|
|
 المرأه من مرحلة (الطِيبْ و الِعطِر) الي مرحلة (الفِكس و أبوفاس) .
|
القصة الجابت القصة شنو ؟؟؟
ابدا بالقصة القديمة ...
في سنة 90 تقريبا ... كنت شغال في السعودية
وكان عندي مشروع في منطقة الخرج جنوب الرياض ...
مشروع فلل في داخل مزرعه من المزارع الملكية ... وكان مدير المزرعة
شخص جميل جدا ( سعودي ) اسمه ابو خالد ... الوقت داك ابو خالد كان عمره زي 100 سنة تقريبا
لكن نشيط يطلع النخله زى الولد العمره 12 سنه ...
مره من المرات بنشرب القهوة سوا قام سألني ...:
قال لي : يا مهندس كم عمرك
قلت ليه 30 سنه ...
قال لي وانت متزوج ؟ ...
قلت ليه نعم ...
قال لي كم عمرها ؟
قلت ليهو ده شنو كمان يابوخالد معناتو ...
قال لي ... لا تكون بس زوجتك من سنك ...
قلت ليهو ما قدري لكن ما بعيده خالص ... اها المشكله وين يا بو خالد ...
قال لي ...اسمعني يا مهندس ... و ( طِعْ ) شوري ...
روح اتزوج بنت 17 ... تري المرأه تكبر اسرع من الرجل ....
و انت الان شباب ... ما تفهم ...
يا مهندس خذ خبرة عمك ابو خالد الشيبه ...
يا وليدي ... المرأه وهي صغيره ما تشم منها الا ريحة الطيب و العطر و المسك ...
الي ان تدخل ال 40 ... بعدها ... وانا عمك ...ما تشم منها الا ريحة ( الفكس و أبوفاس ) ...
ضحكت كما لم اضحك من قبل ... و قلت بالله شوف الراجل الخرفان ده ...
و بقيت تلك القصة البديعة في الذاكره الي ان تذكرتها مؤخرا بسبب احد الاشخاص ...
|
|
  
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: يحي قباني)
|
اهااااا ...
الذكرني القصة واحد أخونا ...
انا ما بعرفه ...لكن شايفه ...
اشتكت لي احد الاخوات ...بانو فلان الفلان ده عينو طايره ...!!!
قلت ليها يا خي ما اظن ...انا عموما ما بعرفه ...لكن ده راجل متزوج و بي اولاده ...
وما صغير في السن ...يعني حتي لو كانت زمان ده عادته بيكون اتخطي المرحله دي ...
المهم فاتت الايام ...
وصدفه بحته كده جمعتني بيهو و بي نصفه ( الحلو ) ...
والمدام جات مكلفته كده ...
واشم ليك ريحة الفكس ...لما دايره تخنقني ...
فبادر الاخ بالاعتذار انو المدام عندها قحة ووجع صدر ...
والمدام طبعا طلعت دفعته ... وكانت زميلتو ... ومن دييييييك ...
طوالي قلت ليها ...لو عندك زول في السعودية خلي يرسل ليك ابوفاس ...
نتيجته اسرع ...
واتذكرت حكاية العين الطايره ...قلت في سري ...
والله مش عينه بس تطير انا المنو اطير ما ارك زاتو ...
الله يرحمك يابو خالد ...كنت راجل حكيم ...
1
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: كمال سالم)
|
Quote: ابو اليا ... كيفك ياجميل
ياخ اربعين شنو ؟ هسه العروس بتشم فيها ريحة الفيكس خليط مع ريحة الطلح ,,, حاجه عجيبه كده !
لكن بينى وبينك هسه انت بعد ربع قرن من الزواج مره مره ما قاعد تشمها ؟ مافيها حاجه ياخ ,, كلنا قاعدين نشمها .
. |
ابو كمال يا جميل ...
ههههه ... قلت لي من هي عروس القصة بقت بايظة ...
الله يديك العافية يا بديع ...
| Quote: يا اسمارت ماتشيلى هم الحكومات ,,, حكوماتنا الكوامر ديل ناس مسلسلات بس |
من نعمة الله علي العباد ان جاب ليهم المسلسلات التركية ... من ذوات المليون حلقه ...
اللهم اشغلهم بانفسهم يا رب العباد ...
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: يحي قباني)
|
| Quote: سمارت ... دخلتي مرحلة ابوفاس ولا شنو ؟؟؟ |
يا مستر قبانى يا اخى سنة 1990 دى (لو كان عمرك بالجد 30 سنة) انا عمرى (الزمن داك) كان اقل من نص عمرك . بس ما ح اقول ليك اقل بكم. :)
| Quote: يا اسمارت ماتشيلى هم الحكومات ,,, حكوماتنا الكوامر ديل ناس مسلسلات بس |
انا عاوزه رقم تلفون حكومة كمال سالم و الجائزة ipad
للقراء خارج المنبر الرجاء المرسلة على
[email protected]
__________________________________________
حكومة مستر قبانى برضو
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: smart_ana2001)
|
| Quote: يا مستر قبانى يا اخى سنة 1990 دى (لو كان عمرك بالجد 30 سنة) انا عمرى (الزمن داك) كان اقل من نص عمرك . بس ما ح اقول ليك اقل بكم. :) |
مسأله في الرياضيات ...؟؟؟
مسز اسمارت ...
نسيت حاجه ... المرأه العاملة مفروض تطرح 5 سنين من السن القانوني للفكس و ابوفاس
يعني مفروض تكوني بديتي المراسلات مع ناس السعودية ...
ابوفاس ده الا السعودية و ما جاورها ....
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: كمال سالم)
|
| Quote: إذا كانت رائحة الفكس المنبعثة من زوجة (مريضة) هي عذر ل(طيارة عين) الزوج |
ما قريتي بين السطور يا سلمي ...
القصة ما بس الفيكس و ابوفاس ...
ال package كلها ... دفعته .. و كده ...
بعدين الرجل البسف و بيدخن ده ... العروس اخدته من يومه كده ...
عارفاهو حُقتو في جيبو و علبة البنسون كانت بتغني ليها ... ( البنسون حسابو علي ) ...
لكن هو ( العوير ) لما كيّسها في الجامعه ... وتوجوا الحب الخرافي بالعرس ...
ما قايل القصة حتصل لحد الاسنافيك ... ولكنها المقادير ....
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: يحي قباني)
|
الحبيب د. حيدر بدوي صادق ( زميلنا في المنبر)
وزوجته الأخت الحبيبة أسماء
من ألطف البشر الذين يمكن أن تصادقهم أو تجالسهم
يمتاز حيدر ( ضمن حاجات كتيرة ) بـ شوتاته الضفارية التي تجعل جميع من الجلسة يتضايرون
كنا في جلسة أسر صديقة ذات مساء
تفرع الحديث لأحد معارفنا الذين تزوج حديثاً ( للمرة الثانية ) فتساءل د. حيدر ببراءة مطلقاً قنبلته
" هو الزوول دا إتزوج تاني مالو ؟؟ مرتو عدت التلاتين ولا شنو ؟؟ "
ضحك الرجال ( سراً ) وخبثاً و ( تضايرت ) النساء
الوحيدة التي كانت ( تقهقه ) كانت زوجته أسماء التي أردفت
" ياخوي كان التلاتين دي ياها السبب البرر ليهو عندك ، إنت زاااتك أمش حصلو ، أنا عديت التلاتين دي من زمااااان "
_____________________
سلامات يا دفعة
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: يحي قباني)
|
| Quote: ما قريتي بين السطور يا سلمي ... |
قريت
لكن إستفزتني فكرة أنو دة ممكن يكون عذر لطيارة العين
العينه طايرة ما بحتاج لعذر
Quote: لكن هو ( العوير ) لما كيّسها في الجامعه ... وتوجوا الحب الخرافي بالعرس ...
ما قايل القصة حتصل لحد الاسنافيك ... ولكنها المقادير .... |
يا راجل !!!
حب خرافي عديل كدة !!!
حب خرافي تجهجهُ ريحة فكس_ بكل ما تحملهُ هذه الرائحة من دلالات !!!
الحب دة غيروه !!!
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: عاطف عمر)
|
صديقي - المهندس الميكانيكي - ( س ) رجل نادر المثال
أفنى سنوات عزيزة من شبابه متحملاً مسؤولية أسرته وتعليم أشقائه
لم ( يتذكر ) موضوع الزواج إلا بعد أن شارف الخامسة والأربعين من عمره
قلت له مداعباً ذات يوم من أيام زواجه
" بختك يا عم - الصبر جبر - إنت ح تتزوج من موديلات 2005 مش زينا نحنا إتزوجنا من موديلات الثمانينات "
تزوج الرجل زواج ( مرتب )
وبعد حضور الزوجة وشوية تعارف ،
بتعرفي فلانة ؟؟
أيوا بعرفا كانت الدفعة القدامنا في الثانوي العام
طيب بتعرفي فلانة ؟؟
أيوا بعرفا دي برضها كانت الدفعة القدام القدامنا في الثانوي العالي
وهكذا
وصاحبنا ( الذي يعرف فلانة وفلانة ) يشيل ويحسب ..
يجمع ويطرح
يطرح ويجمع إلى أن وصل للعمر ( الحقيقي ) لبعلته العروسة
إتصل على ذات يوم
" تقول لى موديل 2005 ؟؟ وحياتك لقيت ليك العروس زى ناسكم موديل الثمانينات لكن بس ( مصدرة ) في 2005 "
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: يحي قباني)
|
| Quote: " تقول لى موديل 2005 ؟؟ وحياتك لقيت ليك العروس زى ناسكم موديل الثمانينات لكن بس ( مصدرة ) في 2005 |
الحق عليكم يا دفعه ...
ما نورتو الراجل ...دايرين تشمتو فوقه ...
تعرف يا عاطف ...زمان محمود يس
كان عندو فلم بيقول فيهو بعد ما يسكر شديد كده و الظاهر كان الفكس في اعلي درجاته ...
يفول :
" انا زعلان من كل الرجال ...
زعلان من الاتزوجوا قبلي و ما قالوليش ...
و من الاتزوجوا بعدي ... وما سالونيش " ...
| |
|
|
|
|
|
|
|
|
 Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: محمد عوض السيد)
|
سلامات يحيي وضيوفو وضيفاته الما أظن ريحة فيكس حتجي منهن..
النديك النجيضة زي ما بيقولو.. الرجال البيعرًسو النسوان الأصغر منهم في العمر.. بيقصر عمرهم. والعكس صحيح.. لو النسوان عرًسن رجال أصغر منهن عمرهن وعمر العريس بيزيد.. والعهدة على المطربة صباح وجنيفر لوبيز.. لووووووول
ــــ
هو غير الواحدة تكون مع راجل ملجًن هو زاتو البيخليها تستعمل الفيكس شنو.. عليك الله خلي الطبق مستور.
نفسي أعرف ثقة الرجال في نفسهم دي جاية من وين؟!!!
الراجل أول ما يعدًي التمانية وعشرين المفروض يسكت بس. قال فيكس قال
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: Raja)
|
| Quote: الراجل أول ما يعدًي التمانية وعشرين المفروض يسكت بس. قال فيكس قال |
اهااااا اشمعني 28
مره قاعدين يا رجاء مع واحد صاحبنا
اخوهو الاكبر منو عمره عمره 66 سنه وقتها
وكان قاعد معانا ...
والقصة كانت عمر الزوج و عمر الزوجة ...
قال ما تتفلسفو ...
الرجل اصلو مراحل ...
في التلاتينات شباب و قوة ...
وفي الخمسين ... خلاص يبدا العد التنازلي ...
واول ما يصل سن ال 66 خلاص موضوعه انتهي ...
( حِبَيْبِي ال 66 حقتو زاااتها ) ...
اها 66 حقتو دي زى 28 حقتك ...
يلا اشرحي لينا اشمعني 28 ؟؟؟
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: يحي قباني)
|
| Quote: يلا اشرحي لينا اشمعني 28 ؟؟؟ |
Oooh, well...
صراحة أخدتا لاعبين الكورة مقياس. شفت ليك لعيبة بعد العمر ده عمًرو؟ إلا إستثناء (ناس ميلا والعجب حبيبي)
تعرف شنو؟ الحاجات البستعملها المرأة - إن وجدت - ريحتها فايحة، فيكس، ابو فاس.... يعني ما بتخجل منها. الدور والباقي على نصها التاني البيستخدم لبن العصفور عشان يبقى شباب وما بتتكتشف الحاجة دي إلا عند الطوارئ لما تجيهو أزمة قلبية
| |
|
|
|
|
|
|
|
|
|
Re: المرأه من مرحلة (الطِيبْ و الِعطِر) الي مرحلة (الفِكس و أبوفاس) . (Re: يحي قباني)
|
Quote: امنتك البوست ده بالذات يا هندسة ...
ما يفلت .... |
ياخوي الكضب خيبة والأمانة حاااارة
بوستيك دا لو قلت ليك بقرب منو أكون كضبت عليك
الأيام دي أيام ( زعمطة )
والله البرالمة بى هناك لمو ليك في دينا خالد بـ ( طولة لسانها ) لحدي ما قالت الرووب
أى والله قالت الرووب الروووب صراحة كدا
ومجموعة تاني لمت ليك في حسين ملاسي ( بكل تاريخه ) لحدي ما طفش خلى ليهم البوست
تاكل نارك براك يا حبة
______________
نوم وتعال
تلقى رجاء ( وأخواتها ) في إنتظارك
| |
|
|
|
|
|
|
| |
يحي قباني
smart_ana2001
Balla Musa
كمال سالم
سلمى تاور
Rawia
عاطف عمر
Muna Khugali
محمد عوض السيد
Raja
Nagat Sid Ahmed Elshiekh
داليا حافظ
saidahmed shami
فيس بوك
تويتر
انستقرام
يوتيوب
بنتيريست