|
ماهى النصائح للمشاركة فى مواضيع المنبر
|
سلام ياشباب أحاول أن اجد لى موطأ قدم فى هذا المنبر ، ولكى اختصر الطريق ماهى النصائح من خلال تجاربكم فى المنبر ، يعنى اللعب الحر الممرحل ولا الباصات القصيرة المضمونة. وتسلموا
|
|
|
|
|
|
|
|
Re: ماهى النصائح للمشاركة فى مواضيع المنبر (Re: محمد الأمين موسى)
|
سلامات يا ابراهيم نصيحة على السريع كدا دايما قبل ما تضغط "أضف رد" اضغط "شاهده قبل نشره" و اقرا الكلام مرّة واتنين لأنو الكلمة إن مرقت تاني ما بترجع النصيحة دي انا زاتي بحاول التزم بيها لكن مرات مع العجلة و الإنفعال بنساها ولا ينفع الندم تاني خلّي بالك من الياء و الألف المقصورة, معليش لكن في جماعة هنا هلكونا بيها هلاك :)
| |
|
|
|
|
|
|
Re: ماهى النصائح للمشاركة فى مواضيع المنبر (Re: محمد البشرى الخضر)
|
الأخ ود الباوقة أولاً التحية عبرك لأهلنا ناس الباوقة الأصيلين اما حراسة المرمى فما خاااالص، لكن لو الفريق فيه دفاع كويس اى زول ممكن يحرس المرمى. مثلاً لو جبهة الفريق الغربية (دارفور) منتهية والجبهة الجنوبية كذلك (جبال النوبة) غير متماسكة وجبهة الشرق والوسط (حرائق جامعة الخرطوم) و... و....يبقى الفريق اى كلام. وعلية يجب حل الفريق وإعفاء المدرب وإتاحة الفرصة لآخرين لتقديم الأفضل . على كل اترك لك حراسة مرمى ذلك الفريق المتهالك وشباكك سوف تستقبل المزيد من الأهداف ، ذلك لا يعنى انك حارس مرمى فاشل ولكن يعنى ...... الفريق الذى تلعب لصالحة هو الفاشل ومدربك لايجيد سوى الرقص وهز الوسط رغم .... الهزائم المتكررة. وتسلم على المرور يا..... ملك
| |
|
|
|
|
|
|
Re: ماهى النصائح للمشاركة فى مواضيع المنبر (Re: Ebrahim Hijazi)
|
ابراهيم حجازي حبابك
ويا سلام يا اخي انت اخو النزير حجازي؟!
اولا البركه فيكم يا اخي في الوالد ثانيا اعذرونا كمستجيدن لم نرحب بكم بما يكفي فصاحب الحوش قرضها علينا ومحدد المداخلات.
ثانيا: سؤالك في محله وليس معناهو اننا بنقودك كسناير لكن فعلا للمنبر تكتيكات.
نصحية محمد الامين فعلا مهمه ان تقرأ اكثر مما تكتب... واكيد في كل مجال وليس في هذا المنبر فقط.
اما نصحيتي انا انك تحرص ان تفتح بوستاتك الخاصه و التي بدونها لن يكون لك ارشيف خاص بك او مكتبه مستقبليه.
صحيح انه تدخلك مع الاخرين مهم جدا لكن الاحظ بعض الاعضاء مدخلاتهم تدل عل عظمة حصيلتهم لكن رغم ذلك لا يبتدرون بوستاتهم
وبالتالي يحرمون انفسهم من مكتباتهم الخاصه.
تحياتي لك
ويا ريتك تطلع ما مصرج زي النزير هههههههههههه.
| |
|
|
|
|
|
|
Re: ماهى النصائح للمشاركة فى مواضيع المنبر (Re: Tragie Mustafa)
|
Quote: سلام ياشباب أحاول أن اجد لى موطأ قدم فى هذا المنبر ، ولكى اختصر الطريق ماهى النصائح من خلال تجاربكم فى المنبر ، يعنى اللعب الحر الممرحل ولا الباصات القصيرة المضمونة. |
عشرات حبابك يا أخي الكريم عشان تكون في السليم خليك دائما (مراوق) و خلي بالك من الكرات العرضية في بعض اللعبية هنا بيجلوها و هي واقفة و في كتير من الناس بيلعبو بطريقة (القشاش) و ما اكثرهم و نصيحة ليك خلي بالك من اللعب البيجي قادم من الخلف .....
نسيت حاجة كمان أنت شايت أساسا وين
| |
|
|
|
|
|
|
Re: ماهى النصائح للمشاركة فى مواضيع المنبر (Re: فيصل محمد خليل)
|
أولاً التحية عبرك لأهلنا ناس الباوقة الأصيلين اما حراسة المرمى فما خاااالص، لكن لو الفريق فيه دفاع كويس اى زول ممكن يحرس المرمى. مثلاً لو جبهة الفريق الغربية (دارفور) منتهية والجبهة الجنوبية كذلك (جبال النوبة) غير متماسكة وجبهة الشرق والوسط (حرائق جامعة الخرطوم) و... و....يبقى الفريق اى كلام. وعلية يجب حل الفريق وإعفاء المدرب وإتاحة الفرصة لآخرين لتقديم الأفضل . على كل اترك لك حراسة مرمى ذلك الفريق المتهالك وشباكك سوف تستقبل المزيد من الأهداف ، ذلك لا يعنى انك حارس مرمى فاشل ولكن يعنى ...... الفريق الذى تلعب لصالحة هو الفاشل ومدربك لايجيد سوى الرقص وهز الوسط رغم .... الهزائم المتكررة. وتسلم على المرور يا..... ملك
.........................................
عموما اعمل حسابك من البيضة
معظم الاهداف التي تلج شباك الخصم عن طريق البيضة
وشكرا
| |
|
|
|
|
|
|
Re: ماهى النصائح للمشاركة فى مواضيع المنبر (Re: Elawad Eltayeb)
|
ابراهيم ..سلام..ويامرحب بيك لاعب جديد ..
الفريق اللاعب معاك هو البحدد خطتك .. الحر الممرحل للبديك المساحة لذلك واهمية المباراة هى البتحدد شكلها
وان شاء الله بعد ده تكون صفوة ..
تحياتي ،، الأكرم الأخ الراقى فايز ود القاضى كلامك حكم وفعلاً الفريق اللاعب معاك هو البحدد خطتك . لو حاولت ارد على مداخلتك سوف انقلها وأكرر نفس كلامك . ولانه لا توجد خاصية اعجبنى فأقول اعجبنى كلامك جداً وتسلم ياملك.
| |
|
|
|
|
|
|
Re: ماهى النصائح للمشاركة فى مواضيع المنبر (Re: Ebrahim Hijazi)
|
الأخ ايمن محمود عبر عن رأيك بصراحة وصدق ووضوح ،،، وخلى الباقي على الله فعلاً يا ايمن الإنسان تحكمه مبادئه والصدق والصراحة والوضوح يمكن تطبيقها فى المواضيع المصيرية . يعنى يا ابيض يا اسود والتاريخ لايرحم . والوقوف داخل الميدان دون المشاركة قد يضر بالفريق وعلية يجب التحرك فى مساحات مدروسة والاستعداد للتسديد المباشر متى ما أتيحت الفرصة. تسلم كتير يا ملك
| |
|
|
|
|
|
|
Re: ماهى النصائح للمشاركة فى مواضيع المنبر (Re: Ebrahim Hijazi)
|
الأخ يحي قبانى هههههه والله ريحتنى خالص خالص وأخلى النزير يرد عليك تعرف فى واحد معانا فى مدينتنا قاعد يقرأ كتابات النزير وعلى ضوئها حكم على آرائي مثل النزير هههه. قمت قلت ليه كوننا إخوان لا يعنى أن آرائنا متطابقة مية المية. المهم اقتنع واصبح يسمعنى حتى أكمل كلامى كشخص مختلف عن النزير. للأسف لا استطيع أن اذهب للاتجاه المعاكس عن النزير لأننا نتفق فى بعض الأمور . وتسلم يا ملك
| |
|
|
|
|
|
|
Re: ماهى النصائح للمشاركة فى مواضيع المنبر (Re: Ebrahim Hijazi)
|
غايتو من ردك على اخونا ود الباوقة، عرفنا مويتك
ومن هسه بنقول ليك ح تتخبط وتتفرك وتتعاس هنا، و خوتك لصاحبنا النذير ما ح تشفع ليك
في حاجة مهمة دسوها منك السناير وما قالوها ليك تعمل ليك "شلة" كاااربة ولو ما عندك "مروّة" تشوف ليك واحدة تتلصق فيها
يا شباب الزول ده بيدقس فيكم جاء بي سنونو ودخل بي نمرة خمسة من زمان فتح ليهو بوست حلو، انا اداخلت معاهو فيهو، ما عارفو غتس وين
قبال ما امرق امسك في كلام ود البشرى، وابعد من تراجي
| |
|
|
|
|
|
|
Re: ماهى النصائح للمشاركة فى مواضيع المنبر (Re: Ebrahim Hijazi)
|
سلامات يادفعة وسيبك من بعض النصائح البتغطس دي إنت عارف ياريت لو كان عنوان بوستك
نصائح للإخوة (قديم علي جديد) عند المشاركة في مواضيع المنبر!
أصلوا أنحنا السودانيين دائماً مضيقين الماعون علينا و ماقادرين نتفكفك من حرارة النفس والنط في الرقبة من قولت تيت تلقي الواحد خانق أخو ... ياخي مجمل مرتكزاتنا بُنيت علي عدم قبول الآخر مالم تجمعك به أي وصلة أو بالأحري صلة .... لم نتربي علي القانون والديمقراطية يعني بالواضح كده (بأسنا بيننا شديد، تحسبنا جميعاً وقلوبنا شتي) يعني شايف الشتم والسب وشخصنة المواضيع ماشة كيف .... لا أحد يتطرق للفكر ويحاور الفكرة بالفكرة والحجة بالحجة .... لكم ولطم .... ولكنه إنعكاس طبيعي للحالة السودانية بصفة عامة .... والبركة في المشروع الحضاري (الفاشل) وعمايله فينا وحتي نحن ضحايا المشروع الحضاري نتباري في تنفيذه فيما بيننا .... حتي وإن كنا نعيش في قمة الحضارات ... و عقلية الوصاية و الطاعة العميا دي كمان ليها موال تاني ... وربك يصلح الحال ... منو الأول؟ ومنو الأحسن؟ ناسي وناسك؟ ود بتين وعمرك كام سنير ولا جنير؟ وأتمني وجودنا في الحوش يخلق إضافة جديدة ... يادفعة ركز علي الفكر والمواقف الثابته .... والرأي بالرأي بكل أدب و إحترام ... بعد يومين تجد من يغالي و يخالفك الرأي يكن لك الإحترام
موفقين والله يستر علينا ونلحق باقي السودان الفضل
| |
|
|
|
|
|
|
Re: ماهى النصائح للمشاركة فى مواضيع المنبر (Re: Ebrahim Hijazi)
|
ابراهيم حجازي حبابك
ويا سلام يا اخي انت اخو النزير حجازي؟!
اولا البركه فيكم يا اخي في الوالد ثانيا اعذرونا كمستجيدن لم نرحب بكم بما يكفي فصاحب الحوش قرضها علينا ومحدد المداخلات.
ثانيا: سؤالك في محله وليس معناهو اننا بنقودك كسناير لكن فعلا للمنبر تكتيكات.
نصحية محمد الامين فعلا مهمه ان تقرأ اكثر مما تكتب... واكيد في كل مجال وليس في هذا المنبر فقط.
اما نصحيتي انا انك تحرص ان تفتح بوستاتك الخاصه و التي بدونها لن يكون لك ارشيف خاص بك او مكتبه مستقبليه.
صحيح انه تدخلك مع الاخرين مهم جدا لكن الاحظ بعض الاعضاء مدخلاتهم تدل عل عظمة حصيلتهم لكن رغم ذلك لا يبتدرون بوستاتهم
وبالتالي يحرمون انفسهم من مكتباتهم الخاصه.
تحياتي لك
ويا ريتك تطلع ما مصرج زي النزير هههههههههههه. حباب تراجى مصطفى ومرورك وترحيبك اسعدنى ياراقية ونعم أخو النزير الأكبر والبركة فى الجميع والبقاء لله وحدة ترحيبك وصل يا ملكة وفعلاً الخبرة بتختصر الطريق واكييد أريد أن اعرف التكتيكات .وفعلاً نصيحة محمد الأمين مهمة جداً الاطلاع أكثر ينمى المعرفة والكتابة المدروسة والمقننة مهمة. وفتح البوستات الخاصة لتكوين مكتبة مستقبلية دى اهم نصيحة للاستفادة من كل النصائح التى ذكرت. نصيحتك دى هى الهدف الاساسى الذى من اجلة طلبت النصيحة. هههههه والله لا جاب الصريج. تسلمى كتييير يا ...... أم حازم وتقبلى ..... كل تقديرى و...... احترامى لمواقفك المشرفة يا .... أصيلة .
| |
|
|
|
|
|
|
Re: ماهى النصائح للمشاركة فى مواضيع المنبر (Re: Ebrahim Hijazi)
|
سلام يا شباب،
يا إبراهيم شايفك تعبان تعب المكوجي في حكاية الاقتباس دي علشان تعمل اقتباس: أول خطوة أعمل كوبي للكلام الذي تريد اقتباسه تاني خطوة: اضغط على إضافة رد تالت خطوة: إختار من الآكونز في وندو الرد على آكون "اقتباس" بجوار آكون ضع خط رابع خطوة: ح يفتح معاك وندو جديد للاقتباس وداخله كتابة غير مفهومة أعمل ليها ريست ثم أعمل بيست فيها خامس خطوة: أضغط أوكي
ولوووووووووووووووول @ قباني وتراجي والله يا قباني وتراجي أخوتكم طلعت أخوة كاب وحدها الباب لوووووووووووول ياخي في داعي تشيلو حالي قدام أخوي الكبير؟
تحياتي للجميع
| |
|
|
|
|
|
|
|