كل الحكومات التي تعاقبت على السودان فيها ما فيها .. ولكل نظام مثالبه ومحاسنه .. اعتقد ان نظام مايو لو وضع في ميزان البحث سنجد انه نظام رسخ لدولة مدنية .. ولكن انقلابه علي الشيوعيين وتحالفه مع الترابي اضعف الدولة بصورة عامة ..
ماذا عن الكذب المستمر لعقدين من الزمان !!
02-07-2013, 08:21 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
Quote: لقاء مع المايوى الذى كذب علينا 13 عاما عبر برنامجه من مواقع التنمية.
شفنا البرنامج ونحنه صغار ... بس ماظن الأستاذ حسان سعد الدين كذب علينا في برنامجوا ده ... مايو حاليا في ذمة التاريخ بس البنعرفوا أتاحت لينا حياة معقولة ومقبولة في بلد كان اقتصادوا زراعي ... كان في تنمية وخطط طموحة كان في كنانه وعسلايا والرهد ومشروع الجزيرة العملاق ... كان في الطرق القومية وقناة جونقلي البتمني الأعزاء في جنوب السودان يواصلوا حفرها ....
كان في حياة معقولة وطبقة متوسطة قادرة تحقق مستوي من العيش الكريم لكل أفراد اسره , كان في حكومة بتعتني بكل السودانيين من منطلق المواطنة لا من منطلق الولاء الضيق وكان في أحزاب فتيه بتصارع مايو بكل عزم وجدية ... وكان في أما ل وطموحات بسودان عظيم وطن شامخ وطن عاتي وطن خّير ديمقراطي ...
كان في وطن رغم محدودية دخلوا ومواردوا ما ظن قصر في دعم التعليم والصحة ... ودعم معظم السلع والخدمات الأساسية ... وبعد كدة الدولة كانت مستثمرة علاقاته الجيدة مع معظم دول العالم في الحصول على منح ( قاعة الصداقة (الصين ) قصر الشباب ( كوريا ) ................ ودول عربية كتيرة كان ليها بصمات في التنمية زي الكويت والامارات ... ده غير انو الدولة استثمرت عائدات صادره في تنمية وتطوير القطاع الزراعي فعرف مشروع الجزيرة تطوير الدورة الزراعية والحساب الفردي للمزارعين .......
الزول ده ماكذب علينا البرنامج كان بمشي للمواقع دي وبنقل بالكاميرا الشغل الحاصل فيها وبالجد لو كان في فساد وكذب ما كان الحال بيكون زي الحال في الوقت داك ...
الما تقدر تقارنوا إطلاقا بالحال اليوم والبخلى الواحد في سروا يشكر الزمن داك الاتاح لينا استقرار وتعليم مجاني وحياة حلوه في بلدنا قبل ما تجي السنوات العجاف
يا باشمهندس لو مسكنا هذا الطريق لمحاسبة الناس كان الضلال كل السودان شارك في حُكم ظالم جسم على صدور الشعب ردحاً من زمان من عبود ومروراً بنميري ثم جاءت الطامة الكبرى الإنخاس ( من النخس ) تصريف زولاً من الأقاليم السؤال كيف المخرج ؟؟؟؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بكرى ابوبكر
هشام كمال عبادي
عبدالعزيز الفاضلابى
nazar hussien
فيصل محمد خليل
خالد علي محجوب المنسي
فيس بوك
تويتر
انستقرام
يوتيوب
بنتيريست