Quote: وزول يتكلم معاي ولا يقول لي شنو ماعارف مافي،
يا عُبد سلام أها أنا واحد تعرف في بداية تسعينات القرن الماضي ، كنت سائق تاكسي ، لمو فيني مجموعة شباب في بحري قالوا لي مستعجلين جداً ماشين الخرطوم ، وكان البنزين بس ثلاثة جوالين في الاسبوع ، يعني لازم المشوار يكون ( سمين ) المهم يا زول ما أطول عليك ، وصلتهم لقاعة الشارقة ، وقالوا في جلسة استماع لمحمدية و معاه واحد كوري بيعزف على البيانو ، نزلت ، و اتفقت معاهم أرجعهم بحري بعد نهاية الجلسة . تصدق و تآمن من شدة استمتاعي بالجلسة ، ما شلت منهم حق المشوارين ، و رجعت أم درمان شاكر حامد .
كيمو يابرلوم الظاهر عليك دفعة ههههه سلام ومرحب بيك يازول انا زعلان من الزول دا قبال تعمل الرخصة العامة بالتحديد من حلقة مطرب وجماهير - عثمان حسين كدي اسمع دي
Quote: كورتك فكت يا معلم ياخ محمدية دا لم تشوفو بعزف و بتبسم تخلي كلو شي و تسمع بس يازول إنت ما نصيح و ل شنو محمدية دا لو مسك الكمنجة بي كرعينو بديك روائع..
أسمع راجع طبيب E N T
غايتو البعرفو جبت لي نفسك الهوا .....
الحمد لله ما بقيت داير اخصائي نفساني ههههههههه
غايتو لو جاء زول خبير وطلعني اي كلام بجي بسوقك نمشي العيادات التخصصية يقولون معهم دكتور نفسي ها !!
غايتو محمدية دا عايز فتوة كاربة - الزملاء الموسيقيين رجاءاً تنصفوه لو انا غلطان والله بعتذر
عموما هو متمكن مافي شك من ناحية العزف لكنه يحب ان يكون مختلفاً في الاداء مما يخلق النشاز ويفارق الجماعة
Quote: عموما هو متمكن مافي شك من ناحية العزف لكنه يحب ان يكون مختلفاً في الاداء مما يخلق النشاز ويفارق الجماعة
أخونا العازف عبداللطيف ... أنا ما متخصص لكن بعرف حاجة اسمها تجاوب .. ودي عملها محمدية في أغنية كابلي ... يعني كابلي شغال الأغنية في حتة باردة .. ومحمدية بيعزف في المنطقة العالية في تجاوب مع منطقة الكابلي الباردة ...
غايتو الكلام دا كُنت قاعد أسمعو من خيلاني كلّهم بيعزفوا عود ...
02-02-2013, 08:00 PM
Amir Omer Amir Omer
تاريخ التسجيل: 06-14-2007
مجموع المشاركات: 950
والله آمنت بالجد إنه اضانك تيونر وتاني شي آشهد ليك بالجرأة الجرأة دي لانه كلامك دا انا مقتنع بيهو مليون في المية لكن ما قادرين نقولو عشان ما يقولوا ليك مجنون كمنجة محمدية منشزة بدرجة قف تأمل يا عُبُد والموضوع ما موضوع الراجل كِبِر ومفروض يعتزل عشان يدينو ما مساعدينو الموضوع موضوع إنه محمدية عازف الكمان النحن بنسمعوا من نحن شُفّع ما طورنفسه ولا نص في المية في خلال الاربعين سنة الماضية ودا كلو عشان الناس بتجامل في بعض وقاعدة تعمل من الفسيخ شربات. واتوقع في نفس البوست دا يجوك ناس يشكروا ليك الراكوبة في الخريف.
عليك الله اسمع صمويل يرفينيان في الفيديو دا وشوف شغل الكمان في مقطوعة معقدة بدون ما يغلط ولا في نوتة واحدة وبرضو يقولوا ليك محمدية
ـــــــــــــــــــــــــــــ والله يا عبداللطيف كيفتني عديل كدا الليلة وشكلي ح اعسكر في بوستك دا
Quote: يعني كابلي شغال الأغنية في حتة باردة .. ومحمدية بيعزف في المنطقة العالية في تجاوب مع منطقة الكابلي الباردة
المشكلة مافي التجاوب يا صبري ... المشكلة في النوتة نفسها ما سليمة التجاوب دا معناها تشتغل في نفس النوتة الفي القرار لكن في درجة أعلى (الجواب) ورغم إنها بتختلف في الحدة لكن النغمة هي نفس النغمة أو الهارموني بتاعها لو حريف شديد لكن البعملوا محمدية يا صبري إنه وضعية صباعه على النوتة نفسها ما ظابطة مية المية ودي بتخلي الصوت فيهو نشاز واضح بخليك تتضرس عديل كدا.
02-02-2013, 08:33 PM
Amir Omer Amir Omer
تاريخ التسجيل: 06-14-2007
مجموع المشاركات: 950
Quote: حبيبنا أمير عُمر .. محمدية حتى لو ما طوّر نفسو برضو أدائه جميل ...
أمّا بخصوص الشفوت انتقل إلى الرابط التالي:
عثمان محي الدين شِن نفرو ؟
آنا شخصياً والله ما شايف ليهو اي جمال يا صبري يا خوي ... اداءه بخبرته الطويلة دي (اقل من عادي) وفيهو نشاز لا يخطئ الإذن ولا تخطئه الإذن :) عليك الله أسمع اليوتيوب الجابو حبيبنا أبوحسين كدليل اثبات وح يكون دليل ادانة عديل كدا
أما عن عثمان محي الدين فهو صديق من زمن بريطانيا واشتغلنا مع بعض حفلة في كارديف متعني فيها حد الثمالة وكان معانا اخونا وحبيبنا عازف الاورغ الجميل مهند الملك. تجربته بتاعت سحر الكمنجة تجربة جديرة بالاحترام وجديدة من نوعها ... لكن للآن أنا منتظر منه اكتر من كدا لاني عارف امكانياته. ح احاول افتش ليك في الهارديسك على الحان لعثمان وارسلها ليك وح تعرف منها امكانياته الحقيقية... ما ح تلقاها في النت ولا في اي مكان وللاسف ما ح اقدر انزلها هنا عشان لازم اخد الاذن منه في الاول.
ـــــــــــــــــ علي فكرة يا صبري ... عثمان محي الدين عضو في سودانيز من زمن طويل بس راجل كسلان خليهو يسمعني عشان يجينا ناطي هنا ههههههه
هههههههههههه والله انت ألذ زول غايتو على الأقل في المنبر دا!! بحبك ياعمر ياخ!! بس سألتك بالله تخلي القشير دا،، وتقول ليه يرجعنا محلنا وخلينا ان شاء الله نلحق العشرين جنيه،، 8000 يامفترين؟؟
محمدية دا خليه يقطع طبلتنا ، بس جيوبنا تكون مرقوعة!! ماتنسى موعدنا بكرة
02-02-2013, 09:56 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الضبح الانت بتقول عليه بيتم في جزء من الثانية وفي سلم يختلف محمدية الانت بتتكلم عنه دا حافظ نوتة اي اغنية سودانية مع ان معظم غنانا عبارة عن Looping Pattern او ما يعرف باللحن الدائري وهناك الخط المضاد او الغليظ Counterpoint وموسيقانا دائما ما تكون وحيدة وغريبة اليد واللسان ليه ؟ ايوة قلت لي ليه لانها بكل بساطة monophonic يعني وحيدة الصوت وبتلقى كل الالات في الاوركسترا تلهث وراء لحن واحد فيها الاورغ المزعج والبنقز الممل والعالم من حولنا موسيقاه poly - phonic يعني متعددة الصوت محمدية لعب دور تاريخي في ابراز اللحن وفي خلود الحان ارتبطت في اذهان العامة .. لولا محمدية كان يمكن الا يكتب لها نفس النجاح
والصولهات البتتكلم عنها دي .. ما اكثرها في الغناء الشرقي ومساحاتها شاسعة سواء للكمان او الكونترباص او الكلارنيت او العود والساكسفون والجيتار والعود او حتى للايقاع محمدية عنوان كبير جدا اسمح لي اقول ليك راجع متخصص في الانف والاذن والحنجرة
Quote: وجود محمدية يضيق الفرص على المبدعين الذين ظهروا في الفترات السابقة وقد اكتسبوا خبرات ومعرفة علمية يفوقون محمدية بسنوات ضوئية!!
تحياتي يا عبداللطيف وسعيد أنا أيضاً بلقاءك حتى في نقد محمدية .. فمنطلق النقد هنا ليس شخصي أو للتقليل من مكانة محمدية الفنية، ولكنه - من وجهة نظري - جرح غائر في العقلية السودانية لابد من فتحه وتنظيفه بحيادية تامة وبعيداً عن العواطف. مشكلتنا في السودان تكمن في التعامل بالعاطفة أكتر من التعامل المهني المدروس الذي يرتقي بمجالات الحياة المختلفة، ولذلك تجدنا نتذيل قائمة الدول في كل شيء سواء في الفن أو الرياضة أو السياسة، وذلك لأننا ننتهج سياسة الطبطبة والمجاملات الضارة حتي صنعنا لأنفسنا أصناماً من العجوة ثم تركناها تختمر. الفن السوداني غني جداً بالتراث والموسيقى لكنه وبعد كل هذه السينين لم ولن يخرج من نطاق المحليّة بسبب هذه الأخطاء التي لا نجرؤ أن نتحدث عنها بكل صدق وشجاعة .. هذه هي المشكلة الحقيقية يا عبداللطيف، ولذلك شهدت لك بالجرأة في مداخلتي الأولى.
صبري يا حبيب ... أمشي إنت وخلي ابوحسين دا نحن عايزينه عشان يجيب لينا الادلة وبعدين يا صحبي أنا ما متخصص والعزف هواية جربندية لم أرتقي بها لدرجة التخصص والدراسة وبحاول ادلو بدلوي حسب ثقافتي السمعية اكتر من ثقافتي العملية. والمتخصصين موجودين هنا امثال اساتذتنا الموصلي والماحي سليمان وحمزة سليمان ممكن يفيدونا بالرأي العلمي الدقيق.
Quote: صبري يا حبيب ... أمشي إنت وخلي ابوحسين دا نحن عايزينه عشان يجيب لينا الادلة
زمنو دا كلو ساكي خلق الله وين المصادر وين الأدلة .. أها الليلة انقلب السحر على الساحر ...
يا أبو حسين سحر الكمنجة ما بحلّك
Quote: وبعدين يا صحبي أنا ما متخصص والعزف هواية جربندية لم أرتقي بها لدرجة التخصص والدراسة وبحاول ادلو بدلوي حسب ثقافتي السمعية اكتر من ثقافتي العملية. والمتخصصين موجودين هنا امثال اساتذتنا الموصلي والماحي سليمان وحمزة سليمان ممكن يفيدونا بالرأي العلمي الدقيق.
تُشكر يا حبيب وما عدمناك .. وكثرة الممارسة تقود للتخصصية والاحترافية (بطّل كسل) .. والتحية عبرك لكل الموسيقيين .. ولزميل المنبر أستاذنا الموصلي ...
الاخ عبداللطيف لك التحية اسي لو جاك زول متخصص وقال ليك انو البعملو محمدية دة في الاغاني - يعني الانت - بتسمعو ومفتكرو (ضبح ) هو قمة المهنية والاحترافية الوضع حا يبقا كيف ولا شنو ؟.
Quote: اسي لو جاك زول متخصص وقال ليك انو البعملو محمدية دة في الاغاني - يعني الانت - بتسمعو ومفتكرو (ضبح ) هو قمة المهنية والاحترافية الوضع حا يبقا كيف ولا شنو ؟.
يا أسامة أنا ما عايز أجر البوست لي شغل بتاع غُلاط وعيك وعوك وعاك .. لكن شغل محمدية مع الكابلي عجبني جداً .. وبالنسبة لكلام النوتة وما أدراك ما هي الذكرو أخونا د. أمير عُمر .. بقول إنّو ود الأمين هيمسيلف مرّات بيطلع برّة النوتة بي حاجات كدا عجيبة .. أنا ما عارف اسمها العلمي شنو بالضبط لكن يُخيل لي كدا حاجة زي السنكبة في الإيقاع ...
هذا التسجيل اعتبره من اجمل تسجيلات كابلي رغم صغر الاوركسترا المنفذه . كلمة نشاز كبيره في حق محمديه ممكن تقول انه ربما اخطا في احد الاصوات التي اداها لان المنطقة التي عزف فيها من اصعب المناطق في الكمان والتي ربما تخطي الصوت بملي واحد يفرق كتير في الصوت لكن لا اعتقد انه وصل مرحلة النشاز . بل بالعكس كابلي اعطي محمديه فرصة ان يعمل صولو بارتياح ويعمد محمديه ان يشتغل اوكتاف اعلي من بقية العازفين واعتقد انه يجيد ذلك ببراعة تامه المعروف ان محمديه يتجلي في حضور الكابلي ومن كل التسجيلات يتضح كانما الكابلي يشترط وجود محمديه في الاوركسترا . بعكس فنانين مثل محمد الامين الذي يؤمن بالاداء الجماعي والالتزام بالصولو في الموازير المحدده لذلك
يُعد من أمهر العازفين على آلة الكمان، بل تربع على عرشها لفترة طويلة من الزمن.. حاولنا أن نتعرف على جوانب مختلفة من حياته، مولده، نشأته، ودراساته، وكيف بدأ حياته الفنية، وغيرها من الأسئلة في هذا الحوار المختصر: { من أنت؟ - محمد عبد الله محمدية، نشأت بمدينة بورتسودان شأني شأن كل أبناء السودان، وولدت في حي بسيط يُسمى حي (ديم جابر)، وتلقيت كل مراحلي الدراسية من الابتدائي وحتى الثانوي بمدينة بورتسودان. { إذا أعدناك لأيام الدراسة.. ما هي المواد المحببة لك؟ - الفنون والخط العربي. { وألعاب الطفولة التي كنت تمارسها؟ - في اعتقادي أن كل الألعاب في السودان كانت واحدة مثل: شليل، وحرينا، وعسكر وحرامية، وشدت، وفي ظني أن غياب تلك الألعاب أفقد الطفل السوداني كثيراً من قدرات وملكات الإبداع في مجالات مختلفة. { بعد أن أكملت الثانوي ماذا فعلت؟ - بدأت في مساعدة الوالد الذي كان يعمل في مجال البناء. { هل كنت بارعاً في البناء؟ - كنت أستطيع بناء (حيطة). { ومهن أخرى مارستها؟ - عملت في ميناء بورتسودان أحصى بعض البضائع. { وكيف بدأت حياتك الفنية؟ - قبل أن أبدأ الفن برعت كلاعب كرة قدم في فريق الثغر ببورتسودان، والرياضة والفن مرتبطان ببعض، وبجانب كرة القدم كنت أهوى العزف على آلة (الصفارة). { ما هي الخانة التي كنت تلعب فيها داخل الميدان؟ - كنت مهاجماً. { وكيف بدأت العزف على الآلات الوترية؟ - أذكر أن إبراهيم إدريس (ود المقرن) كانت تربطه ببورتسودان علاقة حميمة، فشاهدته مع أحد جيراننا وأعجبت بطرقة عزفه، فكنت أنتهز الفرصة، وكلما خرج أحمل العود، وبدأت أقلده إلى أن تعلمت. { وكيف تعلمت الكمنجة؟ - في (ميز) بنك باركليز تعرفت على مدني محمد طاهر، وكان من كبار موظفي بنك باركليز، وكانت لديه كمنجة ولكنه لا يجيد العزف عليها فأعطاني إياها وبدأت التعلم عليها. { وكيف مارست الفن عندما حضرت إلى الخرطوم؟ - عندما حضرت إلى الخرطوم واجهتني أول مشكلة؛ لأن ممارسة الفن وقتها كان لابد أن يكون من خلال النقابة، والنقابة كانت محاطة بهيبة نظراً لعمالقة الفن: الكاشف وأحمد المصطفى وعثمان حسين، وظللت ثلاثة أيام أدور حول النقابة، إلى أن جاء الفنان "وردي" ووجدني خارج النقابة فاصطحبني معه فدخلت ثم من بعد ذلك فكرت في دخول الإذاعة، والتقيت بعلاء الدين حمزة وكان رئيس الفرقة الموسيقية، وقابلت أيضاً مصطفى كامل عازف القانون، فقال لي: هل تريد العمل بالإذاعة؟ فأجبته بنعم، فقال لي يجب أن تقابل اللجنة بالإذاعة، وبالفعل قابلت اللجنة واعتمدتني على الفور وحددت لي مبلغاً. { هل تذكر أول فنان عزفت معه؟ - أذكر أن حفلاً أقيم بمنطقة العباسية، وكان فيه عدد من الفنانين والعازفين، ولكن الطريف في الموقف أن الفنانة الراحلة عائشة الفلاتية رفضت بشدة أن أكون ضمن العازفين. { وما هو سبب الرفض؟ - الفنانة عائشة الفلاتية كانت حريصة أن تتأكد ممن يعزف معها ووقتها لم أكن معروفاً، ومن هنا جاء الرفض، ولكنها اعتذرت بعد ذلك. { أول عمل سجلته بالإذاعة؟ - حارم وصلي مالك، مع الفنان عثمان حسين. { هل تعتقد أن الفنانين السودانيين موهوبون؟ - أعتقد أن الفنون عموماً تُبنى على الموهبة، وبدون موهبة لن يكون هناك إبداع. { أول رحلة فنية لك؟ - كانت إلى إثيوبيا وكان معي أحمد المصطفى وسيد خليفة. { هل كنت من عشاق السينما، وما هو الفيلم الذي ما زلت تذكره؟ - السينما كانت الرافد الآخر للثقافة، و"ذهب مع الريح" و"صوت الموسيقى" من الأفلام التي مازلت أذكرها. { فنان تفضل الاستماع إليه؟ - كل الفنانين أصدقاء بالنسبة لي، ويتفاوت كل فنان عن الآخر عندي بما يقدمه من روائعه. { عازف لفت نظرك؟ - العازف مجدي العاقب =================================
قبل ما ندخل اداء الصولو المعروف في اغنياتنا المشهورة القام بيها محمدية لابراز مهارات ومقدرات العازف .. ودي المطرب او الملحن بدي فيها المجال للعازف وهو يتحمل نتائج العمل .. لان فيها حليات وزخارف مرتجلة في المفهوم الغربي اسمها (الكدينزا) من ضمن الكونشيرتو استاذنا عبداللطيف ارجع ليك للتذكير فقط لاشهر الصولات القام بيها محمدية الحزن القديم لوردي الطير المهاجر لوردي .. ودي (رجفت) مجدي العاقب شجن وبعد الصبر لعثمان حسين ونجي لاروع ما قدم موسى محمد ابراهيم لعثمان مصطفى (ماضي الذكريات) وستظل ماضي الذكريات درس سنعود له برواقة
والله بوست لم اكن اتوقع هذه المتعة فيه والروعة بمعنى الكلمة بمداخلات الاخوة الافاضل والتي أتمنى فيها من كل قلبي أنا المخطيء وأن يكون الخلل في أذني وانفي وحنجرتي وتبقى صورة الهرم محمدية في اطارها الصحيح
لكن لو طلع هو الغلط : سنعاقب بألسنة شداد من عملوا منه إله عجوة
مشارك بالموبايل وشارفت بطاريته ان تحرمني هذه المتعة، لذا سأعود في وقت لاحق للرد
02-02-2013, 10:06 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
ممكن محمدية يا عبداللطيف يكون صولفيج ثالث وللمعرفة العامة الصولفيج هو:\ قراءة اللحن في صياغ النوتة العلمي تخيل لو كان عندنا التوزيع الاوركسترالي the structuring او عملية تحويل اللحن لعدة الحان يعني فهم النوتة والمدى والبعد الصوتي للالة والتجاذب والتوافق الموسيقى مع الالات الاخرى كان محمدية دا شكلو حيكون كيف رغم انو لا موتسارت ولا متتاليات بتهوفن ولا باخ يمكن ان تعدل وجداننا وتراثنا وايقاعاتنا المعروفة (حداشر) سمعت شجن اها دي ياعبداللطيف صولفيج سوداني خماسي بتشوف فيهو بازرعة وعثمان حسين ومحمدية يرون وجدانك بعدين الف واجيك خليني احلل ليك بتتعلم من الايام لان الباشكاتب دا اكثر واحد استفاد من انصاف وارباع التون تحياتي
02-02-2013, 10:18 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
محمدية ما بجد صعوبة في التون زي بقية العازفين يعني بلقة اللازمة الموسيقية بكل سهولة ويسر في حين في نفس التون بتكون صعبة على بعض العازفين قول لي ليه ؟ ياعبداللطيف لصعوبة التقاء الاصابع مع حافة القوس شوف كمنجست محمدية احسن صوت سوداني الراحل : خليل اسماعيل لان في معهد الموسيقى كان بغني في سلم سموهو سلم خليل اجمل صوت نسائي ضل طريقه : سمية حسن وسيظل صوت سميرة دنيا (الطو) من ابرع الاصوات خليفة عشة الفلاتية وصوت (زينب الحويرص) السوبرانو لا مثيل له وعثمان مصطفى طبعا حكايتو حكاية
02-03-2013, 12:08 PM
Elmosley Elmosley
تاريخ التسجيل: 03-14-2002
مجموع المشاركات: 34683
الحبيب عبد اللطيف وضيوفه الكرام لقد استمعت الي الاغنية ولم آجد نشازا كمار تفضلت ربما آنك تقصد بان محمديه سارح في الاغنيه يعزف الموسيقي الاساسية ثم يغني مع الكابلي بالتفصيل الممل واثناء ذلك يسرح لعمل تضادات لحنية واحاسيس حقتو براهو عموما محمدية في السبيعنات والثمانينات كان افضل في رآيي كثيرا ففي ذلك الوقت كان في عنفوانه وكان يتمرن كثيرا اساتذة محمديه هم بدر التهامي والخواض وعبد الله عربي وغيرهم من القدامي ولكنه تفوق عليهم بيد آنهم ما زالو اساتذته ومحمدية هو استاذ الاجيال الحالية وفيهم كثيرون تفوقوا عليه تكنيكا وحداثة الا انه يبقى استاذهم واستاذنا نكن له الاحترام فمن علمني حرفا صرت له عبدا ============= اساسا الكمان وكثير من الالات في السودان يعاني من عدم اهتمام الدولة والمعاهد بتطوير العازفين ومنحهم مدد تدريبية ولو تساوي نصف تلك التي تلقاها اقرانهم في الدول الاخرى برغم موهبتهم العالية فكثيرون منهم آو قل آغلبهم يعزفون من الذاكرة وهذه لا توجد لدي اقرانهم
Quote: الحبيب عبد اللطيف وضيوفه الكرام لقد استمعت الي الاغنية ولم آجد نشازا كمار تفضلت ربما آنك تقصد بان محمديه سارح في الاغنيه يعزف الموسيقي الاساسية ثم يغني مع الكابلي بالتفصيل الممل واثناء ذلك يسرح لعمل تضادات لحنية واحاسيس حقتو براهو عموما محمدية في السبيعنات والثمانينات كان افضل في رآيي كثيرا ففي ذلك الوقت كان في عنفوانه وكان يتمرن كثيرا اساتذة محمديه هم بدر التهامي والخواض وعبد الله عربي وغيرهم من القدامي ولكنه تفوق عليهم بيد آنهم ما زالو اساتذته ومحمدية هو استاذ الاجيال الحالية وفيهم كثيرون تفوقوا عليه تكنيكا وحداثة الا انه يبقى استاذهم واستاذنا نكن له الاحترام فمن علمني حرفا صرت له عبدا ============= اساسا الكمان وكثير من الالات في السودان يعاني من عدم اهتمام الدولة والمعاهد بتطوير العازفين ومنحهم مدد تدريبية ولو تساوي نصف تلك التي تلقاها اقرانهم في الدول الاخرى برغم موهبتهم العالية فكثيرون منهم آو قل آغلبهم يعزفون من الذاكرة وهذه لا توجد لدي اقرانهم
أستاذنا العظيم يوسف ،، لك الشكر على كل ماتقدم في الساحة وفي البورد، وتواصلك معنا هنا يعجبني كثيراً ، وردودك دوماً علمية ،
أنا أستشف من كلامك الفوق أن محمدية لم يعد كما كان قوياً في (نهز) الوتر ، وكمنجته في ذات نفسها تعاني الوهن كبقية الأشياء في سودان اليوم، وأتقبل وضعك كأستاذ موسيقي وزميل لأساتذنا في المهن الموسيقية ، ورأيك الصراح قد لا يتقبله البعض بمهنية عالية ، ولكن : أرى فيما يرى السامع هههههههههه أن شيخنا محمدية سيجد صعوبة في الهيمنة أكثر من هذا على عرش هذه الآلة،،
أشكرك ياحبيب ،،
02-03-2013, 10:04 PM
محمد الكامل عبد الحليم محمد الكامل عبد الحليم
تاريخ التسجيل: 11-04-2009
مجموع المشاركات: 1968
اشاطرك الراي اخي عبد اللطيف لكنني اذهب مذهبا بعيداان اسباب النشاز قد تعود الي مصاحبته جيل لازال يتلمس طريقه عبر التقليد خروجا عن الزمن والايقاع في كثير من الاحيان..واتاسف كثيرا ان اساطين الكمان مثل محمدية اصبح سعيهم في الحياة يقترن بمصاحبة هؤلاء...بالرغم من الدور التوجيهي الذي يقوم به محمدية واخرون ولكن هيهات......في ظل السعي المحموم والهرجلة هل تري وقتا للتامل ومن ثم محاولة التجويد او علي الاقل نقل التجربة بما يكفل الصقل لشباب جامح لا هم له سوي جني المال بعد شهرة مؤقتة او زائفة؟
اشاطرك الراي اخي عبد اللطيف لكنني اذهب مذهبا بعيداان اسباب النشاز قد تعود الي مصاحبته جيل لازال يتلمس طريقه عبر التقليد خروجا عن الزمن والايقاع في كثير من الاحيان..واتاسف كثيرا ان اساطين الكمان مثل محمدية اصبح سعيهم في الحياة يقترن بمصاحبة هؤلاء...بالرغم من الدور التوجيهي الذي يقوم به محمدية واخرون ولكن هيهات......في ظل السعي المحموم والهرجلة هل تري وقتا للتامل ومن ثم محاولة التجويد او علي الاقل نقل التجربة بما يكفل الصقل لشباب جامح لا هم له سوي جني المال بعد شهرة مؤقتة او زائفة؟
أخي محمد الكامل ،، تحية وإحترام وتقدير ،، المال والبحث عنه طمس الكثير من الخطوط الابداعية في مجالات عديدة ، وكل شيء أخذ الصفة المنافسة التجارية يساورني الشك في جودته ، لذا كانت الفترات السابقة تحظى بتنافس في التفوق في جمال الألحان والكلمات ، وعندما يكون الابداع الفني هو ما يقيمه المستمع فإن التجويد يكون صفة ملازمة لكل الأعمال المنتجة،، لذا سيسيتعصي علينا وجود ألحان وكلمات في قيمة موروثنا الفني لأن المحفزات لأصبحت تجارية بحتة ولحق السوق!!
تانياً أنحنا ذاتنا بنطرب معاك لكبريتة أبو داؤود جداً لأنها قمة الأنضباط في الإيقاعية ولا تجد فيها أي شترة ، وكذلك الرق عند بادي محمد الطيب وأحمد الطيب ومحمد أحمد عوض ، وفتاح وحيدر في الأبيض لو تذكر،، ونشأنا في بيئة مفعمة بالطرب والمواكبة حينها حين ظهور فرقة عبد الرحمن عبد الله المكتملة مع تجاني وعبد القوي وحاتم حسن عبد الله أيام الطفرة وظهور (الواوا) ، كذلك فرقة جاز البوليس كانت مواكبة بأغنيات تلك الفترة وراقصها الشهير ،، ولوتذكر - إنت لسه شباب ياخ - فرقة فنون كردفان ودورها الرائد وفرقة الشباب - عازفيها المهرة مصطفى محمد الحسن وفيصل دبلوك وعبد الله بدوي كانوا يجيدون ضبط الأغنيات وأداها بشكل رائع في بيئة أسهمت كثيراً في ظهور فنانين مجيدين أمثال عمر بانقا ومحفوظ عليش ،، كان الأحياء تعج بالموسيقين المغمورين وليالينا يحفها الطرب الأصيل - وكل منا يعرف القليل عن تقنيات معظم الآلات،،
محمدية ياحبيب أراه والله يبالغ كثيراً في الخروج عن النص ، وهذا ما أجده مزعجاً لدرجة لا أحتمل معها مواصلة الإستماع ، بعكس خروج عادل إمام عن النص ، فحينها يقدم أجمل كوميديا تلقائية تضحك حتى زملاءه على خشبة المسرح،،
أظهر وبان !!
02-02-2013, 10:02 PM
Osama Mohammed Osama Mohammed
تاريخ التسجيل: 04-02-2008
مجموع المشاركات: 4619
Quote: أنا ما عارف اسمها العلمي شنو بالضبط لكن يُخيل لي كدا حاجة زي السنكبة في الإيقاع
تعرف اسمها برضو ( نجر) . انا بضو ما عاوز اغلط والاخ عبد اللطيف ده من دون ناس السعودية المرض دي عندو معزة خاصة ( وانت برضو بالمناسبة) ولانو انا مرة برضو (اتشوبرت) لكن الناس ماكانو ظريفين وقعدوا يقولو لي لا ياخ يمكن تكون غلطان وباركها ويمكن تكون غلطان ـ ادوني على راسي بالجزمة القديمة. ومن يومها بقت ارائي ما حادة بعني ما ممكن اقول ما بعرف لكن ممكن اقول الزول ده قاصد شنو ، اهو منو سؤال واستغراب .
عبد اللطيف انا بحب محمدية جداً وهو زول انسان جداً ان عرفته عن قرب وزول حبوب وما بغير رأى ده فيه ابداً، لكن نوع كلامك ده انا سمعته من موسيقيين كبار فى نهاية الثمانينات لكن يظل محمدية عندى هو محمدية الانسان، اما عزفكم ده تعرفوهو براكم،،،
02-02-2013, 10:48 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
الأخ عبداللطيف ... شكراً لفتح الموضوع .. رغم إنك عارفو حيجيب ليك الهوا. عايز أقول ليك، إني متفق معاك .... مع كل الإحترام لتاريخ محمدية.
أدلل على كلامي بتسجيل سهرة كاملة للراحل عثمان حسين .... صراحة لا أتحمل سماع تسجيل أي أغنية فيها. (الفنان) محمدية كان في هذه السهرة يعزف أعلى من الأوركسترا على ما أظن بتلاتة أوكتافات والنتيجة كانت مزعجة بشكل منفر. شخصياً، أعتقد أن الكمان يجب أن يكون ملتزماً بمجموعة الكمانات، حتى في جرّة القوس، ما عدا الصولات.
الكلام ده قلته أكتر من مرة قبل كده، وأتهمت في ذوقي ........ الله يعينك.
02-02-2013, 11:09 PM
Dr.Elsadig Abdalla Dr.Elsadig Abdalla
تاريخ التسجيل: 12-10-2005
مجموع المشاركات: 2198
سلامات يا عبداللطيف يازول أسمع ..أنا والله مابعرف أعزف لكن محمديه أنا شايف إن مفروض يعملوا ليهو تمثال في دار الفنانين .. إنت عارف نحنا في السودان ده نعرف محمديه ...وردي...ود الأمين ..عثمان حسين ..إبراهيم عوض ..... جكسا..قاقارين ..كمال عبدالوهاب،،بريمه..طارق ..هيثم والعجب . الأزهري..المرغني المهدي ..المحجوب ... .....محمديه ده مفروض يدوهو جواز سفر دبلوماسي تحياتي .... شوف كلام ود الباوقه ...دسايما حكيم ..
02-02-2013, 11:44 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
قبل فترة أتناقشت مع شباب عن المزيكة السودانية، وكانت المناسبة تقريباً حضورنا لحلقة من حلقات برنامج أغاني وأغاني . أنا قلت ليهم محمدية دي بقى يديك حق الحكومة بس لا زيادة ولا نقيصة، لكن أنا بحب شغل أولاد الجيل الجديد أمثال حزيفة خاطر وحسام وعثمان محي الدين واسماعيل عبد الجبار وغيرهم . الشباب ديل أستغربوا بطبيعة الحال، لسبب بسيط نحن شعب وجداني للحد البعيد، حالم ورومانسي وما ناكر للجميل . محمدية أعطى للموسيقى السودانية ولم يستبقِ شيئا، ولكن التكتيك وخطط اللعب أتغيرت وما عاد زمّار الحي يطرب . يعني لما تسمع المزيكة الطاعمة المجنونة البتمرق من كمنجة كارين في فرقة ياني الأسطورية بتجيك كاروشة في حتة الله يعلم تحكها كيف . مع إنو الكمنجة بتاعة محمدية وبتاعة كارين واااااحدة، لكن الفرق إنو دي شابة مقبلة على الحياة وبتحب الجمال، وعايشة وسط ناس سمحين وأرواحهم حلوة . ناهيك عن المواكبة والقراية والتدريبات والتمارين المتواصلة والسعي للتفوق والإبهار . أها السبب شنو البمنع محمدية إنه يقدم لينا مزيكة طاعمة زي دي طالما كتوف الأوتار متلاحقة ؟ خلونا موضوعيين ودغريين وما نقعد نشكّر في هلال 87 ساهي . الكورة مدورة وحوة والدة بالجملة .
Quote: محمدية بيعزف غناء سوداني..بمزاج سوداني..أصبح جزء من الوجدان السوداني..
المزاج السوداني هذا...نسيج وحده كما يقول المثقفاتية..
حصل في الدنيا لاقوك ناس بياكلوا أم فتفت والتقلية والكوَلْ (بفتح الكاف والواو) والنعيمية وينوموا نصصصص النهار والكهرباء قاطعة؟؟
تحياتي أخونا وحبيبنا صاحب الإسم الفخيم ... محمود مصطفى محمود
عندنا مشكلة نحن السودانيين وهي أننا حاصرين المزاج والوجدان (فقط) في الشعب السوداني وطبعا دي نقطة إختلاف بيناتنا بتخليك تشوفني Unfair. الوجدان والمزاج دا موجود في أي شعب وهو الملهم والمُحرِّك للأحاسيس، ولو مسكنا كل شعب ح نلقى أنه عنده أم فتفتو وتقليتو وكَوَلو ونعيميتو (مزاجو الخاص) لكن الفرق بينا وبين باقي الشعوب دي أنهم ما حصرو مزاجهم وإستأثروا بيهو بل شاركونا فيهو وخلونا نعيشوا معاهم ونحس بيهو!! حصل في حياتك أكلت (كُشري)؟! اها الكُشري دا هو ام فتفت الشعب المصري الشقيق معمول بمزاج ووجدان مصري بحت لكن خلونا نضوقو ونعيشو ونستمتع بيهو!
طيب ...حصل سمعت لبوب مارلي؟! ليه الغالبية العظمى من الشعب السوداني إجتمعت على حب أغاني بوب مارلي رغم إنه بكتب وبلحن وبغني بمزاج ووجدان مختلف عن الوجدان السوداني؟!! حتى لو مسكنا صمويل برفينيان وكارين بريدج وياني نفسه ح نلقى انه كل واحد فيهم عندو وجدان ومزاج مختلف تماماً بسبب البيئة الجاي منها .. لكن الإختلاف دا ما كان عائق بل كان سبب اساسي خلى شعوب العالم بمكوناتها الثقافية المختلفة إجتمعت عليهم وبتستمع بتلاقح الأمزجة المختلفة البيعزفا ياني.. دا كلو ما بوريك إنو حصر الوجدان السوداني فقط في الشعب السوداني معناها إنت كسوداني ح تكون منغلق على نفسك ومعزول تماما وما عندك تبادل ثقافي مع أي زول في الدنيا؟؟ هل بسبب المزاج السوداني دا أنت مفروض لا تاخد لا تدي وتكون عامل - بلغة الكيمياء - زي الـ (عنصر خامل)؟!!
عشان اثبت ليك إنو مسألة المزاج السوداني دي شماعة ما مفيدة ولا ح تودينا لقدام ... اسمع معاي Afel bocoum وشوف المزاج والوجدان المالي الطالع من (قرية) وبالالات بسيطة جدا قدر يوصلك ويخليك تتعرف وتحس بالوجدان والمزاج المالي؟؟ بالمناسبة Afel bocoum دا لمن يكون عندو حفلة في بريطانيا بتلقى المسرح house full والتذاكر بتكون Sold out قبل شهر ..!
ـــــــــــــــ الموسيقى والفن عموماً ما بيتحسب بالاقدميّة ولا بعدد السنين الانت بتعزف فيها ولكن باجتهادك وابداعك .. ولو عايزين نمشي لقدام مفروض نخلّي الحكم بالعاطفة بعيد ونشوف الحقيقة بدون زخرفة ..!
وتقبل محبتي وتقديري
02-03-2013, 05:57 PM
Amir Omer Amir Omer
تاريخ التسجيل: 06-14-2007
مجموع المشاركات: 950
Quote: وموسيقانا دائما ما تكون وحيدة وغريبة اليد واللسان ليه ؟ ايوة قلت لي ليه لانها بكل بساطة monophonic يعني وحيدة الصوت وبتلقى كل الالات في الاوركسترا تلهث وراء لحن واحد فيها الاورغ المزعج والبنقز الممل والعالم من حولنا موسيقاه poly - phonic يعني متعددة الصوت
أحمد ياسين يا حبيب ازيك
ما قدرت أربط بين نشاز محمدية وبين كلامك الفوق دا! لكن حسب معرفتي المتواضعة أنو الـ Monophonic عبارة عن مجموعة من الأصوات أو آلات من عائلة واحدة بتعزف كلها نفس الميلوديا في نفس الزمن وبيكون الناتج منها صوت وحيد مثلاً طرمبيت وساكسفون وترومبون وهورن لما يعزفوا نفس الميلوديا في نفس الزمن بيكون اسمها Brass وفي الحالة دي ما بتقدر تميّز الساكسفون من الترمبون من الهورن من الطرمبيت يعني مافي أزعاج ولا لهث وراء لحن واحد زي ما ذكرت في مداخلتك!! أما موسيقى الـ Polyphonic فهي بتتكون من أكتر من ميلوديا بتتعزف في نفس الزمن وفي نفس المقطوعة وبتتداخل مع بعض (مثال على ذلك الهاروموني .. وشغل الخطوط المتوازية) والاتنين متوفرين في الموسيقى السودانية ولو كانت بشكل متواضع!
وصراحة في الحالتين الانت ذكرتهم ديل ما لقيت لمحمدية موقع من الإعراب .. بمعني إنه لو مسكنا الـ Monophonic ح نلقى محمدية دايماً مغرد خارج السرب (باوكتافاته المختلفة) وغير ملتزم بالخط الجماعي المعروف بيهو الـ Mononphonic .. وبالنسبة للحالة التانية (polyphonic) ما حصل سمعت محمديّة اشتغل ليهو خط تاني يُشكّل صيغة الهارموني (باشكاله المختلفة مثل الـ Second, الـ third، الـ fourth الخ) المعروفة لدينا ولو عندك حاجة زي دي يا ريت تسمعنّا ليها عشان آقدر اغير رأيي. وأضيف ليك نقطة إذا إعتبرناهو صولوست إفتكر كلو الناس البقروا في كلامنا دا يقتنعوا انه الكلام دا ما صاح والدليل على كدا الفيديوهات الرفعتها انا لصمويل برفينيان من نواحي التكنيك على الآلة والـ tone color بالنسبة للمستمع ودا خلانا في متاهة هل العيب في كمنجة محمدية ولا الإسلوب المُتبّع في العزف مغاير للناس الذكرناهم ديل؟!
02-03-2013, 09:46 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
امير عمر .. ازيك انت يا حلو يا فنان هسي مداخلتك دي عايزة ليها مساحات ونعمل مجموعة الات ولكل الة لحن خاص بها من ضمن اللحن الاساسي ودا ياهو البولفونيك حارجع ليك بى فضاوة ورواقة
02-03-2013, 09:49 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
عشان امير عمر دا ادلى بشهادة تاريخية حاندخل انا وهو في حصة للتاريخ
الكمنجة وما اداراك ما الكمان استقرت في وجدان الشعب السوداني خاصة لانها صاحبت الاغنية الامدرمانية عوضا عن المثلث الحديدى والعصايتين والكبابي وطبعا هي دخلت مع كتشنر الغازي للسودان في سنة 1898م وكان التجار من اهل الشام هم البعزفوا عليها وتطور الامر بعد انشاء قوة دفاع السودان بقيادة الكابتن (شيت)ودا كان مشهور ببراعته في عزف البيانو والكمان وتتلمذ على يديه الرائدان (حسن التوم) و(احمد مرجان) ودا هو صاحب الفضل الكبير
02-03-2013, 09:52 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
والامر الذي لا شك فيه ان (الكمنجة) قد دخلت السودان مع جيش الغزو الانجليزي الذي قاده (اللورد كتشنر) وفتح الخرطوم العام 1898م الا انها كانت قاصرة آنذاك على الجنود الانجليز ولم تكن معروفة عند السودانيين.
وفي العقد الاول من القرن الماضي عرفت للسودانيين بوساطة (الشوام) الذين قدموا للسودان موظفين وتجاراً، وكان لهم فضل في ظهورها في العديد من المدن السودانية إلى جانب بعض افراد الجاليات الاجنبية. وفي منتصف العشرينات من القرن الماضي ظهر السر عبدالله وبدر التهامي والسر دا كان بعزف (القرب) وهي اصلها اسكتلندي والسر دا برضو هو القام بنشر الكمنجة في ارجاء السودان وهو الكان بعزف خلف سرور وكرومة وخليل فرح في (عزة) وسجل اسطوانات الفونوغراف في مصر سنة 1929 الى سنتة 1930م
02-03-2013, 09:53 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الكلام يطول ويطول ولكن اختصاراً السر سجل مع اسماعيل عبدالمعين اول الاغاني اغنيات مثل (قابلتو مع البياخ) و (خجبوك ياضوء القمر) و (جبال التاكا) دا اسماعين عبدالمعين تاني د. ادهم وهو صاحب فضل في ادخال الكمنجة للغناء السوداني والتخلص من الكورس او الشيالين ومع التطور ظهرت دكاكين تبيع الالات الموسيقية واشهرها دكان الاغريقي دمتري البازار في امدرمان ودكان واحد لبناني ارمني اسمه زوريان – في الخرطوم ولا ننسى د. ادهم دا صاحب المقطوعات المميزة او (الادهميات) صال وجال في ليالي امدرمان وتطور الامر الى ان وصلنا للكبار ... نعم للكبار جدا حسن الخواض صاحب معاالجة الدوبيت الاشهر في السودان علاء الدين حمزة – الماحي اسماعيل – بدر التهامي – عبدالله حامد عربي – محمدية مافي داعي اقول ليكم انهم كانو بعزفوا من الذاكرة لانهم بعد كدة درسوا الموسيقى في النمسا وفي القاهرة وفي انجلترا ولى عودة في مقطوعة معينة نموذج للكمان وبراعة محمدية
الله لامن ولد بحري طارق ميرغني يهوب ناحيتنا يعني نقول انفاس الزهر والرياض هبت زي الاحساس العميق الهبش جدنا العباسي تجاه فتاة العشرين بحدائق جيرون - في سوريا كان الله بعون سوريا
عارف ياطارق القدر هو الجاب الخواجة الايطالي (اوزو مايسترلي) انه يعيش في السودان لانه كان عيان والاطباء نصحوه ان يعيش في بلاد جافة مشى قعد في الحبشة لقاها لينة وما لقى انشف من السودان قام استقر وطاب ليهو المقام الغريبة في اقل من عشرة ايام شفى تماما اتعرف عليه عازف الكمنجة الماحي اسماعيل طوالي ساقو وداهو الاذاعة وبقى يدرس كمنجة على اصولها .. لانه هو نفسه كان عازف كمانجة في فرقة (فلورنسا) الايطالية بلدة فريق الفيولا - فيورونتينا
Quote: مشكور اخي احمد يسن علي المحاضره الاسفيرية المجانيه
شكرا اخي عمر
مشكور استاذنا موصلي
وين يا عبد اللطيف ما لك زغت مننا
معليش ركز علي السمك يوم الخميس
ولحدت يومذاك ركز علي مناقشة الاساتذه اعلاه
ولك عاطر ودي
ياهندسة ،، والله مشغولية،، ههههههه وين سيد السمك الله يطراهو بالخير ياخ،
أشكرك إسهامك في البوست ياحبيب ، وأنت بالتأكيد رأيٌ يحترم وصوت لا يعلى عليه بحكم إجادتك العزف لأكثر من آلة وعاصرت بعضاً من زمن هؤلاء العمالقة - ماقدر الديناصورات ديل ماتخاف - وشهدنا لك بالإبداع ،،
بالفعل محاضرات أحمد ياسين والموسيقين هنا أستفدت منها كثير، وزي ما طلبت منك بهناك : محتاجين نفرح - قتلتنا الرتابة!!
02-03-2013, 10:01 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
بصراحة مداخلة حبيبنا امير عمر دي ذكرتني موسيقى جميل جدا جدا عليه الرحمة والمغفرة كان يُدِّرس الموسيقى كانه يعزف على كمنجته كأن السحر يطلع من بين يديه ثفافة .. ادب روحاني - فكر موسيقى ولا اروع كان انيقا جميلا بل انيق لدرجة تثير دهشتك حتى وقفته كانت انيقة وشعره المصفف بعناية باختصاار كان فنانا وكان يعزف باوركسترا الااعة انه الراحل : محجوب عواض الف رحمة ونور عليه .. اللهم ارحمه برحمتك وادخله جناتك
وبرضو حتى لو كنت موجود من الأساس كنت ح أتفرج على هذا الأداء الواثق لفرقة البوست وهم يتنقلون بنا في سياحة فنية راقية ، وتحاور علمي وتاريخي أفادني كثيراً ، وأنا كما هو معلوم للبعض هنا (الشمات ابوحسين وصبري) ، لدي اهتمام جربندي للعزف على العود لم أتلقى يوماً درساً للموسيقى ، لكن والله أعتبرنفسي مستمع جيد ، أما علاقتي بالكمان فهي آلة حبيبة للوجدان السوداني رغم أننا لم نستمع لكل أصواتها وأمكاناتها من أيدي سودانية كما هو حاصل هنا
02-04-2013, 08:37 AM
اساسي اساسي
تاريخ التسجيل: 07-20-2002
مجموع المشاركات: 16468
محمدية من الرموز السودانية الانحنا نشأنا وهي قدامنا , وزي ما قال ليك محمود مصطفي محمود في مداخلته في السودان دا في حاجات حقته براهو , ومحمدية دا من حاجاتانا نشز ولا جاب التايم يظل هو محمدية زي ما قال ود الموج
محمدية من الرموز السودانية الانحنا نشأنا وهي قدامنا , وزي ما قال ليك محمود مصطفي محمود في مداخلته في السودان دا في حاجات حقته براهو , ومحمدية دا من حاجاتانا نشز ولا جاب التايم يظل هو محمدية زي ما قال ود الموج
سنة الفين وعشرة نزلت البوست دا
لماذا لم يتم تكريم العازف محمدية
سماني ياحبيب ،، تحياتي وسلامي لك وللأسرة الكريمة وكل الحبان بجدة!!
مافي شك : هو أحد الرموز ، ولن يجرؤ أحد على إنكار دوره الرائد ،، لكني أختلف معك في أنه يبقى كما ألفناه ونبقى زي جماهير المريخ نهواه في كل الظروف ههههههههه،،
الأصح : واصل محمدية أو إعتزل يبقى هو محمدية الذي نحترمه ، فالإعتزال لن يخصم من رصيده كما أن مواصلته العزف لن تضيف إليه شيء لأنه تشبع بما لديه ، ووقف في النمو حين ظهرت العديد من التقنيات والمدارس الفنية والأنامل الذهبية التي تداعب الأوتار بشكل لن يجاريه ولن يتعلمه،، يبقى أسفي قائماً على البوست لأني أطالبه بالتنحي ، ويطالب هو بالمزيد من التواصل من أجل لقمة العيش ، وهذا خطأ الدولة : المعاش الكريم والمنصف هو تكريم للفنان وحفاظاً على سمعته من التدهور بعد أن تبدأ قواه في التناقص ،،
أشكر مرورك ياحبيب ، ودم بألف خير مع وافر المحبة والله!!
الواحد أكيد حيجد صعوبة في مجاارة المادة العلمية التي يتحاور بها اساتذتنا هنا ، ولكني على استعداد لمغالطتهم (سمعياً فقط ههههه) في أن هنالك خلل ما في أداء محمدية ، لن أسميه بالطبع وأتراجع عن كلمة نشاز حسب طلب أستاذنا موصلي وطارق ميرغني - لكنه مشاتر في حاجة ما،،
من يتحدث عن صولات محمدية ، فأنا لم أسمع صوت كمان في تسجيل سوداني كما في هذا التسجيل ، وهذا على ما اظن ميرغني الزين - أحد الذين آثروا الهجرة
استمع إعتبار من الدقيقة الثانية
02-04-2013, 09:28 AM
Elmosley Elmosley
تاريخ التسجيل: 03-14-2002
مجموع المشاركات: 34683
سلامات أستاذ عبدالطيف بكرى احمد ... عجبنى الموضوع ... بالرغم إنو البيناتنا ما عامره ! لكن قلت برضو ( إتطفل ! ) و أدخل البوست ! غصباً عنى , و عنك ! و إعتبرنى زول ( رخيس ! ) و ( متشرشر ! ) ساى ! و لكن ! اتفق معك عندما إختلف معك الاخرون ! فالموسيقى و اللحن عبارةٌ عن بصمه وراثيه لا تتغير DNA ... فعلاً محمديه VIOLINIST ماهر لابعد الحدود ! و ببكى الكمان ده لحدى ما تامن ! و دارس و متخصص كمنجه و موسيقى ! و تشهد له إبداعاته الفنية و لست هنا بمستوى أو فى مقام تقييم أو تكريم للأسطورة الموسيقية محمدية ... لكن برضو الأستاذ محمديه ما إشطح و إتدخل فى تركيبة اللحن الأصلى للمقطوعة MELODY او اصل الغنية الموسيقية ! المشكله ليست فى الأستاذ محمد عثمان محمديه وحده ! و لكن المشكله الكبرى فى عدم التدوين و الكتابة الموسيقية عموماً فى السودان حتى يُحفظ كل نغم بنوتته الأصلية التى إبتدعها مؤلفها الأصلى ... متـاكد حإجيك واحد موسيقى سودانى و إقول ليك ! نوتة شنو ! و فلسفة شنو ! ده كلام فارغ ساى ! و عموماً فى السودان لللأسف عندنا و فى كل المجالات نظرة الإستهتار لمثل هذه الأشياء الدقيقة بإعتبارها ( كلام فارغ ! ) و ( فلسفه ساى ! ) ... تحياتى ... ........ عبدالماجد
Quote: سلامات أستاذ عبدالطيف بكرى احمد ... عجبنى الموضوع ...
عزيزنا عبد الماجد ،، والله مداخلتك هذه من أكثر ما أسعدني في هذا البوست ،، وهي فرصة حلوة أن نتفق على شيء إذ لم يكن إختلافنا في شيء يجعل البيناتنا غير عامرة،،
Quote: ... بالرغم إنو البيناتنا ما عامره ! لكن قلت برضو ( إتطفل ! ) و أدخل البوست ! غصباً عنى , و عنك ! و إعتبرنى زول ( رخيس ! ) و ( متشرشر ! ) ساى !
إن كنت تقسو على نفسك بهذا القول فأنا سامحتك في تعنيفك لي هههههههههههه ، يازول قول بسم الله ، وتأكد لي أن لك ذاكرة لا تمسح شيء ، وهذا سر شقاوة بالمناسبة وتعذيب ،، أمسح من راسك ياخ المداخلات القديمة ، وذكريات ميامي ... ، وسأحاول أن أكرر لك طلبي بإستضافتك لي برضو غصباً عنك ، بس المرة دي ماتطفل مني : بل إخاء حقيقي يبقى بيننا بلاحدود،،
Quote: اتفق معك عندما إختلف معك الاخرون ! فالموسيقى و اللحن عبارةٌ عن بصمه وراثيه لا تتغير DNA ... فعلاً محمديه VIOLINIST ماهر لابعد الحدود ! و ببكى الكمان ده لحدى ما تامن ! و دارس و متخصص كمنجه و موسيقى ! و تشهد له إبداعاته الفنية و لست هنا بمستوى أو فى مقام تقييم أو تكريم للأسطورة الموسيقية محمدية ... لكن برضو الأستاذ محمديه ما إشطح و إتدخل فى تركيبة اللحن الأصلى للمقطوعة MELODY او اصل الغنية الموسيقية ! المشكله ليست فى الأستاذ محمد عثمان محمديه وحده ! و لكن المشكله الكبرى فى عدم التدوين و الكتابة الموسيقية عموماً فى السودان حتى يُحفظ كل نغم بنوتته الأصلية التى إبتدعها مؤلفها الأصلى ... متـاكد حإجيك واحد موسيقى سودانى و إقول ليك ! نوتة شنو ! و فلسفة شنو ! ده كلام فارغ ساى ! و عموماً فى السودان لللأسف عندنا و فى كل المجالات نظرة الإستهتار لمثل هذه الأشياء الدقيقة بإعتبارها ( كلام فارغ ! ) و ( فلسفه ساى ! ) ... تحياتى ... ........ عبدالماجد
دا كلام 100% والله ، ورأي سديد لمستمع محترف ،، والفنانون يجودون أداءهم من أجلنا وليس من أجلهم ، لذا our feedback should be of more importance to them
============
تصدق كلما جئت بمانشستر أتذكر البروفايل بتعاعك دا ، أقول أرسل ليك صور ، تاني أقول الزول دا قطيم يقوم يهرشني تاني ،،
يالا يازول ، والله العظيم من هذا اليوم مافي لك في قلبي غير كل مودة ، وتأكد لن يبقى هنا غير كلامنا ، فتعال نعمر البيناتنا إن شئت ، ولتكن موقعة البرنابيو هي الخصومة الوحيدة بيني وبينك لا تفوقها ضراوة إلا مبارة الرد في الاولترافورد !! سعيد بكل الذي جاء في هذا البوست ، وهنا أكثر سعادة ،، أشكرك!!
Quote: والله مداخلتك هذه من أكثر ما أسعدني في هذا البوست ،،
[red]و انا اكثرسعادةً بعفوك عنى أستاذ عبداللطيف ... لقد كان رغماً عنى ! بأن اسافر السودان وقتهاو فى نفس الإسبوع لاسباب اسرية بتاريخ 28 /09 /2010!!!
Quote: يالا يازول ، والله العظيم من هذا اليوم مافي لك في قلبي غير كل مودة ، وتأكد لن يبقى هنا غير كلامنا ، فتعال نعمر البيناتنا إن شئت ،
أبشر بالخير ... و أنا كمان ... البساط أحمدى ......
Quote: تصدق كلما جئت بمانشستر أتذكر البروفايل بتعاعك دا ، أقول أرسل ليك صور ، تاني أقول الزول دا قطيم يقوم يهرشني تاني ،،
هههها ... ياخ ما كان ترسلا ... ياخ اخوك IS A FAITHFUL SICK FAN OF RED DEVILS و بموت فى OLD TRAFFORD و العود و الموسيقى ... ....
Quote: ولتكن موقعة البرنابيو هي الخصومة الوحيدة بيني وبينك لا تفوقها ضراوة إلا مبارة الرد في الاولترافورد !!
فعلاً هى قمه بين أكبر ناديين فى الكون فى غر مواعيدها MAN UNITED X REAL MADRID... و مبروك لاىٌ من المتاهلين ... WE STILL LOVE ( CHRIS ) BUT FOR NOW LET'S GO ROOOOOOOONEY , VAN PERSIE and CHICHARITO ... THE RED DEVILS R CAPABLE OF BEATING ANY TEAM IN THE PLANET AT THIS MOMENT AS LONG AS THEY CAN SEAL IT A THEIR DEFENSIVE END .... بلو راسكم يا ( المدارده ! ) ... MAN UNITED OFFENSE IS VERY LETHAL كسره : الليله شايف ( MORINHO ) فى OLD TRAFFORD فى مباراة MAN U X EVERTON و للمره الثانيه فى اقل من إسبوعين بعد مباراة MAN U X LIVERPOOL الزول الموهوم ده كان وفر حق التذاكر دى ما كان احسن ليو ! SIR ALEX FERGUSON ده ثعلب و حرامى كوره و ممكن إفجأك باى منتخب ... .... تحياتى عبدالطيف بكرى ... و العفو و العافيه ... و اخوك بحب الكفر و الوتر ... و مريخابى و MAN UNITED احمر ... على السكين ... و دايماً بدوزن على الصول و ال HIGH PITCH يعنى حاد شويه ! اعذرنى فى هذه ... تحياتى .. عبدالماجد
02-04-2013, 09:00 AM
Mahmoud Mustafa Mahmoud Mahmoud Mustafa Mahmoud
تاريخ التسجيل: 11-26-2004
مجموع المشاركات: 4325
كما آن ميرغني الزين كان رئيس الوتريات في هذا التسجيل وصاحبك يوسف الموصلي قائد الاوركسترا --------- البعجبني في ميرغني ومجدي انهم اول مايتلاقوا شايلين كمنجاتهم كلامهم كلو في الكمنجه والحته دي والصولو دي مابيضيعوا وقت لقد فقدهم السودان فقدا كبيرا جدا كما آن ميرغني هو استاذ مجدي وشيخو والاتنين بحترموا محمديه جدا تسلم
أستاذ عبد اللطيف ـ لك تحية الود والتقدير أقدر فيك كثيراً هذا الحرص على نقاء وجمال أعمالنا الفنية الخالدة فهي تراث ـ والمحافظة عليه مسئولية الجميع ، وهانت تلتقط القفاز
ولكني أقف في صف من أختلفوا معك وبالذات في جزئية (النشاذ)
إلا أنني أتفق معك في جزئية ـ أن محمدية لم يعد بذلك الألق الذي كان عليه في السبعينات والثمانينات ولكن يظل رمز من رموز الأبداع في السودان
وما قدمه سابقاً يكفي ـ حتى لو كان فقط الصولو الفي بداية الحزن القديم هذا الصولو قطعة فنية خالدة ، لا أمل سماعها على الإطلاق
في تقديري السن لها تأثير كبير على أي عملية إبداعية وأي نشاط ذهني مؤكد بتأثر بعامل الكبر
هناك عامل أخر أكثر أهمية أرى أنه ساهم في إنخفاض مستوى الإبداع لدى محمدية وهو النشاط الكبير جداً الذي يقوم به ، محمدية مرغوب جداً ـ وكل فنان يود وجوده خلفه حتى يضمن جودة العمل كل الجلسات الجميلة في النيل الأزرق هو حاضر التسجيلات الهامة مع كبار الفنانين هو موجود حتى النجوم الجدد الظهروا في الساحة برضوا لا يبخل عليهم أو يترفع عن مشاركتهم ـ ودي صفات الزول المبدع بحق فكثافة المشاركات أثرت كثيراً على مستوى الأداء لهذا المبدع
ولكن في النهاية محمدية بالف خير ـ وأنتهز هذه السانحة لأناشده أن يقلل من مستوى الظهور حتى لا يكون الأداء باهتاً مع خالص الود لك ولكل ضيوف البوست
02-05-2013, 05:48 AM
Mahmoud Mustafa Mahmoud Mahmoud Mustafa Mahmoud
تاريخ التسجيل: 11-26-2004
مجموع المشاركات: 4325
Quote: يا عبده ! أوعى يكون التسجيل الرسلتو ليك سمعتو بسماعة الآيفون !!
هههههههههههههههههه
ما تخاف ياجنابو ،،
عندنا تلاتين عشرة خاتنو للأصوات الأجشة و عزف أمير العود في ذلك الزمان حسن عطية !!
صلاح أبو دية : عازف ماهر للجيتار والعود : وهو من أدخلني في هذه المعمة وعلمني عزف العود
نشأنا على أبداعات الخال على أبودية في عزف الكمان وهو من زامل كثيراً محمدية وإعتزل في قمة عطائه ربنا يمتعه بالصحة والعافية ،،
== عوض أحمودي كرهنا العود بتجلياته وعزفه الجميل، ولكن من أراد الإنضباط والزمن الرهيب فهو لدى عبد الله الكردفاني مع أنه عازف كمان أساساً لكن تجده صولو على العود مع اصعب أغنيات علي إبراهيم اللحو - زيدان وغيرهم،،
دكتور الصادق فوق هنا قال لي أنا مابعرف أعزف ، وفيما معناه أنه عايز يقول رايو وخايف نقول متهجم،،
أتذكرت صبري طه : قلت لو كانت مخاوف الدكتور أعلاه صحيحة فإن حبيبنا صبري يجب أن يكون في ثاني أحسن لاعب في العالم بعد ميسي لأنه ينتقد كريسيتانو كثيراً ههههههه
أسعار شنو ياحبيب ،، تعالوا راجعين إنت وأبو حسين : الشادر فتح!! ههههه
قبل فترة أتناقشت مع شباب عن المزيكة السودانية، وكانت المناسبة تقريباً حضورنا لحلقة من حلقات برنامج أغاني وأغاني . أنا قلت ليهم محمدية دي بقى يديك حق الحكومة بس لا زيادة ولا نقيصة، لكن أنا بحب شغل أولاد الجيل الجديد أمثال حزيفة خاطر وحسام وعثمان محي الدين واسماعيل عبد الجبار وغيرهم . الشباب ديل أستغربوا بطبيعة الحال، لسبب بسيط نحن شعب وجداني للحد البعيد، حالم ورومانسي وما ناكر للجميل . محمدية أعطى للموسيقى السودانية ولم يستبقِ شيئا، ولكن التكتيك وخطط اللعب أتغيرت وما عاد زمّار الحي يطرب . يعني لما تسمع المزيكة الطاعمة المجنونة البتمرق من كمنجة كارين في فرقة ياني الأسطورية بتجيك كاروشة في حتة الله يعلم تحكها كيف . مع إنو الكمنجة بتاعة محمدية وبتاعة كارين واااااحدة، لكن الفرق إنو دي شابة مقبلة على الحياة وبتحب الجمال، وعايشة وسط ناس سمحين وأرواحهم حلوة . ناهيك عن المواكبة والقراية والتدريبات والتمارين المتواصلة والسعي للتفوق والإبهار . أها السبب شنو البمنع محمدية إنه يقدم لينا مزيكة طاعمة زي دي طالما كتوف الأوتار متلاحقة ؟ خلونا موضوعيين ودغريين وما نقعد نشكّر في هلال 87 ساهي . الكورة مدورة وحوة والدة بالجملة
الحبيب : والله قولك تلخيص لكل الحاصل عندنا وفي شتى المجالات الأمور تطورت بشكل كبير والعلمية أصبحت الصفة التي تفرض نفسها : لا مجال للإجتهاد ، ولى ذلك الزمن ،،
الدوري الأسباني لأكثر من 120 سنة لم يتجاوز الهداف فيه 38 هدف ، الموسم قبل الماضي جاء كريستيانو وأحرز كم وأربعين هدف في رغم فلكي ، لم تمر سوى أشهر حتى أحرز ميسي كم وخمسين !! لم يعد المدريديون يتباكون على ذهاب راؤول غونزالس الذي تسبب في تشريد الكثير من المواهب بالنادي ، وعرفوا الآن كم تجنوا على تلك المواهب وهي تبدع في ملاعب أخرى،،
Quote: سلامات يا عبداللطيف يازول أسمع ..أنا والله مابعرف أعزف لكن محمديه أنا شايف إن مفروض يعملوا ليهو تمثال في دار الفنانين .. إنت عارف نحنا في السودان ده نعرف محمديه ...وردي...ود الأمين ..عثمان حسين ..إبراهيم عوض ..... جكسا..قاقارين ..كمال عبدالوهاب،،بريمه..طارق ..هيثم والعجب . الأزهري..المرغني المهدي ..المحجوب ... .....محمديه ده مفروض يدوهو جواز سفر دبلوماسي تحياتي .... شوف كلام ود الباوقه ...دسايما حكيم ..
مراحب يادكتور ،، أنا مثلك والله أطالب بتكريمه بالمستوى اللائق ، بس ينزل المعاش !!! خلاص ، ادي غيرك فرصة!!
وليس بالضرورة أن تجيد العزف لتحكم عليه : نحن نجيد الإستماع ،، ونوزن أسماعنا على موروث غنائي أصيل : استمع لصلاح مصطفى إن رأيته يوماً يجامل أو يؤدي أداءاً غير لائق !! قمة الإنضباط، وغيرهم،،
Quote: الأخ عبداللطيف ... شكراً لفتح الموضوع .. رغم إنك عارفو حيجيب ليك الهوا. عايز أقول ليك، إني متفق معاك .... مع كل الإحترام لتاريخ محمدية.
أدلل على كلامي بتسجيل سهرة كاملة للراحل عثمان حسين .... صراحة لا أتحمل سماع تسجيل أي أغنية فيها. (الفنان) محمدية كان في هذه السهرة يعزف أعلى من الأوركسترا على ما أظن بتلاتة أوكتافات والنتيجة كانت مزعجة بشكل منفر. شخصياً، أعتقد أن الكمان يجب أن يكون ملتزماً بمجموعة الكمانات، حتى في جرّة القوس، ما عدا الصولات.
الكلام ده قلته أكتر من مرة قبل كده، وأتهمت في ذوقي ........ الله يعينك.
أبو العزائم ياحبيب أزيك،، الحمد لله البوست قد تبددت مخاوفي بعد فتحه حيث وافقني الرأي فيه من هو مثلكم وبقية الأساتذة الأفاضل الموسيقين،،
أظنك تقصد سهرة مطرب وجماهير لعثمان حسين ،، والله محمدية مفروض نغرموا في كل جرة وتر في تلك السهرة،،
إطمئن على ذوقك ياحبيب ،، الرجل بخرف بالقوس بشكل قوي ، وناس السودان ديل حظ من يقع تحت طائلة حبهم(ههههه)، غلطاتو عندهم مسموحة ،، زي جمهور الكورة : طلع المرض دا ، غيرو : ياخ شوف ليك شغلة تانية للاعب الكارهنو ،، أما سيدا وأصحاب الحظوة : إن شاء الله يجيب قون في مرماه هههههههههههه،،
Quote: عبد اللطيف انا بحب محمدية جداً وهو زول انسان جداً ان عرفته عن قرب وزول حبوب وما بغير رأى ده فيه ابداً، لكن نوع كلامك ده انا سمعته من موسيقيين كبار فى نهاية الثمانينات لكن يظل محمدية عندى هو محمدية الانسان، اما عزفكم ده تعرفوهو براكم،،،
حبيبنا أبو حيدر،، تحياتي وسلامي،،
أنا مثلك والله أحب هذا الرجل جداً ، وأكاد أجزم ألا أحد في السودان لا يكن له التقدير والإعجاب والمودة ، أولاً لملازمته الطويلة للعمالقة من الفنانين وثانياً لعلاقاته الحميدة مع الجميع وصوته الخافت في كل المناسبات وعدم خوضه في ما يجعله مثار نقاش أو جدل،، حديثي والله منصب حول ملاحظة أعياني كثيراً الإحتفاظ بها ، وصرت أتريص بشتراته هذه الأمر الذي أتعبني جداً
أشكر لك تواصلك ، ولسه راجين وعدك بالحقيبة!!
02-05-2013, 06:03 AM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 10986
محمدية لعب دور تاريخي في ابراز اللحن وفي خلود الحان ارتبطت في اذهان العامة .. لولا محمدية كان يمكن الا يكتب لها نفس النجاح اتفق مع كلام ود يسن العنوان غير موفق محمدية كلما كبر تعتق عازفي الكمان خبرتهم متجزرة في الوجدان السوداني لكل شيخ طريقة في العفق والاستكاتو ونبر الاوتار ولمحمدية طريقته استاذ في العزف لو جلى مازورة تمرقوه ضباح ليكم اجر المجتهد وتحياتي واحترامي
عبد اللطيف اخوي ويييييينك إنت من زمان ياااااخ ...؟! والله بوستيك ده فشاني في قدومي وحناني زاتو ...
أذكر في هذه السانحة .. أن كنت حضوراً لتسجيل حلقات برنامج تواشيح النهر الخالد ... وكنت بالقرب من مهندسي الصوت والميكسر ... وكان هناك نشازا يشرط العين قبل الأذن ... وحاولت أميزه بالأذن المجردة ... وكانت مهمة صعبة .. فأجلسني مهندس الصوت وأسمعني بالهيدفون كل الكمنجات واحدا تلو الآخر حتى (ضبطنا ) هذا المحمدية منشزا .... ومن تلك اللحظة أصبح مايكروفونه مقفول حتى نهاية تسجيل الحلقات ...
الراجل - في رأيي - كان في مقام الطشاش في بلد العمي .. أيام كمنجة وهبة وما عارف منو ... لكن الآن الأذن صارت أكثر حساسية وثقافة السمع تطورت كتييير .. فمااااا تضبحنا أكتر من كده يا محمدية عليك الله ....
Quote: الاخ عبداللطيف لك التحية اسي لو جاك زول متخصص وقال ليك انو البعملو محمدية دة في الاغاني - يعني الانت - بتسمعو ومفتكرو (ضبح ) هو قمة المهنية والاحترافية الوضع حا يبقا كيف ولا شنو ؟
أسامه ياحبيب ،، أشكرك من كل قلبي على الإحتفاء بما أكتب ، وعلى مداخلاتك الهادفة واعتذر شديد عن التأخير الدائم في الردود،،
كنت عندكم أيام التلج الماليهو حد دا ، ورجعت الاسبوع الفات ،،
والله بيني وبينك سؤالك دا أنا سألتو لنفسي قبل البوست ، وأتوكلت على الله يازول : يا أنا ياكمنجة محمدية دي،،
الحمد لله العلماء زاتهم أختلفوا فيما شجر بيننا من اصوات هههههههههههه ، والحمد لله أختلافهم افادنا كثيراً ، وسنتابع لحين ساعة يجلي النظر فيها منظر الإنسان الشكلو نايم وبيعزف دا هههههههههههههه،،
تحياتي وشكرا شديد على كلماتك بحقي ، وعصرت علي ديرتنا دي عصرة جامدة //
ألف مرحبتين ياهندسة ، ومشتاقون ، خالف يازول زي ما تحب وتشتهي ، فأنتم أهل الجلد والراس ،،
Quote: هذا التسجيل اعتبره من اجمل تسجيلات كابلي رغم صغر الاوركسترا المنفذه .
صحيح 100% من أجمل تسجيلات الاغنية والأوركسترا مكربة والتسجيل نفسو رائع،،
Quote: كلمة نشاز كبيره في حق محمديه ممكن تقول انه ربما اخطا في احد الاصوات التي اداها لان المنطقة التي عزف فيها من اصعب المناطق في الكمان
والله ياهندسة أنا يمكن ماعندي التعريف العلمي الموسيقي لكلمة نشاز في العزف ، وقد أكون تعاملت معها بمفهوم من يشذ عن القاعدة أو يخالف الجماعة أو يشب عن الطوق وبدأ يتجاسر على حامية النوتة ،، محمدية أحس بأنه متعالي جداً في تعامله مع الألة ويتعبر نفسه الأول بلا منافس ، لذا يأتي مايروق له من جمل موسيقية قد تكون جميلة لو سمعت لوحدها : أما في معية الفرقة فهي تشتر اللحن وتضرس عديل بالمعني الجربندي حقنا،،
Quote: المعروف ان محمديه يتجلي في حضور الكابلي ومن كل التسجيلات يتضح كانما الكابلي يشترط وجود محمديه في الاوركسترا . بعكس فنانين مثل محمد الامين الذي يؤمن بالاداء الجماعي والالتزام بالصولو في الموازير المحدده لذلك
ألحان كابلي لا أعتقد أنها من التعقيد بحيث تحتاج عازف ماهر عكس ما هو الحال في أغنيات فنانين كبار لا تكاد تجده في صحبتهم أمثال أبو عركي وأبو اللمين ،،
شكراً ياهندسة ، وأتمنى أن أكون مخطئاً في حق الرجل!!
02-07-2013, 08:17 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
محمدية أستاذ في العزف على الكمان .. وكانت له صولات وجولات لا ينكرها أحد .. لكن للسن أحكام .. ولكل زمان ناسه .. ظهرت في الآونة الأخيرة أنامل .. تتسلم مقاليد العزف من محمدية .. وعلى مهل .. وهذه فترة تسليم وتسلم .. ولابد من بعض النشاز في هرمنة لحن التسليم .. لكن قطعاً .. اوافق على خوف البعض من ضياع جودة بعض الالحان .. بنك النوتات الموسيقية بكل لزماتها هو الحل .. وليتفرغ له بعض العازفين المهرة والقدامى من العازفين .. كمحمدية ..وغيره ممن تفردوا وأجادوا عزف الكمان ..
محمديه استاذ وموسيقى محترف و عازف كمان ماهر فى السودان ظهر اكثر من محمديه من عازفى الكمان يحترمونه ويتمنون ان يصلو الى ما وصل اليه من قدرات فى العزف يبادلهم كل الاحترام وله علاقات حميده و ود خالص بينهم.
محمديه فى بعض الاحيان يتنازل عن اداء الصولو ( العزف المنفرد) لاحد غيره من الموسيقيين فى المجموعة لاعطاء الفرصة لاظهار قدراته الفنية
ما ننسى لمحمدية معالجاته ومساهماته الفنية للكثير من الالحان فى الغناء السودانى و يشهد لذلك فرقة الاذاعة والتلفزيون والفنانيين ومكتبة الاذاعة .
بتاعين الكمنجات ديل والله ما ضباحين زى ما قلته وآلة الكمان من الآلات الصعبة ما اى زول ممكن يعزفه لأنه الزول ذاتو ليه مواصفات ( دا كلام بعرفوه ناس المزيكة) .
احتمال لانه عزفه فى المنطقة العاليه كان واضح شديد انته شعرته زى كأنها خرمجه او نشاز مع انه المنطقة دى ما اى زول بيصله لو ما كان متمكن فعلا وواثق من نفسه ---------------------------------------------------------- كلمة ضبح دى الحرقتنى وخلتنى اكتب وبعدين الضباح كان مابقى حريف اللحمه بتمشى مع الجلد دا كان ما قده ليك الجلد ذاتو . ---------------------- تحياتنا لناس الابيض ونحنا معاكم
02-07-2013, 12:02 PM
عبدالعزيز عبدالله محمد عبدالعزيز عبدالله محمد
تاريخ التسجيل: 01-12-2010
مجموع المشاركات: 171
موضوعك جيد جدا من حيث النقاش، وقد تختلف الآراء وكل حسب هواه، اما انا أرى ان الاجيال القديمة قد ابدعت في تأليف الالحان، والاجيال الحديثة ابدعت في تطبيق هذه الالحان وعلى صعيد جميع الآلات الموسيقية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
kamal omer
ABUHUSSEIN
Amir Omer
Ahmed Yassin
Mahmoud Mustafa Mahmoud
Osama Mohammed
Elmosley
محمد الكامل عبد الحليم
صديق الموج
محمد أبوالعزائم أبوالريش
Dr.Elsadig Abdalla
حبيب نورة
صلاح أبودية
محمد علي البصير
محمد سنى دفع الله
جمال ود القوز
عبدالعزيز عبدالله محمد
فيس بوك
تويتر
انستقرام
يوتيوب
بنتيريست