|
|
 ابليس والمرأة والنظر (( اكيد شفته مقام سيدنا ابليس))
|
عيوني وعيونك هم اسباب لوعتي ،،،،،،
العين ما بتعلي علي الحاجب !!!!!!
عيناكِ غابتا نخيلٍ ساعة السحر** أو شرفتان راح ينأى عنهم االقمر
قدماء اليونانيين كانوا يعاقبون المرأة التي تخون زوجها بجدع انفها (( قطع نخرتها)) وكذلك الرجل بقلع عينيه.
العيون هي سبب الكوارث نستاء لمشاهدت منظر لا يعجبنا نذهب الي قدرنا بارجلنا في سبيل مشاهدة منظر محبب الينا
الرئيس المصري انور السادات كان دائما يلبس داخل البدله وتحت القميص سديري واقي من الرصاص في الاحتفال الخاص بالعرض العسكري المصمم الايطالي الخاص به للازياء ((مقدره وكلام)) ، قام بتصميم بدله لم يراعي فيها زيادة الحجم الذي ينتج من لبس واقي الرصاص وفصلت البدله خصيصا لهذا اليوم الذي سوف يشاهد السادات فيه العرض العسكري ويمتع نظره بالترسانه الحربيه المصريه نصحه المستشارين بان لا يلبس البدله لضيقها اصرت جيهان بان يلبس البدله لجمالها وان يكون الرئيس بابهي حله في نظر الشعب ....
اخيرا الرئيس اختار كلام جيهان فهي تري ما هو جميل واقتيل في المنصه بسبب عدم وجود اللبسه الواقيه الداخليه من قبل الاسطامبولي وعسكره ....
كلو عشان النظر والعيون السود كاحلات وجيهان راجلا اكون وجيه في نظر الناس...
اخر مره كنت في الحج ماشين علي رمي الجمرات قابلني واحد من الجنسيات العربية جهة المغرب وتونس.
وجماعة المغرب العربي ناس لذيذين خلاس في طريقة الكلام... استوقفني بسؤال ماشي ترمي الجمرات ؟؟؟ قلته ليهوا ايوه .
مشينا سواء قعدنا نتونس وقت قربنا للجمرات قال لي اسمع انت قبل كده جيت الحج ؟؟؟ قلت ليهوا ايوه
قال اكيد شفته مقام سيدنا ابليس في الزحمه دي قبل ما نتوه وصفوا لي !!!!!
والله العظيم حاجة تحير كلوا من الشوف والنظر....
ابليس والمرأة ((مثال جيهان السادات)) والنظر ماشين سواء .
اللهم كفنا شر البحلقه واحفظ نظارتنا من الوقعه والانكسار.... وابعد عنا عيون الحسان التي تذهب العقل .....واجعل عينا حمرا وشراره.
جـنـنـني ياخي العيون عيون حبيبي هن أساس الريد والجنون..... العيون الفيهن نعاس هن أساس معني الإناس الكلام ده قالوا زمان ناس الحقيبه بالله حسي لو جاء سيد عبدالعزيز أو الشاعر ود الرضي قعدوا في قناة النيل الازرق شافوا العدسات دي كل يوم شكل اقولوا شنو !!!!!!! البت الزمن ده ما تعرف عيونا ناعسات أو منططات عيون زرق وعيون بنيه اشكال والوان حسب الللبسه .
كان ود الرضي قال ليهم زي بشار بن برد عندما قال بعضهم له ......ما أذهب الله كريمتي مؤمن، الا عوضه الله خيرا منها، فبم عوضك؟ قال بشار: - بعدم رؤية الثقلاء مثلك.
|
|
 
|
|
|
|
|
|
|
|
Re: ابليس والمرأة والنظر (( اكيد شفته مقام سيدنا ابليس)) (Re: نادر النور آدم)
|
بمناسبة مقام سيدنا ابليس في المفترع:
اول مره الوالد اجيبو حج كنت معاهو طوالي للزحمة وايضا كبر السن عايز مدارجة ،
وبحكم التعامل الصوفي كان معاهو ناس من الجزيره صداقات الحج ديل بقولو ليهم دفعة الحج تلقي الزول طوالي اتونس بيهم لما ارجع السودان وتنشأ علاقة قوية بينهم.
في المدينة بالقرب من المسجد النبوي الوالد طلع بدري شويه من الفندق لصلاة الظهر لحقتو وجدت الحاج وجماعتو قاعدين مع جماعه عاملين سياج بشريط وقاعدين في دائره. مشيت طلعتهم وفاجأتهم بسؤال .... لا اله الا الله المقعدكم هنا شنو؟؟؟؟
الحاج قال لي لقينا الناس اللابسين بدل وكرفتات وشكلهم حمر حمر ديل قاعدين شايلين كتب قلنا ندعا معاهم كان الله استجيب لينا....
يا حاج ديل عاملين السياج ده بفتكرو هنا كان بيت السيده خديجه هم شيعه. (( المسأله دي خلت الجماعه معاهو امسكوها ليهو يا الشريف احنا مبارينك تقعدنا مع الشيعه عايز تخرب حجتنا ... في واحد من ناس القرية اربعين بشاغل بيها الوالد طوالي اقول ليهو يا حاج شفته البدل والكرفتات والناس الحمر ديل قايل دي الجنه....
كنت برمي للوالد الجمرات في اليوم الاول اليوم الثاني الحاج قال لي لازم امشي معاك الرجل بتاع القرية اربعين البشاغل الوالد قال لي يا ود الشريف انا ما قادر امشي ارمي لي معاك.
بعد جينا راجعين سألني أها جدعتهن لي الجمرات في الشيطان....
قلته ليهو ايوه .....
عاين للوالد قعد اضحك قال ليهو الحمد لله ولدك ده طوالي بلحقنا كان ما هو كان رجعنا بدون حجه من حكاية المدينة ديك بتاعت الناس الحمر حمر ...
الوالد قال ليهو انت ذاتك يا خوي ما عندك حجه خلي انا موضوعي بتاع الشيعه انغشيت فيهم لي نضافتم واللبس السمح ، انت امس بعد جيت من رمي الجمرات كرعينك مكسرات ومورمات ليلك كلو ترطن في ولدك الجابك حج ورسل ليك من ابوظبي قعدته تقول يا جماعه الولد ده عاقل كان رسل لينا قروش الحج دي في السودان شبعنا فيها خرفان سااااااااااااكت ما احسن من جيتنا هنا نجدع في الحجار زي المجانيين.
كسرة ..........................................
(( مقام ابليس محل رمي الجمرات)) مره لقيت حاجه بي شباشبا تجدع مع الناس ..... يا حاجه ما في داعي للشباشب الدين قال سبعة حصحاصات وخلاس .... قالت لي يا ولد الناس ابليس ده طلقني من راجلي بي الثلاثة.....
| |
|
|
|
|
|
|
|
|
|
Re: ابليس والمرأة والنظر (( اكيد شفته مقام سيدنا ابليس)) (Re: عباس الدسيس)
|
Quote:
في المدينة بالقرب من المسجد النبوي الوالد طلع بدري شويه من الفندق لصلاة الظهر لحقتو وجدت الحاج وجماعتو قاعدين مع جماعه عاملين سياج بشريط وقاعدين في دائره.
مشيت طلعتهم وفاجأتهم بسؤال .... لا اله الا الله المقعدكم هنا شنو؟؟؟؟
الحاج قال لي لقينا الناس اللابسين بدل وكرفتات وشكلهم حمر حمر ديل قاعدين شايلين كتب قلنا ندعا معاهم كان الله استجيب لينا....
يا حاج ديل عاملين السياج ده بفتكرو هنا كان بيت السيده خديجه هم شيعه.
(( المسأله دي خلت الجماعه معاهو امسكوها ليهو يا الشريف احنا مبارينك تقعدنا مع الشيعه عايز تخرب حجتنا |
عباس الدسيس
يقول الامام علي عليه السلام ( الناس اعداء مايجهلون )
قاتل الله الجهل ياخي
| |
|
|
|
|
|
|
|
|
|
Re: ابليس والمرأة والنظر (( اكيد شفته مقام سيدنا ابليس)) (Re: عباس الدسيس)
|
مقولة نظرة ثم ابتسامة ...الخ والتغزل في العيون اصبحت من سابع المستحيلات الشعر زمان تكلم عن العيون وهي التخاطب الصامت بين العشاق والمحبين ، ايضا يقال ((والله الزول ده من اول نظرة شوفتو حبيتو)) .
طيب تعال بالله في زمنا حسي تغزل في عيون و ل قول البت حبيتا من اول نظرة اكيد تكون غلطان انت بتتعامل مع عدسات بمختلف الالوان ممكن حبك ليها في لحظات اكون من النوع الاخضر ولحظة اخري من النوع البني تدرجا الي ان تكمل جميع الالوان.
العيون فقدت سحرها .
كسرة....................
نظرت عجوز في مرآتها.. فرأت أن عينيها قد غارتا، ووجهها تجعد، ولونها زال..
قالت: - انهم لا يتقنون عمل المرآة كما كانو يعملون من قبل.. -
واحد سأل مسطول قال ليهو البنك فاتح ؟
المسطول قال ليهو لا غامق ..
كلو من العيون اللهم ارحم مصطفي سيد احمد:
حلوه عينيك زي صحابي
عنيدة كيف تشبه شريحتين من شبابي
زي عنب طول معتق في الخوابئ
وسمحة زي ما تقول ضيوفا دقو بابي
فرحي بيهم سال ملا حتى الكبابي
| |
|
|
|
|
|
|
|
|
|
Re: ابليس والمرأة والنظر (( اكيد شفته مقام سيدنا ابليس)) (Re: عباس الدسيس)
|
ياااخ انت الذ زول يا عباس في الحوش ده كلو ومتابعك من قصة سواق العائلة .. واصل نثر الدرر بس عيبك انك صاحب ود الباوقة
.............................................................................................................
السغيروني مهند
صاحبي ونص
واوصيك بشرب كوز موية بارد يوميا على الريق لمدة 3 ايام
واديني النتيجة
الدسيس
برجع ليك
| |
|
|
|
|
|
|
|
|
|
Re: ابليس والمرأة والنظر (( اكيد شفته مقام سيدنا ابليس)) (Re: othman mohmmadien)
|
Quote: السغيروني مهند
صاحبي ونص
واوصيك بشرب كوز موية بارد يوميا على الريق لمدة 3 ايام
واديني النتيجة
الدسيس
برجع ليك |
Quote:
Mohand Elnajme • الأكثر تعليقا • سكرتير تنفيذي في المحفظة الاستثمارية
ياااخ انت الذ زول يا عباس في الحوش ده كلو ومتابعك من قصة سواق العائلة .. واصل نثر الدرر بس عيبك انك صاحب ود الباوقة
رد • 1 • إلغاء إعجابي • متابعة المنشور • منذ 21 ساعة
|
ود الباوقة يا حبيب أهو جبتا لينا الشبهات 
Mohand Elnajme يا حبيبنا سلامات
ياخ والله البحصل في السودان وحسب اعتقادي ما سياسية ولا قريب من مفهوم السياسة
تعرف يا الحبيب لقد تضررت من ناس الانقاذ حتي هجرت ليهم البلد بدون تفاصيل وبطولات
عيب ممارستنا للسياسية الما معاك تقطعو معاهو ناشف لدرجة الضرر في المعايش والاهل والروح
وهذا هو سلوك هذا النظام حتي انقلب عليهم السحر والشر عمرو ما يولد خير
لو نظرنا لي ممارسة السياسة في الدول الديمقراطية او الملكية الديمقراطية كما في اوربا
الناس تختلف في توجهات هنالك ثوابت عن الوطن والحقوق والواجبات يتساوي فيها الجميع
اما نحن فلا انت ما من ضمن ناس النظام تحرق لدرجة العلاقات الاجتماعية تتقطع والناس اصبحت عايشة في وطن كالغرباء.
هذا النظام الشمولي الظالم وصل البلد الي اسوء مراحلها من ضمنها علاقات ونفسيات الافراد نتمني من الله نتفكي منو.
يا حبيبنا السياسة بترفع الضغط خلي العلينا علينا ومادام حياتنا خربت في السودان نحاول ان نتعايش بظروف جميلة إن في المنبر أو غربتا ونختلف بفهم الاختلاف الفكري وليس الشخصي والعمر قصير والعلينا بنعملو لتعرية النظام .
اكيد تقديري وشكري لمتابعتك من الفيس بوك
| |
|
|
|
|
|
|
|
|
|
Re: ابليس والمرأة والنظر (( اكيد شفته مقام سيدنا ابليس)) (Re: عادل خياري)
|
Quote: ام شريحتين دي تكون عيون صينية هههه
ياخي ماتجيب معاك صاحبك عبدالرحمن مدثر(خرباش) بي جاي عشان نستمتع بيكم مع بعض
خالص الود |
أووووووووووووووو عادل سلام يا الحبيب
والله سعيد جدا اكون راكب معاك في احدي سروج الاسافير
تعرف تعبير شريحيتن يا ظريف لو نزلته تحت برضو اديك فهم لباقي القصيدة غريب
زي عنب طول معتق في الخوابئ
وسمحة زي ما تقول ضيوفا دقو بابي
فرحي بيهم سال ملا حتى الكبابي
زولك شبه العيون بالعنب المعتق بالسنيين خاتيهو في البيت وفجأة جوهو ضيوف ناس بهجة والعنب بقي ليهو ركازة لتكتمل الفرحة والكبابي دورت لما ادفقت.
الخرباش ظريف واديب الاسافير نشوف ليهو طريقة مع بكري كان نلقي فزرة
اكيد احترامي وتقدير
| |
|
|
|
|
|
|
| |
عباس الدسيس
نادر النور آدم
وليد التلب
othman mohmmadien
ناصر حسين محمد
عادل خياري
فيس بوك
تويتر
انستقرام
يوتيوب
بنتيريست