|
|
 محاولة فاشلة لاستدراج صحفي من الخرطوم الي نيالا بخصوص مصنع اليرموك الج
|
في محاولة مني للتوثيق لمصنع اليرموك الجديد بمدينة نيالا حاولت جاهدا استدراج احد الصحفيين من مدينة الخرطوم الي مدينة نيالا بغرض التوثيق و التصوير و كانت الامور تسير بصورة جيدة الا انه في اللحظة الاخيرة للسفر اعتذر الصحفي دون ابداء اي اسباب.
اتصلت علي تلفونه و لم يرد و عند السؤال عبر احد المقربين منه عرفت انه تحري عبر مصادره الخاصة و عرف انني اعمل لجهات لم يسمها و ان العرض الذي قدمته له تم تمويله من جهات اجنبية.
المهم خلاصة كلامة انه لن يلهث من ثدي الكلاب
للحقيقة انا فقط قدمت له عرض تذكرة طائرة و كاميرا عادية لكي يتمكن من تصوير المنشات دون ان يتعرض للشكوك و كل هذا من حر مالي و لم يدفع لي احد.
الان الفرصة مفتوحة لكل من يأنس في نفسه الكفاءة ان يقوم بهذا العمل دون مقابل مادي. فقط لاجل الحقيقة و الله لا يضيع اجرا.
تم وضع حجر الاساس لمصنع اليرموك بمدينة نيالا
|
|
 
|
|
|
|
|
|
|
|
Re: محاولة فاشلة لاستدراج صحفي من الخرطوم الي نيالا بخصوص مصنع اليرموك (Re: محمد إبراهيم علي)
|
| Quote: لو في 2000 دولار واقامة في دولة اوروبية انا قبلان يا مهجوب :) |
الهبيب محمد ابراهيم
شكرا لمرورك الكريم و يا اخي لو في الطريقة للدفع المؤخر ما مشكلة. المهم في الاول تجيب لينا الصور عشان نوقف احمدي نجاد في حدو و بعد داك الحساب.
يا اخي الصحفيين بتاعين السودان ديل انا بعرف بدربوهم علي شنو. الواحد ما عايز يطلع من الخرطوم لامدرمان القريبة دي.
اليوم بسمع في برنامج او لقاء مع صحفي مشي سوريا رغم انو الصحيفة البشتغل فيها رفضو ليهو الا انه اصر ان يستقيل و يبقي (Freelance).
بالفعل مشي سوريا و دخل عن طريق تهريب و عمل تغطية لكل الاحداث في حلب لما رجع اضطرت الصحيفة تشتري منو المواد.
في السودان حتي ما في صحفي مشي حتي عشان يزور معسكرات النازجين.
بتذكر ايام مؤتمر الاعلاميين ناس ود الباوقة جابو ليهم طيارة اخدتهم من قاعة الصداقة الي مطار الفاشر و من هناك جابو ليهم بص لغاية بوابات معسكر اللاجئين و بعد داك كلو عارفهم عملو شنو؟
اخدو صور من علي مسافة كيلومتر للزريبه الحول المعسكر.
تتخيل ما قدرو يدخلو علي المعسكر و يسلمو للنازحين اوحتي يشيلو معاهم بعض الهدايا للاطفال و يتصورو معاهم.
| |
|
|
|
|
|
|
|
|
|
Re: محاولة فاشلة لاستدراج صحفي من الخرطوم الي نيالا بخصوص مصنع اليرموك (Re: سيف النصر محي الدين)
|
Quote: يا اخوى والله ولا تتعب روحك
لينا الله بس |
الهبيب هشام عباس
شكرا لمرورك الكريم
الذي حيرني هو عندما اوردت هذا الخبر بخصوص مشروع بناء مصنع اليرموك الجديد بضواحي نيالا و انا علي يقين من صحة حينها شكك البعض بما اتيت به و عندما اتيت لهم بالموقع الجغرافي جنوب نيالا لم يشأ احد بمحاولة الذهاب الي ذاك المكان او الاقتراب لتأكيد او نفي حدوث الحادثة.
انا توقعت فقط من بعض الصحفيين امثال علاء الدين و غيرهم المقيمين في العاصمة ان يحاولو القيام بدور صحفي الشعب و ليس السلطان و لكن لا حياة لمن تنادي.
| |
|
|
|
|
|
|
|
|
|
Re: محاولة فاشلة لاستدراج صحفي من الخرطوم الي نيالا بخصوص مصنع اليرموك (Re: Mahjob Abdalla)
|
| Quote: طيب ما تشوف ذو اليد يا مهجوب على الاقل توفر حق الكاميرا |
الهبيب سيف النصر
و معك ندعو الصحفي ذو اليد و الصحفي ابراهيم بقال لزيارة مدينة نيالا و مد الجمهور بصور الموقع.
حقيقة يهمني جدا فشل هذا المشروع و لا يمكن ان يتم الا بتكاتف الشعب السوداني و رفض قيام مصانع اسلحة في مدن السودان المختلفة. و في هذا الموقف يقع عاتق هذا العمل السلمي المدني علي سكان مدينة نيالا بتنوير بقية شعوب السودان بما يحدث و ضرورة التنسيق مع بقية القوي المدنية لايقافها.
العمل يجري في الخفاء لانه ليس من مصلحة الشعب في شئ غير انه يستخدم لقتله
| |
|
|
|
|
|
|
| |
Mahjob Abdalla
محمد إبراهيم علي
هشام عباس
سيف النصر محي الدين
فيس بوك
تويتر
انستقرام
يوتيوب
بنتيريست