يا لفشل المُعارضة بكل مسمياتها- في القرن 21 وبدون قناة فضائية أو إذاعة

Quote: معارضة شنو يا عاطف الموضوع دا مستحمي من بدري.. تاعب نفسك و بتنفخ في قربة مقدودة

Quote: كلام سليم يا عاطف المصريين تقريبا كل حزب عندو قناة أو على الأقل برامج في قناة ولا جهة بعينها تحتكر الإعلام عندهم و المعارضة السورية نجحت في ايصال صوتها عبر اليوتيوب و المساحات المتوفرة في قنوات الدول الأخرى حتى وقفوا على رجليهم وعملوا قنواتهم لكن الوضع في السودان أكثر تعقيدا و يحتاج عمل جاد و المعارضة تحاول تتفق على حد أدنى على الأقل حتى ينجح عمل اعلامي مشترك

(عدل بواسطة عاطف مكاوى on 02-01-2013, 09:27 AM)

Quote: سلام ياعاطف وتحيات كلام تمام ياعاطف بس معارضتنا لسه ماحسمت امرها علشان تتفق على الحد الادنى الذي ذكره اخونا محمد البشرى .. قبال فترة فى الراكوبة كانت هنالك دعوة من الكاتب الاخ معاوية يس ان لم تخني الذاكرة وماعارفه لسه متحمس للفكرة ولا أحبط وراحت المحاولة شمار في مرقة ... والمؤسف بعد كل هذه الاعوام العجاف مازالت المعارضة في المربع الاول وكلنا واقفين في نفس المربع ودونك وثيقة الفجر الجديد بتاعت كمبالا ديك شفت كيفن كان التحضير ليها فطير وهاك يا تملص منها وكل حزب إما يقول الزول الحضر اللقاء ووقع لم يكن مفوض من الحزب للتوقيع وحزب تاني بيقول لينا انه لديه اعتراض على بنود كثيرة في الوثيقة وخرابيط زي دي توضح بجلاء ان التحضير للقاء كمبالا كان فطير ولم يكن هنالك اتفاق تام لا على الاجندة او المطلوب من اللقاء شنو ؟؟؟ وقس على ذلك موضوع فضائية ناطقة باسم المعارضة فاحزابنا الهمامة عشان تتفق فقط على قيامها دايرة ليها تاني 24 سنة والتمويل من وين برضه عاوز ليه سنين عددا وهاك يا دافوري .. انا دايماً عندي فرمالة ماسك فيها قوي يا عاطف يا اخوي وهي ان احزابنا العتيقة دي التي تورث قيادتها او تدار بمفهوم العزبة الخاصة لن تنجح في الاتفاق قريباً ففيها عوار وخلل بائن فلو تتغير هي فلا امل من تغيير تقوده وما فيش اي امل في ان تتفق بصورة جادة على اي حاجة .. الامل معقود على الشباب واخص بيهم الناس المابين (30-40 سنة) سواء كانوا في قرفنا او اي غيرها فهم يمكن ان يقودوا التغيير بعيدا عن الديناصورات غير كده مافيش امل في اي حاجة على ما اعتقد. ودمت

Quote: كفى ان هناك من يحمل هم الوطن بين جنباته ويعمل بلا كلل أو ملل من أجل التغيير ... والكلام ده ياعاطف بقصدك بيهو ... فقد عرفت روحك المناضله وجديه أطروحاتك من زماااااان ..اجترامى