|
|
 الدنيا دونك
|
ضايق بي حالِك
يا عيـن السواد فاضحاني مالِـك
بعـد صبـر السنيـن قـل احتمالِك
تشتتي في الدموع ضج انهمالِك
قالت لي ويلي
سافر قمري غاب حنضل لي ليلي
سريت في دربو لما إنهـد حيلي
دروبو عويصة تهت وتاه دليلي
الدنيا دونك
بلا السجن الكبير من غير عيونك
نعيـم الدنيـا في براق سنونـك
لهيجك منقة لون المنقـة لونك
أبعدتي مني
مجنون ليلى فوق لي جنو جني
بتـمنـاك كـان يـجـدي التمنـي
حت في نومي قط ما تغيبي عني
القمري قوقا
منقة سنجة يوت كاتلني شوقا
منقة سنجة فوق للعجوة ضوقا
منقة سنجة حالية وغالي سوقا
|
|
 
|
|
|
|
|
|
|
|
Re: الدنيا دونك (Re: Yasir Elsharif)
|
Quote: القمري قوقا
منقة سنجة يوت كاتلني شوقا
منقة سنجة فوق للعجوة ضوقا
منقة سنجة حالية وغالي سوقا |
يا سلام يا سنجاوي
وين كانت الحكاوي
في الأيام الخوالي
أيام الخال وايام الملك (مام) ، سبحان مرت الأيام والشهور والسنين ونحن نقارب للعام الثالث عشر ويا حليل القطار والـ اس دي بي .
| |
|
|
|
|
|
|
|
|
|
Re: الدنيا دونك (Re: Yasir Elsharif)
|
سمح الخصال حبيبنا د. ياسر الشريف
الشوق والريد
يغني المغني وكل يبكي على ليلاه
سعيد بمعانقة حروفك
ومالحكمة في كونك بخيل
وأهلك أرابيب الندى
تحياتي وأطيب أمنياتي
| |
|
|
|
|
|
|
|
|
 Re: الدنيا دونك (Re: singawi)
|
سلام سنجاوى وسلام ياسر
قطعة بديعة ياسنجاوى وتنفع أغنية فخيمة لكن مين يغنى!
دكتور ياسر
سنجاوى ممكون وبغنى لمنقة سنجة وليس سنجة..
كما قيل :
منقة كسلا حلوة وصافى لونا
تومتى فريدة وغرب القاش سكونا
كنت فى إحدى المرات فى كسلا وتحديدا غرب القاش وسألت عن منقة كسلا هل هى حقيقة أم خيال..
فقالت لى مضيفتنا هسع قاعدة ورغم أنها كبرت لكن تختارا على البنيات الصغار..
تحياتى لكما ولمنقة سنجة الخلت سنجاوى يبكى ويصيح.
| |
|
|
|
|
|
|
|
|
Re: الدنيا دونك (Re: Balla Musa)
|
و الله منقة سنجه حلوه خلاس ... المنقه ذاااتا في روحه دي
و ليك التحيه يا سنجاوي ... اخوك جديد كرت لسه بى ورقتو ..
....
| |
|
|
|
|
|
|
|
|
|
Re: الدنيا دونك (Re: مجاهد نايل)
|
حباب ولياب .. حبابك عشرة يا عشاي
والله يا ولياب .. لما شفت اسمك انشرح صدري
وقلت الناس الجميلين ديل لابدين ويييين
حليل الخال والملك ماااااام وشتات وريم وسماح وعطبراوي
والسارة وود البلد والقطااااااار وعمارو .. ووووووو هيجت الأشواق يا حبيييب
تحياتي وأطيب أمنياتي
| |
|
|
|
|
|
|
|
|
|
Re: الدنيا دونك (Re: singawi)
|
سنجاوى ناس الزمن الجميل :
سنجة مدينة قريييبة من القلب والروح مشكور على الجمال دا ..
ونزكر معاك من ذاك الزمن (الجندرية _ هدهد _ المهندس عمدة بورداب الخرتوم _ احلام دريم _ ديمقرسى
بالانجليزى ود عقاب _ احمد امين _ منوت _ود العجمى ووووووووو اسماء كثيره مرت من هنا فى هذا المنبر
وحببت للكثيرين المتابعه والكتابة فيه .. لهم الفضل فيما وصل اليه هذا المنبر الان ..
خالص الود والحب والاحترام
| |
|
|
|
|
|
|
|
|
|
Re: الدنيا دونك (Re: singawi)
|
العزيز مجاهد
جيداً جيييت
حبابك عشرة بلا كشرة
ومشكور على شهادتك في منقة سنجة .. المنقة ذاااااتا في عضما
يازول وحات الله كل شي في سنجة حلو في عضمو
والعجب ناسا .. واااا شوقاً على بلدي .. شوق ولداً ولوف بكاااااي
تحياتي وأطيب أمنياتي
| |
|
|
|
|
|
|
|
|
|
Re: الدنيا دونك (Re: singawi)
|
العزيز إسلام
تحية واحترام
نعنشتني في حاجتين
قرب سنجة للقلب والروح
وذكرك أحباب أتفق معك أنهم ساهموا بمنح هذا المنبر اللون والطعم والرائحة
حليل الراااااحو .. وخلو الريييييح تنووووح فوووووق النخل .. فوووق النخل
الجندرية هي الوحيدة ممن ذكرت التي ألاحظ فرفرتها من حين لآخر
القومة ليهم جميعاً والشوق لحروفهم.
| |
|
|
|
|
|
|
|
|
|
Re: الدنيا دونك (Re: Yasir Elsharif)
|
العزيــز شــدييد أسامه
سلام وكلام .. وشوق وملام
بعد صبر السنين قل احتمالك
الدنيا دونك
بلا السجن الكبير من غير عيونك
الدنيا دونك
ياسلام على سنجه وناسا .. وكلما خطرت ببالي اجدك متدفقا حبا بها .. وافيق من غيبوبة الزمان.
قول للجماعه الفوق ديل حبا بـ سنجه بلدي الحبوب ..وناسا الحنان وُاُمان
لك التحية
| |
|
|
|
|
|
|
|
|
|
Re: الدنيا دونك (Re: راوية السر)
|
Quote:
القمري قوقا
منقة سنجة يوت كاتلني شوقا
منقة سنجة فوق للعجوة ضوقا
منقة سنجة حالية وغالي سوقا |
هلا بالمرهف والمعطون بحب سنجة وناسها أخونا أسامة
وتبقى يا سنجة سيرتك فينا حية
وتبقى زادنا في غربتنا
وملهم غنانا وحكاوينا الجميله
ياما بحبك همنا وكتير الحبو
وقالو في الريد مافيش مثيله
وتبقى سيرتك نور عيونا
ومنك نستمد ضيانا
وتبقي في قلوبنا آية وتبقى غاية
يا مرتع شبابنا وصبانا
قومت نفسنا ياخ ههههه
| |
|
|
|
|
|
|
|
|
|
Re: الدنيا دونك (Re: بدر الدين مهدي)
|
العزيزة شدييييد
راوية بت عمي السر ود جدي عمر
كل ثانية وانتي وأحبابك طيبين والثانية الجاية زي ما عايزا
لي حبيب من أصفياء أهل التصوف يحب اغنية ابن البادية ( حسنك أمر )
ويدندن بها من حين لآخر ونيته أن هذا الكلام الجميل لا يليق إلا برسول الله صلى الله عليه وسلم
هكذا حال المحبين
تحياتي وأطيب أمنياتي
| |
|
|
|
|
|
|
|
|
|
Re: الدنيا دونك (Re: بدر الدين مهدي)
|
أوووووو بدر الدين مهدي
تسجيلات 2013 جابت سنجاوي معتق .. أحمدك يا الله
حبابك ما غريب الدار .. وماك لي حقنا الودار حبابك
نورت المنبر والبوست
ونور بيتنا .. وشارع بيتنا .. يوم ما جيتنا
يا الهليت فرحت قلوبنا
إطريتنا الليلة وجيتنا
كنا فرشنا السكة ورود لو كلمتنا كان بالجية
تحياتي يا حبيب
| |
|
|
|
|
|
|
|
|
|
Re: الدنيا دونك (Re: singawi)
|
الأخ/ سنجاوي
تحياتي..
مع أني كنت هناك قريباً .. إلا أنك أثرت شجوني
وفعلاً منقة سنجة لا يُعلى عليهــا.
والجوافة أحلى.. المدهش أنها متوفرة طول العام.
سنجة جميلة وناسها جميلين..
سلام ليك ولناس .. قوتة .. وناس نابري .. وناس الحويرص ..
وناس المرحوم ( أمين محمد زين ) ومكتبته ( المنارة) .
وناس سنجة ( الجمب كركوج).
| |
|
|
|
|
|
|
|
|
|
Re: الدنيا دونك (Re: عثمان رضوان)
|
العزيز عثمان رضوان
رضي الله عنك وأرضاك
جاري وأنا جارو
حباب كركوج الشريف محمد الأمين رحمه الله وأحسن إليه
منقة سنجة دي ما بنافسها في الحلاة إلا كنافة ناس الشريف محمد الأمين
وحات الله منقة بس
وشهادتك في جوافة سنجة مقبولة إلا ما بتلحق منقة سنجة الأصل والصورة
وسلامك لي ناس قوتة دخل الحوش بالباب الكبيييير وعليك من الله السلام
أصالة عنهم ونيابة عن الأحباب
قلت لي ناس سنجة الجنب كركوج .. شكيت محنك على الله
تحياتي وأطيب أمنياتي
| |
|
|
|
|
|
|
| |
Yasir Elsharif
ولياب
Balla Musa
مجاهد نايل
راوية السر
بدر الدين مهدي
عثمان رضوان
فيس بوك
تويتر
انستقرام
يوتيوب
بنتيريست