|
Re: الفئران اكلت رجل المريض السليمة - حال المستشفيات مقرف مقرف (Re: محمد إبراهيم علي)
|
غايتو يا باشمهندس تفاصيل الخبر غريبة شوية. مريض حضر لعمل نظافة جرح ليه يدوهو بنج كامل. وبعدين شنو اصلاً الدخلو العنبر المرضى . وإذا كان فعلاً راقد فى عنبر العنبر ده مافيهو زول حايم والفيران اخدت راحتة فى اكل رجل المريض ده . ووين كان المرافق طيلة الفترة دى . _________________________ الاكيد انه مستشفى مدنى مليان فيران وكدايس . لكن صياغة الخبر عاوزه إعادة نظر.
| |
|
|
|
|
|
|
Re: الفئران اكلت رجل المريض السليمة - حال المستشفيات مقرف مقرف (Re: بدرالدين الطائف)
|
سلام بدر الدين الصورة كافية جدا وقصة المرافق يمكن ان تكون غير مرتبة انا لو في محلو ببقى اخرس من الزعل والمعروف ان مرضى السكر في السودان ولاسباب تتعلق بالمقدرة المادية او الاهمال الذاتي تلتهب جروحهم وتصل مرحلة الغرغرينا انا غايتو ما دكتور ولا بعرف بروتوكول معاجلة جراح مرضى السكر وهل يتم تنظيفها تحت البنج الكامل او الموضعي او بدون بنج فيا ريت يجينا دكتور من المنبر يورينا اما الاهمال في مستشفيات السودان فحدث ولا حرج
| |
|
|
|
|
|
|
Re: الفئران اكلت رجل المريض السليمة - حال المستشفيات مقرف مقرف (Re: محمد إبراهيم علي)
|
عارف يا باشمهندس احكى ليك قصة وكنت شاهد عليها والله على ما اقول شهيد. زمان كنت مرافق لمريض فى مستشفى مدنى الواحد ده. المستشفى كان فيهو كمية من الكدايس مبالغة عديل. وبقت تهاجم المرضى فى عنابرهم وتكابس العواميد . قرر مدير المستشفى وقتها بدون ذكر لاسمة انه يحارب الكدايس دى. تعرف عمل شنو . قال البيقبض كديس ياخد عليهو 5جنية بالقديم . وعينك ما تشوف الا النور الخفراء وعمال النضافة وكم ممرض كل واحد شايل شوال وعكاز وجارين ورى الكدايس. وحتى بعض مرافقين المرضى دخلوا فى الماراثون ده . وكانت مهزله ومسخرة .
| |
|
|
|
|
|
|
Re: الفئران اكلت رجل المريض السليمة - حال المستشفيات مقرف مقرف (Re: محمد إبراهيم علي)
|
شكرا الاخ الصادق عبد الله
Quote: ليس ثمة فرق بين هذه الفئران، وبين أولئك الذين يبنون أعشاشهم وأوكارهم في قمة جهاز الدولة من وزراء ومحافظين، ونواب للرئيس ومستشارين، وكبار مساعدين، وصولاً إلى أعلى رأس في هرم تلك السلطة التي تسمي نفسها - ويا للمسخرة- "الإنقاذ".
قادة "الإنقاذ" أحق بالمصير الذي لقيته تلك الفئران.. فهم مثلها ينشرون الطاعون.. وهم مثلها يمتصون الصديد والدماء.. وهم مثلها ، وعلى مدى نحو ربع قرن، يأكلون أطراف وأجساد المرضى والأصحاء. |
| |
|
|
|
|
|
|
Re: الفئران اكلت رجل المريض السليمة - حال المستشفيات مقرف مقرف (Re: محمد إبراهيم علي)
|
شكرا للاخ رحال العطايا وبناء على رسالته نعتذر لمستشفى مدني وادارتها
Quote: سلام عليكم ورحمة الله...الاخ محمد استوقفني مقالك في سودانيزاونلاين ...وبحكم انا من المدينة التي حدث فيها هذه الامر وهي المناقل ...مرسل اليك رابط صورة رجل المريض التي التهمتها الفئران بإختصار شديد هذه البقعة الجغرافية التي تسمي مدينة المناقل تفتقد الي ابسط مقومات الحياة (مع انها من اغني محليات السودان كما ذكرت الجريدة ) فمابالك اخي الكريم بقري ومحليات المدينة ...فاوالله حالهم تتقطع له القلوب...... وشكرا ده رابط الصورة في الفيسبوك |
واحد يفزع الفيس يجيب الصورة لانو انا ما عندي طريقة دلوقت
رابط الصورة بالفيس
| |
|
|
|
|
|
|
Re: الفئران اكلت رجل المريض السليمة - حال المستشفيات مقرف مقرف (Re: nabielo)
|
لاحولااااااااا ياخي دا بخليك ما عارف تقول شنو !!!!!!!!!!!!!! والله حراااااام تدخل المستشفي لكي تشفا دا فهمنا لكلمة مستشفي !!!! لكن دا مابحدث إلا في زبالة حكومة الإنقاذ تدخل المستشفي برجلينك تطلع بالعنقريب!!!!! تدخل لقلع ضرس تنزف وتمشي العناية المركزة !!! ر تدخل لعملية ولادة يطلعو الجنين ويختو ليك بدلو مقص وإبرة وشاش ووووو!!!!!! كمان جابت ليها فيران ياكلوك وانت حي تفرفر سبحان الله يا وطن
| |
|
|
|
|
|
|
Re: الفئران اكلت رجل المريض السليمة - حال المستشفيات مقرف مقرف (Re: احمد حمودى)
|
يا هندسة ما حا نصدقك الا تجيب لينا الفئران بتاكل والكراع السليمه والكراع المريضة والسلم الطلعت بيه الفئران للسرير وتثبت ان المرافق كان ما موجود وكل المرضى كانو نائمين ومافى زول جاء للزيارة و الممرضين ما جو مارين على المريض لما الفئران اكلت كراع الزول ولازم تثبت لينا انه المستشفى بدون كدائس.. صديق الموج فى دور لزاجة وسغالة ابو حسين،،،
| |
|
|
|
|
|
|
Re: الفئران اكلت رجل المريض السليمة - حال المستشفيات مقرف مقرف (Re: صديق الموج)
|
شكرا نجلاء على احضار الصورة هنا وهي تبين حقيقة ما حدث وشكرا دكتور نبيل على الافادة المتخصصة تحياتي نجاة سيد احمد عندي قريبتي عندها عملية مرارة بعد شافت الخبر ده في صفحتي في الفيس قالت بطلت العملية :)
احمد حمودي مرحب بيك في المنبر الحقيقة اتضح ان المستشفى المعني هو مستشفى المناقل وليس مستشفى مدني
ود الموج قوم لف كدة يا ابو حسين تعال سوق الزبون بتاعك ده ههههههههه
| |
|
|
|
|
|
|
|