Quote: الصورة مدخل كبير جدا مقرونة بالعنوان وبما انني على يقين بأن قلمك يجيد تطويع العنوان مع الصورة ليمنحنا قراءة شاملة لبنات الزمن ده عكســة :- قلمك مدهش يا ايمن وبفتش عليهو صباحا ومساء لاقرأ واستمتع به في كافة الضروب التي تتناولها .. لا ازيد غير ان اقول انت صاحب فكر ناضج ومتقد
هلا يا اشرف - يا أخي كتر خيرك على المديح الذي اراه اكثر مما يستحق شخصي الضعيف !
فرح
منال - يا شينة يا كعبة يا وحشة ، الاجازة كلها ما بتتصلي مالك ؟ مني - انا الكعبة والا انتى المستغنية ؟! تلفونك الاجازة كلها مقفول ! منال - اي والله ! - انا نسيت - اصلو كنا انا وماما وبابا وحمودي في اجازة بره السودان !
زعل
منى - اسمعي يا حبيبتي: انا الكلام من ورا الناس اصلا ما بحبو - دي اول حاجة - والحاجة التانية انا ما طبعى كده ! الحمد لله مربيه كويس ! وما بتاعة حركات زي دي ! منال - اسمعي ياروحي: القالت ليكي الكلام ده كذابة وانا اصلا ما بعرفك كويس عشان اجيب سيرتك ! والعملتيهو بخصك براكي ، انا ما لي بيهو دعوه - شفتي كيف ؟!
02-03-2013, 09:31 AM
الزنجي الزنجي
تاريخ التسجيل: 09-05-2003
مجموع المشاركات: 4141
Quote: ان رحبت بوجودك فى البورد ،،،، خير وان لم ارحب بك سابقا فمرحبا بوجودك بيننا وحتمااضافاتك نيرة فى هذا الفضاء الاسفيري مع كامل الود محمد عبدالله ـ الزنجي
حبابك يا الزنجي - العتب على زحمة الاحداث الاخيرة وهجمة الروم المجيدة
يا هندسه الصوره التانيه دى ما تبعنا ديل جيرانا الحبش واظنها عارضه ازياء مشهوره ..... شيل قبل ما يجوك ناس الاستلاب الثقافى ....! بوست جميل وبنات الزمن ده زى ما قال عمنا ود الرضى " الله يكبرن الكبرنى وسمحن "....!
02-03-2013, 11:01 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
Quote: يا هندسه الصوره التانيه دى ما تبعنا ديل جيرانا الحبش واظنها عارضه ازياء مشهوره ..... شيل قبل ما يجوك ناس الاستلاب الثقافى ....! بوست جميل وبنات الزمن ده زى ما قال عمنا ود الرضى " الله يكبرن الكبرنى وسمحن "....!
هلا يا سامي - بنات الزمن ده - واولاد الزمن ده زي ما قال الفسباكي Mohammed Ali
للمزيد من الاستلاب
02-03-2013, 11:04 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
سلمى ! .......عايزاك ؛ عن ازنكم يا جماعة ! سلمى - عن ازنكم يا جماعة ،،، اشوف دي عايزة شنو كمان ! .... خلود - اسكتي ... اسكتي ! سلمى - في شنو ؟!... في شنو ؟! خلود – منى قالو فسخت خطوبتا سلمى - اصصصلو ما بصدق ! ... عليكي الله ؟! خلود - آى والله ... هسا مناهل كلمتني ، قالت قالت ليهم: ارتحت منو ! ولما سألوها حصل شنو – قالت ليهم انفصلنا وكل واحد مشى في حالو سلمى - اها وما قالت السبب شنو ؟ خلود - والله مناهل قالت قالت ليهم هي الرجعت ليهو الدبلة وقالت ليهو خلينا نكون زملاء واصدقاء وقالت هي صرفت النظر عن الموضوع من اساسو ! سلمى - اصصصصلو ما بصدق ! خلود - والله زي ما بقول ليكي كده ، بس مااا اظن الموضوع بالبساطة دي ، الموضوع فيهو ... ان ! سلمى - ان كيف يعني خلود - منى دي لي فتره شايفاها مااا ياها ، حتى هو ما كان بيتصل بيها الايام الفاتت دي كلها – ما لاحظتي للحاجة دي ؟! سلمى - صحى والله ، التلفونات الكتيرة ديك فجأة انقطعت ! خلود - شكلو هو السابا ، لانو ما حصل جابت لينا سيرة انها ما عايزاه او حاجة زي دي ! دايما – حسن عمل وحسن سوى ، حسن قال لى ومشينا انا وحسن ، حتى سيرتو الايام الفاتت ما كانت بتجيبها ! سلمى – كدي خلينا نمشي كافتريا آداب – كن لقينا عواطف بتم لينا باقي الشمار ده !
02-03-2013, 11:25 AM
هشام كمال عبادي هشام كمال عبادي
تاريخ التسجيل: 10-30-2010
مجموع المشاركات: 2166
الأمم المتحدة تحدد «10 نوفمبر» يوماً عالمياً لملالة.. تقديراً لشجاعتها في مواجهة قوى الجهل والتطرف.
كانت ملالة يوسف زاي (15 عاما) تعرضت لاعتداء مسلح من قبل طالبان في التاسع من أكتوبر الماضي وأصيبت هي واثنتان من زميلاتها. وبعد أن تلقت علاجاً مبدئياً في باكستان من رصاصات غادرة أصابتها في الرأس والرقبة، جرى إرسالها بطائرة إماراتية خاصة إلى مستشفى الملكة إليزابيث في بيرمنغهام وسط بريطانيا، حيث تتعافى. وهددت "طالبان" بمهاجمة التلميذة الصغيرة مرة أخرى وقتلها بسبب انتقاداتها للحركة وتشجيعها لما تصفه ب"الآراء الغربية"-على حد زعمها !!
02-03-2013, 11:16 PM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أيمن محمود
أشرف الرحال
الزنجي
سامى عبد المطلب
هشام كمال عبادي
Bahaeldin Khairi
عباس الدسيس
فيس بوك
تويتر
انستقرام
يوتيوب
بنتيريست