|
|
|
 Re: أخلاق الشعب السودانى وين يا ناس السعودية .. شرطوا عينا! (Re: محمد عوض السيد)
|
وجاء بريمه صائحاً بوريكا .. بوريكا*
يا بريمه إفرض بمنطقك المعوج هذا أن أحدهم أصبح كاوبوي مثلك بمشيئةٍ من الله ..
واستقر في أمريكا القارة وهو يحمل بين خباياه أمراض الدنيا ما تعلمه وما لم يخطر على قلب بشر ..
فاغتصب طفلة عمرها يوم وذبح شيخاً تسعينياً من أجل سندوتش وتعاطى الحشيش مع إبن له لم يتجاوز العام الخ .. من الفظائع ..
فهل يكون بريمة رضى الله عنه مؤاخذاً؟
ياخ لو عاوز تنزل ليك موضوع تخير عنوانه دون أن تصيب قوم بجهالة.
-----------------------------
* بوريكا = وجدتها
| |
 
|
|
|
|
|
|
|
 Re: أخلاق الشعب السودانى وين يا ناس السعودية .. شرطوا عينا! (Re: زهير حيدر صديق)
|
هذا الموضوع لم يتم البت فيه وهنالك حقايق غائبه تماما وما زال الشعب السوداني رقم واحد في المملكة ونحمد الله باننا شعب محبوب ولكل قاعدة شواذ وسجلات الداخلية السعودية تشير الى ذلك وتتحدث هكذا عن الشعب السوداني كانك ليس واحد منهم نحن الحمد لله في المملكة ونعيش فيها منذا امد طويل ولم ولن نسئ ابدا لوطننا وسنسير باذن الله في درب السودانيين الاوائل الذين ورثنا عنهم كل الصفات الحلوة.
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: saadeldin abdelrahman)
|
هل ممكن زول يجيب لينا البوست أو البوستات التى فتحت عن الموضوع ..
خجلت لحال ناس السعودية .. يا أخوانا أنتم فى أرض الحرمين الشريفين وفى بلاد مهبط الرسالة ومازلتم تعاقرون الخمور وترتكبون الفواحش ما ظهر منها وما بطن.
يعنى نحن ناس أمريكا نعملوا شنوا بالله عليكم ؟؟
الخمور بجميع أنواعها على قفا من يشيل .. وغيرها ..
ولكن نحمدوا الله على نعمة الأسلام وعلى حسن أخلاق الشعب السودانى هنا ..
بريمة
| |
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: زهير حيدر صديق)
|
زهير
Quote: إنت يا ود يا بريمة شكلك عبيط ..
ما زلت مصر على التعميم .. |
لا قدر الله، راس السوط لحقك ولا شنو؟ .. فى الجندية الشر يعم والخير يخص .. وفى أمثالنا البصلة بتعفن الشوال.
أها أخشى شوال بصلكم يكن ضارب.
مازلنا منتظرين نهاية القصة التى تمس سمعة كل الشعب السودانى .. وناس السعودية أنتم أبطالها .. أستجلوا لينا الموضوع دون مخاشنة.
بريمة
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: بريمة محمد)
|
بريمة تحياتى ..
يا اخى اولا دى طريقة مخلة جدا فى تناول وتقييم الامور
السودانيون فى السعودية يعدون بالملايين وليس المئات والالاف ولا يمكن تحميلهم جميعا وزر شخص او عدة اشخاص
ثانيا السودانيون ان كانوا فى السعودية او امريكا او داخل الوطن هم فى النهاية بشر فيهم الصالح والطالح
ولا ادرى ما هو سر استغرابك ان يرتكب اى سودانى خطا او فاحشة كما سميتها انت .
وبعدين شنو حكاية انتو فى ارض الحرمين ونحنا فى امريكا دى ؟؟ هو درجة ايمان او اسلام الانسان بيزيد وينقص
حسب المسافة من الكعبة ولة شنو ؟؟ ان كنت فى امريكا او السعودية او حتى لو حاضن الحجر الاسود لا فرق لان الدين
ليس فى المكان وانما فى قلب الانسان .
يا اخى بقدرما هناك اخطاء بل وجرائم يرتكبها بعض السودانيين مثلها ومثل كل الجنسيات هناك الملايين من السودانيين
الذين يشرفون بالفعل ويضرب بهم الامثال ولهم صفات يتصفون بها دون غيرهم من الجنسيات ..
اما قصة هذه الفتاة فيبدو انك لا تعرف ابعادها ولا حقيقتها وهناك الكثير من الخفايا التى يجب ان تعلمها اولا
وكان لك ان تدين الاب السعودى الذى خلف هذه الفتاة ورماها رمية الكلاب بدلا من ادانة ادم السودانى الذى وضح
للجميع انه تحت ضغط ورحمة رجل المال السعودى وتعرض هو الاخر لضغوط وابتزاز اكبر مما تعرضت له الفتاة ..
تحياتى
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: هشام عباس)
|
يخيل لى يا اخ بريمة انك بدلا من هذا التعميم المخل وبدلا من استغرابك لخطا سودانى
كان الصحيح ان تتناول نقطة اهم فى كل الموضوع ...
ان يخطا سودانى فهذا خطا يتحمله هو شخصيا
لكن ان تخطا دولة كاملة فهنا الجريمة ...
الم يلفت نظرك فى هذه القصة الى اى مدى وصل الحال بوطنك ؟؟؟
الم يلفت نظرك حديث الفتاة عن كيفية امتلاكها لجواز سفر وجنسية سودانية وهى لم تغادر حوارى جدة
ودون ان تقم باى اجراء ؟؟ الم يلفت نظرك ان تاتيها مستندات بهذه القيمة والخطورة وهى جالسة فى حوارى جدة ؟؟
اسع ربنا يسألك الشرط عينك السودانيين فى السعودية ام دولتك المطلوقة .. شفت ليك دولة محترمة فى الدنيا
مستنداتها الرسمية تكون مبهولة بالصورة دى وبالطريقة دى ؟؟
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: هشام عباس)
|
Quote: لا قدر الله، راس السوط لحقك ولا شنو؟ .. فى الجندية الشر يعم والخير يخص .. وفى أمثالنا البصلة بتعفن الشوال.
أها أخشى شوال بصلكم يكن ضارب. |
الاخ بريمة .....
منطق غريب و مستفز .....
يعني انت هسي بترمي الناس بالباطل حتى يثبتوا العكس و للا شنو؟
عد لصوابك يا بريمة لكي لا ترمي الناس بجهالة
و اقرا كلام سعد الدين كويس
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: محمد إبراهيم علي)
|
| Quote: خجلت لحال ناس السعودية .. يا أخوانا أنتم فى أرض الحرمين الشريفين وفى بلاد مهبط الرسالة ومازلتم تعاقرون الخمور وترتكبون الفواحش ما ظهر منها وما بطن. |
| Quote: لا قدر الله، راس السوط لحقك ولا شنو؟ .. |
Quote: فى الجندية الشر يعم والخير يخص .. وفى أمثالنا البصلة بتعفن الشوال.
|
Quote: مازلنا منتظرين نهاية القصة التى تمس سمعة كل الشعب السودانى .. وناس السعودية أنتم أبطالها .. أستجلوا لينا الموضوع دون مخاشنة.
|
قائل الكلام الفوق ده كاتب كمان
| Quote: ولكن نحمدوا الله على نعمة الأسلام وعلى حسن أخلاق الشعب السودانى هنا .. |
ربنا يصبرنا
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: kamal omer)
|
الأخ هشام عباس
سلامات ..
لو وزنا الأشياء بمنطق العقل دون صحة أو خطأ الوسيلة فإن أثنين فى القصة هم من أنقذا الفتاة .. وهما المرأة التى ربتها .. والسودانى الذى تزوجها .. ديل أبطال القصة مهما كان هناك خطأ فى وسائلهم.
أدم السودانى .. هو الجربوع الذى يخزن كل أسرار القصة البايظة وهو الذى أهدر ماء وجه الشعب السودانى وتحديداً وشوشكم أنتم ناس السعودية .. وإذا نظرنا إلى مسآلة رمى البيت فى الشارع كخطأ أرتكبه والدها .. فإن أدم السودانى هو الذى تولى إخفاء الجريمة .. وهنا يظهر الفرق كبير جداً بين أخلاق الشعب السودانى وأخلاق الذين هم يعيشون فى السعودية ..
----------------------------------
عزام حسن فرح .. سلام يا مطرود.
وبعدين يا هشام .. بقدر ما الصحافة السودانية ترى التأميم مخل .. إننى أرى العكس أن التأميم يرفع الحرج .. وأختلافات وجهات النظر لا يمكن أن تحمل فوق طاقتها .. فأنا أنظر للأشياء من أعلى إلى أسفل وفى كل شيئ.
بريمة
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: بريمة محمد)
|
بريمة تحياتى
Quote: الأخ هشام عباس
سلامات ..
لو وزنا الأشياء بمنطق العقل دون صحة أو خطأ الوسيلة فإن أثنين فى القصة هم من أنقذا الفتاة .. وهما المرأة التى ربتها .. والسودانى الذى تزوجها .. ديل أبطال القصة مهما كان هناك خطأ فى وسائلهم. |
ولهذا طلبنا منك عدم التعميم
ها انت ذا تساءلت عن اخلاق السودانيين فى المملكة وعممت الجرم بسبب خطا فرد
ثم فى مداخلتك هذه وصفت احد السودانيين (زوجها) بالبطل .. اى انه وفى نفس القصة
وجدنا الشئ وضده (هناك بطل وهناك مخطأ) لذلك قلنا لا ينفع التعميم .
فان كان التعميم ضرورة فلماذا عممتها بالسئ ولم تعممها بالجانب الايجابى مصطحبا صورة البطل فى الحادثة ؟؟
اخى بريمة لا يصح ان نقول ان كل السودانيين فى السعودية مخطئين
ولا ينفع ان نقول ان كل السودانيين فى السعودية ابطال
| Quote: أدم السودانى .. هو الجربوع الذى يخزن كل أسرار القصة البايظة وهو الذى أهدر ماء وجه الشعب السودانى وتحديداً وشوشكم أنتم ناس السعودية .. وإذا نظرنا إلى مسآلة رمى البيت فى الشارع كخطأ أرتكبه والدها .. فإن أدم السودانى هو الذى تولى إخفاء الجريمة .. وهنا يظهر الفرق كبير جداً بين أخلاق الشعب السودانى وأخلاق الذين هم يعيشون فى السعودية .. |
ايضا لا يجب ان ندين شخص ادانة مطلقة دون الوقوف على كل جوانب القضية وما يحيط بهذا الشخص من محيط (ترغيب او ترهيب )
بمعنى ان موقف ادم السودانى وفقا لرواية الفتاة موقف مخل وغير جدير بالاحترام
ووفقا لدفاع ادم فهو غير معنى بما حدث وان كان شاهدا
لكن وفقا لانطباع الناس هنا وحتى السعوديون ان ادم نفسه ضحية لهذا الرجل وانه كان تحت ضغوط كبيرة لتنفيذ ما يملى عليه
الرجل صاحب النفوذ وواضح ان نفوذه يصل حتى الى التاثير على الشرطة ان كنت تابعت حديث هذه الضحية جيدا .
تحياتى
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: هشام عباس)
|
| Quote: الزول الذى يسكن فى أرض الحرمين الشريفين ويسكر مفروض يوم القيامة يأخذ "دبل حت" .. أقسم بالله يا محمد مرات ناس العمل بحاولوا يسوقونا، كل المهندسين فى الشركة ل "هابى أور" .. ساعات فرح أو دردشه .. ويكون المكان هو مكان لتذوق الخمور .. أخوك يضحك لما تبين سعاده ويقول للمدير لكم دينكم ولى دين .. وأذهب البيت إجازة بقية اليوم .. مش هناك فرق بين زول يتقى الخمور فى مكان الخمر .. وزول فى أرض الحرمين ويمشى (مدبى) ويتلصص ويتلفت ويبحث بأنافه عن رائحة الكنجميمورو حتى يجدها .. ويقع فيها "لهط"!! |
يا بريمة دى الا تكون شريعة جديدة او فقه جديد
غايتو انا شخصيا ما سمعت بقاعدة زى دى فى الاسلام
ما علاقة القرب من بيت الله او وجودك فى مكان دون اخر بمدى ايمانك او حجم الجزاء ؟؟
يعنى نفهم من كلامك دا انو حسابنا يوم القيامة حيكون وفقا لقربنا او بعدنا من الكعبة
مثلا يجى فى كتابك ان بريمة شرب الخمر وهو فى امريكا فخففوا عليه العذاب
وان هشام شرب الخمر وهو فى السعودية طلعوا زيتو ؟؟؟
طيب بالله شوف لينا مقدار تاثير البعد الزمانى فى الحساب والعقاب ..يعنى مثلا نحنا ناس زينا اتوا الى الدنيا
بعد 14 قرن من الرسالة وضعنا شنو مقارنة بمن شهدوها ومن اتى بعدهم وهكذا ؟؟
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: هشام عباس)
|
Quote: هل ممكن زول يجيب لينا البوست أو البوستات التى فتحت عن الموضوع ..
خجلت لحال ناس السعودية .. يا أخوانا أنتم فى أرض الحرمين الشريفين وفى بلاد مهبط الرسالة ومازلتم تعاقرون الخمور وترتكبون الفواحش ما ظهر منها وما بطن.
|
هاك يا الحبيب داخل الحرم بمكة شي سعوديين واخر يمني والقائمة تتطول:
امشي قوقل عن جرائم الحرم ...............
تعرف إحنا بعد السوتو فينا الانقاذ من احسن الجاليات بالمملكة
| Quote: تمكنت شرطة الحرم المكي و رجال هيئة الأمر بالمعروف والنهي عن المنكر من القبض على شخص( يماني ال***ية ) تحرش بإمرأة ( مصرية ال***ية ) أثناء الطواف بالكعبة المشرفة وقد تم القبض عليه بالجرم المشهود مستغل الازدحام وانشغال الطائفين بالابتهال والعبادة في تنفيذ جرمه، وقد إتضح بعد القبض على الرجل أنه كان في حالة سُكر ( مخمور ) . |
الرابط: http://pinkyat.q8lots.net/q205916
| Quote: في جريمة بشعة هزت الوسط المكي فجر امس اقدم شاب على طعن والدته تسع طعنات بسكين حاد في انحاء متفرقة من جسمها كما طعن شقيقته الحامل في الشهر السادس ست طعنات ،وذلك قرب الحرم المكي بحي الكعكية،وقد تمكن رجال الأمن من القبض علية وتابع مدير شرطة العاصمة المقدسة اللواء إبراهيم الحمزي الحادثة والاطمئنان على المصابتين اللتين تم نقلهما لمستشفى النور التخصصي حيث خضعتا لرعاية طبية مكثفة وأدخلتا لقسم العناية المركزة ولا تزالان تحت الملاحظة المستمرة ، ووفق لما اكده الناطق الإعلامي لشرطة العاصمة المقدم عبدالمحسن الميمان فإن اجهزة الأمن تمكنت من ضبط الابن العاق وتمت إحالته لمستشفى الصحة النفسية بالطائف للتأكد من قواه العقلية . |
الرابط:http://www.hawamer.com/vb/showthread.php?t=953750
مرفق تقرير ايضا يوضح نسبة الجرائم لكل الجنسيات
المرتبة السادسة، من حيث ارتكاب الجرائم، الجنسية السودانية بنسبة بلغت "4.5%".
وأن ان اجمالي النسب لأربع جنسيات: اليمانية، الباكستانية، الهندية، والبنجلاديشية بلغت "60.4%"
رابط التقرير بجريدة الرياض بالتفصيل
أها عايز زيادة و ل كفاية:
http://www.alriyadh.com/2008/05/04/article339969.html
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: عباس الدسيس)
|
هشام
سلام ..
Quote: يا بريمة دى الا تكون شريعة جديدة او فقه جديد
غايتو انا شخصيا ما سمعت بقاعدة زى دى فى الاسلام
ما علاقة القرب من بيت الله او وجودك فى مكان دون اخر بمدى ايمانك او حجم الجزاء ؟؟
يعنى نفهم من كلامك دا انو حسابنا يوم القيامة حيكون وفقا لقربنا او بعدنا من الكعبة
مثلا يجى فى كتابك ان بريمة شرب الخمر وهو فى امريكا فخففوا عليه العذاب
وان هشام شرب الخمر وهو فى السعودية طلعوا زيتو ؟؟؟
طيب بالله شوف لينا مقدار تاثير البعد الزمانى فى الحساب والعقاب ..يعنى مثلا نحنا ناس زينا اتوا الى الدنيا
بعد 14 قرن من الرسالة وضعنا شنو مقارنة بمن شهدوها ومن اتى بعدهم وهكذا ؟؟ |
أنت أمشى جرب تصور ليك منطقة عسكرية .. شوف العساكر لو ما دخلوك فى حيص بيص .. وفى المقابل بيتنا فى المربعات، أطراف الفتيحاب .. لو جيتنا وصورتنا بيتنا وختيو فى الأنترنت نحن نكون أكثر أمتناناً من جيرانا لأن بيتنا حظى بلفت أنتباهك ..
أنت عايز تقول لى زول يجئ ويعمل جريمة فى بيت الله، الله يخلى ساكت ..!!! .. العساكر الغبش ديل يحاسبوك حساب عسير، ولما تجئ أنت فى بت الله وتعمل فى المعاصى ؟؟ .. ومعروف أن تعظيم شعائر الله من تقوى القلوب .. وأنتم فى مناطق الحرمين واقعة عليكم حرمتين .. حرمة الفعل وحرمة الشعائر .. يوم القيامة أتوقع تأخذوا "دبل حت" .. لكل معصية ترتكبونها .. وأربأ بكم هناك أن تكونوا واقعين فى "لهط" الخمور وتأبط الفواحش فى بيت الله وتعتقدون سهولة العقاب بالنسبة لكم أو مساواتكم مع ناس أمريكا .. الذين لا يرون الحرم ويشتمون ريحه.
بالنسبة للبعد الزمانى .. قال الرسول أن أفضل الأزمان (أو القرون الله أعلم) زمانى أو قرنى ثم الذى يليه والذى يليه .. نحن حتالة ساكت لكن سوف يشفع لنا المصطفى إذا أتبعناه .. لكنه بكى حين موته وحينما سئل قال أبكى لأصحابى الذين يأتون من بعدى لم أراهم ولم يرونى لكنهم أمنوا بى ..
بريمة
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: بريمة محمد)
|
هانى عربى
سلام ..
Quote: بريمة بسم الله ....
هل أنتَ -مثلاً- مسئول عن أخلاق كل سوداني يمشي في الولايات؟ |
المسؤولية شيئ والسمعة شئ أخر .. أنت أمشى مكان الأخ عادل الباهى مشى للغجر وزروه زرة كلِب فى طاحونة وأبحث ليك عن زول صالح هناك؟؟ .. كل حى الغجر الذين زرزروا عادل سمعتهم مجرمين وبتاعتين مخدرات وجرائم .. نفس الشيئ حتى قريباً أحياء مثل أم بدات ناس الخرطوم 2 ما بمشوا ليها حتى نص النهار .. حتى لو خوف ساكت نتيجة لسمعة أهلها ..
مع أنكم غير مسؤولين لكن أنتظر لما تتكاثر جرائم مثل هذه سوف ترى ماذا يقولون عنكم ..؟
بريمة
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: بريمة محمد)
|
يا شباب كدي هسع خلونا ننظر للموضوع من جوانب متعددة ..
أولا نشوف السوداني الاتزوج البنت دي كيف اتزوجا ؟؟
حسب افادة مريم انو الراجل ده عمل ليها جواز سوداني !!
طيب والجواز السوداني ده هو مشى السودان وجابو ليها لحد عندها !!
هي ما مشت ولا تحركت قيد انملة لحد ما جاها باسم "مريم احمد المصطفي "
جوازنا بقى هامل للدرجة دي ؟
كان عندنا في الشركة اربعة او خمسة ارتريين عندهم جوازات سودانية ؟؟
لكن انو البنت دي تكون في السعودية ويجيبوا ليها الجواز جاهز بي اسم وصورة دي كبيرة ..
ونشوف جانب تاني ..
كلكم بتتفقوا معاي انو سمعة السوداني في السعودية وفي الخليج كلو ارتبطبت بالامانة ..
صحيح في بعض الهنات والشوائب وال*** الخلت شوية السمعة دي تهتز ..
لكن ده ما بينفي انو سمعتنا كأناس أمينين على مال غيرنا هي السائدة ..
ولكن انتو برضو عارفين انو الشارع السعودي خاصة والخليجي بصورة اعم انطباعي ..
كل الخليجيين بجون فرز انطباعيين ..
فهل تعتقدوا انو قضية زي ما حتاثر علينا كسودانيين ؟
التحية للجميع ..
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: بريمة محمد)
|
Quote: هل أنت قرأت كتابى حتى تحكم؟ ..
المصيبة بالنسبة لك فى واحد تانى قرب يتم طبعه .. والله صحى!
|
سلام يا بريمة
أبــدا انا ما علقت على الكتاب و بالعكس انا اتمنى أن اقرأه
لكنك احيانا بتتكلم بعدم منطقية يعني انت مثلا في هذا البوست
بسبب حادث - غير معروف صحته - قلت نحنا شرطنا عينك !!
إتاكد من صحة الحادث -خاصة ان مصدره "الشرياني"- وبعد ذلك
تجدنا جميعا ندين اي فعل مشين لانو نحن كسودانيين - في اي مكان -
مازالت الافعال مثل هذه منكرة وان حدثت تحدث بصورة فردية.
وأنت في بوستاتك وكتبك بتشكر في الفروسية والاصالة ...
وفجأة جيت هنا قلت انحنا شرطنا عينك !!
لك التحية
| |
|
|
|
|
|
|
|
|
|
Re: أخلاق الشعب السودانى وين يا ناس السعودية .. شرطوا عينا! (Re: nabielo)
|
نبيلو
من قبل عشرين سنة ما قاعد أكتب حاجة بالعربى إلا فى المنبر هنا .. لزوم التواصل ..
Quote: يا بريمة
رسل كتابك لي عزام يصححو ليك لغويا |
الكتاب الأول صدر باللغة الأنجليزية .. وكذلك الذى يأتى .. الغرض من الكتب هو تعريف الغرب بثقافتنا السودانية وبالأخص البقارية.
قول لعزام لو بقدر على الأنجليزية برسل ليه النسخة التى مازلت تحت التنقيح من ناحية لغوية.
بريمة
| |
|
|
|
|
|
|
| |
بريمة محمد
الزبير صالح الزبير
محمد عوض السيد
بدرالدين الطائف
saadeldin abdelrahman
هشام عباس
غباشي
محمد إبراهيم علي
kamal omer
saidahmed shami
Hani Arabi Mohamed
عباس الدسيس
هشام كمال عبادي
زياد جعفر عبدالله
Elmosley
طلحة عبدالله
ALZOLZATOO
nabielo
محمد عبد الماجد الصايم
حسين نوباتيا
فيس بوك
تويتر
انستقرام
يوتيوب
بنتيريست