نسائيا جدير بأن يتسيد ساحة الغناء النسائي شبه الخالية الأن .. |
الواعدة الشابة فدوي فريد مؤدية بارعة وصوت قطع شك جديد واتوقع لها مستقبلا فنيا جيدا
في وقت امتلات فيها الساحة بأشباه مغنيات ، حقيقة هذه الشابة لفتت نظري بأدائها المتقدم وعليكم بالمقارنة
في هذا البوست بينها وبين من اسموها "سحر كارلوس" و التي فطست الغناء تفطيساً - يا ساتر يارب
| |
|
|
|
|
|
|
| |
بكرى ابوبكر
كمال سالم
سيف اليزل سعد عمر
Siham Elmugammar
يحي قباني
محمد عوض السيد
محمد جبره
rani
سامى عبد المطلب
ناذر محمد الخليفة
وضاحة
الصادق ضرار
ترهاقا
Mahjob Abdalla
عبد الله فقير
فيس بوك
تويتر
انستقرام
يوتيوب
بنتيريست